13-Dec-2019 (Fri)
 
 
 
കട്ടിപ്പാറ: കാക്കണഞ്ചേരി ആദിവാസി കോളനിയില്‍ യുവാവിനെ മരിച്ച നിലയില്‍ കണ്ടെത്തി. രാജഗോപാലന്റെയും ലീലയുടെയും മകന്‍ രോണു(19)നെയാണ് മരിച്ച നിലയില്‍ കണ്ടെത്തിയത്. വ്യാഴാഴ്ച രാത്രി 10 മണിയോടെ ശബ്ദം കേട്ടതിനെ തുടര്‍ന്ന് മതാപിതാക്കള്‍ നടത്തിയ തെരച്ചിലിനിടയിലാണ് വീടിനു പുറകുവശത്തായി പറമ്പില്‍ രോണുവിനെ മരിച്ച നിലയില്‍ കണ്ടത്. രാത്രി 12 മണിയോടെ താമരശ്ശേരി സി ഐ. ടി എ അഗസ്റ്റിന്‍, എസ് ഐമാരായ സനല്‍ രാജ്, ബാബുരാജ് എന്നിവരുടെ നേതൃത്വത്തില്‍ പോലീസ് സ്ഥലത്തെത്തി പോലീസ് കാവല്‍ ഏര്‍പ്പെടുത്തി. രാവിലെ ഇന്‍ക്വസ്റ്റ് നടത്തിയ ശേഷം മൃതദേഹം കോഴിക്കോട് മെഡിക്കല്‍ കോളേജ് മോര്‍ച്ചറിയിലേക്ക് മാറ്റി.
താമരശ്ശേരി: ഗതാഗത നിയമലംഘനങ്ങള്‍ക്കെതിരെ നടപടി ശക്കതമാക്കി മോട്ടോര്‍ വാഹന വകുപ്പ്. താമരശ്ശേരി മേഖലയില്‍ ഒരു ദിവസം നടത്തിയ പരിശോധനയില്‍ 65 പേരില്‍ നിന്നായി അരലക്ഷത്തോളം രൂപ പിഴ ഈടാക്കി. കോഴിക്കോട് എന്‍ഫോഴ്‌സ്‌മെന്റ് മോട്ടോര്‍ വെഹിക്കിള്‍ ഇന്‍സ്‌പെക്ടര്‍ സി പി ഷബീര്‍ മുഹമ്മദിന്റെ നേതൃത്വത്തിലുള്ള സംഘം മൂന്ന് സ്‌ക്വാഡുകളായാണ് പരിശോധന നടത്തിയത്. ഏതാനും മണിക്കൂറുകള്‍ക്കിടെയാണ് 65 നിയമലംഘനങ്ങള്‍ പിടികൂടിയത്. ഇതില്‍ 25 കേസുകള്‍ ഹെല്‍മെറ്റ് ധരിക്കാതെ ബൈക്കോടിച്ചതാണ്.
താമരശ്ശേരി: വനപ്രദേശത്തെ വാറ്റു കേന്ദ്രത്തില്‍ താമരശ്ശേരി എക്‌സൈസ് നടത്തിയ പരിശോധനയില്‍ 530 ലിറ്റര്‍ വാഷ് പിടിച്ചെടുത്ത് നശിപ്പിച്ചു. കാന്തലാട് തെങ്ങിന്‍കുന്ന് ഭാഗത്ത് വന്‍ തോതില്‍ വ്യാജ വാറ്റ് നടക്കുന്നതായും വിവിധ പ്രദേശങ്ങളിലേക്ക് ഇവിടെ നിന്നും ചാരായം എത്തിക്കുന്നതായുമുള്ള രഹസ്യ വിവരത്തെ തുടര്‍ന്നാണ് താമരശ്ശേരി എക്‌സൈസ് റെയ്ഞ്ച് സംഘം പരിശോധനക്കെത്തിയത്. ഊടുവഴികളിലൂടെ എക്‌സൈസ് സംഘം വന പ്രദേശത്ത് എത്തുമ്പോഴേക്കും വാറ്റുകാര്‍ രക്ഷപ്പെട്ടിരുന്നു.
കൊടുവള്ളി: കൊടുവള്ളി ഗവ. ഹയര്‍ സെക്കന്ററി സ്‌കൂള്‍ അവാര്‍ഡിന്റെ നിറവില്‍. സ്‌കൂളിലെ മൂന്ന് വിദ്യാര്‍ഥികള്‍ക്ക് ഇന്‍സ്പയര്‍ അവാര്‍ഡ് ലഭിച്ചു. കെ മുഹമ്മദ് സിനാന്‍ (പത്താം ക്ലാസ്), സാബിത്ത് ബിന്‍ കബീര്‍ (ഒന്‍പതാം ക്ലാസ് ), കെ സിയ (ഏഴാം ക്ലാസ്) എന്നിവരാണ് കേന്ദ്ര സര്‍ക്കാറിന്റെ ഡിപ്പാര്‍ട്ട്‌മെന്റ് ഓഫ് സയന്‍സ് ആന്‍ഡ് ടെക്‌നോളജി നല്‍കി വരുന്ന ഇന്‍സ്പയര്‍ അവാര്‍ഡിന് അര്‍ഹരായത്. ശാസ്ത്ര പ്രതിഭകള്‍ക്കായി നല്‍കി വരുന്ന ഈ അവാര്‍ഡിന് 10,000 രൂപയാണ് സ്‌കോളര്‍ഷിപ്പ്. ഡിസംബര്‍ 21ന് തൃശൂരില്‍ നടക്കുന്ന സോണല്‍ മത്സരത്തില്‍ വിദ്യാര്‍ഥികള്‍ അവരുടെ പ്രൊജക്റ്റുകള്‍ അവതരിപ്പിക്കും. കൊടുവള്ളി ഉപ ജില്ലയില്‍ ഈ നേട്ടം കൈവരിക്കുന്ന ഏക വിദ്യാലയമാണ് കൊടുവള്ളി ഗവ. ഹയര്‍ സെക്കന്ററി സ്‌കൂള്‍. കേന്ദ്ര സര്‍ക്കാറിന്റെ നീതി അയോഗിന്റെ കീഴില്‍ അടല്‍ ടിങ്കറിങ് ലാബ
                    
കൊടുവള്ളി: കേരളത്തില്‍ വേരോട്ടമില്ലാത്ത റഗ്ബി ബോളിനെ ജനകീയമാക്കാനൊരുങ്ങി കോഴിക്കോട് ജില്ലാ റഗ്ബി അസ്സോസിയേഷന്‍. വിദ്യാര്‍ത്ഥികളെ റഗ്ബി ബോളിലേക്ക് ആകര്‍ഷിക്കാന്‍ നാട്ടിന്‍ പുറങ്ങളില്‍ പരിശീലനങ്ങളും മത്സരങ്ങളും സംഘടിപ്പിക്കാനാണ് തീരുമാനം. റഗ്ബി ബോള്‍ കേരളത്തിലെത്തിയിട്ട് 16 വര്‍ഷമായെങ്കിലും സര്‍ക്കാറിന്റെ അംഗീകാരം ലഭിക്കുന്നത് അടുത്തിടെയാണ്. മറ്റു ബോളുകളില്‍ നിന്നും വ്യത്യസ്ഥ ആകൃതിയിലുള്ള ബോളാണ് ഇതിന്നായി ഉപയോഗിക്കുന്നത്. ഏഴ് അംഗങ്ങളുള്ള രണ്ട് ടീമുകളാണ് കളത്തിലിറങ്ങുന്നത്.
 
 
 

All rights reserved | Website developed and maintained by Zyonz Technologies