13-Dec-2018 (Thu)
 
 
 
1 2 3 4 5 6 7 8 9 10 11 12 13 14 15 16 17 18 19
 
കോഴിക്കോട് കര്‍ഷക പരിശീലന കേന്ദ്രത്തിന്റെ നേതൃത്വത്തില്‍ ഈ മാസം അഞ്ച്, ആറ്, ഏഴ് തിയതികളില്‍ കൂണ്‍ കൃഷിയില്‍ 30 കര്‍ഷകര്‍ക്ക് സൗജന്യമായി ത്രിദിന പരിശീലനം രാവിലെ 10 മുതല്‍ 5 വരെ നല്‍കും. താല്‍പര്യമുള്ള കര്‍ഷകര്‍ പേര് രജിസ്റ്റര്‍ ചെയ്യണം. മുന്‍പ് പരിശീലനം ലഭിച്ചവര്‍ക്ക് രജിസ്‌ട്രേഷന്‍ അനുവദിക്കില്ല. മുന്‍ഗണന അടിസ്ഥാനത്തിലാണ് കര്‍ഷകരെ തിരഞ്ഞെടുക്കുന്നത്. ഫോണ്‍: 04952373582.
 
കോഴിക്കോട്: നവംബര്‍ മാസത്തിലെ റേഷന്‍ സാധനങ്ങള്‍ ഡിസംബര്‍ അഞ്ച് വരെ റേഷന്‍ കടകളില്‍ നിന്നും ലഭിക്കുമെന്ന് ജില്ലാ സപ്ലൈ ഓഫീസര്‍ അറിയിച്ചു.
 
കോഴിക്കോട്: ഡിസംബര്‍ അഞ്ച് മുതല്‍ 18 വരെ സംസ്ഥാനതലത്തില്‍ നടപ്പിലാക്കുന്ന ലെപ്രസി ഡിറ്റക്ഷന്‍ കാമ്പയിന്‍ (അശ്വമേധം) പരിപാടിയുടെ ഭാഗമായി ഗൃഹസന്ദര്‍ശനം നടത്തുന്നതിന് സൗജന്യമായി സേവനം ചെയ്യാന്‍ തയ്യാറുളള പുരുഷ വളണ്ടിയര്‍മാരില്‍ നിന്ന് അപേക്ഷ ക്ഷണിച്ചു. താല്‍പര്യമുളളവര്‍ അതാത് പഞ്ചായത്തുകളിലെ പ്രാഥമികാരോഗ്യകേന്ദ്രത്തില്‍ പേര് രജിസ്റ്റര്‍ ചെയ്യണമെന്ന് ജില്ലാ മെഡിക്കല്‍ ഓഫീസര്‍ (ആരോഗ്യം) ഫോണ്‍: 0495 2370494.
 
കോഴിക്കോട്: റിപ്പബ്ലിക്ക് ദിനാഘോഷത്തോടനുബന്ധിച്ച് നെഹ്‌റു യുവകേന്ദ്ര യുവതീ യുവാക്കള്‍ക്കായി ജില്ലാതലത്തില്‍ സംഘടിപ്പിക്കുന്ന പ്രസംഗ മത്സരം ഡിസംബര്‍ മൂന്നിന് കോഴിക്കോട് കലക്ടറേറ്റ് കോണ്‍ഫറന്‍സ് ഹാളില്‍ നടക്കും. ദേശ സ്‌നേഹവും രാഷ്ട്ര പുനര്‍നിര്‍മ്മാണവും എന്ന വിഷയത്തില്‍ ഇംഗ്ലീഷിലോ ഹിന്ദിയിലോ പത്ത് മിനുട്ട് വരെയാകാം പ്രസംഗം. 18 നും 29നും മധ്യേ പ്രായമുള്ളവര്‍ക്ക് പങ്കെടുക്കാം. അപേക്ഷകര്‍ ജില്ലയിലെ സ്ഥിര താമസക്കാക്കാരോ ജില്ലയില്‍ അഞ്ചു വര്‍ഷമായി താമസിക്കുന്നവരോ ആയിരിക്കണം. ആദ്യത്തെ മൂന്നു സ്ഥാനക്കാര്‍ക്ക് ക്യാഷ് അവാര്‍ഡും സര്‍ടിഫിക്കറ്റും ലഭിക്കും. പങ്കെടുക്കാന്‍ താല്‍പര്യമുള്ളവര്‍ പ്രത്യേക മാതൃകയിലുള്ള അപേക്ഷാ ഫോറം വയസ്സ്, താമസ സ്ഥലം, എന്നിവ തെളിയിക്കുന്നതിനുള്ള സര്‍ട്ടിഫിക്കറ്റിന്റെ കോപ്പി സഹിതം നവംബര്‍ 30 നകം സമര്‍പ്പിക്കണം. ഫോണ്‍: 04952371891, 9539529959. അപേക്ഷാ ഫോം dyc.kozhikode@gmail.com എന്ന ഇമെയിലില്‍ നിന്നും ലഭിക്കും.
 
കോഴിക്കോട്: 2017 ലെ രാജീവ് ഗാന്ധി സംസ്ഥാന ഉപഭോക്തൃ അവാര്‍ഡിന് അപേക്ഷ ക്ഷണിച്ചു. സംസ്ഥാനത്ത് രജിസ്റ്റര്‍ ചെയ്ത് പ്രവര്‍ത്തിക്കുന്ന ഉപഭോക്തൃ സംരക്ഷണ രംഗത്ത് ശ്രദ്ധേയമായ പ്രവര്‍ത്തനങ്ങള്‍ നടത്തുകയും മൂന്ന് വര്‍ഷത്തെ പ്രവൃത്തി പരിചയവുമുള്ള സംഘടനകള്‍ക്ക് അപേക്ഷിക്കാം. അപേക്ഷകള്‍ ഡിസംബര്‍ 15ന് മുന്‍പ് സെക്രട്ടറി, ഉപഭോക്തൃകാര്യ വകുപ്പ്, ഗവണ്‍മെന്റ് സെക്രട്ടറിയേറ്റ്, തിരുവനന്തപുരം1 എന്ന വിലാസത്തില്‍ ലഭിക്കണം.
 
കോഴിക്കോട്: കര്‍ഷക പരിശീലന കേന്ദ്രത്തിന്റെ നേതൃത്വത്തില്‍ ഈ മാസം 27,28,29 തീയതികളില്‍ ജൈവകൃഷി എന്ന വിഷയത്തില്‍ 30 കര്‍ഷകര്‍ക്ക് സൗജന്യ പരിശീലനം നടത്തും. താല്‍പര്യമുളള കര്‍ഷകര്‍ രജിസ്റ്റര്‍ ചെയ്യണം. മുമ്പ് പരിശീലനം ലഭിച്ചവര്‍ക്ക് അവസരമുണ്ടാകില്ല. രാവിലെ 10 മുതല്‍ അഞ്ച് വരെ തുടര്‍ച്ചയായി ക്ലാസ് ഉണ്ടായിരിക്കും. മുന്‍ഗണന അടിസ്ഥാനത്തിലാണ് കര്‍ഷകരെ തെരഞ്ഞെടുക്കുക. ഫോണ്‍ 0495 2373582.
 
മാതൃശിശു സംരക്ഷണ കേന്ദ്രം ഗവ. മെഡിക്കല്‍ കോളജ് കോഴിക്കോട് ആര്‍ എസ് ബി വൈക്ക് കീഴില്‍ ഐ എം സി എച്ച് സൂപ്രണ്ട് ഓഫീസില്‍ ദിവസക്കൂലി അടിസ്ഥാനത്തില്‍ ഈ മാസം 23 ന് നടത്താനിരുന്ന സ്റ്റാഫ് നേഴ്സ് നിയമനം ചില സാങ്കേതിക കാരണങ്ങളാല്‍ മാറ്റിയതായി സൂപ്രണ്ട് അറിയിച്ചു.
 
കോഴിക്കോട്: 2018 ജൂലൈ അഞ്ചിന് കൊടിയത്തൂര്‍ പഞ്ചായത്ത് ഹാളില്‍ റേഷന്‍ കാര്‍ഡ് സംബന്ധമായി സ്വീകരിച്ച അപേക്ഷകളിന്‍മേല്‍ റേഷന്‍ കാര്‍ഡ്, സര്‍ട്ടിഫിക്കറ്റുകളുടെ വിതരണം ഈ മാസം 27 ന് കോഴിക്കോട് താലൂക്ക് സപ്ലൈ ഓഫീസില്‍ വിതരണം ചെയ്യും. അപേക്ഷകര്‍ അന്നേ ദിവസം ആധാര്‍ കാര്‍ഡ്, റേഷന്‍ കാര്‍ഡ്, റേഷന്‍ കാര്‍ഡിന്റെ / സര്‍ട്ടിഫിക്കറ്റിന്റെ വില സഹിതം ഹാജരാവണമെന്ന് കോഴിക്കോട് താലുക്ക് സപ്ലൈ ഓഫീസര്‍ അറിയിച്ചു.
 
കോഴിക്കോട്: കുടുംബശ്രീയുടെ പുത്തന്‍ കാല്‍വയ്പ്പായി കോര്‍പ്പറേഷന്‍ കുടുംബശ്രീ ആരംഭിക്കുന്ന ആദ്യ സ്ത്രീ സൗഹൃദ മഹിളാമാള്‍ ഈ മാസം 24 ന് രാവിലെ 11 മണിക്ക് വയനാട് റോഡില്‍ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. ചടങ്ങില്‍ ഫാമിലി കൗണ്‍സിലിങ് സെന്റര്‍ ഉദ്ഘാടനം മന്ത്രി കെ കെ ശൈലജ ടീച്ചറും മൈക്രോ ബസാര്‍ കിച്ചണ്‍ മാര്‍ട്ട് ഉദ്ഘാടനം മന്ത്രി എ സി മൊയ്തീനും നിര്‍വഹിക്കും. മിനി സൂപ്പര്‍ മാര്‍ക്കറ്റ് മന്ത്രി ടി പി രാമകൃഷ്ണനും കഫേ റസ്റ്റോറന്റ് മന്ത്രി എ കെ ശശീന്ദ്രനും ഉദ്ഘാടനം ചെയ്യും. ട്രെയിനിംഗ് സെന്റര്‍ ഉദ്ഘാടനം മന്ത്രി രാമചന്ദ്രന്‍ കടന്നപ്പള്ളി നിര്‍വഹിക്കും. ചടങ്ങില്‍ വെബ് സൈറ്റ് ലോഞ്ചിംഗ് ചലചിത്ര താരം സുരഭി ലക്ഷ്മി നിര്‍വഹിക്കും. ജില്ലയിലെ എം പി, എം എല്‍ എമാര്‍, ജില്ലാ പഞ്ചായത്ത് പ്രസിഡന്റ്, ജില്ലാ കലക്ടര്‍, വിവിധ വകുപ്പ് ഉദ്യോഗസ്ഥര്‍ എന്നിവര്‍ ചടങ്ങില്‍ പങ്കെടുക്കും. യൂണിറ്റി ഗ്രൂപ്പ് പ്രസിഡന്റ് കെ ബീന റിപ്പോര്‍ട്ട് അവതരിപ്പിക്കും. പ്രാദേശിക സാമ്പത്തിക വികസനവും സ്ത്രീ ശാക്തീകരണവും ലക്ഷ്യമാക്കി ഉത്പാദന വിപണന സാധ്യതകളെ പ്രയോജനപ്പെടുത്തിയാണ് സ്ത്രീ സൗഹൃദ മാള്‍ പ്രവര്‍ത്തനം തുടങ്ങുന്നത്.
 
എന്‍ എച്ച് 66 കോഴിക്കോട് ബൈപ്പാസില്‍ കോരപുഴ പാലത്തില്‍ അറ്റകുറ്റ പ്രവൃത്തി നടക്കുന്നതിനാല്‍ പ്രവൃത്തി പൂര്‍ത്തികരിക്കുന്നതുവരെ വാഹന ഗതാഗതം നിരോധിച്ചതായി എക്സിക്യൂട്ടീവ് എഞ്ചിനീയര്‍ അറിയിച്ചു.
 
1 2 3 4 5 6 7 8 9 10 11 12 13 14 15 16 17 18 19
 
 
 

All rights reserved | Website developed and maintained by Zyonz Technologies