18-Feb-2019 (Mon)
 
 
 
1 2 3 4 5 6 7 8 9 10 11 12 13 14 15 16 17 18 19 20
 
താമരശ്ശേരി: 2019 ലോകസഭാ തെരെഞ്ഞെടുപ്പിന് മുന്നോടിയായി തെരെഞ്ഞെടുപ്പുമായി ബന്ധപ്പെട്ട വോട്ടര്‍പട്ടികയില്‍ പേരു ചേര്‍ക്കല്‍, പട്ടികയിലെ തെറ്റുകള്‍ തിരുത്തല്‍, പട്ടികയില്‍ നിന്നും പേര് നീക്കം ചെയ്യല്‍, മറ്റ് സ്ഥലങ്ങളിലേക്ക് താമസം മാറിയതിനുളള അപേക്ഷകള്‍, പ്രവാസി വോട്ടുകള്‍ ചേര്‍ക്കല്‍ തുടങ്ങിയ അപേക്ഷകള്‍ തെറ്റുകൂടാതെ സമര്‍പ്പിക്കുന്നതിനും കേന്ദ്രതെരെഞ്ഞെടുപ്പു കമ്മീഷന്‍ തയ്യാറാക്കിയ പുതിയ വെബ്സൈറ്റായ www.nv--sp/in പരിചയപ്പെടുത്തുന്നതിനുമായി താമരശ്ശേരി താലൂക്ക് ഇലക്ഷന്‍ വിഭാഗത്തിന്റെ നേതൃത്വത്തില്‍ താമരശ്ശേരി താലൂക്കിന്റെ കീഴിലുളള അക്ഷയ കേന്ദ്രങ്ങള്‍ ഉള്‍പ്പെടെയുളള ഇ.സേവാ കേന്ദ്രത്തിലെ ജീവനക്കാര്‍ക്കും അംഗീകൃത രാഷ്ട്രീയ കക്ഷി പ്രതിനിധികള്‍ക്കുമായി താരമശ്ശേരി - രാജീവ് ഗാന്ധി ഓഡിറ്റോറിയത്തില്‍ പരിശീലന പരിപാടി സംഘടിപ്പിക്കും. ഒക്ടോബര്‍ ആറ് ഉച്ചയ്ക്ക് 2.30 മുതല്‍ അഞ്ച് മണിവരെയാണ് പരിശീലന പരിപാടി. താമരശ്ശേരി താലൂക്കിലെ മുഴുവന്‍ അക്ഷയ/ഇ.സേവ കേന്ദ്രങ്ങളുടെയും പ്രതിനിധികളും അംഗീകൃത രാഷ്ട്രീയകക്ഷി പ്രതിനിധികളും പങ്കെടുക്കണമെന്ന് താമരശ്ശേരി താലൂക്ക് തഹസില്‍ദാര്‍ അറിയിച്ചു.
 
കുന്ദമംഗലം ഗവ ആര്‍ട്സ് ആന്റ് സയന്‍സ് കോളേജ് കെട്ടിടോദ്ഘാടനം ഒക്ടോബര്‍ 8 ന് രാവിലെ 10.30 ന് ഉന്നത വിദ്യാഭ്യാസ വകുപ്പ് മന്ത്രി കെ ടി ജലീല്‍ നിര്‍വഹിക്കും. അഡ്വ. പി ടി എ റഹീം എം എല്‍ എ അധ്യക്ഷത വഹിക്കും. കോളേജിന്റെ നിര്‍മാണ പ്രക്രിയയില്‍ സഹകരിച്ച തദ്ദേശ സ്ഥാപനങ്ങളെ ചടങ്ങില്‍ ആദരിക്കും. ചാത്തമംഗലം ഗ്രാമപഞ്ചായത്ത് ഏറ്റെടുത്ത് നടത്തിയ അഞ്ച് ഏക്കര്‍ 10സെന്റ് ഭൂമിയില്‍ എം എല്‍ എയുടെ ആസ്തി വികസന ഫണ്ടില്‍ നിന്ന് 3.34 കോടി രൂപ വിനിയോഗിച്ചാണ് കെട്ടിടത്തിന്റെ നിര്‍മാണം പൂര്‍ത്തിയാക്കിയത്.
 
സംസ്ഥാന വ്യവസായ വാണിജ്യ വകുപ്പിന്റെ കീഴില്‍ മഞ്ചേരി, പയ്യനാടുളള കോമണ്‍ ഫെസിലിറ്റി സര്‍വ്വീസ് സെന്ററില്‍ റബ്ബര്‍ പാലില്‍ നിന്നും ഡ്രൈ റബ്ബറില്‍ നിന്നും ഉല്‍പന്നങ്ങള്‍ നിര്‍മ്മിച്ച് റബ്ബറധിഷ്ഠിത വ്യവസായങ്ങള്‍ തുടങ്ങുന്നതിന് താല്‍പര്യമുളളവര്‍ക്കുവേണ്ടി മൂന്ന് ദിവസത്തെ പ്രായോഗിക പരിശീലനം നടത്തുന്നു. ഒക്ടോബര്‍ നാല്, അഞ്ച്, ആറ് തിയതികളിലായി മഞ്ചേരി പയ്യനാട് കോമണ്‍ ഫെസിലിറ്റി സര്‍വ്വീസ് സെന്ററിലാണ് പരിശീലനം. കൂടുതല്‍ വിവരങ്ങള്‍ക്ക് അസിസ്റ്റന്റ് ഡയറക്ടര്‍, കോമണ്‍ ഫെസിലിറ്റി സര്‍വ്വീസ് സെന്റര്‍, പയ്യനാട് (പി.ഒ), മഞ്ചേരി, മലപ്പുറം, പിന്‍ 676122. ഫോണ്‍ : 0483 2768507. ഫോര്‍മാന്‍ (റബ്ബര്‍) 9846797000, ഫോര്‍മാന്‍ (ടൂള്‍ റൂം) 8547699185.
 
പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി മികവിന്റെ കേന്ദ്രമായി തെരഞ്ഞെടുക്കപ്പെട്ട ചാത്തമംഗലം ആര്‍ഇസി ജി വി എച്ച് എസ് എസ് കെട്ടിട നിര്‍മാണ പ്രവൃത്തികളുടെ ഉദ്ഘാടനം 8 ന് രാവിലെ 11 മണിക്ക് മന്ത്രി കെ ടി ജലീല്‍ നിര്‍വഹിക്കും. 1.8 കോടി രൂപ വിനിയോഗിച്ച് നിര്‍മിച്ച കെട്ടിടവും 6.25 കോടി രൂപ ഉപയോഗിച്ച് നിര്‍മാണം ആരംഭിക്കുന്ന കെട്ടിടത്തിന്റെ പ്രവൃത്തി ഉദ്ഘാടനവുമാണ് മന്ത്രി നിര്‍വഹിക്കുക. വിവിധ മേഖലകളില്‍ കഴിവ് തെളിയിച്ചവരെയും ചടങ്ങില്‍ ആദരിക്കും.
 
പുതിയറ: പുതിയറയിലെ ന്യൂനപക്ഷ യുവജന പരിശീലന കേന്ദ്രത്തില്‍ (സി സി എം വൈ) കെ ടെറ്റ് പരീക്ഷക്ക് വേണ്ടിയുള്ള തീവ്രപരിശീലന ഹ്രസ്വകാല കോഴ്സിന് രജിസ്റ്റര്‍ ചെയ്ത ഉദ്യോഗാര്‍ത്ഥികള്‍ ഈ മാസം എട്ടിന് രാവിലെ 10 മണിക്ക് ആവശ്യമായ സര്‍ട്ടിഫിക്കറ്റുകളും ഒരു പാസ്പോര്‍ട്ട് സൈസ് ഫോട്ടോയും സഹിതം ഓഫീസില്‍ എത്തണം. അന്നേ ദിവസം ക്ലാസ്സുകള്‍ ആരംഭിക്കും.
 
കോഴിക്കോട്: പ്രളയക്കെടുതിയില്‍ നാശനഷ്ടങ്ങള്‍ സംഭവിച്ച മൈക്രോ സ്മാള്‍ മീഡിയം എന്റര്‍പ്രൈസ് യൂണിറ്റുകളുടെ നഷ്ടങ്ങളുടെ കണക്ക് വ്യവസായ വാണിജ്യ വകുപ്പ് ശേഖരിക്കുന്നു. കോഴിക്കോട് ജില്ലയിലെ നാശനഷ്ട കണക്കുകള്‍ സംബന്ധിച്ച വിവരങ്ങള്‍ അറിയിക്കുന്നതിന് അതാത് യൂണിറ്റ് ഉടമകള്‍ കോഴിക്കോട് താലൂക്ക്, കൊയിലാണ്ടി താലൂക്ക്, വടകര താലൂക്ക് വ്യവസായ ഓഫീസുകളുമായി ഒക്ടോബര്‍ ആറിനകം ബന്ധപ്പെടണം.
 
കോഴിക്കോട്: ജില്ലയില്‍ 2015 -16 വര്‍ഷം മുതല്‍ മൃഗസംരക്ഷണ മേഖലയുമായി ബന്ധപ്പെട്ട സംരഭങ്ങള്‍ക്ക് ദേശസാല്‍കൃത ബാങ്കുകളില്‍ നിന്നോ, സഹകരണ ബാങ്കുകളില്‍ നിന്നോ വായ്പയെടുത്ത് യഥാ സമയം തിരിച്ചടവ് നടത്തിവരുന്ന കര്‍ഷകര്‍ക്ക് പലിശയിനത്തില്‍ പരമാവധി 5000 രൂപ വരെ സബ്സിഡി നല്‍കുന്നു. താല്‍പര്യമുള്ള കര്‍ഷകര്‍ തൊട്ടടുത്ത മൃഗാശുപത്രിയുമായി ബന്ധപ്പെട്ട് നിശ്ചിത മാതൃകയിലുള്ള അപേക്ഷാഫോറത്തില്‍ അപേക്ഷ സമര്‍പ്പിക്കേണ്ടതാണ്. അവസാന തിയ്യതി ഈ മാസം 15.
 
കോഴിക്കോട്: കര്‍ഷക പരിശീലന കേന്ദ്രത്തിന്റെ നേതൃത്വത്തില്‍ ഈ മാസം 4,5,6 തിയ്യതികളില്‍ സമ്മിശ്ര കൃഷിരീതികള്‍ എന്ന വിഷയത്തില്‍ 30 കര്‍ഷകര്‍ക്ക് പരിശീലനം നല്‍കും. താല്‍പര്യമുള്ള കര്‍ഷകര്‍ക്ക് പേര് രജിസ്റ്റര്‍ ചെയ്യാം. മുന്‍പ് പരിശീലനം ലഭിച്ചവര്‍ അപേക്ഷിക്കേണ്ടതില്ല. ഫോണ്‍ നമ്പര്‍-0495-2373582.
 
കോഴിക്കോട്: ജില്ലാ ആയുര്‍വേദ ആശുപത്രിയിലെ യോഗ-പ്രകൃതി ചികിത്സാ യൂണിറ്റിന്റെ 2018-19 വര്‍ഷത്തെ പ്രവര്‍ത്തനം പുനരാരംഭിച്ചു. രാവിലെ ഏഴ് മണി മുതല്‍ എട്ട് മണി വരെ ജനറല്‍ യോഗ, എട്ട് മണി മുതല്‍ ഒന്‍പത് മണി വരെ സ്പെഷ്യല്‍ യോഗ, ഞായറാഴ്ച ദിവസങ്ങളില്‍ രാവിലെ 10 മണി മുതല്‍ 11 മണി വരെ കുട്ടികള്‍ക്ക് (12 വയസ്സിനും 16 വയസ്സിനും ഇടയില്‍) യോഗ ക്ലാസ്സ് എന്നിങ്ങനെയായിരിക്കും പ്രവര്‍ത്തനം. പരിശീലനം സൗജന്യമായിരിക്കും. ഫോണ്‍- 8075258044
 
താമരശ്ശേരി താലൂക്ക് ആശുപത്രിയില്‍ ചികിത്സയിലുള്ള ഒരു സ്ത്രീക്ക് അത്യാവശ്യമായി O -ve രക്തം വേണം. നല്‍കാന്‍ തയ്യാറുള്ളവര്‍ വിളിക്കുക. 8086298711, 8086329838
 
1 2 3 4 5 6 7 8 9 10 11 12 13 14 15 16 17 18 19 20
 
 
 

All rights reserved | Website developed and maintained by Zyonz Technologies