18-Oct-2018 (Thu)
വ്യാഴാഴ്ച സംസ്ഥാനത്ത് ഹര്‍ത്താല്‍; ബി ജെ പി പിന്തുണ പോലീസിനെ വെട്ടിച്ച് കടന്ന പീഡന കേസ് പ്രതി അറസ്റ്റില്‍; മാതാപിതാക്കള്‍ ഉള്‍പ്പെടെ അഞ്ചുപേര്‍ റിമാണ്ടില്‍ അനര്‍ഹരായ കാര്‍ഡുടമകള്‍ പൊതുവിഭാഗത്തിലേക്ക് മാറ്റണം ബാലാവകാശ സംരക്ഷണ സമിതികളുടെ ശാക്തീകരണത്തിന് ശില്‍പ്പശാല നടത്തും പോലീസിനെ വെട്ടിച്ച് കടന്ന പീഡന കേസ് പ്രതിയെ കണ്ടെത്താനായില്ല പ്രളയക്കെടുതി: വ്യവസായ വാണിജ്യ സ്ഥാപനങ്ങളുടെ നഷ്ടകണക്കെടുക്കുന്നു റഫാല്‍ കരാര്‍ അഴിമതി; സംയുക്ത പാര്‍ലമെന്റ് കമ്മറ്റി അന്വേഷണം അവശ്യപ്പെട്ട് യൂത്ത് കോണ്‍ഗ്രസ് പോസ്റ്റ് ഓഫീസ് പിക്കറ്റിംഗ് നടത്തി അഞ്ച് ലിറ്റര്‍ ചാരായവുമായി കോടഞ്ചേരി സ്വദേശി പിടിയില്‍ പുതുപ്പാടി ഗ്രാമപഞ്ചായത്ത് ഓഫീസിലേക്ക് എല്‍ ഡി എഫ് മാര്‍ച്ച്
 
 
 
1 2 3 4 5 6 7 8 9 10 11 12
 
കോഴിക്കോട്: കേരള ലളിതകലാ അക്കാദമിയുടെ കോഴിക്കോട് ആര്‍ട്ട് ഗ്യാലറിയില്‍ ഈ മാസം 13 മുതല്‍ 19 വരെ അണ്‍കണ്‍സീല്‍മെന്റ് എന്ന പേരില്‍ സംഘചിത്ര പ്രദര്‍ശനം നടത്തും. മനോജ് നാരായണന്‍, സാജു അയ്യംപിള്ളി, രഞ്ജിത് ലാല്‍, വേണു ആര്‍ എന്നിവര്‍ ചേര്‍ന്ന് നടത്തുന്ന പ്രദര്‍ശനത്തിന്റെ ഉദ്ഘാടനം 13 ന് വൈകീട്ട് 4 മണിക്ക് നോവലിസ്റ്റ് സുഭാഷ് ചന്ദ്രന്‍ ഉദ്ഘാടനം ചെയ്യും. സെക്രട്ടറി പൊന്ന്യം ചന്ദ്രന്‍ അധ്യക്ഷത വഹിക്കും.
 
മടപ്പള്ളി ഗവ. വൊക്കേഷണല്‍ ഹയര്‍സെക്കണ്ടറി സ്‌കൂളില്‍ ഡിപ്പാര്‍ട്ട്മെന്റ് ഫണ്ട് ഉപയോഗിച്ച് പുതുതായി പണികഴിപ്പിച്ച അക്കാദമിക് ബ്ലോക്കിന്റെ ഉദ്ഘാടനം ഒക്ടോബര്‍ 11 വൈകീട്ട് 3 ന്് സി കെ നാണു എം എല്‍ എ നിര്‍വ്വഹിക്കും. ജില്ലാപഞ്ചായത്ത് ഫണ്ട് ഉപയോഗിച്ച് നിര്‍മ്മിച്ച മിനി ഓഡിറ്റോറിയത്തിന്റെ ഉദ്ഘാടനം ജില്ലാപഞ്ചായത്ത് മെമ്പര്‍ ടി കെ രാജന്‍ മാസ്റ്ററും, ഹൈടെക് ക്ലാസ്സ് റൂമിന്റെ ഉദ്ഘാടനം വൊക്കേഷണല്‍ ഹയര്‍സെക്കണ്ടറി ഡയറക്ടര്‍ എ ഫാറൂഖും നിര്‍വ്വഹിക്കും. ചടങ്ങില്‍ ഒഞ്ചിയം ഗ്രാമപഞ്ചായത്ത് പ്രസിഡന്റ് പി വി കവിത അധ്യക്ഷത വഹിക്കും. പൊതുമരാമത്തുവകുപ്പ് എക്സിക്യൂട്ടീവ് എഞ്ചിനിയര്‍ പി ഗോകുല്‍ദാസ്, പ്രിന്‍സിപ്പാള്‍ ദിനേശ് കരുവാന്‍കണ്ടി എന്നിവര്‍ റിപ്പോര്‍ട്ട് അവതരിപ്പിക്കും. വാര്‍ഡ് മെമ്പര്‍ പി പ്രസീത, യു എല്‍ സി സി എസ് ചെയര്‍മാന്‍ രമേശന്‍ പാലേരി, വി എച്ച് എസ് ഇ അസിസ്റ്റന്റ് ഡയറക്ടര്‍ എം ശെല്‍വമണി, പി ടി എ പ്രസിഡന്റ് ടി എം രാജന്‍, ഹെഡ്മാസ്റ്റര്‍ വി പി പ്രഭാകരന്‍, വി എച്ച് എസ് ഇ പ്രിന്‍സിപ്പാള്‍ ഫൈസല്‍ കെ പി എന്നിവര്‍ സംസാരിക്കും.
 
കയര്‍ രണ്ടാം പുനസംഘടനയുടെ ഭാഗമായി കയര്‍ വകുപ്പിന്റെ ധനസഹായത്തോടെ ജില്ലയില്‍ ആരംഭിക്കുന്ന 11 ചകിരിമില്ലുകള്‍ ഉള്‍പ്പടെ സംസ്ഥാനത്തെ അമ്പതാമത്തെ ചകിരി മില്ലിന്റെ ഉദ്ഘാടനം നവംബര്‍ മൂന്നിന് ഫറൂക്കില്‍ ധനകാര്യ കയര്‍ വകുപ്പ് മന്ത്രി ഡോ. തോമസ് ഐസക് നിര്‍വഹിക്കും. ചടങ്ങ് വിജയമാക്കുന്നതിനുള്ള സ്വാഗത സംഘ രൂപീകരണ യോഗം ഈ മാസം 15 ന് വൈകീട്ട് നാലു മണിക്ക് ഫറൂക്ക് മുന്‍സിപ്പാലിറ്റി കമ്മ്യൂണിറ്റി ഹാളില്‍ ചേരും.
 
നാളികേര കര്‍ഷകരുടെ സമഗ്ര വികസനവും സാമ്പത്തിക ഭദ്രതയും ഉറപ്പുവരുത്തുന്നതിനായി പെരുമണ്ണ ഗ്രാമപഞ്ചായത്ത് നടപ്പാക്കുന്ന കേരഗ്രാമം പദ്ധതി 14 ന് രാവിലെ 9 മണിക്ക് കാര്‍ഷിക വികസന കര്‍ഷക ക്ഷേമ വകുപ്പ് മന്ത്രി വി എസ് സുനില്‍കുമാര്‍ ഉദ്ഘാടനം ചെയ്യും. പി ടി എ റഹീം എം എല്‍ എ അധ്യക്ഷത വഹിക്കും. 50 ലക്ഷം രൂപ വകയിരുത്തിയിട്ടുളള പദ്ധതിയില്‍ പെരുമണ്ണ ഗ്രാമപഞ്ചായത്ത് പരിധിയിലെ 250 ഹെക്ടര്‍ സ്ഥലത്തെ അമ്പതിനായിരം തെങ്ങുകളുടെ ഉത്പാദന വര്‍ദ്ധനവാണ് ലക്ഷ്യമിടുന്നത്. പ്രിന്‍സിപ്പല്‍ കൃഷി ഓഫീസര്‍ പി എന്‍ ജയശ്രീ റിപ്പോര്‍ട്ട് അവതരിപ്പിക്കും. ഗ്രാമപഞ്ചായത്ത് പ്രസിഡന്റ് കെ അജിത, കൃഷി ഓഫീസര്‍ അനിതാഭായ് തുടങ്ങിയവര്‍ പങ്കെടുക്കും.
 
കോഴിക്കോട് ആരോഗ്യകേരളം പദ്ധതിയിലേക്ക് കരാര്‍ അടിസ്ഥാനത്തില്‍ ടാക്‌സി പെര്‍മിറ്റുള്ള എയര്‍ കണ്ടീഷന്‍ ചെയ്ത വാഹനങ്ങള്‍ ആവശ്യമുണ്ട്. വിശദ വിവരങ്ങള്‍ക്ക് കോഴിക്കോട് സിവില്‍ സ്റ്റേഷനിലുള്ള ആരോഗ്യ കേരളം ഓഫീസുമായി ബന്ധപ്പെടുക. ഫോണ്‍: 0495 2374990 www.arogyakeralam.gov.in.
 
കൊയിലാണ്ടി അസിസ്റ്റന്റ് സെഷന്‍സ് കോടതിയുടെ എം സി 11/08 നമ്പര്‍ കേസിലെ കുടിശ്ശികക്കാരില്‍ നിന്നും ജപ്തി ചെയ്ത ഉണ്ണികുളം വില്ലേജില്‍ പൂനൂര്‍ ദേശത്ത് റീ,സ 116/2 എ യില്‍പ്പെട്ട അഞ്ച് സെന്റ് സ്ഥലം ലേലം ഈ മാസം 30 ന് രാവിലെ 11 മണിക്ക് വില്ലേജ് ഓഫീസില്‍ നടത്തും.
 
ആരോഗ്യകേരളം പദ്ധതിയിലേക്ക് കരാര്‍ അടിസ്ഥാനത്തില്‍ ടാക്‌സി പെര്‍മിറ്റുളള എയര്‍ കണ്ടീഷന്‍ ചെയ്ത വാഹനങ്ങള്‍ ടെണ്ടര്‍ ക്ഷണിച്ചു. സിവില്‍ സ്റ്റേഷനിലെ ആരോഗ്യ കേരളം ഓഫീസുമായി ബന്ധപ്പെടുക. ഫോണ്‍: 0495 2374990.
 
കോഴിക്കോട് ബ്ലോക്ക് പഞ്ചായത്ത് ഓഡിറ്റോറിയത്തില്‍ മൈക്കും അനുബന്ധ ഉപകരണങ്ങളും വാങ്ങുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ഈ മാസം 22 ന് ഉച്ചയ്ക്ക് ഒരു മണിക്കകം സെക്രട്ടറിയുടെ വിലാസത്തില്‍ എത്തിക്കണം. ഫോണ്‍: 0495 2430799.
 
സിവില്‍സ്റ്റേഷനിലെ സൂപ്പര്‍ ചെക്ക് സെല്ലില്‍ (വിദ്യാഭ്യാസ വകുപ്പ്) വാടകയ്ക്ക് കാര്‍ ആവശ്യമുണ്ട്. ക്വട്ടേഷന്‍ സംബന്ധിച്ച വിവരങ്ങള്‍ ഓഫീസ് നോട്ടീസ് ബോര്‍ഡില്‍ ലഭ്യമാണ്. താല്‍പര്യമുളളവര്‍ ഈ മാസം 17 നകം ഓഫീസില്‍ ക്വട്ടേഷന്‍ എത്തിക്കണം. ഫോണ്‍: 0495 2375924.
 
നവംബര്‍ 26,27 തീയതികളില്‍ കുട്ടമത്ത് ഗവ. ഹയര്‍ സെക്കന്ററി സ്‌കൂളില്‍ നടക്കുന്ന കാസര്‍ഗോഡ് റവന്യൂ ജില്ലാ കലോത്സവവുമായി ബന്ധപ്പെട്ട മത്സരയിനങ്ങളില്‍ വിധി നിര്‍ണ്ണയിക്കുന്നതിന് ജഡ്ജസ് പാനല്‍ ക്ഷണിച്ചു. കലോത്സവത്തില്‍ വിധി നിര്‍ണ്ണയ കര്‍ത്താക്കളായി വരുവാന്‍ താത്പര്യമുളള ജില്ലയ്ക്ക് പുറത്തുളള വിധി കര്‍ത്താക്കള്‍ ബയോഡാറ്റ സഹിതം കാസര്‍ഗോഡ് വിദ്യാഭ്യാസ ഉപഡയറക്ടറുടെ കാര്യാലയത്തില്‍ ഈ മാസം 12 ന് മുമ്പായി അപേക്ഷ നല്‍കണം.
 
1 2 3 4 5 6 7 8 9 10 11 12
 
 
 

All rights reserved | Website developed and maintained by Zyonz Technologies