15-Sep-2019 (Sun)
 
 
 
1 2 3 4 5 6 7 8 9 10 11 12 13 14 15 16 17 18 19 20 21
 
കോഴിക്കോട്: ഉള്ള്യേരി മലബാര്‍ മെഡിക്കല്‍ കോളേജിലെ ന്യൂറോളജി, ന്യൂറോ & സ്‌പൈന്‍ സര്‍ജറി, പ്ലാസ്റ്റിക് & മൈക്രോ വാസ്‌കുലര്‍ സര്‍ജറി, ഇ എന്‍ ടി, ഓറല്‍ & മാക്‌സിലോ ഫേഷ്യല്‍ സര്‍ജറി എന്നീ വിഭാഗങ്ങള്‍ സംയുക്തമായി മെഡിക്കല്‍/ ശസ്ത്രക്രിയാ നിര്‍ണ്ണയ ക്യാമ്പ് നവംബര്‍ 21 മുതല്‍ 24 വരെ നടത്തുന്നു. മുഖംവേദന, കഴുത്ത്‌വേദന, പുറംവേദന, കടുത്ത കാലുവേദന, കയ്യിലും കാലിലും ഉള്ള തരിപ്പ്, നട്ടെല്ലിലെ മുഴകള്‍, തലച്ചോറിലെ മുഴകള്‍, തലവേദന, അപസ്മാരം, ചെവിവേദന, തലകറക്കം, കയ്യിലും കാലിലും ഉള്ള വിറയല്‍, ചലന ശേഷിക്കുറവ്, അനിയന്ത്രിതമായ ചലനം, ഉറക്കത്തോടനുബന്ധിച്ചുള്ള തകരാറുകള്‍, താടിയെല്ലിനകത്തുള്ള മുഴ എന്നിങ്ങനെയുള്ള രോഗങ്ങള്‍ മൂലം വിഷമതകള്‍ അനുഭവിക്കുവര്‍ക്ക് ക്യാമ്പില്‍ പങ്കെടുക്കാവുന്നതാണ്. കൂടാതെ താടിയെല്ലിന്റെയും മോണയുടെയും ആകൃതി ക്രമീകരിക്കല്‍, ചെവിയുടെ വൈകല്യങ്ങള്‍ ക്രമീകരിക്കല്‍, തലമുടി വച്ചുപിടിപ്പിക്കല്‍, മൂക്കിന്റെ ജന്മനാ ഉള്ള വൈകല്യങ്ങള്‍ ക്രമീകരിക്കല്‍, മൂക്കിന്റെ സൈസ് കുറയ്ക്കല്‍, മൂക്കിന്റെ അഗ്രഭാഗം കൂര്‍മ്മിക്കല്‍, മൂക്കിന്റെ വളവ് നിവര്‍ത്തല്‍, തീപൊള്ളലേറ്റ ഭാഗങ്ങള്‍ ക്രമീകരിക്കല്‍, മുറിവുകള്‍ ക്രമീകരിക്കല്‍, മുച്ചിറി വൈകല്യങ്ങള്‍, അണ്ണാക്കിന്റെ ക്രമീകരണം എന്നിവ പ്ലാസ്റ്റിക്, മൈക്രോ വാസ്‌കുലര്‍, മാക്‌സിലോ ഫേഷ്യല്‍ സര്‍ജറികളിലൂടെ രൂപഭംഗി വരുത്താന്‍ ആഗ്രഹിക്കുവര്‍ക്കും ഈ ക്യാമ്പില്‍ പങ്കെടുക്കാം. ക്യാമ്പില്‍ പങ്കെടുക്കുന്നവര്‍ക്ക് സൗജന്യ കന്‍സള്‍ട്ടേഷന് പുറമെ കുറഞ്ഞ നിരക്കില്‍ ലാബ് ടെസ്റ്റ്, എം ആര്‍ഐ/ സി ടി/ അള്‍ട്രാ സൗണ്ട് സ്‌കാനിംഗ്, മറ്റ് പരിശോധനകള്‍ എന്നിവ ലഭ്യമാക്കുന്നു. സര്‍ജറി ആവശ്യമുള്ളവര്‍ക്ക് ചാര്‍ജുകളില്‍ ഗണ്യമായ കുറവ് അനുവദിക്കുന്നതാണ്. ക്യാമ്പില്‍ പങ്കെടുക്കാന്‍ മുന്‍കൂട്ടി ബുക്ക് ചെയ്യേണ്ടതാണ്. ഫോണ്‍: 04962701800, 9447425267, 9745010025.
 
പേരാമ്പ്ര: കോഴിക്കോട് ജില്ലയിലെ പേരാമ്പ്ര ബ്ലോക്ക് പഞ്ചായത്ത്, പാലേരി നിയോജകമണ്ഡലത്തിലേക്ക് ഈ മാസം 29 ന് ഉപതിരഞ്ഞെടുപ്പ് നടക്കുന്നതിനാല്‍ പ്രസ്തുത ദിവസം നിയോജകമണ്ഡലത്തിലെ പരിധിക്കുളളില്‍ വരുന്ന സര്‍ക്കാര്‍ ഓഫീസുകള്‍ക്കും, വിദ്യാഭ്യാസ സ്ഥാപനങ്ങള്‍ക്കും പ്രാദേശിക അവധിയായി ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ പ്രഖ്യാപിച്ചു. കൂടാതെ ഉപതെരഞ്ഞെടുപ്പ് നടക്കുന്ന വാര്‍ഡുകളിലെ വോട്ടര്‍മാരായ സര്‍ക്കാര്‍, അര്‍ദ്ധസര്‍ക്കാര്‍, പൊതുമേഖല സ്ഥാപനങ്ങള്‍, നിയമാനുസൃത കമ്പനികള്‍, ബോര്‍ഡുകള്‍, കോര്‍പ്പറേഷനുകള്‍ എന്നീ സ്ഥാപനങ്ങളിലെ ജീവനക്കാര്‍ക്ക് പ്രസ്തുത വാര്‍ഡിലെ വോട്ടറാണെന്ന് തെളിയിക്കുന്ന രേഖ സഹിതം അപേക്ഷിക്കുന്ന പക്ഷം സ്വന്തം പോളിംഗ് സ്റ്റേഷനില്‍ പോയി വോട്ട് ചെയ്യുന്നതിന് പ്രത്യേക അനുമതി നല്‍കുവാന്‍ ബന്ധപ്പെട്ട ഓഫീസ് മേലധികാരികള്‍ ശ്രദ്ധിക്കേണ്ടതാണ്.
 
കോഴിക്കോട്: 1998 ജനുവരി ഒന്ന് മുതല്‍ (പുതുക്കേണ്ട മാസം 10/97) 2018 ഒക്ടോബര്‍ 31 (പുതുക്കേണ്ട മാസം 8/18) വരെ കാലയളവില്‍ എംപ്ലോയ്മെന്റ് രജിസ്ട്രേഷന്‍ വിവിധ കാരണങ്ങളാല്‍ യഥാസമയം പുതുക്കാന്‍ കഴിയാതെ സീനിയോറിറ്റി നഷ്ടപ്പെട്ട ഉദ്യോഗാര്‍ഥികള്‍ക്ക് അവരുടെ തനത് സീനിയോറിറ്റി നിലനിര്‍ത്തി രജിസ്ട്രേഷന്‍ പുതുക്കുന്നതിന് ഈ മാസം 15 മുതല്‍ ഡിസംബര്‍ 31 വരെ സമയം അനുവദിച്ചു സര്‍ക്കാര്‍ ഉത്തരവായി. ആയതിനാല്‍ എംപ്ലോയ്മെന്റ് എക്സ്ചേഞ്ചില്‍ ഹാജരായോ www.employment.kerala.gov.in ഓണ്‍ലൈന്‍ പോര്‍ട്ടലിന്റെ ഹോം പേജില്‍ നല്‍കിയിട്ടുളള സ്പെഷ്യല്‍ റിന്യൂവല്‍ ഓപ്ഷന്‍ വഴിയോ പ്രത്യേക പുതുക്കല്‍ നടത്താവുന്നതാണെന്ന് ജില്ലാ എംപ്ലോയ്മെന്റ് ഓഫീസര്‍ അറിയിച്ചു. മേല്‍ കാലയളവില്‍ എംപ്ലോയ്മെന്റ് എക്സ്ചേഞ്ച് മുഖേന ജോലി ലഭിച്ച് വിടുതല്‍ സര്‍ട്ടിഫിക്കറ്റ് യഥാസമയം രജിസ്റ്റര്‍ ചെയ്യാന്‍ സാധിക്കാതെ സീനിയോറിറ്റി നഷ്ടപ്പെട്ടവര്‍ക്കും അസുഖം മൂലവും ഉപരിപഠനാര്‍ത്ഥവും എംപ്ലോയ്മെന്റ് എക്സ്ചേഞ്ച് മുഖേന ലഭിച്ച ജോലി പൂര്‍ത്തിയാക്കാനാവാതെ ജോലിയില്‍ നിന്നും വിടുതല്‍ ചെയ്ത/ രാജി വെച്ചവര്‍ക്കും മെഡിക്കല്‍ സര്‍ട്ടിഫിക്കറ്റ്/ മാര്‍ക്ക് ലിസ്റ്റ്/ കോഴ്സ് സര്‍ട്ടിഫിക്കറ്റ്/ ടി സി എന്നിവ ഹാജരാക്കിയും ജോലിയില്‍ പ്രവേശിക്കാതെ നിയമനാധികാരിയില്‍ നിന്ന് നോണ്‍ ജോയിനിങ് ഡ്യൂട്ടി സര്‍ട്ടിഫിക്കറ്റ് യഥാസമയം ഹാജരാക്കാത്തവര്‍ക്കും ഡിസംബര്‍ 31 വരെ ഈ അവസരം പ്രയോജനപ്പെടുത്താം. ശിക്ഷാനടപടിയുടെ ഭാഗമായോ/ മന:പൂര്‍വ്വം ജോലിയില്‍ ഹാജരാകാതിരുന്നതിനാലോ സീനിയോറിറ്റി നഷ്ടപ്പെട്ടവര്‍ക്ക് ആനുകൂല്യം ലഭിക്കില്ല. സീനിയോറിറ്റി പുന:സ്ഥാപിച്ചു കിട്ടുന്നവര്‍ക്ക് രജിസ്ട്രേഷന്‍ റദ്ദായ കാലയളവിലെ തൊഴില്‍ രഹിത വേതനം ലഭിക്കുന്നതിന് അര്‍ഹത ഉണ്ടായിരിക്കുന്നതല്ല.
 
താമരശേരി: താമരശേരി താലൂക്കുമായി ബന്ധപ്പെട്ട ജില്ലാ കലക്ടറുടെ പരാതി പരിഹാര അദാലത്ത് 17 ശനിയാഴ്ച രാവിലെ 10 മണി മുതല്‍ രാജീവ്ഗാന്ധി ഓഡിറ്റോറിയത്തില്‍ നടക്കുമെന്ന് താമരശേരി തഹസില്‍ദാര്‍ അറിയിച്ചു. മുഖ്യമന്ത്രിയുടെ ദുരിതാശ്വാസ നിധി, റേഷന്‍ കാര്‍ഡ്, സര്‍വെ, സ്റ്റാറ്റിയൂട്ടറിയായി ലഭിക്കേണ്ട പരിഹാരം എന്നിവ ഒഴികെയുള്ള പരാതികള്‍ പൊതുജനങ്ങള്‍ക്ക് നേരിട്ട് ജില്ലാ കലക്ടര്‍ക്ക് സമര്‍പ്പിക്കാവുന്നതാണ്. ജില്ലാ കലക്ടര്‍ വകുപ്പുതല ഉദ്യോഗസ്ഥരുമായി ചര്‍ച്ച ചെയ്ത് പരമാവധി അപേക്ഷകളിന്മേല്‍ അന്നുതന്നെ തീര്‍പ്പു കല്‍പ്പിക്കുന്നതാണെന്നും തഹസില്‍ദാര്‍ അറിയിച്ചു.
 
പേരാമ്പ്ര ചെറുവണ്ണൂര്‍ വടകര റോഡില്‍ പുനരുദ്ധാരണ പ്രവൃത്തി നടക്കുന്നതിനാല്‍ ചെറുവണ്ണൂരിനും ചാനിയംകടവിനുമിടയില്‍ നവംബര്‍ 16 മുതല്‍ പ്രവൃത്തി പൂര്‍ത്തിയാകുന്നതു വരെ ഗതാഗത നിയന്ത്രണം ഉണ്ടായിരിക്കുമെന്ന് പൊതുമരാമത്ത് എക്സി. എഞ്ചിനീയര്‍ അറിയിച്ചു.
 
കോഴിക്കോട്: ശുചിത്വ സാക്ഷരതയുടെ ഭാഗമായി രജിസ്റ്റര്‍ ചെയ്ത സന്നദ്ധസംഘടനകള്‍ക്കായി ഈ മാസം 15 ന് നളന്ദാ ഓഡിറ്റോറിയത്തില്‍ നടത്താന്‍ നിശ്ചയിച്ച പരിശീലനം മാറ്റിയതായി ജില്ലാ കോര്‍ഡിനേറ്റര്‍ അറിയിച്ചു.
 
കോഴിക്കോട്: സാമ്പത്തികമായി പിന്നോക്കം നില്‍ക്കുന്ന 55 വയസ്സിനു താഴെ പ്രായമുള്ള വിധവകളായ സ്ത്രീകള്‍ക്ക് സ്വയം തൊഴില്‍ ചെയ്ത് വരുമാനമാര്‍ഗ്ഗം കണ്ടെത്തുന്നതിന് 30,000 രൂപ അനുവദിക്കുന്ന സഹായഹസ്തം പദ്ധതി പ്രകാരം ഗുണഭോക്താക്കളില്‍ നിന്ന് വനിത ശിശുവികസന വകുപ്പ് അപേക്ഷകള്‍ ക്ഷണിച്ചു. ഒരു ലക്ഷം രൂപയില്‍ താഴെ വാര്‍ഷിക വരുമാനമുള്ള വിധവകള്‍ക്ക് അപേക്ഷിക്കാം. അവസാന തീയ്യതി ഈ മാസം 28. കൂടുതല്‍ വിശദാംശങ്ങള്‍ക്ക് ഐ സി ഡി എസ് ഓഫീസുമായി ബന്ധപ്പെടുക.
 
കോഴിക്കോട് ഗവ. എഞ്ചിനീയറിംഗ് കോളേജിലെ എ ഇ ഐ എഞ്ചിനീയറിംഗ് വിഭാഗം, ഓഫീസ് എന്നിവിടങ്ങളിലേക്ക് ഫാന്‍ സപ്ലൈ ചെയ്യുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി ഈ മാസം 16 ന് രണ്ട് മണി വരെ. ഫോണ്‍: 0495 2383220.
 
കോഴിക്കോട്: വനിതകളുടെ മാനസിക ശാരീരിക വൈഷമ്യങ്ങള്‍ ലഘൂകരിക്കുന്നതിനായി ആയൂര്‍വ്വേദവും ക്ലിനിക്കല്‍ യോഗയും സമന്വയിപ്പിച്ച് ജില്ലാ പഞ്ചായത്തിന്റെയും ഭാരതീയ ചികിത്സാവകുപ്പ് കോഴിക്കോട് ജില്ലയുടേയും നേതൃത്വത്തില്‍ ആയൂര്‍യോഗ പദ്ധതി പ്രകാരം യോഗ പരിശീലനം നടത്തും. ഗ്രാമപഞ്ചായത്തുകള്‍ കേന്ദ്രീകരിച്ചാണ് പദ്ധതി നടപ്പിലാക്കുന്നത്. ഫോണ്‍: 9048928071, 964525332.
 
കോഴിക്കോട്: 2019 ലെ റിപ്പബ്ലിക്ക് ദിനാഘോഷങ്ങളുടെ ഭാഗമായി നെഹ്‌റു യുവ കേന്ദ്ര ജില്ലയിലെ യുവതിയുവാക്കള്‍ക്കായി പ്രസംഗ മത്സരം നടത്തുന്നു. ജില്ലാതലം മുതല്‍ ദേശീയതലം വരെയുള്ള മത്സരങ്ങളില്‍ രാജ്യസ്നേഹവും രാഷ്ട്ര നിര്‍മ്മാണവും എന്ന വിഷയത്തെ അധികരിച്ച് ഇംഗ്ലീഷിലും ഹിന്ദിയിലുമാണ് മത്സരം സംഘടിപ്പിക്കുക. ഈ മാസം ഒന്നിന് 18 വയസ്സ് പൂര്‍ത്തിയായവര്‍ക്കും 29 വയസ്സ് കഴിയാത്തവര്‍ക്കും പങ്കെടുക്കാം. അപേക്ഷകര്‍ മത്സരിക്കുന്ന ജില്ലയില്‍ സ്ഥിരതാമസക്കാരായിരിക്കണം. കഴിഞ്ഞ വര്‍ഷങ്ങളില്‍ നടത്തിയ മത്സരങ്ങളില്‍ പങ്കെടുത്തവര്‍ക്ക് ഈ വര്‍ഷം മത്സരിക്കാന്‍ അര്‍ഹതയില്ല. ജില്ലാതല മത്സരങ്ങളില്‍ ഒന്നാം സ്ഥാനം ലഭിക്കുന്നവര്‍ക്ക് 5000 രൂപയും രണ്ടാം സ്ഥാനക്കാര്‍ക്ക് 2000 രൂപയും മൂന്നാം സ്ഥാനക്കാര്‍ക്ക് 1000 രൂപയും ക്യാഷ് അവാര്‍ഡും സര്‍ട്ടിഫിക്കറ്റും ലഭിക്കും. ഒന്നാം സ്ഥാനം ലഭിച്ചവര്‍ക്ക് സംസ്ഥാനതല മത്സരത്തില്‍ പങ്കെടുക്കാന്‍ അവസരം ലഭിക്കും. നവംബര്‍ 24 ന് കോഴിക്കോട് സംഘടിപ്പിക്കുന്ന മത്സരത്തില്‍ പങ്കെടുക്കാന്‍ താത്പ്പര്യമുള്ളവര്‍ക്ക് പ്രത്യേക മാതൃകയിലുള്ള ഫോമില്‍ നവംബര്‍ 21 നകം ജില്ലാ യൂത്ത് കോര്‍ഡിനേറ്റര്‍, നെഹ്‌റു യുവ കേന്ദ്ര, സിവില്‍ സ്റ്റേഷന്‍, കോഴിക്കോട് 673020 എന്ന വിലാസത്തിലോ dyc.kozhikode@gmail.com എന്ന ഇമെയില്‍ വിലാസത്തിലോ അപേക്ഷിക്കാം. വിശദവിവരങ്ങള്‍ക്ക് ഫോണ്‍: 0495 2371891.
 
1 2 3 4 5 6 7 8 9 10 11 12 13 14 15 16 17 18 19 20 21
 
 
 

All rights reserved | Website developed and maintained by Zyonz Technologies