13-Dec-2018 (Thu)
 
 
 
1 2 3 4 5 6 7 8 9 10 11 12 13 14 15 16 17 18 19
 
കോഴിക്കോട്: പ്രളയക്കെടുതിയില്‍ നാശനഷ്ടം സംഭവിച്ച വ്യവസായ യൂണിറ്റുകളുടെ ഇന്‍ഷൂറന്‍സ് ക്ലെയിം തീര്‍പ്പാവാത്തതും തീര്‍പ്പായതില്‍ പരാതിയുളളതുമായ യൂണിറ്റുകളുടെ പരാതി സംബന്ധിച്ച് നവംബര്‍ 22 ന് 11 മണിക്ക് ജില്ലാ വ്യവസായ കേന്ദ്രം കോണ്‍ഫറന്‍സ് ഹാളില്‍ അദാലത്ത് നടത്തും. അദാലത്തില്‍ ഉള്‍പ്പെടുത്തേണ്ട പരാതികള്‍ നവംബര്‍ ഒന്‍പതിനകം ജില്ലാ വ്യവസായ കേന്ദ്രത്തില്‍ ലഭിക്കണം. അപേക്ഷയോടൊപ്പം ഇന്‍ഷൂറന്‍സ് സര്‍ട്ടിഫിക്കറ്റിന്റെ കോപ്പി, നാശനഷ്ടങ്ങളുടെ കണക്ക്, ബാങ്ക് ലോണ്‍ സംബന്ധിച്ച വിവരങ്ങള്‍, ഇന്‍ഷൂറന്‍സ് ക്ലെയിം സംബന്ധിച്ച വിവരങ്ങള്‍ എന്നിവ അടക്കം ചെയ്യണം.
 
കേരള സംസ്ഥാന പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍ സംസ്ഥാന കുടുംബശ്രീ മിഷനുമായി ചേര്‍ന്ന് നടപ്പിലാക്കുന്ന വനിതാശാക്തീകരണ പദ്ധതിയില്‍ മൈക്രോ ഫിനാന്‍സ് വായ്പ നല്‍കുന്നതിനായി കുടുംബശ്രീയില്‍ രജിസ്റ്റര്‍ ചെയ്ത അയല്‍കൂട്ടങ്ങളില്‍ നിന്നും അപേക്ഷ ക്ഷണിച്ചു. അപേക്ഷകര്‍ കുടുംബശ്രീയുടെ ഗ്രേഡിംഗ് ലഭിച്ചിട്ടുളള പട്ടികജാതി വനിതകളുടെ അയല്‍കൂട്ടങ്ങല്‍ ആയിരിക്കണം. ഒരു അയല്‍കൂട്ടത്തിന് പരമാവധി 3 ലക്ഷം രൂപ വരെയാണ് വായ്പ അനുവദിക്കുന്നത്. അംഗങ്ങളുടെ പ്രായപരിധി 18 വയസ്സു മുതല്‍ 55 വയസ്സു വരെയായിരിക്കണം. അംഗങ്ങളുടെ കുടുംബ വാര്‍ഷിക വരുമാനം 1,50,000 രൂപ അധികരിക്കരുത്. വായ്പയുടെ പലിശ നിരക്ക് 5 ശതമാനവും തിരിച്ചടവ് കാലയളവ് മൂന്ന് വര്‍ഷവുമാണ്. വിശദ വിവരത്തിനും അപേക്ഷാ ഫോമിനും അയല്‍കൂട്ടങ്ങള്‍, കോര്‍പ്പറേഷന്റെ ജില്ലാ കാര്യാലയങ്ങള്‍ എന്നിവയുമായി ബന്ധപ്പെടേണ്ടതാണെന്ന് മാനേജിംഗ് ഡയറക്ടര്‍ അറിയിച്ചു.
 
കോഴിക്കോട് മിനി ബൈപ്പാസ് റോഡില്‍ അടിയന്തിര റിപ്പയര്‍ പ്രവൃത്തി നടക്കുന്നതിനാല്‍ ഒക്‌ടോബര്‍ 25 മുതല്‍ പ്രവൃത്തി അവസാനിക്കുന്നതുവരെ റോഡിലൂടെയുളള ഗതാഗതത്തിന് ഭാഗിക നിയന്ത്രണം ഏര്‍പ്പെടുത്തിയതായി പി ഡബ്ല്യൂ ഡി റോഡ് ഡിവിഷന്‍ എക്‌സിക്യൂട്ടീവ് എഞ്ചിനീയര്‍ അറിയിച്ചു.
 
കോഴിക്കോട്: കല, കായികം, സാഹിത്യം, ശാസ്ത്രം, സാമൂഹികം എന്നീ മേഖലകളില്‍ അസാധാരണ കഴിവ് പ്രകടിപ്പിക്കുന്ന 5 വയസ്സിനും 18 വയസ്സിനും ഇടയില്‍ പ്രായമുള്ള കുട്ടികള്‍ക്ക് നല്‍കുന്ന 'ഉജ്ജ്വലബാല്യം' പുരസ്‌കാരത്തിന് അപേക്ഷ ക്ഷണിച്ചു. ജില്ലയില്‍ ഒരു കുട്ടിക്കാണ് അവാര്‍ഡ് നല്കുന്നത്. 25,000 രൂപയും സര്‍ട്ടിഫിക്കറ്റും ട്രോഫിയും അടങ്ങിയതാണ് പുരസ്‌ക്കാരം. അപേക്ഷയോടൊപ്പം വൈദഗ്ദ്ധ്യം തെളിയിച്ച മേഖലയുമായി ബന്ധപ്പെട്ട് ലഭിച്ചിട്ടുള്ള സര്‍ട്ടിഫിക്കറ്റുകള്‍, പത്ര കുറിപ്പുകള്‍, സിഡികള്‍ എന്നിവ നല്‍കണം. അപേക്ഷ നവംബര്‍ ഒന്‍പതിന് വൈകീട്ട് അഞ്ചിനകം സിവില്‍ സ്റ്റേഷനിലെ ജില്ലാ ചൈല്‍ഡ് പ്രൊട്ടക്ഷന്‍ ഓഫീസില്‍ ലഭിക്കണം. ഫോണ്‍ : 0495 2378920.
 
താമരശ്ശേരി: താമരശ്ശേരി, പുതുപ്പാടി ഗ്രാമപഞ്ചായത്ത് പ്രദേശങ്ങളില്‍ അനധികൃതമായും, അപകടകരമായും സ്ഥാപിച്ചിട്ടുള്ള പരസ്യ ബോര്‍ഡുകള്‍, ബാനറുകള്‍, ഹോര്‍ഡിങ്ങുകള്‍ തുടങ്ങിയവ സ്ഥാപിച്ചവര്‍ തന്നെ മൂന്ന് ദിവസത്തിനക്കം നീക്കം ചെയ്യേണ്ടതാണെന്ന് സെക്രട്ടറിമാര്‍ അറിയിച്ചു. അല്ലാത്തപക്ഷം ബന്ധപ്പെട്ടവര്‍ക്കെതിരെ നിയമ നടപടികള്‍ സ്വീകരിക്കുന്നതാണെന്നും പ്രസ്തുത പരസ്യ ബോര്‍ഡുകള്‍ പഞ്ചായത്ത് നീക്കം ചെയ്യുന്നതും, ആയതിനുള്ള ചെലവ് സ്ഥാപിച്ചവരില്‍ നിന്നും ഈടാക്കുന്നതാണെന്നും അറിയിച്ചു.
 
പരപ്പന്‍ പൊയില്‍ പുന്നശ്ശേരി കാക്കൂര്‍ റോഡിന്റെ നവീകരണ പ്രവൃത്തി നടക്കുന്നതിനാല്‍ വാഹനഗതാഗതത്തിന് നിയന്ത്രണം ഉണ്ടായിരിക്കുമെന്ന് പൊതുമരാമത്ത് എക്‌സിക്യൂട്ടീവ് എഞ്ചിനീയര്‍ അറിയിച്ചു.
 
മാത്തറയിലെ കാനറാ ബാങ്ക് ഗ്രാമീണ സ്വയം തൊഴില്‍ പരിശീലന കേന്ദ്രത്തില്‍ ലേഡീസ്/സ്‌കൂള്‍ ബാഗ് നിര്‍മ്മാണ കോഴ്സില്‍ സൗജന്യ പരിശീലനം നല്‍കും. 18 നും 45 നും ഇടയില്‍ പ്രായമുളള യുവതി യുവാക്കള്‍ക്ക് അപേക്ഷിക്കാം. പരിശീലനം സൗജന്യമായിരിക്കും. അപേക്ഷ സ്വീകരിക്കുന്ന അവസാന തീയതി ഈ മാസം 31. ഫോണ്‍: 0495 2432470, 9447276470.
 
കോഴിക്കോട്: പ്രളയത്തില്‍ സര്‍ട്ടിഫിക്കറ്റുകളും മാര്‍ക്ക് ലിസ്റ്റുകളും നഷ്ടപ്പെട്ട വിദ്യാര്‍ത്ഥികള്‍ക്ക് വേണ്ടി കേരളാ ആരോഗ്യ ശാസ്ത്ര സര്‍വകലാശാല ഒക്‌ടോബര്‍ 24 ന് രാവിലെ 10.30 ന് സര്‍വകലാശാല ആസ്ഥാനത്ത് അദാലത്ത് നടത്തും. പങ്കെടുക്കാനാഗ്രഹിക്കുന്നവര്‍ ബന്ധപ്പെട്ട രേഖകള്‍ സഹിതം സര്‍വകലാശാല ആസ്ഥാനത്തു എത്തണം. വിശദ വിവരങ്ങള്‍ക്ക് സര്‍വകലാശാല വെബ്സൈറ്റ് www.kuhs.ac.in സന്ദര്‍ശിക്കുക.
 
ബാലുശ്ശേരി ഐ സി ഡി എസ് ഓഫീസിലേക്ക് കമ്പ്യൂട്ടര്‍ (ഡെസ്‌ക്ടോപ്, ലാപ്ടോപ്), പ്രിന്റര്‍, യു പി എസ് പ്രോജക്ടര്‍ (സ്‌ക്രീന്‍ ഉള്‍പ്പെടെ) എന്നിവ വാങ്ങുന്നതിന് വ്യക്തികള്‍/സ്ഥാപനങ്ങള്‍ എന്നിവരില്‍ നിന്നും ടെണ്ടര്‍ ക്ഷണിച്ചു. ടെണ്ടര്‍ ലഭിക്കേണ്ട അവസാന തീയതി നവംബര്‍ 12. കൂടുതല്‍ വിവരങ്ങള്‍ക്ക്: 0496 2707177.
 
കോഴിക്കോട് കോര്‍പ്പറേഷന്‍ പരിധിയിലെ ഐ സി ഡി എസ് അര്‍ബ്ബന്‍ 1 പ്രൊജക്ടിലെ അങ്കണവാടികളില്‍ ഫര്‍ണ്ണിച്ചര്‍, സ്റ്റീല്‍ അലമാര, വെയിംഗ് സ്‌കെയില്‍ എന്നിവ വാങ്ങുന്നതിന് ടെണ്ടര്‍ ക്ഷണിച്ചു. ക്വട്ടേഷന്‍ സമര്‍പ്പിക്കേണ്ട അവസാന തീയതി ഈ മാസം 31 ഉച്ചയ്ക്ക് 12 മണി. ഫോണ്‍: 0495 2702523.
 
1 2 3 4 5 6 7 8 9 10 11 12 13 14 15 16 17 18 19
 
 
 

All rights reserved | Website developed and maintained by Zyonz Technologies