17-Nov-2019 (Sun)
 
 
 
1 2 3 4 5 6 7 8 9 10 11 12 13 14 15 16 17 18 19 20 21
 
കോഴിക്കോട്: കേരള മോട്ടോര്‍ തൊഴിലാളി ക്ഷേമനിധി പഴയ സ്‌കീം പ്രകാരം ക്ഷേമനിധി കുടിശ്ശിക വരുത്തിയിട്ടുള്ളതും റവന്യു റിക്കവറിക്ക് അയച്ചതും അല്ലാത്തതുമായ കേസുകളില്‍ ഒറ്റത്തവണ തീര്‍പ്പാക്കല്‍ പദ്ധതി പ്രകാരം പലിശയും പിഴപ്പലിശയും ഒഴിവാക്കി കുടിശ്ശിക ഒടുക്കു വരുത്താനുള്ള കാലാവധി ഡിസംബര്‍ 31 വരെ ദീര്‍ഘിപ്പിച്ചു. ഈ അവസരം ഫലപ്രദമായി ഉപയോഗപ്പെടുത്തണമെന്ന് ചീഫ് എക് സിക്യുട്ടീവ് ഓഫീസര്‍ അറിയിച്ചിട്ടുണ്ട്.
 
കോഴിക്കോട്: സൂക്ഷ്മചെറുകിട വ്യവസായ സംരംഭങ്ങള്‍ തുടങ്ങുവാന്‍ താല്‍പര്യമുളള 18 നും 45 നും ഇടയില്‍ പ്രായമുളള പത്താംക്ലാസ്സ് വിദ്യാഭ്യാസ യോഗ്യതയുളള യുവതീ യുവാക്കള്‍ക്കായി സംരംഭകത്വ പരിശീലന പരിപാടി സംഘടിപ്പിക്കുന്നു. ജില്ലാ വ്യവസായ കേന്ദ്രത്തിന്റേയും കേരള ഇന്‍സ്റ്റിറ്റിയൂട്ട് ഫോര്‍ എന്റര്‍പ്രണര്‍ഷിപ്പ് ഡവലപ്‌മെന്റിന്റേയും ആഭിമുഖ്യത്തില്‍ ഭക്ഷ്യ സംസ്‌കരണ മേഖലയില്‍ 12 ദിവസവും ഐ എല്‍ ഒ ട്രെയിനിംഗ് 8 ദിവസവും ഉള്‍പ്പെടെ 20 ദിവസമാണ് പരിശീലനം (ടെക്‌നോളജി മാനേജ്‌മെന്റ് ഡവലപ്‌മെന്റ് പ്രോഗ്രാം). താല്‍പര്യമുളളവര്‍ ഈ മാസം 12 നകം വെളളയില്‍ ഗാന്ധി റോഡിലുളള ജില്ലാ വ്യവസായ കേന്ദ്രത്തില്‍ പേര് രജിസ്റ്റര്‍ ചെയ്യണമെന്ന് ജനറല്‍ മാനേജര്‍ അറിയിച്ചു. ഫോണ്‍: 04952766563, 2765770, 9744566625.
 
കോഴിക്കോട്: ഫുഡ് കോര്‍പറേഷന്‍ ഓഫ് ഇന്ത്യയുടെ കോഴിക്കോട്, വെസ്റ്റഹില്‍, തിക്കോടി ഡിപ്പോകളില്‍ നിന്നും ഉച്ചക്കഞ്ഞി അരി ഉള്‍പ്പെടെയുള്ള സര്‍ക്കാറിന്റെ വിവിധ പദ്ധതികളിലൂടെ വിതരണത്തിനുള്ള ഭക്ഷ്യധാന്യങ്ങള്‍ കൊടുവള്ളി സപ്ലൈകോ ഡിപോയിലേക്കും ഡിപോയുടെ കീഴിലുള്ള ഔട്ട്‌ലെറ്റുകളിലേക്കും എത്തിക്കുന്നതിന് താല്‍പ്പര്യമുള്ള വ്യക്തികളില്‍ നിന്നും സ്ഥാപനങ്ങളില്‍ നിന്നും ടെണ്ടറുകള്‍ ക്ഷണിക്കുന്നു. മുദ്രവെച്ച ടെണ്ടറുകള്‍ നവംബര്‍ അഞ്ചിനു മൂന്ന് മണിക്ക് മുമ്പായി ലഭിക്കണമെന്ന് കൊടുവള്ളി ഡിപോ മാനേജര്‍ അറിയിച്ചു. ഫോണ്‍: 0495 2211850, 9447975276.
 
കോഴിക്കോട് കോര്‍പ്പറേഷന് കീഴില്‍ ഐ സി ഡി എസ് അര്‍ബ്ബന്‍ 1 പ്രൊജക്ടിലെ അങ്കണവാടികളില്‍ ജാഗ്രതാസമിതി ശാക്തീകരണത്തിന്റെ ഭാഗമായി ഫര്‍ണിച്ചര്‍ വാങ്ങുന്നതിന് ടെണ്ടര്‍ ക്ഷണിച്ചു. ക്വട്ടേഷന്‍ ലഭിക്കേണ്ട അവസാന തീയതി ഈ മാസം 15 ന് ഉച്ചയ്ക്ക് 2 മണി. ഫോണ്‍: 0495 2702523.
 
കോഴിക്കോട്: കേരള ചുമട്ടുതൊഴിലാളി ക്ഷേമബോര്‍ഡ്, കോഴിക്കോട് സ്‌കാറ്റേര്‍ഡ് വിഭാഗം വിഹിതമടവില്‍ കുടിശ്ശികയുള്ള തൊഴിലാളികള്‍ക്ക് പലിശ, പിഴപ്പലിശ എന്നിവ ഒഴിവാക്കി വിഹിതക്കുടിശ്ശിക മാത്രം അടച്ച് അംഗത്വം പുനസ്ഥാപിക്കാം. സ്‌കാറ്റേര്‍ഡ് വിഭാഗത്തിലേക്ക് പുതുതായി അംഗങ്ങളെ ചേര്‍ക്കുന്നതാണെന്നും കോഴിക്കോട് ജില്ലാകമ്മിറ്റി ചെയര്‍മാന്‍ അറിയിച്ചു. ക്യാമ്പ് നടക്കുന്ന സ്ഥലം തീയതി എന്നിവ ക്രമത്തില്‍. 3, 5, 7, 9, 12 തിയ്യതികളില്‍ പേരാമ്പ്ര ഉപകാര്യാലയം, 13, 15, 17, 19, 21 തിയ്യതികളില്‍ കുറ്റിയാടി, 22, 24, 26, 28, 30 തിയ്യതികളില്‍ വടകര. സമയം രാവിലെ 10 മണി മുതല്‍ 4 മണിവരെ. വിശദ വിവരങ്ങള്‍ക്ക്: 0495 2366380.
 
നടുവണ്ണൂര്‍ മന്ദന്‍കാവ ്ഊരള്ളൂര്‍ മുത്താമ്പി റോഡില്‍ നവീകരണ പ്രവൃത്തി നടക്കുന്നതിനാല്‍ നവംബര്‍ 2 മുതല്‍ 15 ദിവസത്തേക്ക് ഇതുവഴിയുള്ള ഗതാഗതത്തിന് നിയന്ത്രണമുണ്ടാവുമെന്ന് പൊതുമരാമത്ത് വകുപ്പ് എക്‌സി. എഞ്ചിനീയര്‍ അറിയിച്ചു.
 
കോഴിക്കോട്: കുട്ടികള്‍ നേരിടുന്ന അവകാശ സംരക്ഷണങ്ങള്‍ സംബന്ധിച്ച പ്രശ്‌നങ്ങള്‍ വിവിധ വകുപ്പുകളെ ഏകോപിപ്പിച്ച് തീര്‍പ്പാക്കുന്നതിനായി ഹര്‍ഷബാല്യം പദ്ധതിയുടെ ഭാഗമായി ജില്ലയില്‍ ബാലസൗഹൃദ അദാലത്ത് സംഘടിപ്പിക്കും. ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റിന്റേയും ലീഗല്‍ സര്‍വീസ് അതോറിറ്റിയുടെയും സംയുക്താഭിമുഖ്യത്തില്‍ നടക്കുന്ന അദാലത്തില്‍ അവകാശങ്ങള്‍ സംബന്ധിച്ച പരാതി ഈ മാസം അഞ്ചിനകം ഓഫീസുകളില്‍ ലഭിക്കണം. ഫോണ്‍: 0495 2378920.
 
കൊയിലാണ്ടി താലൂക്കിലെ കൊഴുക്കല്ലൂര്‍ വില്ലേജില്‍ ബാങ്ക് ലോണ്‍ നികുതിയിനത്തില്‍ കുടിശ്ശിക അടക്കുന്നതില്‍ വീഴ്ച വരുത്തിയ വ്യക്തിയില്‍ നിന്നും കുടുശ്ശിക വസൂലാക്കുന്നതിനായി ജപ്തി ചെയ്ത ഗുഡ്‌സ് കാരിയര്‍ ട്രക്ക് നവംബര്‍ 5 ന് രാവിലെ 11.30 ന് കൊഴുക്കല്ലൂര്‍ വില്ലേജ് ഓഫീസില്‍ ലേലം വഴി വില്പന നടത്തും.
 
കൊയിലാണ്ടി താലൂക്കിലെ വിയ്യൂര്‍ വില്ലേജില്‍ ബാങ്ക് ലോണ്‍ നികുതിയിനത്തില്‍ കുടിശ്ശിക അടക്കുന്നതില്‍ വീഴ്ച വരുത്തിയ വ്യക്തിയില്‍ നിന്നും കുടുശ്ശിക വസൂലാക്കുന്നതിനായി ജപ്തി ചെയ്ത രണ്ട് മോട്ടോര്‍ വാഹനങ്ങള്‍ നവംബര്‍ രണ്ടിന് രാവിലെ 11.30 വിയ്യൂര്‍ വില്ലേജ് ഓഫീസില്‍ ലേലം ചെയ്യും.
 
കോഴിക്കോട്: ജില്ലയിലെ കൃഷ്ണന്‍ നായര്‍ റോഡിന്റെ നവീകരണ പ്രവൃത്തി ആരംഭിച്ചു. പ്രവൃത്തി അവസാനിക്കുന്നതു വരെ വാഹനങ്ങള്‍ വേഗത നിയന്ത്രിച്ച് പോവണമെന്ന് പൊതുമരാമത്ത് വകുപ്പ് എക്സി. എഞ്ചിനീയര്‍ അറിയിച്ചു.
 
1 2 3 4 5 6 7 8 9 10 11 12 13 14 15 16 17 18 19 20 21
 
 
 

All rights reserved | Website developed and maintained by Zyonz Technologies