17-Feb-2019 (Sun)
 
 
 
1 2 3 4 5 6 7 8 9 10 11 12 13 14 15 16 17 18 19 20
 
കോഴിക്കോട്: ബേപ്പൂര്‍ തുറമുഖ പരിധിയിലെ മാന്വല്‍ ഡ്രഡ്ജിങ് കടവില്‍ (കോഴിക്കോട് കോര്‍പ്പറേഷന്‍) മണല്‍ ബുക്കിങ് ആരംഭിച്ചു. ഉപഭോക്താക്കള്‍ക്ക് www.portinfo.kerala.gov.in എന്ന വെബ്‌സൈറ്റില്‍ രജിസ്റ്റര്‍ ചെയ്ത് മണല്‍ ബുക്ക് ചെയ്യാം. ആധാര്‍ കാര്‍ഡ്, ബില്‍ഡിങ് പെര്‍മിറ്റ്, നികുതി രശീതി എന്നീ രേഖകള്‍ ആവശ്യമാണ്. സംശയങ്ങള്‍ക്ക് 9061100546 എന്ന ഫോണ്‍ നമ്പറില്‍ എല്ലാ പ്രവൃത്തി ദിവസങ്ങളിലും ഓഫീസ് സമയം 10 മണി മുതല്‍ അഞ്ച് മണി വരെ ബന്ധപ്പെടാം.
 
കോഴിക്കോട്: ജില്ലാ വ്യാവസായ കേന്ദ്രത്തിന്റെ ആഭിമുഖ്യത്തില്‍ ജില്ലയിലെ 01 മുതല്‍ 10 വരെയുളള ക്ലാസ്സുകളിലെ വിദ്യാര്‍ഥികള്‍ക്കായി നവംബര്‍ ആറിന് നടക്കാവ് ഗവ. ഗേള്‍സ് ഹൈസ്‌കൂളില്‍ ചിത്രരചനാ മത്സരം നടത്തും. എല്‍ പി, യു പി വിഭാഗം വിദ്യാര്‍ഥികള്‍ക്ക് ഇഷ്ടമുളള വിഷയത്തില്‍ രചന നടത്താം. ഹൈസ്‌കൂള്‍ വിദ്യാര്‍ഥികള്‍ക്ക് നിര്‍ദ്ദിഷ്ട വിഷയത്തിലായിരിക്കും മത്സരം. എല്‍ പി വിഭാഗം വിദ്യാര്‍ഥികള്‍ക്ക് ക്രയോണ്‍ ഉപയോഗിച്ചും യു പി, എച്ച് എസ് വിദ്യാര്‍ഥികള്‍ വാട്ടര്‍ കളര്‍ ഉപയോഗിച്ചും രചന നടത്താം. താത്പര്യമുളളവര്‍ അപേക്ഷകള്‍ നവംബര്‍ മൂന്നിനകം ജനറല്‍ മാനേജര്‍, ജില്ലാ വ്യവസായ കേന്ദ്രം, വെളളയില്‍, കോഴിക്കോട് 11 വിലാസത്തില്‍ നല്‍കണം. അപേക്ഷാ ഫോമുകള്‍ ജില്ലാ വ്യവസായ കേന്ദ്രത്തില്‍ നിന്നും കൊയിലാണ്ടി, വടകര മിനി സിവില്‍ സ്‌റ്റേഷനുകളിലെ താലൂക്ക് വ്യവസായ ഓഫീസുകളില്‍ നിന്നും ലഭിക്കും. ഫോണ്‍: 8137012889, 8907242720.
 
കോഴിക്കോട് ഗവ. എഞ്ചിനീയറിങ് കോളേജിലെ കെമിക്കല്‍, എഞ്ചിനീയറിങ് വിഭാഗത്തിലെ ഹീറ്റ് ട്രാന്‍സ്ഫര്‍ ലാബില്‍ ത്രീഫേസ് കണക്ഷന്‍ ആവശ്യമുളള ഇലക്ട്രിക്കല്‍ വയറിങ് ചെയ്യുന്നതിനു ക്വട്ടേഷന്‍ ക്ഷണിച്ചു. അവസാന സമയം ഈ മാസം 24 ന് രണ്ട് മണി. ഫോണ്‍: 0495 2383220, 2383210. വെബ്‌സൈറ്റ്: www.geckkd.ac.in.
 
കോഴിക്കോട്: ജില്ലാ ആരോഗ്യകുടുംബ ക്ഷേമ സൊസൈറ്റിയുടെ കീഴിലുളള വിവിധ പ്രോഗ്രാം ആവശ്യങ്ങള്‍ക്കായി ഭക്ഷണം വിതരണം ചെയ്യുന്നതിന് ഇ ടെണ്ടര്‍ ക്ഷണിച്ചു. ഫോണ്‍: 0495 2374990.
 
കോഴിക്കോട്: നഗരത്തിലും സമീപ പ്രദേശങ്ങളിലും സര്‍ക്കാര്‍/സ്വകാര്യ മേഖലയില്‍ ജോലി ചെയ്യുന്ന സ്ത്രീകള്‍ക്ക് അത്യാധുനിക സൗകര്യങ്ങളോടെ ന്യായമായ വാടകയില്‍ സുരക്ഷിത താമസമൊരുക്കുന്ന സംസ്ഥാന ഭവന നിര്‍മ്മാണ ബോര്‍ഡിന്റെ ചേവായൂര്‍ വര്‍ക്കിംഗ് വിമന്‍സ് ഹോസ്റ്റലില്‍ ഏതാനും മുറികള്‍ ഒഴിവുണ്ട്. പുതിയ ഫര്‍ണ്ണിച്ചറുകള്‍, വിശാലവും ആധുനിക രീതിയിലുളളതുമായ അടുക്കളയും ഡൈനിങ് ഹാളും, മിതമായ നിരക്കിലുളള ഭക്ഷണം, അത്യാധുനിക രീതിയിലുളള മാലിന്യ സംസ്‌കരണ സംവിധാനം, സെക്യൂരിറ്റി ജീവനക്കാര്‍, തുടങ്ങിയ പ്രത്യേകതകളുളള ഹോസ്റ്റല്‍ സ്ഥിതി ചെയ്യുന്നത് മെഡിക്കല്‍ കോളേജിനടുത്തുളള കോവൂര്‍-വെളളിമാടുകുന്ന് ബൈപ്പാസിന് സമീപത്താണ്. മൂന്ന് നിലകളിലായി നിര്‍മ്മിച്ചിരിക്കുന്ന ഈ ഹോസ്റ്റലിലേക്ക് മെഡിക്കല്‍ കോളേജില്‍ നിന്നും ഒരു കിലോമീറ്ററും സിവില്‍ സ്റ്റേഷനില്‍ നിന്ന് നാല് കിലോമീറ്ററും കെ എസ് ആര്‍ ടി സി, മൊഫ്യൂസില്‍ ബസ് സ്റ്റാന്റുകളില്‍ നിന്ന് 9 കിലോമീറ്ററുമാണ് ദൂരം. താമസക്കാര്‍ കൂടാതെ അതിഥികളായി എത്തുന്നവര്‍ക്ക് പ്രതിദിനം 300 രൂപ നിരക്കില്‍ താമസ സൗകര്യം ലഭിക്കും. അപേക്ഷാ ഫോറം 118 രൂപയ്ക്ക് ഹോസ്റ്റലില്‍ നിന്നും പ്രവൃത്തി ദിവസങ്ങളില്‍ ഓഫീസ് സമയത്ത് ലഭിക്കും. ഫോണ്‍: 0495 2358545, 2369545.
 
വനം വകുപ്പ് ടിമ്പര്‍ സെയില്‍സ് ഡിവിഷന്റെ ചാലിയം, കണ്ണോത്ത്, പരപ്പ ഡിപ്പോകളില്‍ ചന്ദനം റീട്ടെയില്‍ വില്‍പ്പന ആരംഭിക്കും. വ്യക്തികളുടെ സ്വന്തം ഉപയോഗത്തിനായി ഒരു കിലോ ചന്ദനം വരെ വാങ്ങാം. പരമ്പരാഗത ചികിത്സാരീതിയുമായി ബന്ധപ്പെട്ട ലൈസന്‍സുളള ഉത്പാദകര്‍, രജിസ്റ്റര്‍ ചെയ്തിട്ടുളള പ്രാക്റ്റീഷണര്‍മാര്‍, ലൈസന്‍സ് ഹാജരാക്കുന്ന ശില്‍പ്പികള്‍ എന്നിവര്‍ക്ക് ഒരു കിലോയില്‍ കൂടുതല്‍ ചന്ദനത്തടി വാങ്ങാം. ഐഡിന്റിറ്റി, പാന്‍കാര്‍ഡ് എന്നിവ നിര്‍ബന്ധം. ഫോണ്‍: 04952472995, കണ്ണോത്ത് 0490 2302080, പരപ്പ 04994270060, ഡിവിഷന്‍ ഓഫീസ് 0495 2414702.
 
മാളിക്കടവ് ഗവ. വനിത ഐ ടി ഐയില്‍ ഇന്‍സ്റ്റിറ്റി്യൂട്ട് മാനേജ്‌മെന്റ് കമ്മിറ്റി നടത്തുന്ന ഹ്രസ്വകാല സ്വാശ്രയ കോഴ്‌സായ ബ്യൂട്ടീഷ്യന്‍ & ഹെയര്‍ സ്‌റ്റൈലിംഗ് കോഴ്‌സിലേക്ക് അപേക്ഷ ക്ഷണിച്ചു. കോഴ്‌സ് പൂര്‍ത്തിയാക്കിയവര്‍ക്ക് ഗവ. വനിത ഐ ടി ഐ ഇന്‍സ്റ്റിറ്റി്യൂട്ട് മാനേജ്‌മെന്റ് കമ്മിറ്റിയുടെ അംഗീകൃത സര്‍ട്ടിഫിക്കറ്റ് നല്‍കും. ഫോണ്‍ : 9496343061.
 
കോഴിക്കോട്: കോര്‍പ്പറേഷന്‍, വയോമിത്രം, ജില്ലാ ലീഗല്‍ സര്‍വീസസ് അതോറിറ്റി എന്നിവ സംയുക്തമായി വയോജങ്ങള്‍ക്കായി 19 ന് ടൗണ്‍ഹാളില്‍ നിയമ അദാലത്ത് സംഘടിപ്പിക്കും. സര്‍ക്കാര്‍ ആനുകൂല്യങ്ങളും സേവനങ്ങളുമായി ബന്ധപ്പെട്ടതോ വ്യക്തിപരമോ ആയ തര്‍ക്കങ്ങളും പരാതികളും അദാലത്തില്‍ പരിഗണിക്കും. പരാതികള്‍ ഈ മാസം 25 നകം അംഗനവാടി വര്‍ക്കര്‍മാര്‍ വഴി അതാത് ഐ സി ഡി എസുകളില്‍ എത്തിക്കണം. ആര്‍ക്കെതിരെയാണോ പരാതി നല്‍കുന്നത് അവരുടെ വിലാസവും ഫോണ്‍നമ്പറും വ്യക്തമാക്കണം. കോര്‍പ്പറേഷന്‍ ഓഫീസില്‍ സജജീകരിച്ചിട്ടുള്ള പരാതി പെട്ടിയിലും നേരിട്ടും തപാല്‍ വഴിയും പരാതി നല്‍കാം. ഫോണ്‍ : 9349568889.
 
ഒക്‌ടോബര്‍ മാസത്തില്‍ എ.എ.വൈ. വിഭാഗത്തിലുള്ള കാര്‍ഡ് ഉടമകള്‍ക്ക് സൗജന്യമായി 30 കിലോഗ്രാം അരിയും 5 കിലോഗ്രാം ഗോതമ്പും ലഭിക്കും. മുന്‍ഗണനാ വിഭാഗത്തിലുള്ള കാര്‍ഡ് ഉടമകള്‍ക്ക് ഒരംഗത്തിന് 1 രൂപ നിരക്കില്‍ 4 കിലോഗ്രാം അരിയും 1 കിലോഗ്രാം ഗോതമ്പും, മുന്‍ഗണനേതര (സബ്‌സിഡി) കാര്‍ഡുകള്‍ക്ക് ഒരംഗത്തിന് 3 രൂപ നിരക്കില്‍ 2 കിലോഗ്രാം അരിയും ഒരു കാര്‍ഡിന് 1 രൂപ നിരക്കില്‍ 5 കിലോഗ്രാം അരിയും 16 രൂപ നിരക്കില്‍ 3 കിലോഗ്രാം ആട്ടയും മുന്‍ഗണനേതര (നോണ്‍ സബ്‌സിഡി) കാര്‍ഡുകള്‍ക്ക് കാര്‍ഡിന് 4 കിലോഗ്രാം ഭക്ഷ്യധാന്യങ്ങളും (അരി 9.90 രൂപ, ഗോതമ്പ് 7.70 രൂപ), കാര്‍ഡിന് 1 രൂപ നിരക്കില്‍ 5 കിലോഗ്രാം അരിയും 16 രൂപ നിരക്കില്‍ 3 കിലോഗ്രാം ആട്ടയും ലിറ്ററിന് 30 രൂപ നിരക്കില്‍ വൈദ്യുതീകരിക്കാത്ത വീടുകള്‍ക്ക് 4 ലിറ്റര്‍ മണ്ണെണ്ണയും വൈദ്യുതീകരിച്ച വീടുകള്‍ക്ക് 1/2 ലിറ്റര്‍ മണ്ണെണ്ണയും റേഷന്‍കടകളില്‍ നിന്നും ലഭിക്കും.
 
സംസ്ഥാന പട്ടികജാതി പട്ടികവര്‍ഗ്ഗ വികസന സഹകരണ ഫെഡറേഷന്റെ യൂണിറ്റായ ആയൂര്‍ധാര മരുന്നുല്‍പ്പാദന കേന്ദ്രത്തിലെ ആയൂര്‍വേദ മരുന്നുകളുടെ മൊത്തം/ചില്ലറ വ്യാപാര ഏജന്‍സി ജില്ല, താലൂക്ക്, പഞ്ചായത്ത് തലങ്ങളില്‍ എടുക്കുന്നതിന് താല്‍പര്യമുളളവരില്‍ നിന്നും അപേക്ഷ ക്ഷണിച്ചു. ആയൂര്‍ധാര ഫാര്‍മസ്യൂട്ടിക്കല്‍സ്, സൗത്ത് അഞ്ചേരി, തൃശ്ശൂര്‍ 680006 എന്ന വിലാസത്തിലാണ് അപേക്ഷിക്കേണ്ടത്. ഫോണ്‍: 0487-2354851, 9446060604.
 
1 2 3 4 5 6 7 8 9 10 11 12 13 14 15 16 17 18 19 20
 
 
 

All rights reserved | Website developed and maintained by Zyonz Technologies