18-Oct-2018 (Thu)
വ്യാഴാഴ്ച സംസ്ഥാനത്ത് ഹര്‍ത്താല്‍; ബി ജെ പി പിന്തുണ പോലീസിനെ വെട്ടിച്ച് കടന്ന പീഡന കേസ് പ്രതി അറസ്റ്റില്‍; മാതാപിതാക്കള്‍ ഉള്‍പ്പെടെ അഞ്ചുപേര്‍ റിമാണ്ടില്‍ അനര്‍ഹരായ കാര്‍ഡുടമകള്‍ പൊതുവിഭാഗത്തിലേക്ക് മാറ്റണം ബാലാവകാശ സംരക്ഷണ സമിതികളുടെ ശാക്തീകരണത്തിന് ശില്‍പ്പശാല നടത്തും പോലീസിനെ വെട്ടിച്ച് കടന്ന പീഡന കേസ് പ്രതിയെ കണ്ടെത്താനായില്ല പ്രളയക്കെടുതി: വ്യവസായ വാണിജ്യ സ്ഥാപനങ്ങളുടെ നഷ്ടകണക്കെടുക്കുന്നു റഫാല്‍ കരാര്‍ അഴിമതി; സംയുക്ത പാര്‍ലമെന്റ് കമ്മറ്റി അന്വേഷണം അവശ്യപ്പെട്ട് യൂത്ത് കോണ്‍ഗ്രസ് പോസ്റ്റ് ഓഫീസ് പിക്കറ്റിംഗ് നടത്തി അഞ്ച് ലിറ്റര്‍ ചാരായവുമായി കോടഞ്ചേരി സ്വദേശി പിടിയില്‍ പുതുപ്പാടി ഗ്രാമപഞ്ചായത്ത് ഓഫീസിലേക്ക് എല്‍ ഡി എഫ് മാര്‍ച്ച്
 
 
 
1 2 3
 
എളേറ്റില്‍: എളേറ്റില്‍ എം ജെ ഹയര്‍ സെക്കന്ററി സ്‌കൂള്‍ എന്‍ എസ് എസ് യൂണിറ്റിന്റെ അക്ഷരദീപം പദ്ധതിയുടെ ഭാഗമായി ചളിക്കോട് എല്‍ പി സ്‌കൂളിന് പുസ്തകങ്ങള്‍ നല്‍കി. സ്‌കൂള്‍ അങ്കണത്തില്‍ നടന്ന ചടങ്ങില്‍ മുന്നൂറ് പുസതകങ്ങള്‍ എന്‍ എസ് എസ് വളണ്ടിയര്‍മാര്‍ സ്‌കൂള്‍ വിദ്യാത്ഥികള്‍ക്ക് കൈമാറി. ഗ്രാമ പഞ്ചായത്ത് പ്രസിഡന്റ് എന്‍ സി ഉസ്സയിന്‍ മാസ്റ്റര്‍, പ്രധാന അധ്യാപിക സഫിയ, എന്‍ എസ് എസ് പ്രോഗ്രാം ഓഫീസര്‍ കെ എം സുബൈര്‍, മുജീബ് ചളിക്കോട്, സി സുബൈര്‍, എം പി ഉസ്സയിന്‍, കെ ടി വിനോദ്, ഷമീല്‍ മാസ്റ്റര്‍, സുഹാന തുടങ്ങിയവര്‍ സംബന്ധിച്ചു.
 
അലീഗഢ് മുസ്ലിം യൂണിവേഴ്‌സിറ്റിയുടെ പ്രബന്ധരചനാ മത്സരത്തില്‍ മുഹമ്മദ് സഹലിന് സ്റ്റേറ്റ് ടോപ്പര്‍ അവാര്‍ഡ്
താമരശ്ശേരി: സര്‍ സയ്യിദ് അഹ്മദ് ഖാന്റെ 201ാം ജന്മദിനാഘോഷത്തിന്റെ ഭാഗമായി അലീഗഢ് മുസ്ലിം യൂണിവേഴ്‌സിറ്റി സംഘടിപ്പിച്ച ദേശീയ തല പ്രബന്ധരചനാ മത്സരത്തില്‍ പൂനൂര്‍ മദീനത്തുന്നൂര്‍ ഓഫ് ക്യാമ്പസായ ഈങ്ങാപ്പുഴ ദാറുല്‍ ഹിദായ വിദ്യാര്‍ത്ഥിക്ക് സ്റ്റേറ്റ് ടോപ്പര്‍ അവാര്‍ഡ്. ബി എ ഇംഗ്ലീഷ് ഒന്നാം വര്‍ഷ വിദ്യാര്‍ത്ഥിയായ നല്ലളം സ്വദേശി മുഹമ്മദ് സഹലാണ് മികച്ച നേട്ടം കൈവരിച്ചത്. ആധുനിക ലോകത്ത് സഹിഷ്ണുതയും സമാധാനവും നില നിര്‍ത്തുന്നതില്‍ സര്‍ സയ്യിദ് അഹ്മദ് ഖാന്റെ ചിന്തകള്‍ക്കുള്ള പ്രാധാന്യം എന്ന വിഷയത്തില്‍ രാജ്യത്തുടനീളമുള്ള വിദ്യഭ്യാസ സ്ഥാപനങ്ങള്‍ക്കായി നടത്തിയ മത്സരത്തില്‍ ലഭിച്ച 91 എന്‍ട്രികളില്‍ നിന്നാണ് നല്ലളം സ്വദേശികളായ സീതിക്കുട്ടി ആമിന ദമ്പതികളുടെ മകനായ മുഹമ്മദ് സഹല്‍ തിരഞ്ഞെടുക്കപ്പെട്ടത്. 5000 രൂപയും പ്രശസ്തി പത്രവുമാണ് സമ്മാനമായി ലഭിക്കുക. അഞ്ചാം തവണയാണ് മദീനത്തുന്നൂറിന് അലീഗഢ് യൂണിവേഴ്‌സിറ്റിയുടെ പ്രബന്ധരചനാ മത്സരത്തില്‍ അവാര്‍ഡ് ലഭിക്കുന്നത്. മുഹമ്മദ് സഹലിനെ മദീനത്തുന്നൂര്‍ ഡയറക്ടര്‍ ഡോ. അബ്ദുല്‍ ഹകീം അസ്ഹരി അഭിനന്ദിച്ചു.
 
താമരശ്ശേരി: പതിനാറുകാരനെ പ്രകൃതി വിരുദ്ധ പീഡനത്തിനിരയാക്കിയ യുവാവിനെതിരെ താമരശ്ശേരി പോലീസ് കേസെടുത്തു. വടകര വില്യാപ്പള്ളി കൊളത്തൂര്‍ തെക്കെ കണ്ടന്നൂര്‍ ടി കെ ഷാനവാസിനെതിരെയാണ് പോക്‌സോ നിയമപ്രകാരം പോലീസ് കേസ് രജിസ്റ്റര്‍ ചെയ്തത്. വിദ്യാര്‍ത്ഥിയെ പുതുപ്പാടിയിലെ താമസ സ്ഥലത്തെത്തിച്ച് പീഡനത്തിനിരയാക്കിയെന്നാണ് പരാതി.
 
എടക്കാട്: കോഴിക്കോട് ജില്ലാഭരണകൂടത്തിന് ആഭിമുഖ്യത്തില്‍ എടക്കാട് പദ്ധതിയുമായി സഹകരിച്ച് സീറോ വേസ്റ്റ് കോഴിക്കോട് ശുചിത്വസാക്ഷരതാ ട്രയല്‍ ക്ലാസ് സംഘടിപ്പിച്ചു. എടക്കാട് വാര്‍ഡില്‍ സംഘടിപ്പിച്ച ചടങ്ങ് സിഡബ്ല്യുആര്‍ഡിഎംമുതിര്‍ന്ന ശാസ്ത്രജ്ഞന്‍ മാധവന്‍ ഉദ്ഘാടനം ചെയ്തു. ജീവന്റെ ജീവനായ് ജലത്തെ സംരക്ഷിക്കേണ്ട നമ്മള്‍ അവിടെ മാലിന്യം നിക്ഷേപിക്കുന്നതിന് മത്സരിക്കുന്ന കാഴ്ചയാണ് ഇന്ന് കാണുന്നത്. മാലിന്യം നീക്കം ചെയ്യാനുള്ള ഉത്തരവാദിത്വം തദ്ദേശസ്വയംഭരണ വകുപ്പുകള്‍ക്ക് ആണെന്ന ധാരണ മാറണം. എന്റെ മാലിന്യം എന്റെ ഉത്തരവാദിത്വമാണെന്ന ബോധം ഏവര്‍ക്കും ഉണ്ടാവണമെന്നും അദ്ദേഹം പറഞ്ഞു. വാര്‍ഡ് കൗണ്‍സിലര്‍ എം ശ്രീജ അധ്യക്ഷതവഹിച്ചു. ശുചിത്വ മിഷന്‍ കോര്‍ഡിനേറ്റര്‍ ഇപി രത്നാകരന്‍ യുപി ഏകനാഥ ഹരിതകേരളം ജില്ലാ കോര്‍ഡിനേറ്റര്‍ പി പ്രകാശന്‍ പ്രമോദ് മണ്ണ് ടത്ത് റോബിന്‍സണ്‍ എന്നിവര്‍ ക്ലാസെടുത്തു. പി പ്രമോദ് കുമാര്‍ കെ വിശ്വനാഥന്‍ കെ പവിത്രന്‍ ഭക്തവത്സലന്‍ എന്നിവര്‍ സംസാരിച്ചു.
 
അഴിയൂര്‍ ഗ്രാമപഞ്ചായത്തില്‍ തൊഴിലുറപ്പ് പദ്ധതി ഗ്രാമസഭ
അഴിയൂര്‍: നടപ്പ് വര്‍ഷത്തെ പദ്ധതി പ്രവര്‍ത്തനങ്ങള്‍ ആസൂത്രണം ചെയ്യുന്നതിനും മണ്ണ് ജലസംരംക്ഷണം, നീര്‍ത്തട സംരംക്ഷണം, എന്നീ പ്രവര്‍ത്തനങ്ങളിലെ നൂതനപ്രവര്‍ത്തനങ്ങള്‍ തൊഴിലാളികളുമായി പങ്ക് വെക്കുന്നതിനും വേണ്ടി അഴിയൂര്‍ ഗ്രാമപഞ്ചായത്തില്‍ ഗ്രാമസഭ സംഘടിപ്പിച്ചു. പൊതു സ്ഥലങ്ങളില്‍ മലിന ജലം ഒഴുകുന്നത് തടയുവാന്‍ മലിനജല പിറ്റ് ഉണ്ടാക്കാന്‍ പദ്ധതിക്ക് അംഗീകാരം ലഭിച്ചത് പ്രകാരം ഈ വര്‍ഷം തന്നെ തൊഴിലുറപ്പ് പദ്ധതിയില്‍ ഉള്‍പ്പെടുത്തി പ്രവര്‍ത്തി നടത്തും. ഏറ്റവും കൂടുതല്‍ തൊഴില്‍ ദിനം സൃഷ്ടിച്ച മൂന്നാം വാര്‍ഡിലെ തൊഴിലാളികള്‍ക്ക് പുതിയ തൊഴില്‍ കാര്‍ഡുകള്‍ നല്‍കി. ഗ്രാമസഭ പഞ്ചായത്ത് പ്രസിഡന്റ് ഇ ടി അയ്യൂബ്ബ് ഉല്‍ഘാടനം ചെയ്തു. വൈസ് പ്രസിഡണ്ട് റീന രാരോത്ത്, പഞ്ചായത്ത് സെക്രട്ടറി ടി ഷാഹുല്‍ ഹമീദ്, സ്ഥിരം സമിതി അദ്ധ്യക്ഷകളായ ഉഷ ചാത്താംങ്കണ്ടി, സുധ മാളിയക്കല്‍, ജസ്മിന കല്ലേരി, മെമ്പര്‍മാരായ വി പി ജയന്‍, കെ ലീല, അലി മനോളി , സാഹിര്‍ പുനത്തില്‍, ശ്രീജേഷ് കുമാര്‍, അസി. സെക്രട്ടറി ഇ അരുണ്‍കുമാര്‍, വി ഇ ഒ.സിദ്ധിക്ക്, ഓവര്‍സിയര്‍ കെ രഞ്ചിത്ത്, കുടുംബശ്രീ ചെയര്‍പെഴ്സണ്‍ ബിന്ദു ജയ്‌സണ്‍ എന്നിവര്‍ സംസാരിച്ചു.
 
ആയഞ്ചേരി: ആയഞ്ചേരി പൊയില്‍പാറ പതിനാലാം വാര്‍ഡ് ഉപതെരഞ്ഞെടുപ്പില്‍ സുനിത മലയിലിന് (സി പി എം) വിജയം. കോണ്‍ഗ്രസിന്റെ ഉഷനാലുപുരയ്ക്കലിനേക്കാള്‍ 226 വോട്ട് അധികം നേടിയാണ് വിജയിച്ചത്. 1,174വോട്ടര്‍മാരുള്ള വാര്‍ഡില്‍ വോട്ടെടുപ്പില്‍ 78.02ആണ് പോളിംഗ് ശതമാനം. എം എസ് ഷീബ ജോലി ലഭിച്ചതിനെ തുടര്‍ന്ന് രാജിവെച്ച സാഹചര്യത്തിലാണ് തെരഞ്ഞെടുപ്പ് നടന്നത്.
 
ഗാന്ധിജിയും വിദ്യാര്‍ത്ഥികളും: പൂനൂര്‍ പബ്ലിക് ലൈബ്രറി ക്ലാസ് സംഘടിപ്പിച്ചു
പൂനൂര്‍: ഗാന്ധിജയന്തി വാരത്തോടനുബന്ധിച്ച് പൂനൂര്‍ പബ്ലിക് ലൈബ്രറിയുടെ ആഭിമുഖ്യത്തില്‍ വിദ്യാര്‍ത്ഥികള്‍ക്ക് വേണ്ടി ഗാന്ധിജിയും വിദ്യാര്‍ത്ഥികളും എന്ന വിഷയത്തില്‍ ക്ലാസ് സംഘടിപ്പിച്ചു. പ്രസ്തുത പരിപാടി സൗഹൃദം മാസിക പത്രാധികര്‍ സി പി ഐ പൂനൂര്‍ ഉദ്ഘാടനം ചെയ്തു. മുന്‍ വാര്‍ഡ് മെമ്പര്‍ സി പി കരീം മാസ്റ്റര്‍ അധ്യക്ഷത വഹിച്ചു. ബാലകൃഷ്ണന്‍ കിടാവ്, ഗോപാലന്‍ കുട്ടി, അബ്ദുള്ള, ഗുരിക്കല്‍ അബൂബക്കര്‍, ബിന്ദു കെ എന്നിവര്‍ സംസാരിച്ചു. സെക്രട്ടറി അബൂബക്കര്‍ മാസ്റ്റര്‍ സ്വാഗതവും കെ അബ്ദുള്‍ ഖാതര്‍ നന്ദിയും പറഞ്ഞു.
 
ഓപ്പണ്‍ സ്റ്റേജ് പ്രവൃത്തി ഉദ്ഘാടനം ചെയ്തു
മൂടാടി: മൂടാടി ഗ്രാമപഞ്ചായത്തിലെ ഹില്‍ബസാറില്‍ നിര്‍മിക്കുന്ന ഓപ്പണ്‍ സ്റ്റേജ് മേല്‍ക്കൂരയുടെ പ്രവൃത്തി ഉദ്ഘാടനം കെ ദാസന്‍ എം എല്‍ എ നിര്‍വഹിച്ചു. പന്തലായനി ബ്ലോക്ക് പഞ്ചായത്തിന്റെ 2018-19 സാമ്പത്തിക വര്‍ഷത്തെ ഫണ്ടുപയോഗിച്ചാണ് ഓപ്പണ്‍ സ്റ്റേജ് നിര്‍മ്മാണം. നിലവില്‍ പഞ്ചായത്തിലെ കലാപരിപാടികളും കേരളോത്സവവും മറ്റും സമീപപ്രദേശത്തെ സ്‌കൂളുകളിലാണ് സംഘടിപ്പിക്കുന്നത്. ഓപ്പണ്‍ സ്റ്റേജ് നിര്‍മാണം പൂര്‍ത്തിയാകുന്നതോടെ പരിപാടികള്‍ എല്ലാം ഇവിടെ നടത്താനാകും. ചടങ്ങില്‍ പന്തലായനി ബ്ലോക്ക് പഞ്ചായത്ത് പ്രസിഡന്റ് കെ എം ശോഭ അധ്യക്ഷത വഹിച്ചു. മൂടാടി പഞ്ചായത്ത് പ്രസിഡന്റ് ഷീജ പട്ടേരി, പന്തലായനി ബ്ലോക്ക് വികസനകാര്യ ചെയര്‍പേഴ്സണ്‍ ഷീജ പി കെ, വാര്‍ഡ് മെമ്പര്‍ പ്രേമലത പുതുവയല്‍ക്കുനി, ബ്ലോക്ക് മെമ്പര്‍ മുഹമ്മദ് അലി മുതുകുനി, ബി ഡി ഒ മനോജ് കുമാര്‍ എ ടി, വിവിധ രാഷ്ട്രീയ പാര്‍ട്ടി പ്രതിനിധികള്‍ തുടങ്ങിയവര്‍ സംസാരിച്ചു. വാര്‍ഡ് മെമ്പര്‍ ശ്രീജിത ഒതയോത്ത് സ്വാഗതവും കണ്‍വീനര്‍ സന്തോഷ് എം വി നന്ദിയും പറഞ്ഞു.
 
ചാത്തമംഗലം: അജൈവ മാലിന്യ നിര്‍മ്മാര്‍ജ്ജനത്തിന്റെ ഭാഗമായി ചാത്തമംഗലം പഞ്ചായത്ത് 19-ാം വാര്‍ഡ് ബഹുജന കണ്‍വെന്‍ഷനും ബോധവല്‍ക്കരണ ക്ലാസ്സും സംഘടിപ്പിച്ചു. പ്ലാസ്റ്റിക് കവര്‍, പ്ലാസ്റ്റിക് കുപ്പി, ബള്‍ബ്, ട്യൂബ്, ടൈല്‍സ്, തുണി ഉള്‍പ്പെടെയുള്ള മാലിന്യങ്ങളാണ് ആദ്യഘട്ടത്തില്‍ നീക്കം ചെയ്യുന്നത്. വീടുകളിലും പറമ്പുകളിലും പൊതുസ്ഥലത്തും ഉപയോഗശൂന്യമായിക്കിടക്കുന്ന അജൈവ മാലിന്യങ്ങള്‍ ശേഖരിച്ച് റീസൈക്ലിങ് യൂണിറ്റിന് നല്‍കി വാര്‍ഡ് അജൈവ മാലിന്യ വിമുക്തമാക്കുകയാണ് ലക്ഷ്യം. ബഹുജന കണ്‍വെന്‍ഷന്‍ ഗ്രാമപഞ്ചായത്ത് പ്രസിഡണ്ട് കെ എസ് ബീന ഉദ്ഘാടനം ചെയ്തു. വാര്‍ഡ് മെമ്പര്‍ ഷാജു കുനിയില്‍ അധ്യക്ഷനായിരുന്നു. ടി സുബ്രഹ്മണ്യന്‍ മാസ്റ്റര്‍, പി മധു മാസ്റ്റര്‍, പി സി വാസുദേവന്‍ നായര്‍, രാമദാസ്, പി കെ ആര്‍ വര്‍മ്മ, കെ പി നളിനാക്ഷന്‍, എ പി അജിത, എം വി ഷാജു എന്നിവര്‍ സംസാരിച്ചു. പി സുന്ദരന്‍ സ്വാഗതവും എം കെ വേണു മാസ്റ്റര്‍ നന്ദിയും പറഞ്ഞു. പുതുപ്പാടി എം ആര്‍ എം ഗ്രൂപ്പ് പ്രതിനിധി ഷാഹിദ് ക്ലാസ്സെടുത്തു.
 
ചുണ്ടങ്ങാപൊയില്‍-ചടക്കുന്ന് റോഡ് ഉദ്ഘാടനം ചെയ്തു
താമരശേരി: താമരശേരി പഞ്ചായത്തിന്റെ 2017- 18 വാര്‍ഷിക പദ്ധതിയില്‍ ഉള്‍പ്പെടുതി 4 ലക്ഷം രുപ ഉപയോഗിച്ച് കോണ്‍ഗ്രീറ്റ് ചെയ്ത ചുണ്ടങ്ങാപൊയില്‍-ചടക്കുന്ന് റോഡ് ഗ്രാമപഞ്ചായത്തംഗം ഷൈലജ ഉദ്ഘാടനം ചെയ്തു. സി കെ സുധിഷ് അധ്യക്ഷനായി. വികസന സമതി കണ്‍വീനര്‍ വി രാജേന്ദ്രന്‍, വി പി ഗോപി, കെ മേഹനന്‍, സി വി ഉണ്ണികൃഷ്ണന്‍, ജിഷ ശിവദാസന്‍ എന്നിവര്‍ സംസാരിച്ചു. എം ശിവദാസന്‍ സ്വാഗതവും, സി കെ ചന്ദ്രന്‍ നന്ദിയും പറഞ്ഞു.
 
1 2 3
 
 
 

All rights reserved | Website developed and maintained by Zyonz Technologies