26-Feb-2020 (Wed)
 
 
 
കര്‍ഷകര്‍ക്ക് ആശ്രയം സഹകരണ ബാങ്കുകള്‍: മന്ത്രി ടി പി രാമകൃഷ്ണന്‍
കൂടരഞ്ഞി: കേരളത്തിലെ കര്‍ഷകര്‍ക്ക് ഏറ്റവും സഹായം ചെയ്തു വരുന്നത് സഹകരണ മേഖലയാണെന്ന് മന്ത്രി ടി പി രാമകൃഷ്ണന്‍ പറഞ്ഞു. കൂടരഞ്ഞി സര്‍വ്വീസ് സഹകരണ ബേങ്കിന്റെ ഹെഡ് ഓഫീസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കേരളത്തില്‍ പ്രകൃതി ക്ഷോഭവും ഉരുള്‍ പൊട്ടലും ഉണ്ടായപ്പോള്‍ സഹകരണ മേഖല കൈത്താങ്ങായി പ്രവര്‍ത്തിച്ചു. കാര്‍ഷികമേഖലയില്‍ ഏറ്റവും കൂടുതല്‍ ഇടപെടുന്നത് സഹകരണ സംഘങ്ങളാണെന്നും മന്ത്രി പറഞ്ഞു. എം പി വീരേന്ദ്രകുമാര്‍ എം പി മുഖ്യാതിഥിയായിരുന്നു. ജോര്‍ജ് എം തോമസ് എം എല്‍ എ അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്റ് മൈമൂന ഹംസ, പഞ്ചായത്ത് പ്രസിഡന്റ് സോളി ജോസഫ്, ഡി സി സി വൈസ് പ്രസിഡന്റ് എം ടി അഷറഫ്, എല്‍ ജെ ഡി ജില്ലാ പ്രസിഡന്റ് മനയത്ത് ചന്ദ്രന്‍, ഫാ. റോയി തേക്കുംകാട്ടില്‍, വി എ നസീര്‍, കാരശ്ശേരി സഹകരണ ബാങ്ക് ചെയര്‍മാന്‍ എന്‍ കെ അബ്ദുറഹിമാന്‍, ബാങ്ക് പ്രസിഡന്റ് പി എം തോമസ്, വൈസ് പ്രസിഡന്റ് ജോസ് തോമസ് മാവറ, സെക്രട്ടറി ജിമ്മി ജോസ് എന്നിവര്‍ സംസാരിച്ചു.
 
സുവര്‍ണ്ണ താരങ്ങള്‍ക്ക് കട്ടിപ്പാറ ഗ്രാമപഞ്ചായത്തിന്റെ സ്വീകരണം
കട്ടിപ്പാറ: കോഴിക്കോട് റവന്യൂ ജില്ലാ കായിക മേളയില്‍ തിളക്കമാര്‍ന്ന വിജയം കൈവരിച്ച് തിരിച്ചെത്തിയ കട്ടിപ്പാറ ഹോളി ഫാമിലി ഹയര്‍ സെക്കന്ററി താരങ്ങളെ കട്ടിപ്പാറ ഗ്രാമ പഞ്ചായത്ത് അനുമോദിച്ചു. ഗ്രാമ പഞ്ചായത്ത് പ്രസിഡന്റ് ബേബി രവീന്ദ്രന്‍, വൈസ് പ്രസിഡന്റ് നിധീഷ് കല്ലുള്ള തോട്, പി സി തോമസ് എന്നിവര്‍ ചേര്‍ന്നാണ് സ്വീകരിച്ചത്. 17 സ്വര്‍ണ്ണവും 11 വെള്ളിയും 6 വെങ്കലവും നേടിയാണ് സുവര്‍ണ്ണ താരങ്ങള്‍ നാടിന്റെ യശസ്സുയര്‍ത്തിയത്. സ്‌നോബിന്‍ ബെന്നി, സനിക കെ പി, മുഹമ്മദ് ഇര്‍ഷാദ് എന്നിവര്‍ മേളയില്‍ വ്യക്തിഗത ചാമ്പ്യന്മാരായി. നിരവധി പ്രതിസന്ധികളെ തരണം ചെയ്ത് മുന്നേറിയ താരങ്ങള്‍ വിദ്യാലയത്തിന് രണ്ടാംസ്ഥാനം നേടിത്തന്നു. ജില്ലയില്‍ രണ്ടാം സ്ഥാനത്തു നില്‍ക്കുന്ന താമരശ്ശേരി സബ്ജില്ലയുടെ മുഴുവന്‍ പോയിന്റും ഹോളി ഫാമിലിയുടേതാണ്. സംസ്ഥാന കായിക മേളയില്‍ കഴിഞ്ഞ വര്‍ഷത്തെ വിജയം ആവര്‍ത്തിക്കുക എന്നതു മാത്രമല്ല പത്തു മടങ്ങായി വര്‍ദ്ധിപ്പിക്കുകയാണ് ലക്ഷ്യമെന്ന് കായികാധ്യാപകന്‍ മിനീഷ് വി ടി പറഞ്ഞു.
 
എന്‍ എസ് എസ് യൂണിറ്റ് ഉദ്ഘാടനം ചെയ്തു
പുതുപ്പാടി: പുതുപ്പാടി ഗവ. ഹയര്‍ സെക്കണ്ടറി സ്‌കൂളില്‍ പുതിയതായി അനുവദിച്ച എന്‍ എസ് എസ് യൂണിറ്റ് ജില്ലാ പഞ്ചായത്ത് വിദ്യാഭ്യാസ സ്റ്റാന്‍ഡിങ്ങ് കമ്മിറ്റി ചെയര്‍മാന്‍ മുക്കം മുഹമ്മദ് ഉദ്ഘാടനം ചെയ്തു. പുതുപ്പാടി ഗ്രാമപഞ്ചായത്ത് പ്രസിഡണ്ട് പി ആര്‍ രാകേഷ് അദ്ധ്യക്ഷത വഹിച്ചു. ജില്ലാ പഞ്ചായത്തംഗം വി ഡി ജോസഫ് മുഖ്യാതിഥിയായിരുന്നു. എന്‍ എസ് എസ് ജില്ലാ പ്രോഗ്രാം കോഓര്‍ഡിനേറ്റര്‍ എസ് ആര്‍ ശ്രീജിത്ത്. പ്രിന്‍സിപ്പള്‍ ടി കെ ഗോപി, പി ടി എ പ്രസിഡണ്ട് ഷിഹാബ് അടിവാരം, ബ്ലോക്ക് പഞ്ചായത്ത് മെമ്പര്‍ അഷറഫ് ഒതയോത്ത്, അധ്യാപകരായ ജോര്‍ജ് വര്‍ഗീസ്, ജിസ്‌മോന്‍, സലീം, അല്‍ത്താഫ്, പ്രോഗ്രാം കോഓര്‍ഡിനേറ്റര്‍ മനോജ് സ്‌കറിയ എന്നിവര്‍ സംസാരിച്ചു.
 
താമരശ്ശേരി ഉപജില്ല സ്‌കൂള്‍ കലോത്സവത്തിന് തിരശ്ശീല ഉയര്‍ന്നു
ഈങ്ങാപ്പുഴ: 2019-20 വര്‍ഷത്തെ താമരശ്ശേരി ഉപജില്ല കലോത്സവത്തിന്റെ ഉദ്ഘാടനം ഈങ്ങാപ്പുഴ എം ജി എം ഹയര്‍ സെക്കണ്ടറി സ്‌കൂളില്‍ കോഴിക്കോട് ജില്ലാ പഞ്ചായത്ത് വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ മുക്കം മുഹമ്മദ് നിര്‍വ്വഹിച്ചു. 42 വിദ്യാലയങ്ങളില്‍ നിന്നായി മൂവായിരത്തോളം കലാപ്രതിഭകള്‍ 20 വേദികളില്‍ 2 ദിവസങ്ങളിലായി നടക്കുന്ന കലാ മത്സരങ്ങളില്‍ മാറ്റുരക്കും. പുതുപ്പാടി ഗ്രാമപഞ്ചായത്ത് പ്രസിഡണ്ട് പി ആര്‍ രാകേഷ് അദ്ധ്യക്ഷത വഹിച്ചു. താമരശ്ശേരി എ ഇ ഒ. എന്‍ പി മുഹമ്മദ് അബ്ബാസ് റിപ്പോര്‍ട്ട് അവതരിപ്പിച്ചു. ജില്ലാ പഞ്ചായത്ത് അംഗം വി ഡി ജോസഫ്, ഗ്രാമ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ എം ഇ ജലീല്‍, ഗ്രാമ പഞ്ചായത്ത് അംഗങ്ങളായ റീന ബഷീര്‍, മുത്തു അബ്ദുസ്സലാം, ഫാ. ബേബി ജോണ്‍, സി സി ആന്‍ഡ്രൂസ്, ടി ദിലീപ് കുമാര്‍, കെ കെ അബ്ദുല്‍ ജലീല്‍, ഹെഡ് മാസ്റ്റര്‍ എബി അലക്‌സാണ്ടര്‍, ജാന്‍സി ടി കുര്യാക്കോസ് തുടങ്ങിയവര്‍ സംസാരിച്ചു. എം ജി എം ഹയര്‍ സെക്കണ്ടറി സ്‌കൂള്‍ പ്രിന്‍സിപ്പല്‍ ഡോ. ജേക്കബ് എബ്രഹാം സ്വാഗതവും ഷറഫുദ്ദീന്‍ കൊടുവള്ളി നന്ദിയും പറഞ്ഞു.
 
കട്ടിപ്പാറ ഗ്രാമപഞ്ചായത്ത് കേരളോത്സവം വിജയികളെ അനുമോദിച്ചു
കട്ടിപ്പാറ: കട്ടിപ്പാറ ഗ്രാമപഞ്ചായത്തിലെ കേരളോത്സവം 2019 വിജയികളെ അനുമോദിച്ചു. കട്ടിപ്പാറ ഗ്രാമപഞ്ചായത്ത് പ്രസിഡണ്ട് ബേബി രവീന്ദ്രന്‍ ഉദ്ഘാടനം ചെയ്തു. വൈസ് പ്രസിഡണ്ട് നിധീഷ് കല്ലുള്ളതോട് അധ്യക്ഷത വഹിച്ചു. കട്ടിപ്പാറ ഗ്രാമപഞ്ചായത്തിലെ കേരളോത്സവം ഓവറോള്‍ വിന്നേഴ്‌സ് ആയി അനശ്വര കലാസാംസ്‌കാരിക വേദി ചമലിനെയും രണ്ടാം സ്ഥാനത്തേക്ക് യൂത്ത് വിങ് കട്ടിപ്പാറയെയും മൂന്നാം സ്ഥാനത്തേക്ക് സ്റ്റാര്‍ ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ് കോളിക്കലിനെയും പോയന്റ് അടിസ്ഥാനത്തില്‍ തിരഞ്ഞെടുത്തു. ഗെയിംസ് ഇനത്തില്‍ സ്റ്റാര്‍ ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ് കോളിക്കലും അത്ലറ്റിക്‌സ്, ആര്‍ട്‌സ് വിഭാഗങ്ങളില്‍ അനശ്വര കലാസാംസ്‌കാരിക വേദിയും വിജയികളായി. കട്ടിപ്പാറ ഗ്രാമ പഞ്ചായത്ത് അംഗം മുഹമ്മദ് ഷാഹിം, വ്യാപാരി വ്യവസായി ഏകോപന സമിതി കട്ടിപ്പാറ യൂണിറ്റ് പ്രസിഡണ്ട് സി കെ സി അസൈനാര്‍ എന്നിവര്‍ സംസാരിച്ചു. ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ബേബി ബാബു സ്വാഗതവും പഞ്ചായത്ത് യൂത്ത് കോര്‍ഡിനേറ്റര്‍ പി എം സിറാജുദ്ദീന്‍ ചുണ്ടന്‍കുഴി നന്ദിയും പറഞ്ഞു.
 
തൊഴിലവരസ ഓറിയന്റേഷന്‍ ക്ലാസ് സംഘടുപ്പിച്ചു
താമരശ്ശേരി: താമരശ്ശേരി രൂപതയില്‍ അസംഘടിതരായ തൊഴിലാളികള്‍ക്കായി പ്രവര്‍ത്തിക്കുന്ന മലബാര്‍ ലേബര്‍ മുവ്‌മെന്റ് (എംഎല്‍എം)ന്റെ നേതൃത്വത്തില്‍ തൊഴിലവരസ ഓറിയന്റേഷന്‍ ക്ലാസ് സംഘടിപ്പിച്ചു. എസ് എസ് എല്‍ സി പാസായ ശേഷം ഇലക്ട്രിക്കല്‍, വെല്‍ഡിംഗ്, മെക്കാനിക്കല്‍, ഓട്ടോമൊബൈല്‍, എയര്‍കണ്ടീഷന്‍, പ്ലംബിംഗ്, ഇന്‍സ്ട്രുമെന്റേഷന്‍, ഇന്‍ഡസ്ട്രിയല്‍ തുടങ്ങിയ മേഖലകളില്‍ ജോലി ചെയ്തു വരുന്നവര്‍ക്ക് വിദേശ രാജ്യങ്ങളിലെ ജോലി സാധ്യതകളെ കുറിച്ചാണ് ക്ലാസ് നടത്തിയത്. താമരശ്ശേരി മേരിമാതാ കത്തീഡ്രല്‍ പാരീഷ് ഹാളില്‍ നടന്ന ക്ലാസ് എം എല്‍ എം ഡയറക്ടര്‍ ഫാ. ജെയ്‌സണ്‍ കാരക്കുന്നേല്‍ ഉദ്ഘാടനം ചെയ്തു. എം എല്‍ എം വൈസ് പ്രസിഡന്റ് സ്റ്റീഫന്‍ കൊട്ടാരത്തില്‍ അധ്യക്ഷത വഹിച്ചു. കളമശേരി ലിറ്റില്‍ ഫ്ളവര്‍ എന്‍ജിനീയറിംഗ് ഇന്റിറ്റിയൂഡ് ഡയറക്ടര്‍ ഫാ. ജോബി അശീത്തുപറമ്പില്‍, ജോര്‍ജ്ജ് പാണ്ഡ്യത്തുംപറമ്പില്‍ എന്നിവര്‍ ക്ലാസ്സെടുത്തു.
 
പൂവ്വത്തുംകണ്ടി കുളിക്കടവ് റോഡ്, മേലേ ചാലില്‍ വീറുമ്പാലില്‍ റോഡ്, മുലാക്കല്‍ റോഡ് എന്നിവ ഉദ്ഘാടനം ചെയ്തു
താമരഗ്ഗേരി: താമരഗ്ഗേരി ഗ്രാമപഞ്ചായത്തിലെ ഈര്‍പ്പോണ വാര്‍ഡില്‍ കോണ്‍ഗ്രീറ്റ് ചെയ്ത് ഗതാഗത യോഗ്യമാക്കിയ പൂവ്വത്തും കണ്ടി കുളിക്കടവ് റോഡ്, മേലേ ചാലില്‍ വീറുമ്പാലില്‍ റോഡ്, മുലാക്കല്‍ റോഡ് എന്നിവയുടെ ഉദ്ഘാടനം പഞ്ചായത്ത് വൈസ് പ്രസിഡണ്ട് നവാസ് ഈര്‍പ്പോണ നിര്‍വ്വഹിച്ചു. എം സി ആലിക്കുട്ടി ഹാജി, പി എം മുത്തുക്കോയ തങ്ങള്‍, പി കെ അഹമ്മദ് കുട്ടി മാസ്റ്റര്‍, എ കെ മുഹമ്മദ് മാസ്റ്റര്‍, പി പി പോക്കര്‍ മാസ്റ്റര്‍, സിദ്ദീഖ് പുറായില്‍, എ കെ കാസിം മാസ്റ്റര്‍, എം വി സലീം, കേളോത്ത് മുഹമ്മദ്, മന്‍സൂര്‍, ടി പി അഷ്‌റഫ്, എം സി മുനീര്‍, വി കെ അബ്ദുറഹിമാന്‍, നജ്മുദ്ദീന്‍, ശംസീര്‍, അഷ്‌റഫ് എം, വി കെ മുനീര്‍, ഹനീഫ പി റവാഹത്ത്, മുനീര്‍, ആവിദ് എം എന്നിവര്‍ സംബന്ധിച്ചു.
 
സ്‌കൗട്ട് ആന്റ് ഗൈഡ്‌സ് യൂണിറ്റ് ഉദ്ഘാടനം ചെയ്തു
ഈങ്ങാപ്പുഴ: ഈങ്ങാപ്പുഴ എം ജി എം ഹയര്‍സെക്കണ്ടറി വിഭാഗത്തിലെ പുതുതായി അനുവദിച്ച സ്‌കൗട്ട് ഗൈഡ്‌സ് യൂണിറ്റുകള്‍ കൊടുവള്ളി ബ്ലോക്ക് പഞ്ചായത്ത് പ്രസിഡന്റ് മൈമൂന ഹംസ ഉദ്ഘാടനം ചെയ്തു. പ്രിന്‍സിപ്പാള്‍ ഡോ. ജേക്കബ് മണ്ണുംമൂട് അധ്യക്ഷ്യത വഹിച്ചു. സ്‌കൗട്ട് ജില്ലാ കമ്മീഷ്ണര്‍ വി ഡി സേവ്യര്‍ മുഖ്യ സന്ദേശം നല്‍കി. ജില്ലാ സെക്രട്ടറി വി ടി ഫിലിപ്പ്, ഹെഡ്മാസ്റ്റര്‍ എ ബി അലക്‌സാണ്ടര്‍, ജാന്‍സി ടി കുര്യാക്കോസ്, രഞ്ജിത്ത് കുമാര്‍, ത്രേസ്യാമ്മ തോമസ്, ശോഭ ജേക്കബ്, ബിറ്റു ഐപ്പ്, എം ആയിശ എന്നിവര്‍ സംസാരിച്ചു.
 
നബിദിനാഘോഷം: വൃക്ഷതൈകള്‍ വിതരണം ചെയ്തു
കാവുംപുറം: നബിദിനാഘോഷത്തിന്റെ ഭാഗമായി കാവുംപുറം മഹല്ല് സംഘടിപ്പിച്ച മീലാദ് ഫെസ്റ്റില്‍ വെച്ച് മഹല്ലിലെ മുഴുവന്‍ വീടുകളിലും പ്രവാചകചര്യയായ വൃക്ഷതൈ നടല്‍ പദ്ധതി പ്രഖ്യാപിച്ചു. പദ്ധതിയുടെ ഉദ്ഘാടനം കാവുംപുറം മഹല്ല് ഖത്തീബ് അബ്ദുസ്സലാം സുബ്ഹാനി മഹല്ല് പ്രസിഡന്റ് കെ പി അബ്ദുള്ള ഹാജിക്ക് വൃക്ഷതൈ നല്‍കി കൊണ്ട് നിര്‍വ്വഹിച്ചു. മഹല്ല് സെക്രട്ടറി ടി കെ ഉസ്സയിന്‍, മുഹമ്മദ് അഷ്‌റഫ് അഹ്‌സനി, ഡോ. മുഹമ്മദ് സഖാഫി അല്‍അസ്ഹരി, കെ വി സെയ്ത്, എം മുഹമ്മദ് ഹാജി, കെ അഷ്‌റഫലി, കെ പി അബ്ദുറഹിമാന്‍, കെ കെ ഇമ്പിച്ചി മുഹമ്മദ്, അഷ്‌റഫ് സഖാഫി, പി എം ശമീര്‍ എന്നിവര്‍ സംസാരിച്ചു. മുഹമ്മദലി കാവുംപുറം സ്വാഗതവും പി പി സാജിദ് നന്ദിയും പറഞ്ഞു.
 
ഫാത്തിമ ഹന്നത്തിനും അന്‍ഷ കരീമിനും യാത്രയപ്പ് നല്‍കി
എളേറ്റില്‍: കേരള സംസ്ഥാന മൈനോരിറ്റി ഡിപ്പാര്‍ട്ട്‌മെന്റിനു കീഴില്‍ നടത്തുന്ന പാസ് വേര്‍ഡ് ക്യാമ്പിന്റെ ദേശീയ തലമായ എക്‌സ്‌പ്ലോര്‍ ഇന്ത്യ യാത്രക്ക് സെലക്ഷന്‍ ലഭിച്ച എളേറ്റില്‍ എം ജെ ഹയര്‍ സെക്കന്ററി സ്‌കൂള്‍ ഹ്യൂമാനിറ്റീസ് വിദ്യാത്ഥികളായ ഫാത്തിമ ഹന്നത്തിനും, സയന്‍സ് വിദ്യാര്‍ത്ഥിയായ അന്‍ഷ കരീമിനും സ്‌കൂള്‍ കരിയര്‍ ക്ലബ്ബിന്റെ ആഭിമുഖ്യത്തില്‍ യാത്രയപ്പ് നല്‍കി. ഗ്രാമ പഞ്ചായത്ത് പ്രസിഡന്റ് എന്‍ സി ഉസയിന്‍ മാസ്റ്റര്‍ ഉദ്ഘാടനം ചെയ്തു. പ്രിന്‍സിപ്പല്‍ എം മുഹമ്മദലി അദ്ധ്യക്ഷത വഹിച്ചു. വാര്‍ഡ് മെമ്പര്‍ റജ്‌ന കുറക്കാംപൊയില്‍ എം എ റഊഫ്, സി സുബൈര്‍, എം പി ഉസയിന്‍, എം റസീന, മുജീബ് ചളിക്കോട്, പി പി മുഹമ്മദ് ബഷീര്‍, കെ പി റഊഫ്, എന്നിവര്‍ സംബന്ധിച്ചു. ഏഴ് ദിവസത്തെ പരിപാടിയില്‍ രാഷ്ട്രപതി ഭവന്‍, രാഷ്ട്രപതിയുമായി കൂടിക്കാഴ്ച, ഇന്ത്യന്‍ പാര്‍ലമെന്റ്, ഡല്‍ഹിയിലെ വിവിധ യൂണിവേഴ്‌സിറ്റികള്‍, ചരിത്ര പ്രാധാന്യ സ്ഥലങ്ങള്‍, ഉദ്യാനങ്ങള്‍ തുടങ്ങിയവ സന്ദര്‍ശിക്കാനുള്ള അവസരമാണ് ഇവര്‍ക്ക് കൈവന്നിട്ടുള്ളത്. കോഴിക്കോട് ജില്ലയില്‍ നിന്ന് പത്ത് പേര്‍ക്ക് മാത്രണ് അവസരം ലഭിച്ചത്. കലാകായിക രംഗത്തെ മികവും പഠനത്തിലെ ഉന്നത നിലവാരവുമാണ് തെരഞ്ഞെടുപ്പിന്റെ മുഖ്യ മാനദണ്ഡം. സ്‌കൂള്‍ എന്‍ എസ് എസ് വളണ്ടിയര്‍മാരായ ഇരുവരും സ്‌കൂളിലെ കലാ കായിക രംഗത്തെ നിറ സാന്നിധ്യമാണ്. നവംബര്‍ 11 മുതല്‍ 18 വരെയാണ് എക്‌സ്‌പ്ലോര്‍ ഇന്ത്യാ യാത്ര.
 
 
 
 

All rights reserved | Website developed and maintained by Zyonz Technologies