15-Sep-2019 (Sun)
 
 
 
ആര്‍ത്തവ ശുചിത്വ ബോധവല്‍ക്കരണ സെമിനാറും സൗജന്യ സാനിറ്ററി നാപ്കിന്‍ വിതരണവും നടത്തി
താമരശ്ശേരി: ജെ സി ഐ രാജ്യവ്യാപകമായി നടത്തുന്ന ആര്‍ത്തവ ശുചിത്വ ബോധവല്‍ക്കരണ ദിനാചരണത്തിന്റ ഭാഗമായി ജെ സി ഐ താമരശ്ശേരി ടൗണ്‍ ചാപ്റ്ററിന്റെ നേതൃത്വത്തില്‍ ആര്‍ത്തവ ശുചിത്വ ബോധവല്‍ക്കരണ സെമിനാറും സൗജന്യ സാനിറ്ററി നാപ്കിന്‍ വിതരണവും നടത്തി. ഗ്രാമപഞ്ചായത്ത് മെമ്പര്‍ കെ സരസ്വതി ഉദ്ഘാടനം ചെയ്തു. ജെ സി ഐ പ്രസിഡന്റ് ജോബിന്‍ ജോണ്‍ അധ്യക്ഷത വഹിച്ചു. അജീഷ് കുമാര്‍ ബോധവല്‍ക്കരണ സെമിനാറില്‍ ക്ലാസെടുത്തു. ജെ സി ഐ പ്രോഗ്രാം ഡയറക്റ്റര്‍ ജിബിന്‍ ചാക്കോ, സി ഡി എസ് ചെയര്‍പേഴ്‌സണ്‍ റീന ശങ്കരത്ത്, ഗീതാകുമാരി, പി ഗീത എന്നിവര്‍ പ്രസംഗിച്ചു.
 
ജീവന്‍രക്ഷാപ്രവര്‍ത്തനത്തിനുള്ള പാരിതോഷികം വിസ്മയക്ക് കൈമാറി
കോഴിക്കോട്: 2017 ല്‍ പുഴയില്‍ മുങ്ങിയ മൂന്ന് പേരുടെ ജീവന്‍ രക്ഷിച്ച് നാടിന്റെ അഭിമാനമായി മാറിയ വിസ്മയക്ക് സര്‍ക്കാര്‍ അനുവദിച്ച പാരിതോഷികം കൈമാറി. കലക്ടറുടെ ചേമ്പറില്‍ നടന്ന ചടങ്ങില്‍ ജില്ലാ കലക്ടര്‍ സാംബശിവ റാവു വിസ്മയക്ക് തുക കൈമാറി. കേന്ദ്രസര്‍ക്കാര്‍ അനുവദിച്ച 1,50000 രൂപയും സംസ്ഥാന സര്‍ക്കാരിന്റെ 35000 രൂപയുമാണ് നല്‍കിയത്. ഈ വര്‍ഷത്തെ സ്വാതന്ത്രദിനാഘോഷ ചടങ്ങില്‍ മെഡലും, സര്‍ട്ടിഫിക്കറ്റും നല്‍കും. ജീവന്‍രക്ഷാ പ്രവര്‍ത്തനത്തില്‍ പ്രശംസാര്‍ഹമായ സേവനം കാഴ്ചവെക്കുന്നവര്‍ക്ക് കേന്ദ്ര സര്‍ക്കാര്‍ നല്‍കുന്ന പുരസ്‌കാരമായ ഉത്തം ജീവന്‍ രക്ഷാ പതക്കിനാണ് വിസ്മയ അര്‍ഹയായത്. ജീവഹാനി ഉണ്ടായേക്കാവുന്ന അവസ്ഥയിലും മനുഷ്യത്വപരമായ പ്രവര്‍ത്തനമാണ് വിസ്മയ നടത്തിയത്. അയല്‍വാസികളായ രാധ, രജുല, ആദിദേവ് എന്നിവരെ 2017 ഏപ്രില്‍ എട്ടിനാണ് വിസ്മയ സാഹസികമായി രക്ഷപ്പെടുത്തിയത്. നടുവണ്ണൂര്‍ കോട്ടൂര്‍ പഞ്ചായത്തിലെ വാകയാടുള്ള രാമന്‍പുഴയുടെ പടത്തു കടവ് ഭാഗത്ത് കൂട്ടുകാരോടൊപ്പം ഇരിക്കുകയായിരുന്ന വിസ്മയ ഇവര്‍ മുങ്ങിത്താഴുന്നത് കണ്ട് ആത്മധൈര്യം കൈവിടാതെ നീന്തി പോയി രക്ഷപ്പെടുത്തുകയായിരുന്നു. പ്ലസ്ടു പഠനകാലത്താണ് സംഭവം നടക്കുന്നത്. എന്‍ എസ് എസ് വളണ്ടിയര്‍ ആയിരുന്ന വിസ്മയ സാമൂഹ്യ പ്രവര്‍ത്തനങ്ങളിലും സജീവ പ്രവര്‍ത്തകയായിരുന്നു. ഇപ്പോള്‍ പേരാമ്പ്ര ദാറുന്നുജ കോളേജില്‍ അവസാന വര്‍ഷ ബിരുദ വിദ്യാര്‍ത്ഥിനിയാണ്. വാകയാട് സ്വദേശി ചന്ദ്രന്‍ രമ ദമ്പതികളുടെ ഏക മകളാണ് വിസ്മയ. സര്‍ക്കാറില്‍ നിന്ന് ലഭിച്ച രണ്ട് ലക്ഷം രൂപയുടെ സഹായത്തോടെയാണ് വീടുപണി തുടങ്ങിയത് എന്നാല്‍ ഇനിയും പണി പൂര്‍ത്തീകരിക്കാനുണ്ട്. ദുരിതക്കയത്തിലും മകളുടെ ധീരതയില്‍ അഭിമാനിക്കുകയാണ് ഈ കുടുംബം.
 
പുതുപ്പാടി രണ്ടാം വാര്‍ഡ് മാലിന്യമുക്തമായി പ്രഖ്യാപിച്ചു
പുതുപ്പാടി: ആരോഗ്യ ജാഗ്രത പരിപാടിയുടെ ഭാഗമായി പുതുപ്പാടി ഗ്രാമപഞ്ചായത്ത് നടപ്പിലാക്കുന്ന മാലിന്യ മുക്തം എന്റെ ഗ്രാമം പദ്ധതി പ്രകാരം രണ്ടാം വാര്‍ഡ് മാലിന്യ മുക്ത ഗ്രാമമായി പ്രഖ്യാപിച്ചു. ഗ്രാമ പഞ്ചായത്ത് പ്രസിഡന്റ് പി ആര്‍ രാകേഷ് ഉദ്ഘാടനം ചെയ്തു. ആരോഗ്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ എം ഇ ജലീല്‍ അധ്യക്ഷത വഹിച്ചു. വികസന സ്റ്റാന്‍ഡിംഗ് കമ്മിറ്റി ചെയര്‍മാന്‍ മുജീബ് മാക്കണ്ടി, ഗ്രാമപഞ്ചായത്ത് മെംബര്‍ ഉഷാകുമാരി, നിയാസ് കൊട്ടാരക്കോത്ത്, ഷിഹാബുദ്ദീന്‍, വിജയന്‍ പുതുശേരി, ഷാജി കന്നുള്ളില്‍ എന്നിവര്‍ പ്രസംഗിച്ചു. ഹെല്‍ത്ത് ഇന്‍സ്പെക്ടര്‍ ഒ കെ ജനാര്‍ദ്ദനന്‍ ക്ലാസെടുത്തു. വാര്‍ഡിലെ വീടുകളില്‍ നിന്നും ശേഖരിക്കുന്ന മാലിന്യം മാസത്തിലൊരിക്കല്‍ എം ആര്‍ എം കമ്പനി സംസ്‌കരിക്കുന്നതിനു കൊണ്ടുപോവുകയാണ് ചെയ്യുന്നത്.
 
പത്മശ്രീ പുരസ്‌കാര ജേതാവ് കെ കെ മുഹമ്മദിനെ ആദരിച്ചു
കിഴക്കോത്ത്: പത്മശ്രീ പുരസ്‌കാര ജേതാവും പ്രശസ്ത പുരാവസ്തു ഗവേഷകനുമായ കെ കെ മുഹമ്മദിനെ ആദരിച്ചു. കിഴക്കോത്ത് എന്‍ ബി ടി ഹാളില്‍ വെച്ച് നടന്ന ചടങ്ങില്‍ പി വി ഷാഹുള്‍ ഹമീദ് പൊന്നാട അണിയിക്കുകയും ഉപഹാരം നല്‍കുകയും ചെയ്തു. ഇന്നത്തെ സമൂഹത്തില്‍ മതമൈത്രിയുടെ ആവശ്യകതയെക്കുറിച്ചും അതിന്റെ പ്രാധാന്യത്തെക്കുറിച്ചും അവാര്‍ഡ് ജേതാവ് സംസാരിച്ചു. കിഴക്കോത്ത് ഗ്രാമപഞ്ചായത്ത് പ്രസിഡന്റ് എന്‍ സി ഉസ്സയിന്‍ മാസ്റ്റര്‍ അധ്യക്ഷത വഹിച്ചു. വാര്‍ഡ് മെമ്പര്‍ വി എം മനോജ്, എന്‍ ബി ടി ജനറല്‍ സെക്രട്ടറി ബി സി അബ്ദുറഹ്മാന്‍ മാസ്റ്റര്‍, എന്നിവര്‍ സംസാരിച്ചു. പി കെ സുലൈമാന്‍ മാസ്റ്റര്‍ സ്വാഗതവും എം സി ബഷീര്‍ നന്ദിയും പറഞ്ഞു.
 
റസിഡന്റ്‌സ് അസോസിയേഷന്‍ ഉദ്ഘാടനവും അനുമോദനവും
എളേറ്റില്‍: പൂനത്ത്, കൊടക്കാട് പ്രദേശത്തെ 60 വീടുകള്‍ ഉള്‍പ്പെടുത്തി ആരംഭിച്ച സ്‌നേഹതീരം റസിഡന്റ്‌സ് അസോസിയേഷന്‍ താമരശ്ശേരി ഡി വൈ എസ് പി. ടി കെ സുധാകരന്‍ ഉദ്ഘാടനം ചെയ്തു. പ്രേമന്‍ കൊടക്കാട് അധ്യക്ഷത വഹിച്ചു. എസ് എസ് എല്‍ സി, പ്ലസ് ടു പരീക്ഷകളിലും മറ്റ് മത്സര പരീക്ഷകളിലും ഉന്നത വിജയം നേടിയ ദീപ്നാ ദിലീപ്, വിനായക് വി പി കെ, ഹരിനന്ദ ഷിനോയ്, യദു സി, ആരിഫ പി സി, അഞ്ജു രാജീവ് എന്നിവരെ ചടങ്ങില്‍ അനുമോദിച്ചു. മുതിര്‍ന്ന പൗരന്‍മാരായ ജാനകി വി പി കെ, അച്ചുതന്‍ പൂനത്ത്, അബു മുസ്‌ലിയാര്‍ പാറച്ചാലില്‍, ചാത്തുകുട്ടി കൊടക്കാട് എന്നിവരെ ആദരിച്ചു. എം എസ് മുഹമ്മദ്, റജ്‌ന കുറുക്കാമ്പൊയില്‍, പോക്കര്‍ മാസ്റ്റര്‍, ആസ്യ ബശീര്‍, സലാം മാസ്റ്റര്‍, അനീഷ്, അശ്‌റഫ് പാറച്ചാലില്‍, കണ്ടന്‍കുട്ടി തുടങ്ങിയവര്‍ പ്രസംഗിച്ചു.
 
റിലീഫ് വിതരണം നടത്തി
പുതുപ്പാടി: കാവുംപുറം യൂണിറ്റ് കേരള മുസ്ലിം ജമാഅത്ത്, എസ് വൈ എസ് സാന്ത്വന കേന്ദ്രം, എസ് എസ് ഫ് പ്രവാസി ഗ്രൂപ്പ് എന്നിവ സംയുക്തമായി റിലീഫ് വിതരണം നടത്തി. കേരള മുസ്ലിം ജമാഅത്ത് താമരശ്ശേരി സോണ്‍ പ്രസിഡന്റ് അന്‍വര്‍ സഖാഫി വി ഒ ടി ഉല്‍ഘാടനം ചെയ്തു. കാവുംപുറം മഹല്ല് ഖത്തീബ് അബ്ദുല്‍ സലാം സുബ്ഹാനി അദ്ധ്യക്ഷത വഹിച്ചു. മഹല്ല് പ്രസിഡന്റ് അബ്ദുള്ള ഹാജി, സെക്രട്ടറി ടി കെ ഉസയിന്‍, സദര്‍ മുഅല്ലിം അഷ്‌റഫ് അഹ്‌സനി, എസ് വൈ എസ് താമരശ്ശേരി സോണ്‍ സിക്രട്ടറി ഷംസുദ്ധീന്‍ പെരുമ്പള്ളി, കെ അഷ്‌റഫലി, മുഹമ്മദലി കാവുംപുറം, ഷമീര്‍ മാസ്റ്റര്‍, പി എം സെയ്ത്, പി പി സാജിദ്, കെ വി ഷാനുല്‍, നാസര്‍ കാക്കഞ്ചേരി തുടങ്ങിയവര്‍ സംബന്ധിച്ചു.
 
എസ് വൈ എസ് ബദ്ര്‍ അനുസ്മരണവും റമളാന്‍ കിറ്റ് വിതരണവും നടത്തി
കട്ടിപ്പാറ: ചിങ്ങണംപൊയില്‍ യൂണിറ്റ് എസ് വൈ എസ് സാന്ത്വനം കമ്മിറ്റി ബദ്ര്‍ അനുസ്മരണവും റമളാന്‍ കിറ്റ് വിതരണവും നടത്തി. എസ് വൈ എസ് ജില്ലാ സെക്രട്ടറി മുനീര്‍ സഅദി പൂലോട് ഉദ്ഘാടനം ചെയ്തു. മഹല്ല് പ്രസിഡണ്ട് മൊയ്തീന്‍ കോയ ഹാജി അദ്ധ്യക്ഷത വഹിച്ചു. മുസ്ലിം ജമാഅത്ത് സോണ്‍ പ്രസിഡണ്ട് അന്‍വര്‍ സഖാഫി, മൊയ്ദീന്‍ കുട്ടി സഖാഫി, ഉസ്മാന്‍ ഹാജി മദാരി, സി കെ അഹമ്മദ് കോയ, മുഹമ്മദ് മുസ്ല്യാര്‍ തുടങ്ങിയവര്‍ പങ്കെടുത്തു. റഹീം സഖാഫി പൂവന്‍മല സ്വാഗതവും അബ്ദുല്‍ ബാസിത് നന്ദിയും പറഞ്ഞു.
 
വിദ്യാര്‍ത്ഥികളിലെ പഠന വൈകല്യങ്ങളും മാനസിക പ്രശ്‌നങ്ങളും: ബോധവത്കരണക്ലാസ് നടത്തി
തിരുവമ്പാടി: കോഴിക്കോട് ജില്ലാ ലൈബ്രറി കൗണ്‍സില്‍ വികസന പദ്ധതിയുടെ ഭാഗമായി സൗപര്‍ണ്ണിക പബ്ലിക് ലൈബ്രറി ആര്‍ട്സ് ആന്‍ഡ് സ്‌പോര്‍ട്‌സ് ക്ലബ്ബില്‍ വെച്ച് വിദ്യാര്‍ത്ഥികളിലെ പഠന വൈകല്യങ്ങളും മാനസിക പ്രശ്‌നങ്ങളും എന്ന വിഷയത്തെ ആസ്പദമാക്കി തിരുവമ്പാടി പി എച്ച് സി സൈക്കോളജിസ്റ്റ് ശ്രീ അബ്ദുള്‍ റഹ്മാന്‍ ബോധവത്കരണക്ലാസ് നടത്തി. കോഴിക്കോട് ജില്ലാ ലൈബ്രറി കൗണ്‍സില്‍ എക്‌സിക്യൂട്ടീവ് അംഗം ശ്രീ സി സി ആന്‍ഡ്രൂസ് ഉദ്ഘാടനം ചെയ്തു. ലൈബ്രറി പ്രസിഡന്റ് ശ്രീ ഈ കെ നരേന്ദ്രന്‍ അധ്യക്ഷത വഹിച്ചു. സെക്രട്ടറി സാലസ് മാത്യു, ബാലവേദി അംഗം കുമാരി രേസന രതീഷ്, അലകനന്ദ പ്രദീപ് എന്നിവര്‍ സംസാരിച്ചു.
 
ജില്ലാ ടെന്നീസ് ബോള്‍ ടീമിനെ പി എസ് അജിത്തും ഷാനി ജോസഫും നയിക്കും
കോഴിക്കോട്: ജില്ലാ ടെന്നീസ് ബോള്‍ ടീമിനെ പി എസ് അജിത്തും ഷാനി ജോസഫും നയിക്കും. മുഹമ്മദ് സാലു, പി മുഹമ്മദ് ഫാഹിസ്, ആദീം നിഹാല്‍, പി എം മുഹമ്മദ് അസ്നാദ്, ടി എ ജോബിന്‍ എന്നിവരാണ് ജൂനിയര്‍ ബോയ്സ് ടീമംഗങ്ങള്‍. പി കെ ഗ്രീഷ്മ, കെ കെ സനാ ജിന്‍സിയ, കെ പി അക്ഷയ ഷാജി, നേഹ, അഭിരാമി, ആര്യ സത്യന്‍, സിംഫണി എന്നിവരാണ് ജൂനിയര്‍ ഗേള്‍സ് ടീമംഗങ്ങള്‍.
 
താമരശ്ശേരിയില്‍ യു ഡി എഫ് ആഹ്ലാദ പ്രകടനവും പൊതുയോഗവും നടത്തി
താമരശ്ശേരി: താമരശ്ശേരി പഞ്ചായത്ത് യു ഡി എഫ് കമ്മിറ്റിയുടെ ആഭിമുഖ്യത്തില്‍ ലോക്‌സഭ തിരഞ്ഞെടുപ്പിലെ വിജയത്തില്‍ താമരശ്ശേരി ടൗണില്‍ ആഹ്ലാദ പ്രകടനവും പൊതുയോഗവും നടത്തി. ഡി സി സി ജനറല്‍ സെക്രട്ടറി പി സി ഹബീബ് തമ്പി ഉദ്ഘാടനം ചെയ്തു. കണ്‍വീനര്‍ ടി ആര്‍ ഓമനകുട്ടന്‍ മാസ്റ്റര്‍ അധ്യക്ഷത വഹിച്ചു യു ഡി എഫ് ചെയര്‍മാന്‍ കെ എം അഷ്‌റഫ് മാസ്റ്റര്‍, പഞ്ചായത്ത് വൈസ് പ്രസിഡണ്ട് നവാസ് ഈര്‍പ്പോണ, പി പി ഹാഫിസ് റഹ്മാന്‍, എ പി ഉസ്സയിന്‍, കെ സരസ്വതി, പി ടി ബാപ്പു, ഉസ്സയിന്‍ കുട്ടി ഹാജി, സി മുഹ്‌സിന്‍, സുല്‍ഫി കാരാടി, സുമാ രാജേഷ്, വി കെ എ കബീര്‍, അയ്യൂബ് ഖാന്‍ തുടങ്ങിയവര്‍ സംസാരിച്ചു. ഹിറാഷ് വി കെ, പ്രമോദ് ചുങ്കം, ഷംസീര്‍ എടവലം, മഹേന്ദ്രന്‍ ചുങ്കം, ബാലകൃഷ്ണന്‍, ഭാസ്‌ക്കരന്‍ ചുങ്കം, രാഷേഷ്, മന്‍സൂര്‍ തുമ്പോണ, സുധീഷ് കാരാടി, ഭാര്‍ഗ്ഗവി നാരായണന്‍, റീന ബല്‍റാം, തുടങ്ങിയവര്‍ നേതൃത്വം നല്‍കി.
 
 
 
 

All rights reserved | Website developed and maintained by Zyonz Technologies