15-Sep-2019 (Sun)
 
 
 
എന്റെ വോട്ട് എന്റെ അഭിമാനം; തെരഞ്ഞെടുപ്പ് ബോധവത്കരണ പോസ്റ്റര്‍ പതിച്ചു
കോഴിക്കോട്: ജില്ലാ ഭരണകൂടത്തിന്റെ നേതൃത്വത്തില്‍ സ്വീപ്പ് പദ്ധതിയുടെ ഭാഗമായി വാഹനങ്ങളില്‍ തെരഞ്ഞെടുപ്പ് ബോധവത്കരണ പോസ്റ്ററുകള്‍ പതിച്ചു. പാളയം ബസ്റ്റാന്റ്, കെ എസ് ആര്‍ ടി സി ബസ്റ്റാന്റ് എന്നിവിടങ്ങളില്‍ ബസുകളിലും സമീപത്തെ ഓട്ടോകളിലുമാണ് പോസ്റ്റര്‍ പതിപ്പിച്ചത്.
 
ജില്ലാ സ്പോര്‍ട്സ് കൗണ്‍സില്‍ ആട്യാ പാട്യാ സമ്മര്‍ കോച്ചിംഗ് ക്യാമ്പ് ആരംഭിച്ചു
കണ്ണോത്ത്: കോഴിക്കോട് ജില്ലാ സ്പോര്‍ട്സ് കൗണ്‍സിലിന്റെയും ആട്യാ പാട്യാ അസോസിയേഷന്റെയും സംയുക്താഭിമുഖ്യത്തിലുള്ള വേനലവധിക്കാല കോച്ചിങ് ക്യാമ്പ് കണ്ണോത്ത് സെന്റ് ആന്റണീസ് ഹൈസ്‌കൂള്‍ ഗ്രൗണ്ടില്‍ ആരംഭിച്ചു. ക്യാമ്പ് സംസ്ഥാന സ്പോര്‍ട്സ് കൗണ്‍സില്‍ മെമ്പര്‍ ടി എം അബ്ദുറഹിമാന്‍ മാസ്റ്റര്‍ ഉദ്ഘാടനം ചെയ്തു. ജോസ് ജോസഫ്, കെ എം ജോസഫ്, കെ വി വിനോയ്, കരീം പുതുപ്പാടി എന്നിവര്‍ സംസാരിച്ചു. സുഭാഷ് ജോസഫ് സ്വാഗതവും വി സതേഷ് നന്ദിയും പറഞ്ഞു. ഒരു മാസം നീണ്ടു നില്‍ക്കുന്ന ക്യാമ്പില്‍ 16 ദേശീയ വിജയികളും 30 സംസ്ഥാന താരങ്ങളും പങ്കെടുക്കുന്നു. സംസ്ഥാന കോച്ച് ജോസ് ജോസഫും വി പി ശ്രീജിലേഷുമാണ് ക്യാമ്പിന് നേതൃത്വം നല്‍കുന്നത്.
 
ചൈതന്യ റസിഡന്റ്‌സ് അസോസിയേഷന്‍ ഒന്നാം വാര്‍ഷികാഘോഷം
താമരശ്ശേരി: ചൈതന്യ റസിഡന്റ്‌സ് അസോസിയേഷന്‍ ഒന്നാം വാര്‍ഷികാഘോഷം പ്രശസ്ത വോളിബോള്‍ താരവും മുന്‍ ഇന്ത്യന്‍ ക്യാപ്റ്റനുമായ ഇ കെ കിഷോര്‍ കുമാര്‍ ഉദ്ഘാടനം ചെയ്തു. അസോസിയേഷന്‍ തയാറാക്കിയ വെബ്‌സൈറ്റ് ടി ഭാസ്‌ക്കരന്‍ ഐ എ എസ് പരിചയപ്പെടുത്തി. ചൈതന്യ കുടുംബാംഗങ്ങളായ എം ബി ബാലകൃഷ്ണന്റെയും മിനിയുടെയും മകളായ എം ഹര്‍ഷയുടെ ഒസ്യത്ത് എന്ന കവിതാസമാഹാരം ചിറക്കല്‍ വാരിയത്ത് പി വി ദേവരാജന്‍ മാസ്റ്റര്‍ ടി ഭാസ്‌കരന് നല്‍കിക്കൊണ്ട് പ്രകാശനം ചെയ്തു. ചൈതന്യ റസിഡന്‍സ് അസോസിയേഷന്റെ മുന്‍ സെക്രട്ടറി കെ കെ ബിനീഷ് കുമാറിനെ സ്‌നേഹോപകാരം നല്‍കി ആദരിച്ചു.
 
ജില്ലാ സ്പോര്‍ട്സ് കൗണ്‍സില്‍ ത്രോബോള്‍ കോച്ചിംഗ് ക്യാമ്പ് ആരംഭിച്ചു
പുതുപ്പാടി: കോഴിക്കോട് സ്പോര്‍ട്സ് കൗണ്‍സില്‍ ത്രോ ബോള്‍ അസോസിയേഷന്റെ നേതൃത്വത്തില്‍ സംഘടിപ്പിച്ച ജില്ലാ സമ്മര്‍ ത്രോ ബോള്‍ കോച്ചിംഗ് ക്യാമ്പ് പുതുപ്പാടി സ്പോര്‍ട്സ് അക്കാദമി ഗ്രൗണ്ടില്‍ ആരംഭിച്ചു. ക്യാമ്പ് സ്പോര്‍ട്സ് കൗണ്‍സില്‍ സ്റ്റാന്‍ഡിങ് കമ്മിറ്റി അംഗം കെ എം ജോസഫ് ഉദ്ഘാടനം ചെയ്തു. കേരള സ്പോര്‍ട്സ് കൗണ്‍സില്‍ മെമ്പര്‍ ടി എം അബ്ദുറഹിമാന്‍ അധ്യക്ഷത വഹിച്ചു. പുതുപ്പാടി സ്പോര്‍ട്സ് അക്കാദമി സെക്രട്ടറി പി ടി ഷാജി, ജോയി സബാസ്റ്റിന്‍ മാസ്റ്റര്‍, ബിജു വാച്ചാലില്‍, കെ വി മജീദ് എന്നിവര്‍ സംസാരിച്ചു. റതിക് സുന്ദര്‍ സ്വാഗതവും ത്രോ ബോള്‍ അസോസിയേഷന്‍ സെക്രട്ടറി എന്‍ വി സഫാനാസ് നന്ദിയും പറഞ്ഞു.
 
വിദ്യാര്‍ത്ഥികള്‍ക്ക് സമ്മര്‍ ഫുട്‌ബോള്‍ കോച്ചിംഗുമായി ഗാഥ കോളജ്
പൂനൂര്‍: വിദ്യാര്‍ത്ഥികളുടെ കായിക വികസനം ലക്ഷ്യമിട്ട് പൂനൂര്‍ ഗാഥ കോളജ് ട്യൂഷന്‍ വിദ്യാര്‍ത്ഥികള്‍ക്ക് വേണ്ടി സംഘടിപ്പിക്കുന്ന അവധിക്കാല ഫുട്‌ബോള്‍ കോച്ചിംഗ് ക്യാമ്പ് ആരംഭിച്ചു. വിദഗ്ധരായ പരിശീലകരുടെ നേതൃത്വത്തില്‍ നടക്കുന്ന ക്യാമ്പില്‍ അമ്പതോളം വിദ്യാര്‍ത്ഥികള്‍ പങ്കെടുത്ത് വരുന്നു. ഗാഥ പബ്ലിക് സ്‌കൂള്‍ ഗ്രൗണ്ടിലാണ് ക്യാമ്പ് നടക്കുന്നത്. പരിശീലന പരിപാടിയുടെ ഉദ്ഘാടനം പ്രിന്‍സിപ്പല്‍ കെ നിസാര്‍ മാസ്റ്റര്‍ നിര്‍വ്വഹിച്ചു. കോഓഡിനേറ്റര്‍ കെ കെ ആസിഫലി അധ്യക്ഷത വഹിച്ചു.
 
ബി ജെ പി കട്ടിപ്പാറ പഞ്ചായത്ത് തിരഞ്ഞെടുപ്പ് കമ്മറ്റി ഓഫീസ് ഉദ്ഘാടനം ചെയ്തു
താമരശ്ശേരി: ബി ജെ പി കട്ടിപ്പാറ പഞ്ചായത്ത് കമ്മറ്റി തിരഞ്ഞെടുപ്പ് ഓഫീസ് മണ്ഡലം പ്രസിഡണ്ട് ഷാന്‍ കട്ടിപ്പാറ ഉദ്ഘാടനം ചെയ്തു. ഷാന്‍ കരിഞ്ചോല അദ്ധ്യക്ഷത വഹിച്ചു. മഹിളാ മോര്‍ച്ച ജില്ലാ സെക്രട്ടറി മല്ലിക ലോഹിദാഷന്‍, ഒ ബി സി മോര്‍ച്ച മണ്ഡലം പ്രസിഡണ്ട് വത്സന്‍ മേടോത്ത്, വാര്‍ഡ് മെമ്പര്‍ വത്സല കനകദാസ്, വിദ്യാസാഗര്‍, രജീഷ് വേണാടി, സുരേഷ് എന്നിവര്‍ സംസാരിച്ചു.
 
നികുതി പിരിവില്‍ ശ്രദ്ധേയമായ നേട്ടവുമായി ഒളവണ്ണ ഗ്രാമപഞ്ചായത്ത്
ഒളവണ്ണ: നികുതി പിരിവില്‍ ശ്രദ്ധേയമായ നേട്ടം കൈവരിച്ച ഒളവണ്ണ ഗ്രാമപഞ്ചായത്തിനെ പി ടി എ റഹീം എം എല്‍ എ അഭിനന്ദിച്ചു. 2018-19 വര്‍ഷത്തില്‍ 100 ശതമാനം നികുതി പിരിവ് ലക്ഷ്യം കൈവരിച്ച ഒളവണ്ണ ഗ്രാമപഞ്ചായത്തില്‍ 5.47 കോടി രൂപയാണ് കെട്ടിട നികുതിയായി പിരിച്ചെടുത്തത്. സംസ്ഥാനത്തെ ഏറ്റവും കൂടുതല്‍ ജനസംഖ്യയുള്ളതും ഏറ്റവും കൂടുതല്‍ കെട്ടിട നികുതി പിരിക്കാനുള്ളതുമായ പഞ്ചായത്താണ് ഒളവണ്ണ. ഇതര ഗ്രാമപഞ്ചായത്തുകളില്‍ നിലവിലുള്ള സ്റ്റാഫ് പാറ്റേണ്‍ പ്രകാരം മാത്രം ഉദ്യോഗസ്ഥരുള്ള ഈ പഞ്ചായത്ത് സാമ്പത്തിക വര്‍ഷാവസാനത്തില്‍ മെയിന്റനന്‍സ് ഫണ്ട് 100 ശതമാനവും വികസന ഫണ്ട് 96 ശതമാനവും ചെലവഴിച്ചിട്ടുണ്ട്. നേരത്തേ മുഖ്യമന്ത്രിയുടെ പ്രളയ ദുരിതാശ്വാസ നിധിയിലേക്ക് തനത് ഫണ്ടില്‍ നിന്നും 50 ലക്ഷം രൂപ ഒളവണ്ണ ഗ്രാമപഞ്ചായത്ത് സംഭാവനയായി നല്‍കിയിരുന്നു. കുന്ദമംഗലം നിയോജകമണ്ഡലത്തിലെ കുന്ദമംഗലം ഒഴികെയുള്ള മുഴുവന്‍ ഗ്രാമപഞ്ചായത്തുകളും നികുതി പിരിവില്‍ 100 ശതമാനം നേട്ടം കൈവരിച്ചിട്ടുണ്ട്. മണ്ഡലത്തിലെ രണ്ട് ബ്ലോക്ക് പഞ്ചായത്തുകളില്‍ കോഴിക്കോട് ബ്ലോക്ക് പഞ്ചായത്ത് വികസന ഫണ്ട് 100 ശതമാനവും ചെലവഴിച്ച് സംസ്ഥാനത്തുതന്നെ ശ്രദ്ധേയമായ നേട്ടം കൈവരിച്ചിരിക്കുകയാണ്. എന്‍ മനോജ് കുമാര്‍ പ്രസിഡന്റായ കോഴിക്കോട് ബ്ലോക്ക് പഞ്ചായത്തിന്റെ പ്രവര്‍ത്തനങ്ങള്‍ ഇതര ബ്ലോക്ക് പഞ്ചായത്തുകള്‍ മാതൃകയാക്കേണ്ടതാണെന്ന് പി ടി എ റഹീം എം എല്‍ എ പറഞ്ഞു.
 
ലോക്‌സഭ തെരഞ്ഞെടുപ്പ്; ഫ്‌ളാഷ് മോബ് സംഘടിപ്പിച്ചു
ഓമശ്ശേരി: തെരഞ്ഞെടുപ്പില്‍ വോട്ട് രേഖപ്പെടുത്തേണ്ടതിന്റെ പ്രാധാന്യം വ്യക്തമാക്കി ജില്ലാ ഭരണകൂടത്തിന്റെ നേതൃത്വത്തില്‍ സ്വീപ് പദ്ധതിയുടെ ആഭിമുഖ്യത്തില്‍ ഓമശേരി, മുക്കം എന്നിവിടങ്ങളില്‍ ഫ്‌ളാഷ് മോബ് സംഘടിപ്പിച്ചു.
 
വനിതകളെ സ്വയം പര്യാപ്തമാക്കാന്‍ മഹിളാ കിസാന്‍ ശാക്തീകരണ്‍ പരിയോജന പദ്ധതി
പുതുപ്പാടി: വനിതകളെ സ്വയം പര്യാപ്തമാക്കാന്‍ മഹിളാ കിസാന്‍ ശാക്തീകരണ്‍ പരിയോജന പദ്ധതി. പുതുപ്പാടി ഗ്രാമപഞ്ചായത്തിലെ പത്തോളം വരുന്ന വനിതകള്‍ക്കാണ് കാര്‍ഷികമേഖലയില്‍ വിവിധ തൊഴിലുകളില്‍ പരിശീലനം നല്‍കിയത്. ഈ പദ്ധതിയിലൂടെ തെങ്ങ് കയറ്റം, തുള്ളി നന, കിണര്‍ റീചാര്‍ജ്ജിംഗ്, ഗ്രോബാഗ് നിര്‍മാണം എന്നിവയിലാണ് പരിശീലനം നല്‍കുന്നത്. 40 ദിവസം തൊഴിലുറപ്പ് പദ്ധതിയില്‍ ജോലിയെടുത്ത 49 വയസ്സില്‍ താഴെ പ്രായമുള്ള 10 വനിതകള്‍ക്കാണ് 4 ദിവസത്തെ പരിശീലനം നല്‍കുന്നത്. പരിശീലന കാലയളവില്‍ ഭക്ഷണ അലവന്‍സായി 70 രൂപ നല്‍കും. വിവിധ മേഖലകളില്‍ പരിശീലനം ലഭിക്കുന്നതോടെ തുടര്‍ വര്‍ഷങ്ങളില്‍ ഇവര്‍ക്ക് ട്രാക്ടര്‍, ട്രില്ലര്‍ തുടങ്ങിയ കാര്‍ഷിക യന്ത്രങ്ങളും നല്‍കും. ഇതോടെ ഇവരുടെ സേവനം വേണ്ട കര്‍ഷകര്‍ ഗ്രാമപഞ്ചായത്തില്‍ രജിസ്റ്റര്‍ ചെയ്യുകയും ഇവരുടെ സേവനം കുറഞ്ഞ നിരക്കില്‍ കര്‍ഷകര്‍ക്ക് ലഭിക്കുകയും ചെയ്യും. പുതുപ്പാടി ഗ്രാമപഞ്ചായത്തില്‍ ആരംഭിച്ച പരിശീലനത്തില്‍ കുടുംബശ്രീ അംഗങ്ങളായ 10 വനിതകളാണ് പങ്കെടുക്കന്നത്. പരിശീലനത്തിന് വില്ലേജ് എക്സ്റ്റന്‍ഷന്‍ ഓഫീസര്‍മാരായ ഉനൈസ്, അബ്ദുള്‍ ജലീല്‍ എന്നിവര്‍ നേതൃത്വം നല്‍കി.
 
ശ്രീധന്യ സുരേഷിനെ ആദരിച്ചു
പൂനൂര്‍: ഇന്ത്യന്‍ സിവില്‍ സര്‍വീസ് പരീക്ഷയില്‍ ഉന്നത വിജയം നേടിയ ശ്രീധന്യ സുരേഷിനെഐ ഗേറ്റ് പൂനൂര്‍ ആദരിച്ചു. ഉപഹാരം പി സി മുഹമ്മദ് ഗഫൂര്‍ കൈമാറി. ചടങ്ങില്‍ ഫസല്‍ വാരിസ് അധ്യക്ഷത വഹിച്ചു. ഹക്കീം പൂനൂര്‍, സഫീര്‍ കെ എം, മുനീര്‍ കെ കെ, ഷമീര്‍ ബാവ, കമറുല്‍ ഇസ്ലാം, അഷ്‌റഫ് പുനൂര്‍, സി പി റഷീദ്, സഫ് വാന്‍ കെ, മുഹമ്മദ് ബഷീര്‍ എന്നിവര്‍ സംസാരിച്ചു.
 
 
 
 

All rights reserved | Website developed and maintained by Zyonz Technologies