02-Jul-2020 (Thu)
'കോവിഡിനോട് പൊരുതി ജയിക്കുന്ന കേരളം' പുസ്തകത്തിന്റെ ജില്ലാതല പ്രകാശനം നടന്നു മുഖ്യ മന്ത്രിയുടെ പ്രാദേശിക റോഡ് പുനരുദ്ധാരണ പദ്ധതിക്ക് തുടക്കമായി താമരശ്ശേരി എ ഇ ഒ ഒഫീസിന് മുന്‍പില്‍ കെ എസ് യു ധര്‍ണ്ണ നടത്തി താമരശ്ശേരി ചമല്‍ കേളന്‍മൂല ഭാഗത്ത് നിന്നും വാഷും ചാരായവും പിടിച്ചെടുത്തു പ്ലാസ്റ്റിക് ടോള്‍ ബൂത്തുകള്‍ സ്ഥാപിച്ചു പുതുപ്പാടിയില്‍ കാട്ടുപന്നികളെ വെടിവെച്ചുകൊല്ലുന്നതിനുള്ള നടപടികള്‍ക്കായി ജാഗ്രതാ സമിതി ചേര്‍ന്നു കര്‍ഷക കൂട്ടായ്മ താമരശ്ശേരി ഫോറസ്റ്റ് റെയ്ഞ്ച് ഓഫീസിലേക്ക് മാര്‍ച്ച് നടത്തി മുഖത്ത് പ്ലാസ്റ്റിക് ഡബ്ബ കുടുങ്ങിയ കുറുക്കനെ രക്ഷപ്പെടുത്തി തൃക്കുറ്റിശ്ശേരി വയല്‍ പീടിക പുതിയപാലം മന്ത്രി ജി സുധാകരന്‍ നാടിന് സമര്‍പ്പിച്ചു സ്മാര്‍ട്ട് ചാലഞ്ചില്‍ റിപ്പയര്‍ ചെയ്ത ഫോണുകള്‍ അദ്ധ്യാപകര്‍ക്കു കൈമാറി പുല്ലാളൂര്‍ പുറായില്‍ ഒലോറക്കുന്ന് റോഡ് മന്ത്രി ഉദ്ഘാടനം ചെയ്തു
 
 
 
1 2 3
 
താമരശ്ശേരി- കൊടുവള്ളി നിര്‍ദ്ദിഷ്ഠ ബൈപ്പാസ്; നടപടി ത്വരിതപ്പെടുത്തുന്നതിന് രാഹുല്‍ ഗാന്ധിക്ക് നിവേദനം സമര്‍പ്പിച്ചു
താമരശ്ശേരി: കോഴിക്കോട്- മുത്തങ്ങ എന്‍ എച്ച് 766ലെ കേന്ദ്ര ഉപരിതല ഗതാഗത വകുപ്പിന് സമര്‍പ്പിച്ച താമരശ്ശേരി- കൊടുവള്ളി നിര്‍ദ്ദിഷ്ഠ ബൈപ്പാസ് നടപടി ത്വരിതപ്പെടുത്തുന്നതിന് വയനാട് എം പി രാഹുല്‍ ഗാന്ധിക്ക് താമരശ്ശേരി ഗ്രാമപഞായത്ത് വൈസ് പ്രസിഡണ്ട് നവാസ് ഈര്‍പ്പോണ, ഡി സി സി ജനറല്‍ സെക്രട്ടറി പി സി ഹബീബ് തമ്പി, മണ്ഡലം കോണ്‍ഗ്രസ്സ് വൈസ് പ്രസിഡണ്ട് സി മുഹ്‌സിന്‍ എന്നിവരുടെ നേതൃത്ത്വത്തില്‍ നിവേദനം നല്‍കി. പ്രസ്തുത വിഷയത്തില്‍ കേന്ദ്ര ഉപരിതല ഗതാഗത വകുപ്പ് മന്ത്രിയുമായി സംസാരിച്ച് വേണ്ട നടപടി സ്വീകരിക്കാന്‍ ആവശ്യപ്പെടുമെന്ന് അദ്ദേഹം ഉറപ്പ് നല്‍കി.
 
ദുരിതബാധിതര്‍ക്ക് കൈത്താങ്ങായി അല്‍ ഇര്‍ഷാദ് കോളേജ് വിദ്യാര്‍ത്ഥിനികള്‍
കട്ടിപ്പാറ: മഴക്കെടുതിയില്‍ നിന്നും അതിജീവനത്തിന്റെ പാതയിലേക്ക് പ്രവേശിച്ചു കൊണ്ടിരിക്കുന്ന ദുരിതബാധിതര്‍ക്ക് സഹായവുമായി അല്‍ ഇര്‍ഷാദ് കോളേജ് വിദ്യാര്‍ത്ഥിനികള്‍. പ്രളയ ദുരിതാശ്വാസത്തിലേക്കായി വിദ്യാര്‍ത്ഥിനികള്‍ വിവിധയിനം ഗൃഹോപകരണങ്ങള്‍ സംഭാവന ചെയ്തു. നൂറിലധികം വീടുകളിലേക്കുള്ള വീട്ടുപകരണങ്ങള്‍ ആണ് അവര്‍ ശേഖരിച്ച് നല്‍കിയത്. അനേകായിരങ്ങള്‍ക്ക് തങ്ങളുടെ ആയുസിന്റെ മുഴുവന്‍ സൗഭാഗ്യങ്ങളും ഒലിച്ചുപോയിരിക്കുന്ന ഈ ദൗര്‍ഭാഗ്യ നിമിഷത്തില്‍ അവര്‍ക്ക് താങ്ങാവാന്‍ മുഴുവന്‍ വിദ്യാര്‍ത്ഥിനികളും ഇതില്‍ പങ്കെടുത്തു. അല്‍ ഇര്‍ഷാദ് ഇന്‍സ്റ്റിറ്റിയൂഷന്‍സ് ചെയര്‍മാന്‍ ഹുസൈന്‍ നീ ബാരി, ജനറല്‍ സെക്രട്ടറി ഹുസൈന്‍ മേപ്പള്ളി എന്നിവര്‍ ഉപകരണങ്ങള്‍ ഏറ്റുവാങ്ങി. പ്രിന്‍സിപ്പാള്‍ സെലീന വി, ഒ എം ബഷീര്‍ സഖാഫി, ജോര്‍ജ് സി ടി എന്നിവര്‍ നേതൃത്വം നല്‍കി.
 
ക്ഷീര കര്‍ഷകര്‍ക്ക് കാലിത്തീറ്റ വിതരണം ചെയ്തു
അഴിയൂര്‍: അഴിയൂര്‍ ഗ്രാമപഞ്ചായത്തിലെ പ്രളയബാധിത പ്രദേശങ്ങളില്‍ ദുരിതമനുഭവിക്കുന്ന ക്ഷീര കര്‍ഷകര്‍ക്ക് മൃഗസംരക്ഷണ വകുപ്പ് നല്‍കുന്ന കാലിത്തീറ്റയുടെ വിതരണം പഞ്ചായത്ത് പ്രസിഡണ്ട് ഇ ടി അയൂബ് നിര്‍വ്വഹിച്ചു. ചോമ്പാല മൃഗാശുപത്രിയില്‍ നടന്ന ചടങ്ങില്‍ വൈസ് പ്രസിഡണ്ട് റീന രയരോത്ത്, വികസന സ്റ്റാന്‍ഡിംഗ് കമ്മിറ്റി ചെയര്‍മാന്‍ ഉഷ ചാത്തങ്കണ്ടി, മെമ്പര്‍മാരായ ശ്രീജേഷ്, ശുഭ മുരളീധരന്‍ പഞ്ചായത്ത് സെക്രട്ടറി ഷാഹുല്‍ ഹമീദ്, സീനിയര്‍ വെറ്ററിനറി സര്‍ജന്‍ ഡോ. ആര്‍ ബാബുരത്നം എന്നിവര്‍ പങ്കെടുത്തു. ഓരോ ഗുണഭോക്താവിനും 30 കിലോ കാലിത്തീറ്റ, രണ്ടര കിലോ വൈക്കോല്‍ മിശ്രിതം, കേരമിന്‍ മിനറല്‍ മിശ്രിതം എന്നിവയാണ് വിതരണം ചെയ്തത്.
 
സിവില്‍ സര്‍വ്വീസ് ട്രൈനിംഗ് സംഘടിപ്പിച്ചു
താമരശ്ശേരി: സൗദി തുഖ്ബ കെ എം സി സി യുടെ ആഭിമുഖ്യത്തില്‍ നടത്തുന്ന സിവില്‍ സര്‍വ്വീസ് ട്രൈനിംഗിന്റെ ഭാഗമായുള്ള ആദ്യ പരീക്ഷ നടന്നു. കൂടത്തായ് എജ്യുപാര്‍ക്കില്‍ നടന്ന പരിപാടി മുസ്ലിം ലീഗ് സംസ്ഥാന വൈസ് പ്രസിഡണ്ട് സി മോയിന്‍കുട്ടി ഉദ്ഘാടനം ചെയ്തു. തുക്ബ കെ എം സി സി പ്രസിഡണ്ട് യു കെ ഉമ്മര്‍ അദ്ധ്യക്ഷത വഹിച്ചു. യൂത്ത് ലീഗ് സംസ്ഥാന സെക്രട്ടറി പി ജി മുഹമ്മദ്, നസീഫ് കൊടുവള്ളി, അസീസ് കുറ്റികാട്ടൂര്‍, റിയാസ് ബാബു, ആഷിഖ് ചോക്കാട്, റഷീദ് കാക്കൂര്‍, സെയ്ത് ഫസല്‍, സുബൈര്‍ നെല്ലിക്കാപറമ്പ്, യു കെ ഹുസൈന്‍, ഷമീര്‍ ചോക്കാട്, സല്‍മാ ഷഹീന്‍, സജ്ന ആസാദ് തുടങ്ങിയവര്‍ സംസാരിച്ചു.
 
വിദ്യാര്‍ത്ഥികള്‍ക്ക് സൗജന്യമായി കുട വിതരണം ചെയ്തു
കൊടുവള്ളി: കൊടുവള്ളി, മാനിപുരം, കരുവന്‍ പൊയിലില്‍, വെണ്ണക്കോട്, പുള്ളന്നൂര്‍, തലപ്പെരുമണ്ണ തുടങ്ങിയ സ്‌കൂളുകളില്‍ 2000 കുടകള്‍ സൗജന്യമായി വിതരണം ചെയ്തു. 4 ലക്ഷം രൂപ ചെലവില്‍ അന്ന കിറ്റെക്‌സ് ഗ്രൂപ്പ് സ്‌കൂബിയുടെ തണല്‍ പദ്ധതിയുടെ ഭാഗമായാണ് സ്‌കൂള്‍ വിദ്യാര്‍ത്ഥികള്‍ക്ക് കുടകള്‍ നല്‍കിയത്.
 
പത്താം ക്ലാസ്സ് വിദ്യാര്‍ത്ഥികള്‍ക്ക് പരീക്ഷാ മുന്നൊരുക്കവുമായി എം ജെ എച്ച് എസ് എസ്
എളേറ്റില്‍: എളേറ്റില്‍ എം ജെ ഹയര്‍ സെക്കന്ററി സ്‌കൂളില്‍ പത്താം ക്ലാസ് വിദ്യാര്‍ത്ഥികള്‍ക്ക് പാദ വാര്‍ഷിക പരീക്ഷക്ക് മുന്നോടിയായി നൈറ്റ് കേമ്പ് സംഘടിപ്പിച്ചു. വിവിധ വിഷയങ്ങളില്‍ ക്ലാസ്സുകള്‍ നടന്നു. ഹെഡ് മിസ്ട്രസ് പി എം ബുഷ്റ ടീച്ചര്‍, ഡെപ്യുട്ടി എച് എം ഒ പി അബ്ദുറഹ്മാന്‍ മാസ്റ്റര്‍, എഡ്യു കെയര്‍ കണ്‍വീനര്‍ പി പി മുഹമ്മദ് ഇസ്മായില്‍, ഫസലുല്‍ ബാരി, പി ഷഫീഖ്, ഷഫീഖ് കത്തറമ്മല്‍, പി സി അബ്ദുല്‍ ഗഫൂര്‍, ഇ കെ സാബിറ എം പി റംല, ദിവ്യ എന്നിവര്‍ നേതൃത്വം നല്‍കി.
 
പ്രളയബാധിതര്‍ക്ക് സഹായവുമായി പന്നൂര്‍ റെഡ് സ്റ്റാര്‍ സ്വയം സഹായ സംഘം
പന്നൂര്‍: മുഖ്യമന്ത്രിയുടെ പ്രളയ ദുരിതാശ്വാസ നിധിയിലേക്കുള്ള സഹായ ഫണ്ട് റെഡ് സ്റ്റാര്‍ സ്വയം സഹായ സംഘം (പന്നൂര്‍) പ്രസിഡണ്ട് സി പി സുലൈമാന്‍ സി പി ഐ എം കിഴക്കോത്ത് ലോക്കല്‍ കമ്മറ്റി സെക്രട്ടറി പി ശ്രീധരന് കൈമാറി. കഴിഞ്ഞ വര്‍ഷത്തെ പ്രളയത്തിനും റെഡ് സ്റ്റാര്‍ സഹായ ധനം നല്‍കിയിരുന്നു. പ്രസിഡണ്ട് സി പി സുലൈമാന്റെ അദ്ധ്യക്ഷത വഹിച്ചു. പി ബിജു, യു പി അബ്ദുസ്സമദ്, എം സതീഷന്‍, യു പി അബ്ദുനാസര്‍, എം ഷൈജു എന്നിവര്‍ സംസാരിച്ചു.
 
അതിജീവനത്തിനായി പായസമധുരം പകര്‍ന്ന് വിദ്യാര്‍ത്ഥികള്‍
കോഴിക്കോട്: തകര്‍ത്തു പെയ്ത മഴയിലും പ്രളയത്തിലുംപെട്ട് ദുരിതമനുഭവിക്കുന്നവര്‍ക്ക് തങ്ങളാല്‍ കഴിയുന്ന സഹായവുമായി ഹിമായത്തുല്‍ ഇസ്ലാം ഹയര്‍സെക്കണ്ടറി സ്‌കൂളിലെ വിദ്യാര്‍ത്ഥികള്‍. അതിജീവിക്കുന്ന കേരളത്തിന് കൈത്താങ്ങാവാന്‍ ഇവര്‍ നല്‍കിയ 10001 രൂപക്ക് പായസത്തിന്റെ മാധുര്യമുണ്ട്. കാരണം സ്‌കൂളിലെ 25 കസ്റ്റംസ് കേഡറ്റ് കോര്‍പ്പ് വിദ്യാര്‍ത്ഥികള്‍ സ്വന്തം വീടുകളില്‍ നിന്ന് പായസം ഉണ്ടാക്കി ബീച്ചില്‍ വില്‍പന നടത്തിയാണ് ദുരിതാശ്വാസ നിധിയിലേക്കുള്ള തുക കണ്ടെത്തിയത്. ദുരിതബാധിതര്‍ക്കായി കുഞ്ഞുകരങ്ങളൊരുമിച്ചപ്പോള്‍ ഇവരിലെ നന്‍മ തിരിച്ചറിഞ്ഞ് പത്തു രൂപ മുതല്‍ നൂറു രൂപവരെയാണ് പായസത്തിനായി ആളുകള്‍ നല്‍കിയത്. കസ്റ്റംസ് സൂപ്രണ്ട് സി ജെ തോമസ് ഉള്‍പ്പെടെയുള്ളവരുടെ സഹായത്തോടെ 750 കപ്പ് പായസമാണ് അവധി ദിനത്തില്‍ ഇവര്‍ വൈകിട്ട് നാലര മുതല്‍ ആറര വരെ വില്‍പന നടത്തിയത്. പ്രധാനാധ്യാപകന്‍ വി കെ ഫൈസല്‍, കസ്റ്റംസ് കേഡറ്റ് കോര്‍പ്പ് കോര്‍ഡിനേറ്റര്‍ എം പി ഷാനവാസ് എന്നിവരോടൊപ്പം കലക്ടറേറ്റിലെത്തിയാണ് വിദ്യാര്‍ത്ഥികള്‍ ജില്ലാ കലക്ടര്‍ സാംബശിവ റാവുവിന് മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കാനായി തുക കൈമാറിയത്. പ്രളയബാധിത പ്രദേശങ്ങളിലെ വിദ്യാര്‍ത്ഥികള്‍ക്ക് നല്‍കാനായി 1000 പുസ്തകങ്ങളും കസ്റ്റംസ് കേഡറ്റ് കോര്‍പ്പ് വിദ്യാര്‍ത്ഥികള്‍ ശേഖരിക്കുന്നുണ്ട്.
 
ചെമ്പ്ര ഗവ. എല്‍ പി സ്‌കൂളില്‍ കരാട്ടെ പരിശീലനം
താമരശ്ശേരി: ചെമ്പ്ര ഗവ. എല്‍ പി സ്‌കൂളില്‍ വിദ്യാര്‍ഥികള്‍ക്ക് സൗജന്യ കരാട്ടെ പരിശീലനം ആരംഭിച്ചു. വാര്‍ഡ്‌മെമ്പര്‍ അഡ്വ. ഒ കെ അഞ്ജു ഉദ്ഘാടനം ചെയ്തു. പി ടി എ പ്രസിഡണ്ട് ഉസ്മാന്‍ പി ചെമ്പ്ര അധ്യക്ഷത വഹിച്ചു. പ്രധാനാധ്യാപിക ടി കെ വല്‍സല, ഒ കെ ബുഷ്‌റ, എ എസ് ഡെയ്‌സി, പി ഷീജ, മറിയോമ്മ, മുബഷിര്‍ എന്നിവര്‍ സംസാരിച്ചു. ഷിഹാന്‍ ടി പി എ മജീദ് ആണ് വിദ്യാര്‍ഥികള്‍ക്ക് സൗജന്യമായി കരാട്ടെ പരിശീലനത്തിന് നേതൃത്വം നല്‍കുന്നത്.
 
നാലാം ക്ലാസ്സുകാരിയുടെ സമ്പാദ്യം ദുരിതാശ്വാസ നിധിയിലേക്ക്
ആവിലോറ: ആവിലോറ എം എം എ യൂ പി സ്‌കൂളിലെ നാലാം ക്ലാസ്സ് വിദ്യാര്‍ത്ഥിനി ഫാത്തിമ ജന്ന അവളുടെ സമ്പാദ്യം വെള്ളപ്പൊക്ക ദുരിതാശ്വാസ നിധിയിലേക്ക് കൈമാറി.
 
1 2 3
 
 
 

All rights reserved | Website developed and maintained by Zyonz Technologies