18-Oct-2018 (Thu)
വ്യാഴാഴ്ച സംസ്ഥാനത്ത് ഹര്‍ത്താല്‍; ബി ജെ പി പിന്തുണ പോലീസിനെ വെട്ടിച്ച് കടന്ന പീഡന കേസ് പ്രതി അറസ്റ്റില്‍; മാതാപിതാക്കള്‍ ഉള്‍പ്പെടെ അഞ്ചുപേര്‍ റിമാണ്ടില്‍ അനര്‍ഹരായ കാര്‍ഡുടമകള്‍ പൊതുവിഭാഗത്തിലേക്ക് മാറ്റണം ബാലാവകാശ സംരക്ഷണ സമിതികളുടെ ശാക്തീകരണത്തിന് ശില്‍പ്പശാല നടത്തും പോലീസിനെ വെട്ടിച്ച് കടന്ന പീഡന കേസ് പ്രതിയെ കണ്ടെത്താനായില്ല പ്രളയക്കെടുതി: വ്യവസായ വാണിജ്യ സ്ഥാപനങ്ങളുടെ നഷ്ടകണക്കെടുക്കുന്നു റഫാല്‍ കരാര്‍ അഴിമതി; സംയുക്ത പാര്‍ലമെന്റ് കമ്മറ്റി അന്വേഷണം അവശ്യപ്പെട്ട് യൂത്ത് കോണ്‍ഗ്രസ് പോസ്റ്റ് ഓഫീസ് പിക്കറ്റിംഗ് നടത്തി അഞ്ച് ലിറ്റര്‍ ചാരായവുമായി കോടഞ്ചേരി സ്വദേശി പിടിയില്‍ പുതുപ്പാടി ഗ്രാമപഞ്ചായത്ത് ഓഫീസിലേക്ക് എല്‍ ഡി എഫ് മാര്‍ച്ച്
 
 
 
 
കൊടുവള്ളിയിലെ ലഹരിമാഫിയ അക്രമത്തില്‍ വ്യാപക പ്രതിഷേധം; ഒരാള്‍ കൂടി അറസ്റ്റില്‍
കൊടുവള്ളി: ലഹരിമാഫിയ സംഘം കൊടുവള്ളിയിലെ വ്യാപാരിയെ അക്രമിച്ച സംഭവത്തില്‍ വ്യാപക പ്രതിഷേധം. കൊടുവള്ളി ഓപ്പണ്‍ എയര്‍ സ്റ്റേജിനു സമീപം തട്ടുകട നടത്തുന്ന കൊടുവള്ളി ആലപ്പുറായില്‍ അബ്ദുല്‍ കരീമിനു നേരെയുണ്ടായ ലഹരി മാഫിയാ അക്രമത്തില്‍ പ്രതിഷേധിച്ച് തിങ്കളാഴ്ച കൊടുവള്ളിയില്‍ വ്യാപാരികള്‍ കടകള്‍ അടച്ച് ഹര്‍ത്താല്‍ ആചരിച്ചു. രാവിലെ നടന്ന പ്രതിഷേധ പ്രകടനത്തില്‍ നിരവധി പേര്‍ പങ്കാളികളായി. തുടര്‍ന്ന് നടന്ന പൊതു യോഗം കാരാട്ട് റസാഖ് എം എല്‍ എ ഉദ്ഘാടനം ചെയ്തു. ലഹരിമാഫിയാ സംഘത്തിന് സഹായം നല്‍കുന്നവരെ പൊതു സമൂഹം ഒറ്റക്കെട്ടായി നേരിടണമെന്നും ലഹരി മാഫിയയെ സഹായിക്കുന്ന ഉദ്യോഗസ്ഥരെ മാറ്റി നിര്‍ത്തുമെന്നും അദ്ധേഹം പറഞ്ഞു. സി പി അബ്ദുല്‍ മജീദ് അധ്യക്ഷത വഹിച്ചു. നഗരസഭ ചെയര്‍പേഴ്‌സണ്‍ ശരീഫ കണ്ണാടിപ്പൊയില്‍, വൈസ് ചെയര്‍മാന്‍ എ പി അബ്ദുല്‍ മജീദ്, പി ടി ലത്തീഫ്, ഒ ടി സുലൈമാന്‍ തുടങ്ങിയവര്‍ സംസാരിച്ചു.
 
കൊടുവള്ളിയില്‍ വീണ്ടും ലഹരി മാഫിയയുടെ വിളയാട്ടം; തട്ടുകടക്കാരനെ കുത്തി പരുക്കേല്‍പിച്ചു.
കൊടുവള്ളി: കൊടുവള്ളിയില്‍ വീണ്ടും ലഹരി മാഫിയയുടെ വിളയാട്ടം. ആയുധങ്ങളുമായെത്തിയ സംഘം തട്ടുകടക്കാരനെ ദേഹമാസകലം കുത്തി പരുക്കേല്‍പിച്ചു. കൊടുവള്ളി ആലപ്പുറായില്‍ അബ്ദുല്‍ കരീമി(40)നാണ് കുത്തേറ്റത്. ഇയാള്‍ കൊടുവള്ളിയിലെ സ്വകാര്യ ആശുപത്രിയില്‍ ചികിത്സ തേടി. സംഭവത്തില്‍ രണ്ടുപേരെ കൊടുവള്ളി പോലീസ് അറസ്റ്റ് ചെയ്തു. പെരിയാംതോട് രാരോത്ത് ചാലില്‍ നീരോലി എന്ന മുഹമ്മദ് തമീം(23), മാനിപുരം അരീക്കോട്ടുകാവില്‍ പൊള്ളാച്ചി എന്ന മുഹമ്മദ് ഷാഫി(20) എന്നിവരാണ് അറസ്റ്റിലായത്.
 
കട്ടിപ്പാറയില്‍ പതിനഞ്ച് ലിറ്റര്‍ വ്യാജ ചാരായം പിടികൂടി
താമരശ്ശേരി: സ്‌കൂട്ടറില്‍ കടത്തുകയായിരുന്ന പതിനഞ്ച് ലിറ്റര്‍ വ്യാജ ചാരായം എക്‌സൈസ് സംഘം പിടികൂടി. ഓണാഘോഷത്തിന് മുന്നോടിയായി വന്‍തോതില്‍ വ്യാജ ചാരായം ശേഖരിക്കുന്നതായ വിവരത്തെ തുടര്‍ന്ന് താമരശ്ശേരി റെയ്ഞ്ച് റെയ്ഞ്ച് സംഘം നടത്തിയ പരിശോധനയിലാണ് ചാരായം പിടിച്ചെടുത്തത്. സംഭവത്തില്‍ കട്ടിപ്പാറ പൂഞ്ചായില്‍ വീട്ടില്‍ ആന്റണി(51)യെ എക്‌സൈസ് സംഘം അറസ്റ്റ് ചെയ്തു. ചാരായം കടത്തിയ കെ എല്‍ 57 കെ 9113 നമ്പര്‍ സ്‌കൂട്ടറും എക്‌സൈസ് പിടിച്ചെടുത്തു.
 
താമരശ്ശേരിയിലെ ത്രിവേണി സൂപ്പര്‍മാര്‍ക്കറ്റ് പുതിയ കെട്ടിടത്തില്‍
താമരശ്ശേരി: താമരശ്ശേരിയിലെ ത്രിവേണി സൂപ്പര്‍മാര്‍ക്കറ്റ് പുതിയ കെട്ടിടത്തില്‍ പ്രവര്‍ത്തനമാരംഭിച്ചു. കാരാടി പുതിയ ബസ്റ്റാന്റിന് സമീപം എം എം ആര്‍ ആര്‍ക്കേഡില്‍ പ്രവര്‍ത്തനമാരംഭിച്ച ത്രിവേണി സൂപ്പര്‍മാര്‍ക്കറ്റ് കാരാട്ട് റസാഖ് എം എല്‍ എ ഉദ്ഘാടനം ചെയ്തു. കണ്‍സ്യൂമര്‍ ഫെഡ് ചെയര്‍മാന്‍ എം മെഹബൂബ് അധ്യക്ഷത വഹിച്ചു. ഗ്രാമപഞ്ചായത്ത് പ്രസിഡന്റ് ഹാജറ കൊല്ലരുകണ്ടി ആദ്യ വില്‍പ്പന നിര്‍വഹിച്ചു. പഞ്ചായത്ത് അംഗങ്ങളായ എ പി മുസ്ഥഫ, കെ സരസ്വതി, ബിന്ദു ആനന്ദ്, രത്‌നവല്ലി, കണ്‍സ്യൂമര്‍ ഫെഡ് സോണ്‍ മാനേജര്‍ പി ഗിരീഷ്, റീജ്യനല്‍ മാനേജര്‍ വി കെ രാജേഷ്, ബിസിനസ്സ് മാനേജര്‍ പി വി ഷരീഫ്, മെയര്‍ ഹൗസ് മാനേജര്‍ ആര്‍ കെ ഷൈമ തുടങ്ങിയവര്‍ സംബന്ധിച്ചു.
 
സ്‌കൂളുകള്‍ക്ക് നാളെയും അവധി
കോഴിക്കോട്: കനത്ത മഴ തുടരുന്ന സാഹചര്യത്തില്‍ താമരശ്ശേരി താലൂക്കിലെയും നാദാപുരം, കുന്നുമ്മല്‍ പേരാമ്പ്ര ബാലുശ്ശേരി, മുക്കം, കുന്നമംഗലം വിദ്യാഭ്യാസ ഉപജില്ലകളിലെയും പ്രൊഫഷണല്‍ കോളേജുകള്‍ ഉള്‍പ്പടെയുള്ള എല്ലാ വിദ്യാഭ്യാസ സ്ഥാപനങ്ങള്‍ക്കും വെള്ളിയാഴ്ചയും അവധിയായിരിക്കുമെന്ന് ജില്ലാ കലക്ടര്‍ യു വി ജോസ് അറിയിച്ചു. അംഗന്‍വാടികള്‍ക്കും അവധി ബാധകമാണ്.
 
കൊടുവള്ളിയിലെ കവര്‍ച്ച; രണ്ട് പ്രതികളെ തെളിവെടുപ്പിനായി കൊടുവള്ളിയില്‍ എത്തിച്ചു
കൊടുവള്ളി: സില്‍സില ജ്വല്ലറിയുടെ ചുമര്‍ തുരന്ന് കവര്‍ച്ച നടത്തിയ സംഭവത്തില്‍ അറസ്റ്റിലായ രണ്ട് ഇതര സംസ്ഥാനക്കാരെ കൊടുവള്ളിയിലെത്തിച്ച് തെളിവെടുപ്പ് നടത്തി. ജാര്‍ഘണ്ഡ് സ്വദേശി സപന്‍ രജക്, പശ്ചിമ ബംഗാള്‍ സ്വദേശി മൊബൂദ് ഹുസ്സൈന്‍ എന്നിവരെയാണ് കൊടുവള്ളി പോലീസ് തെളിവെടുപ്പിനായി കസ്റ്റഡിയില്‍ വാങ്ങിയത്. ഇരുവരെയും കൊടുവള്ളിയിലെ ജ്വല്ലറിയിലും ഇവര്‍ താമസിച്ചിരുന്ന പൂനൂര്‍ ചേപ്പാലയിലെ വീട്ടിലും എത്തിച്ച് തെളിവെടുപ്പ് നടത്തി.
 
നാല് പഞ്ചായത്തുകളിലെ സ്‌കൂളുകള്‍ക്ക് അവധി
താമരശ്ശേരി: കാറ്റും മഴയും ശക്തമായതിനാല്‍ കൂടരഞ്ഞി, തിരുവമ്പാടി, കോടഞ്ചേരി, പുതുപ്പാടി പഞ്ചായത്തുകളിലെ പന്ത്രണ്ടാം ക്ലാസ് വരെ യുള്ള വിദ്യാലയങ്ങള്‍ക്ക് ചൊവ്വാഴ്ച അവധിയായിരിക്കുമെന്ന് ജില്ലാ കളക്ടര്‍ യു വി ജോസ് അറിയിച്ചു.
 
നിപ്പ; വിദ്യാഭ്യാസ സ്ഥാപനങ്ങള്‍ തുറക്കുന്നത് ജൂണ്‍ അഞ്ചിലേക്ക് മാറ്റി
കോഴിക്കോട്: നിപ്പ വയറസ് ബാധയുടെ സാഹചര്യത്തില്‍ കോഴിക്കോട്, മലപ്പുറം ജില്ലകളിലെ വിദ്യാഭ്യാസ സ്ഥാപനങ്ങള്‍ തുറക്കുന്നത് ജൂണ്‍ അഞ്ചിലേക്ക് മാറ്റി. ജില്ലാ കലക്ടര്‍മാരാണ് ഇക്കാര്യം അറിയിച്ചത്. നിപ്പ വയറസിന്റെ ഉറവിടം കണ്ടെത്താനാവാതിരിക്കുകയും മരണം തുടരുകയും ചെയ്യുന്ന സാഹചര്യത്തില്‍ വിദ്യാഭ്യാസ സ്ഥാപനങ്ങള്‍ തുറക്കുന്നത് വയറസ് പടരാന്‍ കാരണമാവുമെന്ന ആശങ്കയെ തുടര്‍ന്നാണ് പ്രൊഫഷനല്‍ കോളേജുകള്‍ ഉള്‍പ്പെടെയുള്ള എല്ലാ വിദ്യാഭ്യാസ സ്ഥാപനങ്ങളും തുറക്കുന്നത് അഞ്ചിലേക്ക് മാറ്റിയത്.
 
ചുരത്തില്‍ ഓടിക്കൊണ്ടിരുന്ന ടിപ്പര്‍ ലോറിക്ക് തീ പിടിച്ചു.
അടിവാരം: താമരശ്ശേരി ചുരത്തില്‍ ഓടിക്കൊണ്ടിരുന്ന ടിപ്പര്‍ ലോറിക്ക് തീ പിടിച്ചു. ചുരം ആറാം വളവിന് സമീപം വ്യാഴാഴ്ച ഉച്ചക്ക് പന്ത്രണ്ടരയോടെയായിരുന്നു സംഭവം. ചുരം കയറുകയായിരുന്ന ടിപ്പറിന് മുന്‍ഭാഗത്തുനിന്നും പുക ഉയരുന്നത് ശ്രദ്ധയില്‍പെട്ട ജീവനക്കാര്‍ ടിപ്പര്‍ നിര്‍ത്തി ഇറങ്ങി ഓടുകയായിരുന്നു. കല്‍പ്പറ്റയില്‍ നിന്നും ഫയര്‍ ഫോഴ്‌സ് സ്ഥലത്തെത്തിയാണ് തീ അണച്ചത്.
 
കൊടുവള്ളി സംഘര്‍ഷം; യൂത്ത് ലീഗ് പ്രവര്‍ത്തകര്‍ റിമാണ്ടില്‍, പോലീസ് സ്‌റ്റേഷന്‍ റോഡ് ഉപരോധിച്ചു
കൊടുവള്ളി: വിജയാഹ്‌ളാദ പ്രകടനത്തിനിടെ എല്‍ ഡി എഫ് പ്രവര്‍ത്തകനെ മര്‍ദ്ധിച്ച സംഭവത്തില്‍ രണ്ട് യൂത്ത് ലീഗ് പ്രവര്‍ത്തകരെ കൊടുവള്ളി പോലീസ് അറസ്റ്റ് ചെയ്തു. കൊടുവള്ളി നെരൂക്കില്‍ കാദര്‍കുട്ടി(34), കിഴക്കോത്ത് ആവിലോറ അയ്യപ്പന്‍കണ്ടി ഷംനാസ്(26) എന്നിവരെയാണ് കൊടുവള്ളി ഇന്‍സ്‌പെക്ടര്‍ ചന്ദ്രമോഹന്‍ അറസ്റ്റ് ചെയ്തത്. തലപ്പെരുമണ്ണയില്‍ നടന്ന ഉപതെരഞ്ഞെടുപ്പിന്റെ വിജയാഹ്ലാദത്തിനിടെ എല്‍ ഡി എഫ് പ്രവര്‍ത്തകനും പോര്‍ട്ടറുമായ പോക്കര്‍(55) അക്രമിക്കപ്പെട്ട സംഭവത്തിലാണ് അറസ്റ്റ്.
 
 
 
 

All rights reserved | Website developed and maintained by Zyonz Technologies