18-Oct-2018 (Thu)
വ്യാഴാഴ്ച സംസ്ഥാനത്ത് ഹര്‍ത്താല്‍; ബി ജെ പി പിന്തുണ പോലീസിനെ വെട്ടിച്ച് കടന്ന പീഡന കേസ് പ്രതി അറസ്റ്റില്‍; മാതാപിതാക്കള്‍ ഉള്‍പ്പെടെ അഞ്ചുപേര്‍ റിമാണ്ടില്‍ അനര്‍ഹരായ കാര്‍ഡുടമകള്‍ പൊതുവിഭാഗത്തിലേക്ക് മാറ്റണം ബാലാവകാശ സംരക്ഷണ സമിതികളുടെ ശാക്തീകരണത്തിന് ശില്‍പ്പശാല നടത്തും പോലീസിനെ വെട്ടിച്ച് കടന്ന പീഡന കേസ് പ്രതിയെ കണ്ടെത്താനായില്ല പ്രളയക്കെടുതി: വ്യവസായ വാണിജ്യ സ്ഥാപനങ്ങളുടെ നഷ്ടകണക്കെടുക്കുന്നു റഫാല്‍ കരാര്‍ അഴിമതി; സംയുക്ത പാര്‍ലമെന്റ് കമ്മറ്റി അന്വേഷണം അവശ്യപ്പെട്ട് യൂത്ത് കോണ്‍ഗ്രസ് പോസ്റ്റ് ഓഫീസ് പിക്കറ്റിംഗ് നടത്തി അഞ്ച് ലിറ്റര്‍ ചാരായവുമായി കോടഞ്ചേരി സ്വദേശി പിടിയില്‍ പുതുപ്പാടി ഗ്രാമപഞ്ചായത്ത് ഓഫീസിലേക്ക് എല്‍ ഡി എഫ് മാര്‍ച്ച്
 
 
 
 
കൊടുവള്ളിയില്‍ വസ്ത്ര വ്യാപാര സ്ഥാപനം കത്തി നശിച്ചു.
കൊടുവള്ളി: ദേശീയപാതയോരത്ത് പ്രവര്‍ത്തിക്കുന്ന വസ്ത്ര വ്യാപാര സ്ഥാപനം കത്തി നശിച്ചു. കരുവന്‍പൊയില്‍ സ്വദേശി ഹര്‍ഷാദിന്റെ കോട്ടണ്‍ പ്ലസ് എന്ന സ്ഥാപനമാണ് കത്തി നശിച്ചത്. വെള്ളിയാഴ്ച ഉച്ചക്ക് ഒന്നരയോടെയാണ് സ്ഥാപനത്തില്‍നിന്നും പുക ഉയരുന്നത് ശ്രദ്ധയില്‍ പെട്ടത്. ഉടന്‍ തന്നെ നാട്ടുകാര്‍ രക്ഷാ പ്രവര്‍ത്തനം ആരംഭിച്ചെങ്കിലും തീ ആളി പടര്‍ന്നു. മുക്കം, നരിക്കുനി, വെള്ളിമാട്കുന്ന് എന്നിവിടങ്ങളില്‍നിന്നായി ഫയര്‍ഫോഴ്‌സ് എത്തി ഒരുമണിക്കൂറിലേറെ ശ്രമിച്ചാണ് തീ അണച്ചത്. ലക്ഷങ്ങളുടെ വസ്ത്രങ്ങള്‍ കത്തി നശിച്ചതായാണ് സൂചന.
 
കോടഞ്ചേരിയില്‍ കൃഷിയിടത്തിലെ തീ അണക്കാന്‍ ശ്രമിച്ച കര്‍ഷകന്‍ പൊള്ളലേറ്റ് മരിച്ചു.
കോടഞ്ചേരി: വേളങ്കോട് കാഞ്ഞിരാട് കൃഷിയിടത്തിലെ തീ അണക്കുന്നതിനിടെ കര്‍ഷകന്‍ പൊള്ളലേറ്റ് മരിച്ചു. പുളിന്താനത്ത് കുര്യാക്കോസ്(95) ആണ് മരിച്ചത്. ചൊവ്വാഴ്ച ഉച്ചക്ക് മൂന്നുമണിയോടെയായിരുന്നു കുര്യാക്കോസിന്റെ കൃഷിയിടത്തില്‍ തീ പിടിച്ചത്. അണക്കാനുള്ള ശ്രമത്തിനിടെ പൊള്ളലേല്‍ക്കുകയായിരുന്നു. കോടഞ്ചേരി പോലീസ് സ്ഥലത്തെത്തി നാട്ടുകാരുടെ സഹായത്തോടെ ഓമശ്ശേരിയിലെ സ്വകാര്യ ആശുപത്രിയിലും തുടര്‍ന്ന് കോഴിക്കോട് മെഡിക്കല്‍ കോളേജാശുപത്രിയിലും എത്തിച്ചെങ്കിലും രക്ഷിക്കാനായില്ല.
 
ഉത്തരേന്ത്യന്‍ യുവതിയുടെ മൃതദേഹം പുല്ലൂരാംപാറയില്‍ കത്തി കരിഞ്ഞ നിലയില്‍
തിരുവമ്പാടി: പുല്ലൂരാംപാറയില്‍ പ്രവര്‍ത്തിക്കുന്ന ആകാശപറവകള്‍ എന്ന അഗതി മന്ദിരത്തില്‍ അന്തേവാസിയായ യുവതിയുടെ മൃതദേഹം കത്തി കരിഞ്ഞ നിലയില്‍ കണ്ടെത്തി. അഗതി മന്ദിരത്തിന്റെ ഒന്നാം നിലയിലാണ് രണ്ട മാസം മുമ്പ് ഇവിടെയത്തിയ ഉത്തരേന്ത്യന്‍ യുവതിയുടെ മൃതദേഹം കണ്ടെത്തിയത്. ഈ മാസം എട്ട് മുതല്‍ യുവതിയെ കാണാനില്ലെന്ന് കാണിച്ച് സ്ഥാപനം നടത്തിപ്പുകാരനായ തങ്കച്ചന്‍ തിരുവമ്പാടി പോലീസില്‍ പരാതി നല്‍കിയിരുന്നു. രണ്ടുമാസം മുമ്പ് കോഴിക്കോട് പുതിയ ബസ്റ്റാന്റ് പരിസരത്ത് അലഞ്ഞു തിരിയിരിയുകയായിരുന്ന യുവതിയെ തങ്കച്ചനും ഭാര്യയും ഇവിടെയെത്തിക്കുകയായിന്നു. യുവതിയെ കാണാതായതിനെ തുടര്‍ന്ന് പരിസര പ്രദേശങ്ങളിലെല്ലാം പരിശോധിച്ചെങ്കിലും കെട്ടിടത്തിന്റെ ഒന്നാം നിലയില്‍ മാത്രം നോക്കിയില്ലെന്ന് തങ്കച്ചന്‍ പറഞ്ഞു. വാതിലില്ലാത്ത മുറിയില്‍ പേപ്പര്‍ കെട്ടിന് മുകളില്‍ തല വെച്ച് കിടക്കുന്ന നിലയിലാണ് മൃതദേഹം കണ്ടെത്തിയത്. തീ പൊള്ളലേറ്റ് മരണ വെപ്രാളത്തില്‍ രക്ഷപ്പെടാന്‍ ശ്രമിച്ചതിന്റെ ലക്ഷണങ്ങളൊന്നുമില്ല. തങ്കച്ചനും ഭാര്യയും അന്തേവാസികള്‍ക്കൊപ്പം താമസിക്കുന്ന ഈ കെട്ടിടത്തില്‍ യുവതി കത്തികരിഞ്ഞെങ്കിലും കരച്ചിലോ മറ്റോ കേട്ടിരുന്നില്ലെത്രെ. കോഴിക്കോട് നിന്നും ഫോറന്‍സിക് അസിസ്റ്റന്റ് സഹറ മുഹമ്മദ് സ്ഥലത്തെത്തി പരിശോധന നടത്തി. മൃതദേഹത്തിന് രണ്ട് ദിവസത്തിലേറെ പഴക്കമുണ്ടെന്നാണ് സംശയം. തിരുവമ്പാടി പോലീസ് ഇന്‍ക്വസ്റ്റ് നടത്തിയ മൃതദേഹം പോസ്റ്റ് മോര്‍ട്ടത്തിനായി കോഴിക്കോട് മെഡിക്കല്‍ കോളേജാശുപത്രിയിലേക്കുമാറ്റി.
 
പുതുപ്പാടിയില്‍ ബി എസ് പി നേതാവിനെ കാറില്‍ കെട്ടിയിട്ട് തീകൊളുത്തി കൊല്ലാന്‍ ശ്രമിച്ചെന്ന്; വിശ്വസിക്കാനാവാതെ നാട്ടുകാര്‍
പുതുപ്പാടി: ബി എസ് പി സംസ്ഥാന വൈസ് പ്രസിഡന്റ് ഗഫൂര്‍ പുതുപ്പാടിയെ കാറില്‍ കെട്ടിയിട്ട് തീകൊളുത്തി കൊല്ലാന്‍ ശ്രമിച്ചെന്ന്. ചൊവ്വാഴ്ച പുലര്‍ച്ചെ ഒന്നരയോടെ മലപുറം ജി എം യു പി സ്‌കൂളിന് മുന്‍വശത്ത് കാറ് തടഞ്ഞുനിര്‍ത്തി കൊല്ലാന്‍ ശ്രമിച്ചെന്നാണ് ഗഫൂറിന്റെ പരാതി. ഗഫൂര്‍ കോഴിക്കോട് മെഡിക്കല്‍ കോളേജാശുപത്രിയില്‍ ചികിത്സയിലാണ്.
 
കൊടുവള്ളിയില്‍ വാഹന പരിശോധക്കിടെ പോലീസിനുനേരെ ബൈക്കോടിച്ചു കയറ്റി.
കൊടുവള്ളി: വാഹന പരിശോധക്കിടെ പോലീസിനുനേരെ ബൈക്കോടിച്ചു കയറ്റി. കിഴക്കോത്ത് കച്ചേരിമുക്ക് അങ്ങാടിക്ക് സമീപം വ്യാഴാഴ്ച വൈകിട്ട് അഞ്ചുമണിയോടെയായിരുന്നു സംഭവം. സാരമായി പരുക്കേറ്റ സീനിയര്‍ സി പി ഒ ദയാനന്ദനെ കൊടുവള്ളിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. കൊടുവള്ളി എസ് ഐ ജയേഷ് ബാലന്റെ നേതൃത്വത്തില്‍ വൈകിട്ട് നാലരയോടെയാണ് കച്ചേരിമുക്കില്‍ വാഹന പരിശോധന ആരംഭിച്ചത്.
 
ബസ്സിനടിയില്‍പെട്ട് വിദ്യാര്‍ത്ഥി മരിച്ചു.
താമരശ്ശേരി: ബൈക്ക് യാത്രക്കാരനായ വിദ്യാര്‍ത്ഥി സ്‌കൂള്‍ ബസ്സിനടയില്‍പെട്ട് മരിച്ചു. കട്ടിപ്പാറ ചമല്‍ നിര്‍മല യു പി സ്‌കൂള്‍ ആറാം ക്ലാസ് വിദ്യാര്‍ത്ഥിയും പെരുമ്പള്ളി മലയില്‍ അബ്ദുല്‍ നാസര്‍ മുസ്ലിയാരുടെ മകനുമായ മുഹമ്മദ് റാഷിദ്(12) ആണ് മരിച്ചത്. ചൊവ്വാഴ്ച വൈകിട്ട് മൂന്നരയോടെ ചമല്‍ ചുണ്ടേന്‍കുഴിയിലായിരുന്നു അപകടം. സ്‌കൂളില്‍നിന്നും മടങ്ങവെ ഇതുവഴി വന്ന സുഹൃത്തിന്റെ ബൈക്കില്‍കയറിയതായിരുന്നു റാഷിദ്. കട്ടിപ്പാറയില്‍ നടക്കുന്ന താമരശ്ശേരി ഉപജില്ല സ്‌കൂള്‍ കലോത്സവത്തില്‍ പങ്കെടുത്ത വിദ്യാര്‍ത്ഥികളേയുമായി മടങ്ങുകയായിരുന്ന കോടഞ്ചേരി സെന്റ് ജോസഫ് ഹയര്‍സെക്കന്ററി സ്‌കൂള്‍ ബസ്സിനെ മറി കടക്കുന്നതിനിടെ ബസ്സ് ബൈക്കിലിടിക്കുകയായിരുന്നു. ബസ്സിനടിയിലേക്ക് തെറിച്ചു വീണ റാഷിദിന്റെ ദേഹത്തുകൂടെ ബസ്സ് കയറിയിങ്ങിയതായി സംശയിക്കുന്നു. മയ്യിത്ത് നിസ്‌കാരം ബുധനാഴ്ച ഉച്ചയോടെ എലോക്കര ജുമുഅ മസ്ജിദില്‍.
 
കൂടത്തായി സ്വദേശി ദുബൈയില്‍ ഹൃദയാഘാതം മൂലം നിര്യാതനായി.
എടത്തനാംകുന്നുമ്മല്‍ ബഷീര്‍(42)ആണ് ഹൃദയാഘാതം മൂലം നിര്യാതനായതായി ബന്ധുക്കള്‍ക്ക് വിവരം ലഭിച്ചത്. പത്ത് വര്‍ഷത്തോളമായി വിദേശത്തായിരുന്ന ബഷീര്‍ നാല് മാസങ്ങള്‍ക്ക് മുമ്പാണ് അവധി കഴിഞ്ഞ് മടങ്ങിയത്. ദുബൈയില്‍ ടാക്‌സി ഡ്രൈവറായി ജോലി ചെയ്ത് വരികയായിരുന്നു. ഭാര്യ: നസിയ കീഴുപറമ്പ്. മക്കള്‍: മോളൂന ഫാത്തിമ, മുഹമ്മദ് ഇശാല്‍, റിനു ഫാത്തിമ. സഹോദരങ്ങള്‍: ചേക്കു(ദുബൈ), അയമ്മദ്കുട്ടി(അധ്യാപകന്‍, അണ്ടോണ യു പി സ്‌കൂള്‍), ആയിശ, ആസ്യ, സുഹറ(മുന്‍ മെമ്പര്‍ താമരശ്ശേരി ഗ്രാമപഞ്ചായത്ത്), പരേതനായ അസീസ്.
 
തച്ചംപൊയില്‍ ബസ്സപകടം; ചികിത്സയിലായിരുന്ന വള്ളിയോത്ത് സ്വദേശിനി മറിയം മരിച്ചു.
താമരശ്ശേരി: തച്ചംപൊയിലില്‍ സ്വകാര്യ ബസ്സ് മരത്തിലിടിച്ചുണ്ടായ അപകടത്തില്‍ എകരൂല്‍ വള്ളിയോത്ത് സ്വദേശിനി മരിച്ചു. കണ്ണോറകുഴിയില്‍ അഹമ്മദിന്റെ ഭാര്യ മറിയം(63) ആണ് മരിച്ചത്. കൊയിലാണ്ടി താമരശ്ശേരി റൂട്ടിലോടുന്ന എ ബി ടി ബസ്സ് ബുധനാഴ്ച രാവിലെ 11 മണിയോടെയാണ് അപകടത്തില്‍ പെട്ടത്. താമരശ്ശേരി ഭാഗത്തേക്ക് വരുന്നതിനിടെ തച്ചംപൊയില്‍ അങ്ങാടിക്ക് സമീപത്തായിരുന്നു സംഭവം. റോഡരികിലെ ഉണങ്ങിയ മരത്തിന്റെ കൊമ്പ് ബസ്സിന് മുന്നിലേക്ക് വീണപ്പോള്‍ പെട്ടന്ന് വെട്ടിക്കുകയായിരുന്നു. നിയന്ത്രണം വിട്ട ബസ്സ് റോഡിന്റെ മറുവശത്തുള്ള ഉണങ്ങിയ മരത്തില്‍ ഇടിക്കുകയായിരുന്നു. ബസ്സിലെ യാത്രക്കാരും ജീവനക്കാരും ഉള്‍പ്പെടെയുള്ള 31 പേരെ പരുക്കുകളോടെ കോഴിക്കോട് മെഡിക്കല്‍ കോളേജാശുപത്രിയില്‍ എത്തിക്കുകയായിരുന്നു. ചികിത്സയിലിരിക്കെ വൈകിട്ട് മൂന്നരയോടെയാണ് മറിയം മരിച്ചത്.
 
താമരശ്ശേരി തച്ചംപൊയിലില്‍ സ്വകാര്യ ബസ്സ് മരത്തിലിടിച്ച് 31 പേര്‍ക്ക് പരുക്ക്
താമരശ്ശേരി: തച്ചംപൊയിലില്‍ സ്വകാര്യ ബസ്സ് മരത്തിലിടിച്ച് 31 പേര്‍ക്ക് പരുക്ക്. കൊയിലാണ്ടി താമരശ്ശേരി റൂട്ടിലോടുന്ന എ ബി ടി ബസ്സാണ് അപകടത്തില്‍ പെട്ടത്. ബുധന്‍ രാവിലെ 11 മണിയോടെ താമരശ്ശേരി ഭാഗത്തേക്ക് വരുന്നതിനിടെ തച്ചംപൊയില്‍ അങ്ങാടിക്ക് സമീപത്തായിരുന്നു അപകടം. റോഡരികിലെ ഉണങ്ങിയ മരത്തിന്റെ കൊമ്പ് ബസ്സിന് മുന്നിലേക്ക് വീണപ്പോള്‍ പെട്ടന്ന് വെട്ടിച്ചതാണ് അപകട കാരണമെന്ന് നാട്ടുകാര്‍ പറഞ്ഞു.
 
ഓമശ്ശേരിയില്‍ കലാശക്കൊട്ട് അതിരുവിട്ടു; തുറന്ന ജീപ്പ് യാത്രക്കാരിയെ ഇടിച്ചു വീഴ്തി.
ഓമശ്ശേരി: കലാശക്കൊട്ടിന്റെ ഭാഗമായി അമിത വേഗതയില്‍ കറക്കിയ ജീപ്പ് വീട്ടമ്മയെ ഇടിച്ചു വീഴ്തി. ഓമശ്ശേരി ബസ്റ്റാന്റിലായിരുന്നു സംഭവം. മുസ്ലിംലീഗ് പ്രവര്‍ത്തകരുടെ തുറന്ന ജീപ്പാണ് അപകടം വരുത്തിയത്. ഓമശ്ശേരി മേപ്പള്ളി സ്വദേശി സെയ്തൂട്ടിയുടെ ഭാര്യ സൈനബിയെയാണ് ജീപ്പ് ഇടിച്ചു വീഴ്തിയത്. യാത്രക്കാര്‍ ചേര്‍ന്ന് ജീപ്പ് പിന്നോട്ട് നീക്കി ജീപ്പിനടിയില്‍ പെട്ട സൈനബിയെ പുറത്തെടുത്ത് ആശുപത്രിയിലെത്തിച്ചു. ജീപ്പ് കൊടുവള്ളി പോലീസ് കസ്റ്റഡിയിലെടുത്തെങ്കിലും കേസ് രജിസ്റ്റര്‍ ചെയ്തിട്ടില്ല.
 
 
 
 

All rights reserved | Website developed and maintained by Zyonz Technologies