02-Jul-2020 (Thu)
'കോവിഡിനോട് പൊരുതി ജയിക്കുന്ന കേരളം' പുസ്തകത്തിന്റെ ജില്ലാതല പ്രകാശനം നടന്നു മുഖ്യ മന്ത്രിയുടെ പ്രാദേശിക റോഡ് പുനരുദ്ധാരണ പദ്ധതിക്ക് തുടക്കമായി താമരശ്ശേരി എ ഇ ഒ ഒഫീസിന് മുന്‍പില്‍ കെ എസ് യു ധര്‍ണ്ണ നടത്തി താമരശ്ശേരി ചമല്‍ കേളന്‍മൂല ഭാഗത്ത് നിന്നും വാഷും ചാരായവും പിടിച്ചെടുത്തു പ്ലാസ്റ്റിക് ടോള്‍ ബൂത്തുകള്‍ സ്ഥാപിച്ചു പുതുപ്പാടിയില്‍ കാട്ടുപന്നികളെ വെടിവെച്ചുകൊല്ലുന്നതിനുള്ള നടപടികള്‍ക്കായി ജാഗ്രതാ സമിതി ചേര്‍ന്നു കര്‍ഷക കൂട്ടായ്മ താമരശ്ശേരി ഫോറസ്റ്റ് റെയ്ഞ്ച് ഓഫീസിലേക്ക് മാര്‍ച്ച് നടത്തി മുഖത്ത് പ്ലാസ്റ്റിക് ഡബ്ബ കുടുങ്ങിയ കുറുക്കനെ രക്ഷപ്പെടുത്തി തൃക്കുറ്റിശ്ശേരി വയല്‍ പീടിക പുതിയപാലം മന്ത്രി ജി സുധാകരന്‍ നാടിന് സമര്‍പ്പിച്ചു സ്മാര്‍ട്ട് ചാലഞ്ചില്‍ റിപ്പയര്‍ ചെയ്ത ഫോണുകള്‍ അദ്ധ്യാപകര്‍ക്കു കൈമാറി പുല്ലാളൂര്‍ പുറായില്‍ ഒലോറക്കുന്ന് റോഡ് മന്ത്രി ഉദ്ഘാടനം ചെയ്തു
 
 
 
1 2 3
 
കിഷന്‍ ബന്ധുക്കളോടൊപ്പം സ്വദേശത്തേക്ക് മടങ്ങി
കോഴിക്കോട്: വെള്ളിമാട്കുന്ന് ഹോം ഫോര്‍ ദി മെന്റലി ഡെഫിഷ്യന്റ് ചില്‍ഡ്രനില്‍ കഴിയുകയായിരുന്ന കിഷന്‍ ബന്ധുക്കളോടൊപ്പം സ്വദേശത്തേക്ക് മടങ്ങി. കോഴിക്കോട് ചൈല്‍ഡ് വെല്‍ഫയര്‍ കമ്മിറ്റി മുഖേന ജൂണ്‍ 29 നാണ് കിഷന്‍ എന്ന് പേരുള്ള കമോദ് മുഖിയ സാമൂഹ്യനീതിവകുപ്പിന് കീഴിലുള്ള ഹോം ഫോര്‍ ദി മെന്റലി ഡെഫിഷ്യന്റ് ചില്‍ഡ്രണ്‍ എന്ന സ്ഥാപനത്തില്‍ പ്രവേശനം നേടിയത്. സാമൂഹ്യ പ്രവര്‍ത്തകനും കേന്ദ്ര ആഭ്യന്തരവകുപ്പ് റിട്ടയേഡ് ഉദ്യോഗസ്ഥനുമായ ശിവന്‍ കോട്ടൂളി കിഷനുമായി സംസാരിച്ച് കുട്ടിയുടെ സ്വദേശം ബീഹാറിലെ ബേനിപട്ടി എന്ന സ്ഥലത്താണെന്ന് മനസ്സിലാക്കുകയായിരുന്നു. തുടര്‍ന്ന് പ്രദേശത്തെ പോലീസ് സ്‌റ്റേഷന്‍ മുഖേന കുട്ടിയുടെ രക്ഷിതാക്കളെ കണ്ടെത്തി. കഴിഞ്ഞ ദിവസം സഹോദരന്‍ സുബോദ് മുഖിയയും ബന്ധുവായ ആഷുകുമാര്‍ മുഖിയയും സ്ഥാപനത്തില്‍ എത്തി കിഷനെ വീട്ടിലേയ്ക്ക് കൊണ്ടുപോവുകയായിരുന്നു. 10 മാസത്തോളമായി വീട്ടില്‍ നിന്നും കാണാതായ കമോദ് മുഖിയയെ കോഴിക്കോട് ചില്‍ഡ്രന്‍സ് ഹോമിലും തുടര്‍ന്ന് കോഴിക്കോട് ചൈല്‍ഡ് വെല്‍ഫെയര്‍ കമ്മിറ്റി മുഖേന എച്ച് എം ഡി സി സ്ഥാപനത്തിലും പ്രവേശിപ്പിച്ചിരുന്നു. സ്ഥാപനത്തിലെ ജീവനക്കാരോടും താമസക്കാരോടും യാത്ര പറഞ്ഞ് കിഷനും ബന്ധുക്കളും നാട്ടിലേയ്ക്ക് മടങ്ങി. ജീവനക്കാര്‍ പാരിതോഷികങ്ങള്‍ നല്‍കിയാണ് കിഷനെ യാത്രയാക്കിയത്. കിഷന്‍, സഹോദരന്‍ സുബോദ് മുഖിയ, ബന്ധു ആഷുകുമാര്‍ മുഖിയ, ശിവന്‍ കോട്ടൂളി, സ്ഥാപന സൂപ്രണ്ട് കെ പ്രകാശന്‍ മറ്റു ജീവനക്കാര്‍ എന്നിവര്‍ ചടങ്ങില്‍ സംബന്ധിച്ചു.
 
ബോധവല്‍ക്കരണ ക്ലാസും ക്വിസ് മത്സരവും നടത്തി
കൊടുവള്ളി: എളേറ്റില്‍ പ്രാഥമിക ആരോഗ്യ കേന്ദ്രത്തിന്റെയും ആവിലോറ എം എ യു പി സ്‌കൂളിലെ ഹെല്‍ത്ത് ക്ലബ്ബിന്റെയും സംയുക്താഭിമുഖ്യത്തില്‍ സ്‌കൂളില്‍ വെച്ച് കൊതുകുജന്യ രോഗങ്ങള്‍ എന്ന വിഷയത്തില്‍ ബോധവല്‍ക്കരണ ക്ലാസും ക്വിസ് മത്സരവും നടത്തി. ആരോഗ്യ കേന്ദ്രത്തിലെ ഡോ. ഹൈഫ ഉദ്ഘാടനം ചെയ്തു. എസ് ആര്‍ ജി കണ്‍വീനര്‍ എം ഡെയ്‌സി ടീച്ചര്‍ അധ്യക്ഷത വഹിച്ചു. സ്‌കൂളിലെ ഹെല്‍ത്ത് ക്ലബ്ബിലെ നൂറോളം കുട്ടികള്‍ പരിപാടിയില്‍ പങ്കെടുത്തു. ക്വിസ് മത്സര വിജയികളിലെ ഒന്നും രണ്ടും മൂന്നും സ്ഥാനം നേടിയ വിദ്യാര്‍ത്ഥികള്‍ക്ക് സമ്മാനം നല്‍കി. ഹെല്‍ത്ത് ക്ലബ് കണ്‍വീനര്‍ പി സുതീശന്‍ മാസ്റ്റര്‍ സ്വാഗതവും ആഷിക് റഹ്മാന്‍ നന്ദിയും പറഞ്ഞു.
 
അനിമല്‍ വെല്‍ഫെയര്‍ ക്ലബ് ഉദ്ഘാടനവും ആട് വിതരണവും നടത്തി
എളേറ്റില്‍: എളേറ്റില്‍ എം ജെ ഹയര്‍ സെക്കന്ററി സ്‌കൂളില്‍ അനിമല്‍ വെല്‍ഫെയര്‍ ക്ലബ് ഉദ്ഘാടനവും ആട് വിതരണവും നടത്തി. ആടുകളെ വിതരണം ചെയ്യുകയും അവയ്ക്കുണ്ടാകുന്ന കുട്ടികളെ പിറ്റേ വര്‍ഷം ക്ലബ്ബിനെ ഏല്പിക്കുകയും നറുക്കെടുപ്പിലൂടെ ഏതാനും വിദ്യാര്‍ത്ഥികള്‍ക്ക് അവയെ കൊടുക്കുകയുമാണ് പദ്ധതി. കിഴക്കോത്ത് ഗ്രാമ പഞ്ചായത്ത് പ്രസിഡന്റ് എന്‍ സി ഹുസ്സൈന്‍ മാസ്റ്റര്‍ ആട് വിതരണ ഉദ്ഘാടനവും എളേറ്റില്‍ വെറ്റിനറി ഹോസ്പിറ്റലിലെ വെറ്റിനറി സര്‍ജന്‍ വി വിക്രാന്ത് അനിമല്‍ വെല്‍ഫെയര്‍ ക്ലബ് ഉദ്ഘാടനവും നിര്‍വഹിച്ചു. ഹെഡ് മിസ്ട്രസ് പി എം ബുഷ്‌റ, ക്ലബ് കോ ഓര്‍ഡിനേറ്റര്‍ എം സി മുഹമ്മദ്, യു കെ റഫീഖ്, എന്‍ കെ അബ്ദുല്‍ മജീദ്, എ കെ കൗസര്‍ എന്നിവര്‍ സംസാരിച്ചു.
 
കുട്ടിക്കുരുന്നുകളുടെ പരിസ്ഥിതി സംരക്ഷണത്തിന് പാട്ടിന്റെ പിന്തുണ
കൈതപ്പൊയില്‍: പരിസ്ഥിതി സംരക്ഷണത്തിന് കൈതപ്പൊയില്‍ എം ഇ എസ് ഫാത്തിമ റഹീം സെന്‍ട്രല്‍ സ്‌കൂള്‍ തുടങ്ങി വെച്ച വിവിധ പ്രവര്‍ത്തനങ്ങള്‍ക്ക് ആവേശം പകര്‍ന്ന് പ്രശസ്ത പിന്നണി ഗായിക രശ്മി സതീഷ് കൈതപ്പൊയില്‍ എം ഇ എസ് സ്‌കൂളില്‍. വികസനത്തിന്റെ പേരില്‍ മനുഷ്യര്‍ ചെയ്തു കൂട്ടുന്ന അരുതായ്മകള്‍ക്കെതിരെ പ്രതികരിക്കണമെന്നും ഭൂമിയുടെ സംരക്ഷണത്തിന് ജാതി മത വിത്യാസമില്ലാതെ മനുഷ്യരായ നാം ഒരുമിച്ച് നീങ്ങണമെന്നും ഭൂമിയുടെ ഭാവി വിദ്യാര്‍ത്ഥികളായ നിങ്ങളുടെ കൈകളിലാണെന്നും രശ്മി സതീഷ് പറഞ്ഞു. തന്റെ ചടുലമായ ശൈലിയില്‍ അവര്‍ അവതരിപ്പിച്ച പാട്ടുകള്‍ ഏവര്‍ക്കും ഹരം പകര്‍ന്നു.
 
ഗണിത അസംബ്ലി സംഘടിപ്പിച്ചു
താമരശ്ശേരി: ഗണിതം മധുരവും ലളിതവുമാണെന്ന് തെളിയിച്ചുകൊണ്ട് വെട്ടി ഒഴിഞ്ഞ തോട്ടം എസ് എസ് എം യു പി സ്‌കൂളില്‍ ഗണിത അസംബ്ലി സംഘടിപ്പിച്ചു. ഗണിത ക്യാമ്പ് കണ്‍വീനര്‍ നസീഫ് മാഷ് പരിപാടിക്ക് നേതൃത്വം നല്‍കി. ഗണിത ക്വിസ് മത്സര വിജയികള്‍ക്ക് പി ടി എ പ്രസിഡന്റ് അബ്ദുല്‍ സലീം പി പി സമ്മാനങ്ങള്‍ വിതരണം ചെയ്തു. ഗണിത പ്രാര്‍ത്ഥന, ഗണിത പ്രതിജ്ഞ, ഗണിത ചിന്താവിഷയം, ഗണിതഗാനാലാപനം, ഗണിത ശാസ്ത്രജ്ഞരെ പരിചയപ്പെടല്‍ എന്നിങ്ങനെ ഗണിത അസംബ്ലി വൈവിധ്യം നിറഞ്ഞ പരിപാടികളാല്‍ സമ്പുഷ്ടമായിരുന്നു. സ്‌കൂള്‍ ഹെഡ്മാസ്റ്റര്‍ വിജയന്‍ പി, അധ്യാപകരായ എം പി മുഹമ്മദ് ബഷീര്‍, സി കെ സുബൈര്‍, സി വി റഹീന, എ കെ വിസിത, സി എച്ച് സബിത, പി രജില, പി കെ സുനീറ, എം കെ തസ്‌ലീന എന്നിവര്‍ സംസാരിച്ചു.
 
റസാഖ് മാസ്റ്ററുടെ നിര്യാണത്തില്‍ അനുശോചിച്ചു
കൊടുവള്ളി: ആവിലോറ എം എം എ യു പി സ്‌കൂളിലെ മുന്‍ അധ്യാപകനായ എന്‍ പി അബ്ദുല്‍ റസാഖ് മാസ്റ്ററുടെ നിര്യാണത്തില്‍ അനുശോചിച്ചു. സ്‌കൂളില്‍ പ്രത്യേകം ചേര്‍ന്ന അനുശോചന യോഗം ഹെഡ്മാസ്റ്റര്‍ കെ പി അബ്ദുറഹിമാന്‍ ഉദ്ഘാടനം ചെയ്തു. എസ് ആര്‍ ജി കന്‍വീനര്‍ എം കെ ഡെയ്‌സി അധ്യക്ഷത വഹിച്ചു. പി ലളിത, എന്‍ പി പ്രേമ, വി സുരേഷ് കുമാര്‍, കെ എം ആഷിക് റഹ്മാന്‍, സ്റ്റാഫ് സെക്രട്ടറി കെ അബ്ദുര്‍റഹ്മാന്‍ എന്നിവര്‍ സംസാരിച്ചു.
 
ആകാശ ജാലകങ്ങളുമായി എളേറ്റില്‍ എം ജെ എച് എസ് എസ് വിദ്യാര്‍ത്ഥികള്‍
എളേറ്റില്‍: എളേറ്റില്‍ എം ജെ എച്ച് എസ് എസിലെ എട്ടാം തരം വിദ്യാര്‍ഥികള്‍ പുറത്തിറക്കിയ ആകാശ ജാലകങ്ങള്‍ ശ്രദ്ധേയമായി. ചാന്ദ്ര ദിനത്തോടനുബന്ധിച്ചാണ് സ്‌കൂളിലെ എട്ട് എന്‍ ക്ലാസ്സിലെ വിദ്യാര്‍ത്ഥികള്‍ ആകാശ ജാലകങ്ങള്‍ എന്ന പേരില്‍ കയ്യെഴുത്ത് പ്രതി തയ്യാറാക്കിയത്. കുട്ടികളുടെ ശാസ്ത്രത്തോടുള്ള താല്പര്യവും അവബോധവും വിളിച്ചോതുന്ന കയ്യെഴുത്ത് പ്രതി ഡെപ്യുട്ടി എച്ച് എം ഒ പി അബ്ദുറഹ്മാന്‍ മാസ്റ്റര്‍ പ്രകാശനം ചെയ്തു. സഫൂറത്ത് ബീവി, എം പി റംല എന്നിവര്‍ സംബന്ധിച്ചു.
 
നൊച്ചാട് നരസിംഹ മൂര്‍ത്തി ക്ഷേത്രത്തില്‍നിന്ന് 1665ലെ മുളക്കരണങ്ങള്‍ കണ്ടെത്തി
പേരാമ്പ്ര: കടലാസ് യുഗത്തിനു മുന്‍പ് ആധാരത്തിനു പകരം പ്രമാണമായി ഉപയോഗിച്ചിരുന്ന മുളക്കരണങ്ങള്‍ പേരാമ്പ്ര നൊച്ചാട് നരസിംഹ മൂര്‍ത്തി ക്ഷേത്രത്തില്‍നിന്ന് കാലിക്കറ്റ് സര്‍വകലാശാലയിലെ ചരിത്ര ഗവേഷകര്‍ കണ്ടെത്തി. കോലെഴുത്ത് ലിപിയില്‍ 1665ല്‍ (കൊല്ല വര്‍ഷം 830) എഴുതിയ 3 മുളക്കരണങ്ങളാണ് കണ്ടെത്തിയതെന്ന് ചരിത്രകാരനും യൂണിവേഴ്‌സിറ്റി പരീക്ഷാ കണ്‍ട്രോളറുമായ ഡോ. പി ശിവദാസന്‍ പറഞ്ഞു. ക്ഷേത്ര വരുമാനം, വിഭവ ഉപയോഗം തുടങ്ങിയവയെപ്പറ്റിയുള്ള വിവരങ്ങള്‍ മുളക്കരണത്തിലുണ്ട്. മുളക്കരണങ്ങള്‍ ഡോ. എം ആര്‍ രാഘവ വാരിയരുടെ നേതൃത്വത്തില്‍ പഠന വിധേയമാക്കും. ക്ഷേത്ര കഴക കുടുംബാംഗം ഭാസ്‌കരന്‍ നമ്പീശനാണ് മുളക്കരണങ്ങള്‍ ഗവേഷക സംഘത്തിനു കൈമാറിയത്. ക്ഷേത്ര ഭാരവാഹികള്‍ നല്‍കിയ വിവരത്തിന്റെ അടിസ്ഥാനത്തില്‍ ഡോ. പി ശിവദാസന്റെ നേതൃത്വത്തില്‍ ഇ ശ്രീജിത്ത് (കോഴിക്കോട് ആര്‍ട്‌സ് കോളജ്), കെ സജിത് കുമാര്‍ (മടപ്പള്ളി ഗവ. കോളജ്) എന്നിവരാണ് നൊച്ചാട് സന്ദര്‍ശിച്ചത്.
 
കോടഞ്ചേരി സെക്ടര്‍ സാഹിത്യോത്സവ്: മുറമ്പാത്തി ജേതാക്കളായി
കോടഞ്ചേരി: രണ്ട് ദിവസങ്ങളിലായി കൂന്തളം തേരില്‍ നടന്ന എസ് എസ് എഫ് കോടഞ്ചേരി സെക്ടര്‍ സാഹിത്യോത്സവില്‍ 394 പോയന്റെ നേടി മുറമ്പാത്തി യൂണിറ്റ് ഒന്നാം സ്ഥാനവും 249 പോയന്റ് നേടി പാലക്കല്‍ രണ്ടാം സ്ഥാനവും 240 പോയന്റ് നേടി ചെമ്പുകടവ് മൂന്നാം സ്ഥാനവും കരസ്ഥമാക്കി. സമാപന സമ്മേളനത്തില്‍ എസ് വൈ എസ് സോണ്‍ സെക്രട്ടറി നൗഫല്‍ സഖാഫി നൂറാംതോട്, സലാം സുബ്ഹാനി, മുനീര്‍ സഅദി പാലക്കല്‍, ജഅഫര്‍ റഹ്മാനി ചെമ്പുകടവ്, ഡിവിഷന്‍ സെക്രട്ടറി ഇബ്രാഹിം പാലക്കല്‍ തുടങ്ങിയവര്‍ സംബന്ധിച്ചു. വിജയികള്‍ക്ക് സ്ഥലം ഖത്തീബ് സദകത്തുള്ള സഖാഫി ട്രോഫി വിതരണം ചെയ്തു. റഈസ് സ്വാഗതവും മുബാരിസ് നന്ദിയും പറഞ്ഞു.
 
പുല്ലാളൂര്‍ എ എല്‍ പി സ്‌കൂളില്‍ പുതിയ ടോയ്‌ലറ്റ് ഉദ്ഘാടനം ചെയ്തു
മടവൂര്‍: മടവൂര്‍ ഗ്രാമപഞ്ചായത്ത് ശുചിത്വ ഫണ്ട് ഉപയോഗിച്ച് പുല്ലാളൂര്‍ എ എല്‍ പി സ്‌കൂളിന് നിര്‍മ്മിച്ചു നല്‍കിയ ടോയ്‌ലറ്റിന്റെ ഉദ്ഘാടനം ഗ്രാമപഞ്ചായത്ത് പ്രസിഡണ്ട് പി വി പങ്കജാക്ഷന്‍ നിര്‍വ്വഹിച്ചു. ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ സിന്ധു മോഹന്‍, വികസന സ്റ്റാന്റിംഗ് കമ്മിറ്റി ചെയര്‍മാന്‍ റിയാസ് ഖാന്‍, ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ സക്കീന മുഹമ്മദ്, മെമ്പര്‍മാരായ ശ്യാമള, അബു, റിയാസ് എടത്തില്‍, അംബുജം, പി ടി എ പ്രസിഡണ്ട് ഇ പി സലീം, ബി ആര്‍ സി അബൂബക്കര്‍ കുണ്ടായി, വിചിത്ര എന്നിവര്‍ സംസാരിച്ചു.
 
1 2 3
 
 
 

All rights reserved | Website developed and maintained by Zyonz Technologies