15-Sep-2019 (Sun)
 
 
 
 
പുതുപ്പാടി പുഴങ്കുന്നുമ്മല്‍ കോയ(85) നിര്യാതനായി; മയ്യത്ത് നിസ്‌കാരം രാത്രി 8.30 ന്
പുതുപ്പാടി: വെസ്റ്റ്‌കൈതപൊയില്‍ പുഴങ്കുന്നുമ്മല്‍ കോയ(85) നിര്യാതനായി. മയ്യത്ത് നിസ്‌കാരം ശനിയാഴ്ച രാത്രി 8.30 ന് കൈതപൊയില്‍ ജുമാ മസ്ജിദില്‍. മക്കള്‍: സൈനുദ്ധീന്‍, ബഷീര്‍, ശരീഫ, ജമീല, റംല, ലൈല. മരുമക്കള്‍: കാദര്‍ വൈത്തിരി, അബ്ദുള്ള മണല്‍വയല്‍, കലാം ബാംഗ്ലൂര്‍, മനാഫ് കൈതപൊയില്‍, ഫാത്തിമ താമരശ്ശേരി, സക്കീന വള്ളിയാട്.
 
മങ്ങാട് നെരോത്ത് കണ്ണച്ചംവീട്ടില്‍ അബ്ദുറഹിമാന്‍ (68) നിര്യാതനായി
താമരശ്ശേരി: മങ്ങാട് നെരോത്ത് കണ്ണച്ചംവീട്ടില്‍ അബ്ദുറഹിമാന്‍ (68) നിര്യാതനായി. ഭാര്യ: നഫീസ. മക്കള്‍: ജവാദ്(അബുദാബി), ഷാഹിന, നശീദ. മരുമക്കള്‍: അബൂബക്കര്‍(മടവൂര്‍മുക്ക്), നൗശാദ് (മുട്ടാഞ്ചേരി), അമീന(ഉള്ള്യേരി).
 
കൊടുവള്ളി സ്വദേശി ബാംഗ്ലൂരില്‍ നിര്യാതനായി
കൊടുവള്ളി: പാലക്കുറ്റി സ്വദേശിയായ ലോറി ഡ്രൈവര്‍ ബാംഗ്ലൂരില്‍ ഹൃദയസ്തംഭനത്തെ തുടര്‍ന്ന് നിര്യാതനായി. പാലക്കുറ്റി കുന്നുമ്മല്‍ പരേതനായ മൊയ്തീന്‍കോയയുടെ മകന്‍ മുനീര്‍(41) ആണ് മരിച്ചത്. ബുധനാഴ്ചയാണ് മുനിര്‍ ലോഡുമായി ബാംഗ്ലൂരിലേക്ക് പുറപ്പെട്ടത്. വ്യാഴാഴ്ച രാവിലെ വീട്ടിലേക്ക് വിളിക്കുകയും ചെറിയ ശാരീരിക അസ്വാസ്ത്യം ഉള്ള വിവരം അറിയിക്കുകയും ചെയ്തിരുന്നു. ഉച്ചയോടെയാണ് മുനീറിനെ ലോറിക്കുള്ളില്‍ മരിച്ച നിലയില്‍ കണ്ടെത്തിയത്. തുടര്‍ന്ന് ആശുപത്രിയിലേക്ക് മാറ്റിയ മൃതദേഹം പോസ്റ്റ് മോര്‍ട്ടത്തിന് ശേഷം വെള്ളിയാഴ്ച രാവിലെ ബന്ധുക്കള്‍ ഏറ്റുവാങ്ങി. മയ്യിത്ത് നിസ്‌കാരം രാത്രി 9.30 ന് പാലക്കുറ്റി ജുമുഅ മസ്ജിദില്‍.
 
സ്‌കൂട്ടറില്‍ ബസ്സിടിച്ച് യുവാവ് മരിച്ചു
കൊടുവള്ളി: സ്‌കൂട്ടറില്‍ ബസ്സിടിച്ച് യുവാവ് മരിച്ചു. കിഴക്കോത്ത് കത്തറമ്മല്‍ തൂവക്കുന്നുമ്മല്‍ പക്കറിന്റെ മകന്‍ മുജീബ് റഹ്മാന്‍(35) ആണ് മരിച്ചത്. ദേശീയ പാതയില്‍ കൊടുവള്ളി സിറാജ് ബൈപാസിനു സമീപം വെള്ളിയാഴ്ച രാവിലെ പത്തരയോടെ ആയിരുന്നു അപകടം. കത്തറമ്മല്‍ ആങ്ങാടിയിലെ പച്ചക്കറി വ്യാപാരിയായ മുജീബ് റഹ്മാന്‍ കോഴിക്കോട്ടേക്ക് പോവുന്നതിനിടെ ആയിരുന്നു അപകടം. പിന്നിലുണ്ടായിരുന്ന സുഹ ഡിലക്സ് എന്ന സ്വകാര്യ ബസ്സ് മുജീബിനെ മറികടക്കുന്നതിനിടെ സ്‌കൂട്ടറില്‍ ഇടിക്കുകയായിരുന്നുവെന്ന് സംശയിക്കുന്നു. ബസ്സിനടില്‍ അകപ്പെട്ട മുജീബ് റഹ്മാന്‍ തല്‍ക്ഷണം മരിച്ചു. മൃതദേഹം കോഴിക്കോട് മെഡിക്കല്‍ കോളേജ് മോര്‍ച്ചറിയിലേക്ക് മാറ്റി.
 
ഷൂട്ടിംഗ് സംഘത്തിന്റെ ബസ്സിടിച്ച് പരിക്കേറ്റ യുവാവ് മരിച്ചു
മെഡിക്കല്‍ കോളേജ്: ഷൂട്ടിംഗ് സംഘത്തിന്റെ ബസ്സിടിച്ച് പരിക്കേറ്റ് ചികിത്സയിലായിരുന്ന യുവാവ് മരിച്ചു. വെള്ളിപറമ്പ് താഴടക്കണ്ടി അബ്ദുറഹിമാന്റെ മകന്‍ മുഹമ്മദ് സാലിഹ്(20) ആണ് മരിച്ചത്. ശനിയാഴ്ച രാവിലെ കുന്ദമംഗലം സര്‍വീസ് സ്‌റ്റേഷന് സമീപത്തായിരുന്നു അപകടം. കുന്ദമംഗലം ഭാഗത്തേക്ക് പോവുകയായിരുന്ന സാലിഹ് സഞ്ചരിച്ച ബൈക്കില്‍ വയനാട് ഭാഗത്തേക്ക് പോവുകയായിരുന്ന ഷൂട്ടിംഗ് സംഘം സഞ്ചരിച്ച ബസ്സ് ഇടിക്കുകയായിരുന്നു. കോഴിക്കോട് മെഡിക്കല്‍ കോളേജ് തീവ്ര പരിചരണ വിഭാഗത്തില്‍ ചികിത്സയിലിരിക്കെ ചൊവ്വാഴ്ച വൈകിട്ടായിരുന്നു അന്ത്യം. മോര്‍ച്ചറിയിലേക്ക് മാറ്റിയ മയ്യിത്ത് പോസ്റ്റ് മോര്‍ട്ടത്തിന് ശേഷം ബുധനാഴ്ച നാട്ടിലെത്തിക്കും. മയ്യിത്ത് നിസ്‌കാരം ഉച്ചയോടെ വെള്ളിപറമ്പ് ജുമുഅ മസ്ജിദില്‍ നടക്കും. മാതാവ്: ശരീഫ. സഹോദരങ്ങള്‍: ഷബീബ്(സൗദി), ഷഹനാസ്, ഷമീന, ശബ്‌ന.
 
കിനാലൂരില്‍ സ്‌കൂട്ടര്‍ യാത്രക്കാരന്‍ കാറിടിച്ച് മരിച്ചു; മയ്യിത്ത് നിസ്‌ക്കാരം രാത്രി 10 മണിക്ക്
കിനാലൂര്‍: സ്‌കൂട്ടര്‍ യാത്രക്കാരന്‍ കാറിടിച്ച് മരിച്ചു. കിനാലൂര്‍ മുണ്ടോട്ടം കണ്ടിയില്‍ താമസിക്കുന്ന കൊറ്റിലേരി അബൂബക്കര്‍(59) ആണ് മരിച്ചത്. ചൊവ്വാഴ്ച ഉച്ചക്ക് ഒന്നരയോടെ കിനാലൂര്‍ ഏഴുകണ്ടിയില്‍ കെ എസ് ഐ ഡി സി ക്കു സമീപത്തായിരുന്നു അപകടം. കിനാലൂര്‍ എസ്റ്റേറ്റ് ബസ് സ്റ്റോപ്പിനു സമീപത്തെ ഹോട്ടലില്‍ ജോലി ചെയ്യുന്ന അബൂബക്കര്‍ സ്‌കൂട്ടറില്‍ ഏഴുകണ്ടിയിലെ വീട്ടിലേക്ക് പോവുന്നതിനിടെ മങ്കയം ഭാഗത്തേക്ക് പോവുകയായിരുന്ന ടവേര കാര്‍ ഇടിച്ചു തെറിപ്പിക്കുകയായിരുന്നു. കാറ് അമിത വേഗതയിലായിരുന്നുവെന്ന് നാട്ടുകാര്‍ പറഞ്ഞു. അബൂബക്കറിനെ ഉടന്‍ തന്നെ കോഴിക്കോട് മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും മരിച്ചിരുന്നു. ഭാര്യ: നഫീസ. മക്കള്‍: ഹനീഫ(ദുബൈ), സാബിറ. മരുമക്കള്‍: റഷീദ് വാകയാട്, റസീന. മയ്യിത്ത് നിസ്‌ക്കാരം ചൊവ്വാഴ്ച രാത്രി 10 മണിക്ക് പഴേടത്ത് ജുമുഅ മസ്ജിദില്‍.
 
പുതുവത്സരാഘോഷത്തിനിടെ ബൈക്ക് അപകടം: രണ്ടുപേര്‍ മരിച്ചു
ചേളന്നൂര്‍: പുതുവത്സരാഘോഷത്തിനിടെ ബൈക്ക് ഇലക്ട്രിക് പോസ്റ്റിലിടിച്ച് രണ്ടുപേര്‍ മരിച്ചു. ചേളന്നൂര്‍ കണ്ണങ്കര അഞ്ചാം വളവ് പൊറ്റങ്ങാടി ജയന്റെ മകന്‍ അഭിഷേക്(25), കണ്ണങ്കര വാളിപ്പുറത്ത് സുധാകരന്റെ മകന്‍ സ്‌നിജിന്‍(21) എന്നിവരാണ് മരിച്ചത്. പുലര്‍ച്ചെ രണ്ടുമണിയോടെ ചേളന്നൂരിലായിരുന്നു അപകടം. സുഹൃത്തുക്കളായ ഇവര്‍ പുതുവത്സരാഘോഷത്തിനായാണ് വീട്ടില്‍ നിന്നും ഇറങ്ങിയത്. വീട്ടിലേക്ക് മടങ്ങുന്നതിനിടെയാണ് അപകടമെന്ന് സംശയിക്കുന്നു. ഓടിക്കൂടിയ നാട്ടുകാര്‍ ഇരുവരെയും കോഴിക്കോട് മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും മരിച്ചിരുന്നു. മോര്‍ച്ചറിയിലേക്ക് മാറ്റിയ മൃതദേഹം കാക്കൂര്‍ പോലീസ് ഇന്‍ക്വസ്റ്റ് നടത്തി പോസ്റ്റ് മോര്‍ട്ടം നടപടികള്‍ പൂര്‍ത്തിയാക്കി ബന്ധുക്കള്‍ക്ക് വിട്ടു കൊടുക്കും.
 
പറമ്പത്ത് അബ്ദുല്‍ റഷീദ് സഖാഫി(51) നിര്യാതനായി; മയ്യിത്ത് നിസ്‌കാരം തിങ്കള്‍ രാത്രി 9.30 ന്
പറമ്പത്ത്: സുന്നി ജംഇയ്യതുല്‍ മുഅല്ലിമീന്‍ കോഴിക്കോട് മേഖല ഫിനാന്‍സ് സെക്രട്ടറി കോട്ടുപറമ്പത്ത് അബ്ദുല്‍ റഷീദ് സഖാഫി(51) ഹൃദയ സ്തംബനത്തെ തുടര്‍ന്ന് നിര്യാതനായി. കൊടശ്ശേരി കുന്നത്തറ ജുമുഅ മസ്ജിദ് ഖത്തീബായിരുന്നു. ഭാര്യ: സുലൈഖ. മക്കള്‍: മുഖ്താര്‍, മുഹ്താജ്. മയ്യിത്ത് നിസ്‌കാരം തിങ്കള്‍ രാത്രി 9.30 ന് തനിയാടത്ത് ജുമുഅ മസ്ജിദില്‍.
 
കുന്ദമംഗലത്ത് തമിഴ്‌നാട് സ്വദേശി വെട്ടേറ്റ് മരിച്ചു
ചെത്തുകടവ്: കുന്ദമംഗലം ചെത്തുക്കടവില്‍ തമിഴ്‌നാട് സ്വദേശി വെട്ടേറ്റ് മരിച്ചു. തമിഴ്‌നാട് മാര്‍ത്താണ്ഡം സ്വദേശി കനകരാജ്(50) ആണ് മരിച്ചത്. തിങ്കളാഴ്ച പുലര്‍ച്ചെ ചെത്തുക്കടവ് ബസ്സ് കാത്തിരിപ്പ് കേന്ദ്രത്തിനടുത്തുള്ള തട്ടുകടക്ക് സമീപം രക്തം വാര്‍ന്ന നിലയില്‍ കനകരാജിനെ കണ്ടെത്തുകയായിരുന്നു. തുടര്‍ന് കോഴിക്കോട് മെഡിക്കല്‍കോളേജ് ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു. കുന്ദമംഗലം പോലീസ് സ്ഥലത്തെത്തി അന്വേഷണം ആരംഭിച്ചു. തൊട്ടടുത്ത ശിവഗിരി പ്രദേശത്തെ സുരാസു എന്നറിയപ്പെടുന്ന ആളാണ് പ്രതി എന്ന് പോലീസിന് വ്യക്തമായ സൂചന ലഭിച്ചിട്ടുണ്ട്. മദ്യപിച്ചുണ്ടായ വഴക്കാണ് കൊലപാതകത്തിന് കാരണമെന്നാണ് സൂചന.
 
ബൈക്കുകള്‍ കൂട്ടിയിടിച്ച് പരുക്കേറ്റയാള്‍ മരിച്ചു
താമരശ്ശേരി: ബൈക്കുകള്‍ കൂട്ടിയിടിച്ച് പരുക്കേറ്റയാള്‍ മരിച്ചു. ചെമ്പ്ര പാറക്കണ്ടിയില്‍ താമസിക്കുന്ന കെ ടി അഹമ്മദ് കുട്ടി ഹാജി(67) ആണ് മരിച്ചത്. ദേശീയപാതയില്‍ കാരാടി വട്ടക്കുണ്ടിന് സമീപം ബുധനാഴ്ച രാവിലെ എട്ടരയോടെയായിരുന്നു അപകടം. കോഴിക്കോട് മെഡിക്കല്‍ കോളേജ് തീവ്ര പരിചരണ വിഭാഗത്തില്‍ ചികിത്സയിലിരിക്കെ മരിക്കുകയായിരുന്നു. ചെമ്പ്ര മഹല്ല് കമ്മിറ്റി വൈസ് പ്രസിഡന്റാണ്. ഭാര്യ: സഫിയ. മക്കള്‍: ഷരീഫ, ഫൗസിയ, മനാഫ്, നൗഷാദ്. മരുമക്കള്‍: സലീം വട്ടക്കുണ്ട്, അഷ്റഫ് കുടുക്കിലുമ്മാരം, റാഷിദ, റുസ്നാബി.
 
 
 
 

All rights reserved | Website developed and maintained by Zyonz Technologies