02-Jul-2020 (Thu)
'കോവിഡിനോട് പൊരുതി ജയിക്കുന്ന കേരളം' പുസ്തകത്തിന്റെ ജില്ലാതല പ്രകാശനം നടന്നു മുഖ്യ മന്ത്രിയുടെ പ്രാദേശിക റോഡ് പുനരുദ്ധാരണ പദ്ധതിക്ക് തുടക്കമായി താമരശ്ശേരി എ ഇ ഒ ഒഫീസിന് മുന്‍പില്‍ കെ എസ് യു ധര്‍ണ്ണ നടത്തി താമരശ്ശേരി ചമല്‍ കേളന്‍മൂല ഭാഗത്ത് നിന്നും വാഷും ചാരായവും പിടിച്ചെടുത്തു പ്ലാസ്റ്റിക് ടോള്‍ ബൂത്തുകള്‍ സ്ഥാപിച്ചു പുതുപ്പാടിയില്‍ കാട്ടുപന്നികളെ വെടിവെച്ചുകൊല്ലുന്നതിനുള്ള നടപടികള്‍ക്കായി ജാഗ്രതാ സമിതി ചേര്‍ന്നു കര്‍ഷക കൂട്ടായ്മ താമരശ്ശേരി ഫോറസ്റ്റ് റെയ്ഞ്ച് ഓഫീസിലേക്ക് മാര്‍ച്ച് നടത്തി മുഖത്ത് പ്ലാസ്റ്റിക് ഡബ്ബ കുടുങ്ങിയ കുറുക്കനെ രക്ഷപ്പെടുത്തി തൃക്കുറ്റിശ്ശേരി വയല്‍ പീടിക പുതിയപാലം മന്ത്രി ജി സുധാകരന്‍ നാടിന് സമര്‍പ്പിച്ചു സ്മാര്‍ട്ട് ചാലഞ്ചില്‍ റിപ്പയര്‍ ചെയ്ത ഫോണുകള്‍ അദ്ധ്യാപകര്‍ക്കു കൈമാറി പുല്ലാളൂര്‍ പുറായില്‍ ഒലോറക്കുന്ന് റോഡ് മന്ത്രി ഉദ്ഘാടനം ചെയ്തു
 
 
 
1 2 3
 
ടി ബാലന്‍ നായര്‍ മൂന്നാം ചരമദിനം ആചരിച്ചു
താമരശ്ശേരി: ട്രേയ്ഡ് യൂണിയന്‍ സംസ്ഥാന നേതാവും സി പി ഐ എം താമരശ്ശേരി ഏരിയാ കമ്മിറ്റി അംഗവുമായിരുന്ന ടി ബാലന്‍ നായരുടെ മൂന്നാം ചരമദിനം വിവിധ പരിപാടികളോടെ ആചരിച്ചു. താമരശ്ശേരി സൗത്ത് ലോക്കല്‍ കമ്മിറ്റിയുടെ നേതൃത്വത്തില്‍ ജന്മനാടായ കെടവൂരില്‍ ലോക്കലിലെ എസ് എസ് എല്‍ സി, പ്ലസ് ടു പരീക്ഷകളില്‍ മുഴുവന്‍ വിഷയത്തിലും എ പ്ലസ് നേടിയ കുട്ടികളെ അനുമോദിക്കലും കുടുബസംഗമവും സി പി ഐ എം സംസ്ഥാന കമ്മിറ്റിയംഗം സി കെ ശശീന്ദ്രന്‍ എം എല്‍ എ ഉദ്ഘാടനം ചെയ്തു. സ്വാഗതസംഗം ചെയര്‍മാന്‍ വി രാജേന്ദ്രന്‍ അധ്യക്ഷത വഹിച്ചു. കാരാട്ട് റസാഖ് എം എല്‍ എ ഉപഹാരങ്ങള്‍ വിതരണം ചെയ്തു. ഏരിയാ സെക്രട്ടറി ആര്‍ പി ഭാസ്‌കരന്‍, ബി ആര്‍ ബെന്നി, ടി സി വാസു എന്നിവര്‍ സംസാരിച്ചു. സ്വാഗതസംഗം കണ്‍വീനര്‍ കെ പി രാധാകൃഷ്ണന്‍ സ്വാഗതവും എം വി യുവേഷ് നന്ദിയും പറഞ്ഞു. രാവിലെ മോട്ടോര്‍ യൂണിയന്‍ സി ഐ ടി യുവിന്റെയും ഏരിയാ കമ്മിറ്റികളുടെയും നേതൃത്വത്തില്‍ നടന്ന അനുസ്മരണ സമ്മേളനം ഓട്ടോ ടാക്‌സി ലൈറ്റ് മോട്ടോഴ്‌സ് വര്‍ക്കേഴ്‌സ് യൂണിയന്‍ ജില്ലാ പ്രസിഡന്റ് പി കെ പ്രേംനാഥ് ഉദ്ഘാടനം ചെയ്തു. എ കെ ഗോപാലന്‍ അധ്യക്ഷത വഹിച്ചു. പി ആര്‍ സോമന്‍, ഷിജി ആന്റണി, പി സുരേഷ് ബാബു എന്നിവര്‍ സംസാരിച്ചു. ടി സി വാസു സ്വാഗതവും പി ചോയ്കുട്ടി നന്ദിയും പറഞ്ഞു.
 
എളേറ്റില്‍ എം ജെ എച്ച് എസ് എസിന് കൊടുവള്ളി സബ്ജില്ലാ അറബിക് ടാലന്റ് സെര്‍ച്ചില്‍ അഭിമാന നേട്ടം
എളേറ്റില്‍: എളേറ്റില്‍ എം ജെ ഹയര്‍ സെക്കന്ററി സ്‌കൂളിന് ഹൈസ്‌കൂള്‍ വിഭാഗം സബ്ജില്ലാ തല അറബിക് ടാലന്റ് സെര്‍ച്ചില്‍ അഭിമാന നേട്ടം. ഒന്നും രണ്ടും സ്ഥാനങ്ങള്‍ കരസ്ഥമാക്കിയാണ് എം ജെ എച്ച് എസ് എസ് ഈ നേട്ടം കൈവരിച്ചത്. ഒന്‍പതാം ക്ലാസ്സ്‌ വിദ്യാര്‍ത്ഥി സിറാജ് സാദിഖ് ഒന്നാം സ്ഥാനവും പത്താം ക്ലാസ്സ്‌ വിദ്യാര്‍ത്ഥിനി ഫാത്തിമ ജെബിന്‍ രണ്ടാം സ്ഥാനവും കരസ്ഥമാക്കി.
 
ഗോരക്ഷ പദ്ധതിക്ക് ജില്ലയില്‍ തുടക്കമായി
ഒളവണ്ണ: കേന്ദ്ര സംസ്ഥാന സര്‍ക്കാറുകളുടെ സഹായത്തോടെ മൃഗസംരക്ഷണ വകുപ്പ് നടപ്പിലാക്കുന്ന കുളമ്പുരോഗ പ്രതിരോധ കുത്തിവെയ്പ്പ് പദ്ധതിയായ ഗോരക്ഷയുടെ 26-ാമത് ഘട്ടത്തിന് ജില്ലയില്‍ തുടക്കമായി. ജില്ലാതല ഉദ്ഘാടനം ഒളവണ്ണ പഞ്ചായത്തിലെ മാത്തറയിലെ കൃഷ്ണ ഡയറി ഫാമില്‍ ജില്ലാ പഞ്ചായത്ത് പ്രസിഡന്റ് ബാബു പറശ്ശേരി നിര്‍വ്വഹിച്ചു. ഒളവണ്ണ പഞ്ചായത്ത് പ്രസിഡന്റ് കെ തങ്കമണി അധ്യക്ഷത വഹിച്ചു. ജില്ലാ മൃഗസംരക്ഷണ ഓഫീസര്‍ ഡോ. എം പി സാനി പദ്ധതിയെക്കുറിച്ച് വിശദീകരിച്ചു. ജില്ലയില്‍ കുത്തിവെയ്പ്പിനായി 141 സ്‌ക്വാഡുകള്‍ രൂപീകരിച്ചിട്ടുണ്ട്. ഒരു ലൈവ്സ്റ്റോക് ഇന്‍സ്പെക്ടറും അറ്റന്റന്റും അടങ്ങിയതാണ് ഒരു സ്‌ക്വാഡ്. വരും ദിവസങ്ങളില്‍ ഇവര്‍ ഓരോ കര്‍ഷകനെയും സമീപിച്ച് ഉരുക്കളെ കുത്തിവെയ്പ്പിന് വിധേയമാക്കുകയും പശുവിന്റെ ചെവിയില്‍ കമ്മലടിക്കുകയും ചെയ്യും.
 
താമരശ്ശേരി സ്വദേശി ഋത്വിക് സുന്ദര്‍ ഇന്ത്യന്‍ ടീമിലേക്ക്
താമരശ്ശേരി: ജൂലൈ 25 മുതല്‍ 28 വരെ ബംഗ്ലാദേശിലെ ദാക്കയില്‍ വെച്ച് നടക്കുന്ന ഇന്റര്‍ നാഷണല്‍ ടെന്നീസ് വോളിബോള്‍ ചാമ്പ്യന്‍ഷിപ്പില്‍ പങ്കെടുക്കാന്‍ താമരശ്ശേരി സ്വദേശി ഋത്വിക് സുന്ദറിനെ തിരഞ്ഞെടുത്തു. ബാലുശ്ശേരി ഗവ. ആര്‍ട്സ് ആന്റ് സയന്‍സ് കോളേജ് വിദ്യാര്‍ത്ഥിയായ ഋത്വിക് പുതുപ്പാടി സ്പോര്‍ട്സ് അക്കാദമി മെമ്പറാണ്. നിരവധി തവണ കേരള ടീം ക്യാപ്റ്റനായിരുന്നു. കേരള സ്പോര്‍ട്സ് കൗണ്‍സില്‍ മെമ്പറും ടെന്നീസ് വോളിബോള്‍ അസോസിയേഷന്‍ സെക്രട്ടറിയുമായ പി എം അബ്ദുറഹ്മാന്റെ ശിക്ഷണത്തിലാണ് ഋത്വിക് സുന്ദര്‍ ടെന്നീസ് വോളിബോള്‍ പരിശീലിച്ചത്.
 
പച്ചത്തുരുത്ത് കെ എം സി ടി പോളി ടെക്‌നിക്കിലും
മുക്കം: ഹരിതകേരളം മിഷന്റെയും കെ എം സി ടി പോളി ടെക്‌നിക്ക് കോളേജ് എന്‍ സി സി യൂണിറ്റിന്റെയും സംയുക്താഭിമുഖ്യത്തില്‍ പച്ചത്തുരുത്ത് പദ്ധതിക്ക് തുടക്കം കുറിച്ചു. കോളേജ് പ്രിന്‍സിപ്പല്‍ സി ഉദയന്‍, ഹരിതകേരളം ജില്ലാ മിഷന്‍ കോഓര്‍ഡിനേറ്റര്‍ പി പ്രകാശ് എന്നിവര്‍ ചേര്‍ന്ന് തൈ നടല്‍ കര്‍മ്മം നിര്‍വഹിച്ചു. പച്ചതുരുത്ത് നിര്‍മാണത്തിന്റെ പ്രാധാന്യത്തെക്കുറിച്ച് പ്രിന്‍സിപ്പല്‍ സി ഉദയന്‍ വിദ്യാര്‍ഥികളുമായി പങ്കുവെച്ചു. ചടങ്ങില്‍ പി പ്രകാശ് പച്ചത്തുരുത്ത് പരിപാലനത്തെയും തുടര്‍ പ്രവര്‍ത്തനങ്ങളെയും കുറിച്ച് വിശദീകരിച്ചു. എന്‍ സി സി ഓഫീസര്‍ ലഫ്റ്റണന്റ് സി എസ് അമല്‍ജിത്തിന്റെ പ്രത്യേക താല്‍പര്യ പ്രകാരമാണ് കോളേജില്‍ പദ്ധതിക്ക് തുടക്കം കുറിച്ചത്. ഹരിതകേരളം മിഷനുമായി ചേര്‍ന്ന് ഗ്രീന്‍ പ്രോട്ടോക്കോള്‍, ജലസംരക്ഷണം, തുടങ്ങിയ വിവിധ പ്രവര്‍ത്തനങ്ങള്‍ നടത്തുമെന്ന് അദ്ദേഹം അറിയിച്ചു. വേപ്പ്, ലക്ഷ്മി തരു, ഗന്ധരാജന്‍, അയ്യപ്പാന, പനിക്കൂര്‍ക്ക, കറിവേപ്പില, അശോകം, ഇലഞ്ഞി, നരകം, മാവ്, പ്ലാവ്, ബുദ്ധബാംബു തുടങ്ങി 60 ഓളം വ്യത്യസ്ത ഇനം തൈകളാണ് നട്ടത്. പച്ചത്തുരുത്ത് പദ്ധതി ആരംഭിച്ച ജില്ലയിലെ ആദ്യത്തെ വിദ്യാഭ്യാസ സ്ഥാപനമാണ് കെ എം സി ടി പോളി ടെക്‌നിക്ക്. പദ്ധതിയുമായി ബന്ധപ്പെട്ട് ജൂണ്‍ മുതല്‍ ആരംഭിച്ച പ്രവര്‍ത്തനങ്ങളുടെ ഫലമായാണ് 15 സെന്റ് സ്ഥലത്ത് പച്ചത്തുരുത്ത് യാഥാര്‍ഥ്യമായത്. കോളേജിലെ 30 കേരള ബറ്റാലിയന്‍ എന്‍ സി സി കോഴിക്കോട് യൂണിറ്റിലെ 60 ഓളം വിദ്യാര്‍ത്ഥികളാണ് പച്ചത്തുരുത്ത് പദ്ധതി സാക്ഷാത്കരിക്കാന്‍ മുന്നോട്ടുവന്നത്. വിദ്യാര്‍ത്ഥികളുടെ പങ്കാളിത്തം പരിപാടിയെ ശ്രദ്ധേയമാക്കി. എന്‍ എസ് എസ് കോര്‍ഡിനേറ്റര്‍ പി ജിതേവ് പരിപാടിക്ക് ആശംസകള്‍ അറിയിച്ചു. ഹരിതകേരളം മിഷന്‍ ആര്‍ പിമാരായ രാജേഷ് എ, ഉനൈസ് എം എ, സിനി പി എം, എന്‍ സി സി കേഡറ്റുകളയാ വിഷ്ണു കെ, ഉണ്ണിമായ, വിഷ്ണുപ്രഭ എന്നിവര്‍ പങ്കെടുത്തു.
 
എസ് വൈ എസ് താമരശ്ശേരി സോണ്‍ അര്‍ദ്ധ വാര്‍ഷിക കൗണ്‍സില്‍ നടത്തി
താമരശ്ശേരി: എസ് വൈ എസ് താമരശ്ശേരി സോണ്‍ അര്‍ദ്ധ വാര്‍ഷിക കൗണ്‍സില്‍ മലപുറം ഹയാതുല്‍ ഇസ്ലാം മദ്രസയില്‍ നടന്നു. എം പി എസ് തങ്ങള്‍ മലോറം ഉദ്ഘാടനം ചെയ്തു. സാബിത് അബ്ദുല്ല സഖാഫി അധ്യക്ഷത വഹിച്ചു. താമരശ്ശേരി, കട്ടിപ്പാറ, കൈതപ്പൊയില്‍, പുതുപ്പാടി, കോടഞ്ചേരി തുടങ്ങിയ സര്‍ക്കിളുകളിലും യൂണിറ്റുകളിലും കൗണ്‍സിലുകള്‍ വിജയകരമായി പൂര്‍ത്തിയാക്കിയ ശേഷമാണ് സോണ്‍ കൗണ്‍സില്‍ നടന്നത്. ജില്ലാ സെക്രട്ടറി കബീര്‍ മാസ്റ്റര്‍ എളേറ്റില്‍ കൗണ്‍സില്‍ നടപടികള്‍ നിയന്ത്രിച്ചു. അലവി സഖാഫി കായലം, മുനീര്‍ സഅദി പൂലോട്, നാസര്‍ ഹാജി എന്നിവര്‍ നേതൃത്വം നല്‍കി. സി പി ശാഫി സഖാഫി, നാസര്‍ മാസ്റ്റര്‍ പൂക്കോട്, റശീദ് ഒടുങ്ങാക്കാട്, മജീദ് സഖാഫി പാലക്കല്‍, ജാഫര്‍ സഖാഫി അണ്ടോണ, നൗഫല്‍ സഖാഫി നൂറാംതോട്, ശംസുദ്ധീന്‍ പെരുമ്പള്ളി, ഹനീഫ മാസ്റ്റര്‍ കോരങ്ങാട്, റിസാല്‍ കട്ടിപ്പാറ തുടങ്ങിയവര്‍ വിവിധ വകുപ്പുകളുടെ റിപ്പോര്‍ട്ടുകള്‍ അവതരിപ്പിച്ചു. നാസര്‍ മാസ്റ്റര്‍ പൂക്കോട് സ്വാഗതവും റശീദ് ഒടുങ്ങാക്കാട് നന്ദിയും പറഞ്ഞു.
 
കട്ടിപ്പാറ ഗ്രാമപഞ്ചായത്ത് സ്‌പോര്‍ട്‌സ് ചാമ്പ്യന്‍ഷിപ്പ് സംഘടിപ്പിച്ചു
കട്ടിപ്പാറ: കട്ടിപ്പാറ ഗ്രാമപഞ്ചായത്ത് സ്‌പോര്‍ട്‌സ് ചാമ്പ്യന്‍ഷിപ്പ് നടത്തി. പഞ്ചായത്തിലെ മുഴുവന്‍ സ്‌കൂളിലെയും തെരഞ്ഞെടുക്കപ്പെട്ട 450 ഓളം കുട്ടികളാണ് മത്സരത്തില്‍ പങ്കെടുത്തത്. ചാമ്പ്യന്‍ഷിപ്പില്‍ യോഗ്യത നേടിയ നൂറിലധികം വരുന്ന കുട്ടികള്‍ക്ക് സ്ഥിരം പരിശീലനം നല്‍കുന്നതിന് വേണ്ടിയാണ് ചാമ്പ്യന്‍ഷിപ്പ് സംഘടിപ്പിച്ചത്. പരിശീലനത്തില്‍ പങ്കെടുക്കുന്ന കുട്ടികള്‍ക്ക് ഭക്ഷണത്തിനും മറ്റ് ആവശ്യങ്ങള്‍ക്കുമായി 500000 രൂപയും ഗെംയിസ് മത്സരങ്ങള്‍ക്ക് വേണ്ടി 100000 രൂപയും വാര്‍ഷിക പദ്ധതിയില്‍ ഉള്‍പ്പെടുത്തിയിട്ടുണ്ട്. ഗ്രാമപഞ്ചായത്ത് സ്‌പോര്‍ട്‌സ് കൗണ്‍സില്‍ സംഘടിപ്പിച്ച ചാമ്പ്യന്‍ഷിപ്പ് ഗ്രാമപഞ്ചായത്ത് പ്രസിഡന്റ് ബേബി രവീന്ദ്രന്‍ ഫ്‌ലാഗ് ഓഫ് ചെയ്തു. വൈസ് പ്രസിഡന്റ് നിധീഷ് കല്ലുള്ളതോട് അധ്യക്ഷത വഹിച്ചു. ആരോഗ്യ വിദ്യാഭ്യാസ സ്റ്റാന്റിങ്ങ് കമ്മറ്റി ചെയര്‍ പേഴ്‌സണ്‍ ബേബി ബാബു, ക്ഷേമകാര്യ സ്റ്റാന്റിങ്ങ് കമ്മറ്റി ചെയര്‍മാന്‍ പി സി തോമസ്, ഹൈസ്‌കൂള്‍ പ്രധാന അധ്യാപകന്‍ എം എ എബ്രഹാം, കായിക അധ്യാപകന്‍ വി ടി മിനീഷ്, വി പി ബാബു, ഷാജു ഫ്രാന്‍സിസ്, എന്നിവര്‍ സംസാരിച്ചു.
 
ചേളന്നൂര്‍ സബ് രജിസ്ട്രാര്‍ ഓഫീസ് പ്രവൃത്തി ഉദ്ഘാടനം ചെയ്തു
ചേളന്നൂര്‍: ചേളന്നൂരില്‍ പുതുതായി നിര്‍മ്മിക്കുന്ന സബ് രജിസ്ട്രാര്‍ ഓഫീസ് കെട്ടിടത്തിന്റെ പ്രവൃത്തി രജിസ്‌ട്രേഷന്‍ പൊതുമരാമത്ത് വകുപ്പ് മന്ത്രി ജി. സുധാകരന്‍ ഉദ്ഘാടനം ചെയ്തു. ഭൂമിയുടെ മുകളിലുള്ള ഊഹക്കച്ചവടം കേരളത്തില്‍ ഭൂമിയുടെ വില ഭയങ്കരമായി ഉയര്‍ത്തിയെന്നും സാധാരണക്കാരനോ ഇടത്തരക്കാരനോ വീടിനായി ഒരു സെന്റ് ഭൂമി വാങ്ങാനാവാത്ത സ്ഥിതിയാണ് നിലവിലുള്ളതെന്നും മന്ത്രി പറഞ്ഞു. ദേശീയപാതക്ക് വേണ്ടിയുള്ള സ്ഥലമെടുപ്പ് പോലും ഇതിനാല്‍ പ്രതിസന്ധിയിലായിരിക്കുകയാണ്. ഉത്തര്‍പ്രദേശിലെ ഗ്രാമങ്ങളിലെ വിലയുമായാണ് കേന്ദ്രസര്‍ക്കാര്‍ സംസ്ഥാനത്തെ ഭൂമിയുടെ വിലയെ താരതമ്യം ചെയ്യുന്നത്. അതിനാല്‍ ദേശീയപാത നിര്‍മ്മാണത്തിനായുള്ള സംസ്ഥാന വിഹിതം ഭാരിച്ച തുകയായി മാറുന്നുവെന്നും അദ്ദേഹം കൂട്ടിച്ചേര്‍ത്തു. സംസ്ഥാന സര്‍ക്കാരിന്റെ പുതിയ കാലം പുതിയ സേവനം കാഴ്ചപ്പാടുമായി രജിസ്‌ട്രേഷന്‍ വകുപ്പില്‍ ഏറെ ആധുനിക സൗകര്യങ്ങള്‍ ലഭ്യമാക്കും. ഇപെയ്‌മെന്റ്, ഇ സ്റ്റാമ്പിംഗ് എന്നീ സൗകര്യങ്ങളിലൂടെ ഓഫീസില്‍ പോകാതെ തന്നെ വകുപ്പിന്റെ സേവനങ്ങളില്‍ പലതും നിലവില്‍ ലഭ്യമാണ്.
 
കുന്ദമംഗലം- കുറ്റിക്കാട്ടൂര്‍ റോഡ് ഉദ്ഘാടനം ചെയ്തു
കുറ്റിക്കാട്ടൂര്‍: 7.15 കോടി രൂപ ചെലവില്‍ പരിഷ്‌കരണ പ്രവൃത്തികള്‍ പൂര്‍ത്തീകരിച്ച കുന്ദമംഗലം പെരിങ്ങളം കുറ്റിക്കാട്ടൂര്‍ റോഡിന്റെ ഉദ്ഘാടനം പൊതുമരാമത്ത് രജിസ്ട്രേഷന്‍ വകുപ്പ് മന്ത്രി ജി സുധാകരന്‍ നിര്‍വഹിച്ചു. അഡ്വ. പി ടി എ റഹീം എം എല്‍ എ അധ്യക്ഷത വഹിച്ചു. പെരിങ്ങളം ജംഗ്ഷനില്‍ നിന്ന് ചെത്തുകടവിലേക്കും അതുവഴി മലയോര മേഖലകളിലേക്കും പോവുന്നതിന് ഏറെ സഹായകരമായ റോഡിന്റെ പ്രവൃത്തി മൂന്ന് ഘട്ടങ്ങളായാണ് പൂര്‍ത്തീകരിച്ചത്. ആധുനിക രീതിയിലുള്ള സബ് ബേസ്സോടു കൂടിയ ബി എം ബി സി പ്രതലം, ഡ്രൈനേജ് നിര്‍മാണം, സൈഡ് പ്രൊട്ടക്ഷന്‍ എന്നീ പ്രവൃത്തികളോടു കൂടിയാണ് റോഡ് പൂത്തീകരിച്ചത്.
 
പരിയങ്ങാട്- കൊണാറമ്പ- പെരുവയല്‍- പള്ളിത്താഴം റോഡ് പരിഷ്‌കരണ പ്രവൃത്തി ഉദ്ഘാടനം ചെയ്തു
പെരുവയല്‍: പരിയങ്ങാട്- കൊണാറമ്പ- പെരുവയല്‍- പള്ളിത്താഴം റോഡ് പരിഷ്‌കരണ പ്രവൃത്തി പൊതുമരാമത്ത്, രജിസ്‌ട്രേഷന്‍ വകുപ്പ് മന്ത്രി ജി സുധാകരന്‍ ഉദ്ഘാടനം ചെയ്തു. അഡ്വ. പി ടി എ റഹീം എം എല്‍ എ അധ്യക്ഷത വഹിച്ചു. മാങ്കാവ് കണ്ണിപറമ്പ് റോഡ്, പെരിങ്ങളം ചെത്തുകടവ് റോഡ്, ചെട്ടികടവ് ആര്‍ ഇ സി റോഡ് എന്നിവയുമായി ബന്ധിപ്പിക്കുന്ന ഈ റോഡിന്റെ ശോചനീയാവസ്ഥ പരിഹരിക്കുന്നതിന് നടപടി സ്വീകരിക്കണമെന്ന പ്രദേശവാസികളുടെ ആവശ്യമാണ് ഇതു വഴി പൂര്‍ത്തീകരിക്കുന്നത്. ഇതോടെ വികസന കാര്യത്തില്‍ പിന്നോക്കം നിന്നിരുന്ന പ്രദേശങ്ങളിലെ യാത്രാ ദുരിതം പഴങ്കഥയാവുകയാണ്. കുന്ദമംഗലം മണ്ഡലത്തിലെ വികസന മുന്നേറ്റത്തിന് ഒപ്പമെത്തുന്ന ഈ റോഡ് ആധുനിക രീതിയില്‍ ബി എം ബി സി ചെയ്ത് 3.5 കോടി രൂപ ചെലവിലാണ് പരിഷ്‌കരിക്കുന്നത്. പരിയങ്ങാട് മുതല്‍ പള്ളിത്താഴം വരെയുള്ള ഭാഗങ്ങളാണ് നിലവില്‍ നവീകരിക്കുന്നത്. 2700 മീറ്റര്‍ ദൂരം ആധുനിക രീതിയിലുള്ള സബ് ബേസ് നല്‍കി ബി എം ബി സി പ്രതലവും 1060 മീറ്റര്‍ നീളത്തില്‍ ഡ്രൈനേജും ആവശ്യമായ റോഡ് സുരക്ഷാ ക്രമീകരണങ്ങളും നല്‍കുവാനാണ് വിഭാവനം ചെയ്തിട്ടുള്ളത്.
 
1 2 3
 
 
 

All rights reserved | Website developed and maintained by Zyonz Technologies