17-Nov-2019 (Sun)
 
 
 
 
സ്‌കൂള്‍ ബസ് ഡ്രൈവര്‍ കുഴഞ്ഞുവീണു മരിച്ചു
ഈങ്ങാപ്പുഴ: സ്‌കൂള്‍ ബസ് ഡ്രൈവര്‍ ഡ്രൈവിംഗ് സീറ്റില്‍ കുഴഞ്ഞുവീണു മരിച്ചു. ഈങ്ങാപ്പുഴ മാര്‍ ബസേലിയോസ് സ്‌കൂള്‍ ബസിലെ ഡ്രൈവറായ പുതുപ്പാടി പുളിക്കല്‍ ഷിബു ജോണ്‍(52) ആണ് മരിച്ചത്. തിങ്കളാഴ്ച രാവിലെ 9 മണിയോടെ ചിപ്പിലിത്തോട് നിന്നും വിദ്യാര്‍ത്ഥികളെ ബസില്‍ കയറ്റുന്നതിനിടെ സ്റ്റിയറിംഗിലേക്ക് കുഴഞ്ഞു വീഴുകയായിരുന്നു. ഉടന്‍ തന്നെ നാട്ടുകാര്‍ ആശുപത്രിയിലെത്തിച്ചെങ്കിലും രക്ഷിക്കാനായില്ല. ഭാര്യ: പുഷ്പ (കൂരാച്ചുണ്ട് കാരക്കട കുടുംബാംഗം). മക്കള്‍: റോബിന്‍ (ഹോട്ടല്‍ മാനേജ്‌മെന്റ് വിദ്യാര്‍ത്ഥി മൂന്നാര്‍), റോഷി, റക്‌സിന്‍. മാതാവ്: ത്രേസ്യാമ്മ. സഹോദരങ്ങള്‍: ഷീല (കുവൈത്ത്), ഷാജു, ഷൈന്‍ (കുവൈത്ത്), ഷൈനി (മംഗലാപുരം), ശാരി (സൗദി). സംസ്‌കാരം ചൊവ്വാഴ്ച രാവിലെ പത്ത് മണിക്ക് പുതുപ്പാടി സെന്റ് ജോര്‍ജ് ദേവാലയത്തില്‍.
 
പുവ്വാട്ടുപറമ്പ് കരുപ്പാല്‍ മൊയ്തീന്‍ ഹാജി(95) നിര്യാതനായി
പുവ്വാട്ടുപറമ്പ്: പുവ്വാട്ടുപറമ്പ് കരുപ്പാല്‍ മൊയ്തീന്‍ ഹാജി(95) നിര്യാതനായി. ഭാര്യ: ചേക്കുമ്മ ഹജ്ജുമ്മ. മക്കള്‍: അമീര്‍ ഹാജി, അബ്ദുറഹിമാന്‍ (മുസ്ലിം ലിഗ് പതിമൂന്നാം വാര്‍ഡ് പ്രസിഡണ്ട്), അബ്ദുല്‍ ഗഫൂര്‍, ഉമ്മാച്ച. മരുമക്കള്‍: മുബീന, സുബൈദ, ആരിഫ, പരേതയായ ഖദീജ. എം എസ് എഫ് ദേശിയ വൈസ് പ്രസിഡണ്ട് ഫാത്തിമ തഹ്‌ലിയയുടെ പിതാവിന്റെ പിതാവാണ്.
 
പുതുപ്പാടി പുല്ലോറകുന്നുമ്മല്‍ മൂസ(73) നിര്യാതനായി
പുതുപ്പാടി: വെസ്റ്റ് പുതുപ്പാടി പുല്ലോറകുന്നുമ്മല്‍ മൂസ(73) നിര്യാതനായി. ഭാര്യ: സഫിയ. മക്കള്‍: അബ്ദുല്‍ അസീസ്, ശരീഫ്, ബഷീര്‍, മുഹമ്മദ് അഷ്റഫ്. മരുമക്കള്‍: ഷാഹിദ, ഹസീന, തീന, ജുമൈല.
 
അടിവാരം പള്ളിക്കതൊടി ജോണ്‍(63) നിര്യാതനായി
അടിവാരം: അടിവാരം മുപ്പതേക്ര പള്ളിക്കതൊടി ജോണ്‍(63) നിര്യാതനായി. ഭാര്യ: ത്രേസ്യാമ്മ. മക്കള്‍: സിബി (മുത്തൂറ്റ് ഫിനാന്‍സ് താമരശ്ശേരി), ഷീബ, ഷിബു (ദോഹ). മരുമക്കള്‍: സന്തോഷ്, ബീന.
 
പുതുപ്പാടി പുഴങ്കുന്നുമ്മല്‍ കോയ(85) നിര്യാതനായി; മയ്യത്ത് നിസ്‌കാരം രാത്രി 8.30 ന്
പുതുപ്പാടി: വെസ്റ്റ്‌കൈതപൊയില്‍ പുഴങ്കുന്നുമ്മല്‍ കോയ(85) നിര്യാതനായി. മയ്യത്ത് നിസ്‌കാരം ശനിയാഴ്ച രാത്രി 8.30 ന് കൈതപൊയില്‍ ജുമാ മസ്ജിദില്‍. മക്കള്‍: സൈനുദ്ധീന്‍, ബഷീര്‍, ശരീഫ, ജമീല, റംല, ലൈല. മരുമക്കള്‍: കാദര്‍ വൈത്തിരി, അബ്ദുള്ള മണല്‍വയല്‍, കലാം ബാംഗ്ലൂര്‍, മനാഫ് കൈതപൊയില്‍, ഫാത്തിമ താമരശ്ശേരി, സക്കീന വള്ളിയാട്.
 
മങ്ങാട് നെരോത്ത് കണ്ണച്ചംവീട്ടില്‍ അബ്ദുറഹിമാന്‍ (68) നിര്യാതനായി
താമരശ്ശേരി: മങ്ങാട് നെരോത്ത് കണ്ണച്ചംവീട്ടില്‍ അബ്ദുറഹിമാന്‍ (68) നിര്യാതനായി. ഭാര്യ: നഫീസ. മക്കള്‍: ജവാദ്(അബുദാബി), ഷാഹിന, നശീദ. മരുമക്കള്‍: അബൂബക്കര്‍(മടവൂര്‍മുക്ക്), നൗശാദ് (മുട്ടാഞ്ചേരി), അമീന(ഉള്ള്യേരി).
 
കൊടുവള്ളി സ്വദേശി ബാംഗ്ലൂരില്‍ നിര്യാതനായി
കൊടുവള്ളി: പാലക്കുറ്റി സ്വദേശിയായ ലോറി ഡ്രൈവര്‍ ബാംഗ്ലൂരില്‍ ഹൃദയസ്തംഭനത്തെ തുടര്‍ന്ന് നിര്യാതനായി. പാലക്കുറ്റി കുന്നുമ്മല്‍ പരേതനായ മൊയ്തീന്‍കോയയുടെ മകന്‍ മുനീര്‍(41) ആണ് മരിച്ചത്. ബുധനാഴ്ചയാണ് മുനിര്‍ ലോഡുമായി ബാംഗ്ലൂരിലേക്ക് പുറപ്പെട്ടത്. വ്യാഴാഴ്ച രാവിലെ വീട്ടിലേക്ക് വിളിക്കുകയും ചെറിയ ശാരീരിക അസ്വാസ്ത്യം ഉള്ള വിവരം അറിയിക്കുകയും ചെയ്തിരുന്നു. ഉച്ചയോടെയാണ് മുനീറിനെ ലോറിക്കുള്ളില്‍ മരിച്ച നിലയില്‍ കണ്ടെത്തിയത്. തുടര്‍ന്ന് ആശുപത്രിയിലേക്ക് മാറ്റിയ മൃതദേഹം പോസ്റ്റ് മോര്‍ട്ടത്തിന് ശേഷം വെള്ളിയാഴ്ച രാവിലെ ബന്ധുക്കള്‍ ഏറ്റുവാങ്ങി. മയ്യിത്ത് നിസ്‌കാരം രാത്രി 9.30 ന് പാലക്കുറ്റി ജുമുഅ മസ്ജിദില്‍.
 
സ്‌കൂട്ടറില്‍ ബസ്സിടിച്ച് യുവാവ് മരിച്ചു
കൊടുവള്ളി: സ്‌കൂട്ടറില്‍ ബസ്സിടിച്ച് യുവാവ് മരിച്ചു. കിഴക്കോത്ത് കത്തറമ്മല്‍ തൂവക്കുന്നുമ്മല്‍ പക്കറിന്റെ മകന്‍ മുജീബ് റഹ്മാന്‍(35) ആണ് മരിച്ചത്. ദേശീയ പാതയില്‍ കൊടുവള്ളി സിറാജ് ബൈപാസിനു സമീപം വെള്ളിയാഴ്ച രാവിലെ പത്തരയോടെ ആയിരുന്നു അപകടം. കത്തറമ്മല്‍ ആങ്ങാടിയിലെ പച്ചക്കറി വ്യാപാരിയായ മുജീബ് റഹ്മാന്‍ കോഴിക്കോട്ടേക്ക് പോവുന്നതിനിടെ ആയിരുന്നു അപകടം. പിന്നിലുണ്ടായിരുന്ന സുഹ ഡിലക്സ് എന്ന സ്വകാര്യ ബസ്സ് മുജീബിനെ മറികടക്കുന്നതിനിടെ സ്‌കൂട്ടറില്‍ ഇടിക്കുകയായിരുന്നുവെന്ന് സംശയിക്കുന്നു. ബസ്സിനടില്‍ അകപ്പെട്ട മുജീബ് റഹ്മാന്‍ തല്‍ക്ഷണം മരിച്ചു. മൃതദേഹം കോഴിക്കോട് മെഡിക്കല്‍ കോളേജ് മോര്‍ച്ചറിയിലേക്ക് മാറ്റി.
 
ഷൂട്ടിംഗ് സംഘത്തിന്റെ ബസ്സിടിച്ച് പരിക്കേറ്റ യുവാവ് മരിച്ചു
മെഡിക്കല്‍ കോളേജ്: ഷൂട്ടിംഗ് സംഘത്തിന്റെ ബസ്സിടിച്ച് പരിക്കേറ്റ് ചികിത്സയിലായിരുന്ന യുവാവ് മരിച്ചു. വെള്ളിപറമ്പ് താഴടക്കണ്ടി അബ്ദുറഹിമാന്റെ മകന്‍ മുഹമ്മദ് സാലിഹ്(20) ആണ് മരിച്ചത്. ശനിയാഴ്ച രാവിലെ കുന്ദമംഗലം സര്‍വീസ് സ്‌റ്റേഷന് സമീപത്തായിരുന്നു അപകടം. കുന്ദമംഗലം ഭാഗത്തേക്ക് പോവുകയായിരുന്ന സാലിഹ് സഞ്ചരിച്ച ബൈക്കില്‍ വയനാട് ഭാഗത്തേക്ക് പോവുകയായിരുന്ന ഷൂട്ടിംഗ് സംഘം സഞ്ചരിച്ച ബസ്സ് ഇടിക്കുകയായിരുന്നു. കോഴിക്കോട് മെഡിക്കല്‍ കോളേജ് തീവ്ര പരിചരണ വിഭാഗത്തില്‍ ചികിത്സയിലിരിക്കെ ചൊവ്വാഴ്ച വൈകിട്ടായിരുന്നു അന്ത്യം. മോര്‍ച്ചറിയിലേക്ക് മാറ്റിയ മയ്യിത്ത് പോസ്റ്റ് മോര്‍ട്ടത്തിന് ശേഷം ബുധനാഴ്ച നാട്ടിലെത്തിക്കും. മയ്യിത്ത് നിസ്‌കാരം ഉച്ചയോടെ വെള്ളിപറമ്പ് ജുമുഅ മസ്ജിദില്‍ നടക്കും. മാതാവ്: ശരീഫ. സഹോദരങ്ങള്‍: ഷബീബ്(സൗദി), ഷഹനാസ്, ഷമീന, ശബ്‌ന.
 
കിനാലൂരില്‍ സ്‌കൂട്ടര്‍ യാത്രക്കാരന്‍ കാറിടിച്ച് മരിച്ചു; മയ്യിത്ത് നിസ്‌ക്കാരം രാത്രി 10 മണിക്ക്
കിനാലൂര്‍: സ്‌കൂട്ടര്‍ യാത്രക്കാരന്‍ കാറിടിച്ച് മരിച്ചു. കിനാലൂര്‍ മുണ്ടോട്ടം കണ്ടിയില്‍ താമസിക്കുന്ന കൊറ്റിലേരി അബൂബക്കര്‍(59) ആണ് മരിച്ചത്. ചൊവ്വാഴ്ച ഉച്ചക്ക് ഒന്നരയോടെ കിനാലൂര്‍ ഏഴുകണ്ടിയില്‍ കെ എസ് ഐ ഡി സി ക്കു സമീപത്തായിരുന്നു അപകടം. കിനാലൂര്‍ എസ്റ്റേറ്റ് ബസ് സ്റ്റോപ്പിനു സമീപത്തെ ഹോട്ടലില്‍ ജോലി ചെയ്യുന്ന അബൂബക്കര്‍ സ്‌കൂട്ടറില്‍ ഏഴുകണ്ടിയിലെ വീട്ടിലേക്ക് പോവുന്നതിനിടെ മങ്കയം ഭാഗത്തേക്ക് പോവുകയായിരുന്ന ടവേര കാര്‍ ഇടിച്ചു തെറിപ്പിക്കുകയായിരുന്നു. കാറ് അമിത വേഗതയിലായിരുന്നുവെന്ന് നാട്ടുകാര്‍ പറഞ്ഞു. അബൂബക്കറിനെ ഉടന്‍ തന്നെ കോഴിക്കോട് മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും മരിച്ചിരുന്നു. ഭാര്യ: നഫീസ. മക്കള്‍: ഹനീഫ(ദുബൈ), സാബിറ. മരുമക്കള്‍: റഷീദ് വാകയാട്, റസീന. മയ്യിത്ത് നിസ്‌ക്കാരം ചൊവ്വാഴ്ച രാത്രി 10 മണിക്ക് പഴേടത്ത് ജുമുഅ മസ്ജിദില്‍.
 
 
 
 

All rights reserved | Website developed and maintained by Zyonz Technologies