18-Oct-2018 (Thu)
വ്യാഴാഴ്ച സംസ്ഥാനത്ത് ഹര്‍ത്താല്‍; ബി ജെ പി പിന്തുണ പോലീസിനെ വെട്ടിച്ച് കടന്ന പീഡന കേസ് പ്രതി അറസ്റ്റില്‍; മാതാപിതാക്കള്‍ ഉള്‍പ്പെടെ അഞ്ചുപേര്‍ റിമാണ്ടില്‍ അനര്‍ഹരായ കാര്‍ഡുടമകള്‍ പൊതുവിഭാഗത്തിലേക്ക് മാറ്റണം ബാലാവകാശ സംരക്ഷണ സമിതികളുടെ ശാക്തീകരണത്തിന് ശില്‍പ്പശാല നടത്തും പോലീസിനെ വെട്ടിച്ച് കടന്ന പീഡന കേസ് പ്രതിയെ കണ്ടെത്താനായില്ല പ്രളയക്കെടുതി: വ്യവസായ വാണിജ്യ സ്ഥാപനങ്ങളുടെ നഷ്ടകണക്കെടുക്കുന്നു റഫാല്‍ കരാര്‍ അഴിമതി; സംയുക്ത പാര്‍ലമെന്റ് കമ്മറ്റി അന്വേഷണം അവശ്യപ്പെട്ട് യൂത്ത് കോണ്‍ഗ്രസ് പോസ്റ്റ് ഓഫീസ് പിക്കറ്റിംഗ് നടത്തി അഞ്ച് ലിറ്റര്‍ ചാരായവുമായി കോടഞ്ചേരി സ്വദേശി പിടിയില്‍ പുതുപ്പാടി ഗ്രാമപഞ്ചായത്ത് ഓഫീസിലേക്ക് എല്‍ ഡി എഫ് മാര്‍ച്ച്
 
 
 
 
കുന്ദമംഗലത്ത് മുന്‍ സൈനികന്‍ ഭാര്യയെ വെടിവെച്ചു കൊന്നു.
കുന്ദമംഗലം: മുന്‍ സൈനികന്‍ ഭാര്യയെ വെടിവെച്ചു കൊന്നു. പൊയ്യ പണിക്കരങ്ങാടിയില്‍ താമസിക്കുന്ന സുരേഷാണ് ഭാര്യ ശ്രീജ(41)യെ കിടപ്പുമുറിയില്‍ വെടിവെച്ചു കൊന്നത്. ഇന്ന് രാവിലെ അഞ്ചുമണിയോടെയായിരുന്നു സംഭവം. കൃത്യം നിര്‍വഹിച്ചശേഷം ഇയാള്‍ കുന്ദമംലം പോലീസ് സ്‌റ്റേഷനിലെത്തി കീഴടങ്ങി. വെടിയൊച്ചയും കൂട്ടക്കരച്ചിലും കേട്ട അയല്‍വാസികള്‍ ഓടിയെത്തി ശ്രീജയെ ആശുപത്രിയിലെത്തിക്കാന്‍ ശ്രമിച്ചെങ്കിലും അഞ്ചുമിനിറ്റിനകം മരിച്ചിരുന്നു.
 
ഗുണ്ടാ സംഘത്തിന്റെ അക്രമത്തില്‍ പരുക്കേറ്റ് ചികിത്സയിലായിരുന്ന യുവാവ് മരിച്ചു
കോടഞ്ചേരി: ഗുണ്ടാ സംഘത്തിന്റെ അക്രമത്തില്‍ പരുക്കേറ്റ് ചികിത്സയിലായിരുന്ന യുവാവ് മരിച്ചു. കോടഞ്ചേരി ഈരൂട് നായ്ക്കംപറമ്പില്‍ പരേതനായ ജോസിന്റെ മകന്‍ പ്രൈയ്‌സ്(34) ആണ് വ്യാഴാഴ്ച ഉച്ചയോടെ മരിച്ചത്. ഈമാസം 16 ന് രാത്രി പത്തുമണിയോടെ സംഘടിച്ചെത്തിയ അക്രമികള്‍ പ്രൈയിസിനെ വീട്ടുമുറ്റത്തിട്ട് ക്രൂരമായി മര്‍ദ്ദിക്കുകയായിരുന്നു. സാരമായി പരുക്കേറ്റ പ്രൈയിസ് കോഴിക്കോട് മെഡിക്കല്‍ കോളേജ് ആശുപത്രിയില്‍ അത്യാഹിത വിഭാഗത്തില്‍ ചികിത്സയിലായിരുന്നു. ഭാര്യ ലിസിയുടെ പരാതിയില്‍ നേരത്തെ കോടഞ്ചേരി പോലീസ് കേസ് രജിസ്റ്റര്‍ ചെയ്തിരുന്നു. മൃതദേഹം പോസ്റ്റ് മോര്‍ട്ടത്തിന് ശേഷം വെള്ളിയാഴ്ച ഉച്ചയോടെ വീട്ടിലെത്തിച്ച് സംസ്‌കരിക്കും. മൈക്കാവ് സ്വദേശികളാണ് അക്രമത്തിന് പിന്നിലെന്ന് നാട്ടുകാര്‍ പറഞ്ഞു. ഇവര്‍ക്കായി പോലീസ് അന്വേഷണം ആരംഭിച്ചിട്ടുണ്ട്.
 
ട്രാവലര്‍ വാന്‍ നിയന്ത്രണം വിട്ട് മറിഞ്ഞ് അഞ്ചുപേര്‍ക്ക് പരുക്ക്
താമരശ്ശേരി: കോഴിക്കോട് ബാംഗ്ലൂര്‍ ദേശീയപാതയില്‍ അമ്പായത്തോട് മിച്ചഭൂമിക്ക് സമീപം ട്രാവലര്‍ വാന്‍ നിയന്ത്രണം വിട്ട് മറിഞ്ഞ് അഞ്ചുപേര്‍ക്ക് പരുക്ക്. മൈസൂരില്‍നിന്നും അലപ്പുഴയിലേക്ക് പോവുകയായിരുന്ന സംഘം സഞ്ചരിച്ച വാനാണ് അപകടത്തില്‍പെട്ടത്. സാരമായി പരുക്കേറ്റ ആലപ്പുഴ ചെങ്ങന്നൂര്‍ സ്വദേശി ബിനോയി(28) യെ കോഴിക്കോട് മെഡിക്കല്‍ കോളേജാശുപത്രിയില്‍ പ്രവേശിപ്പിച്ചു. മറ്റുള്ളവരെ പ്രാഥമിക ചികിത്സ നല്‍കി വട്ടയച്ചു.
 
നാലുകിലോ കഞ്ചാവുമായി വയനാട് സ്വദേശി താമരശ്ശേരിയില്‍ പിടിയില്‍
താമരശ്ശേരി: ജില്ലയിലെ വിവിധ പ്രദേശങ്ങളില്‍ കഞ്ചാവ് മൊത്ത വിതരണം നടത്തുന്ന വയനാട് സ്വദേശി റൂറല്‍ എസ് പി യുടെ ഷാഡോ പോലീസിന്റെ വലയിലായി. മനന്തവാടി അമ്പൂറ്റികുന്ന് കിഴക്കന്‍ചാലില്‍ ഇബ്രാഹീം(47) ആണ് കോഴിക്കോട് റൂറല്‍ എസ് പി. പി എച് അഷ്‌റഫിന് ലഭിച്ച രഹസ്യ വിലരത്തെ തുടര്‍ന്ന് ഷാഡോ പോലീസിന്റെ പിടിലായത്. പാലക്കാട്ട് നിന്നും എത്തിച്ച നാലുകിലോ കഞ്ചാവ് താമരശ്ശേരി ചെക്ക് പോസ്റ്റിന് സമീപത്തുനിന്നും ആവശ്യക്കാരന് കൈമാറുന്നതിനിടെ ഷാഡോ പോലീസ് പിടികൂടുകയായിരുന്നു.
 
കേസില്‍ നിന്ന് ഒഴിവാക്കാന്‍ കോടതിയില്‍ വ്യാജ മരണ സര്‍ട്ടിഫിക്കറ്റ്; പരേതനെയും ഭാര്യയും പോലീസ് പൊക്കി
താമരശ്ശേരി: വിചാരണ നേരിടുന്ന കേസില്‍നിന്നും ഒഴിവാക്കാന്‍ പ്രതി മരിച്ചതായി കാണിച്ച് ഭാര്യ കോടതിയില്‍ സത്യവാങ്ങ്മൂലംനല്‍കി. പുതുപ്പാടി ഈങ്ങാപ്പുഴ ഏലോക്കര മുക്കട വീട്ടില്‍ റഷീദ്(56) മരിച്ചതായി കാണിച്ച് ഭാര്യ ജമീല(36)യാണ് താമരശ്ശേരി കോടതിയില്‍ വ്യാജ മരണ സര്‍ട്ടിഫിക്കറ്റ് ഹാജറാക്കിയത്. കോടതിയുടെ നിര്‍ദ്ധേശപ്രകാരം പോലീസ് നടത്തിയ അന്വേഷണത്തില്‍ പരേതന്‍ ജീവിച്ചിരിപ്പുണ്ടെന്ന് കണ്ടെത്തുകയും ഇരുവരെയും അറസ്റ്റ് ചെയ്ത് കോടതിയില്‍ ഹാജറാക്കുകയും ചെയ്തു. താലൂക്ക് സപ്ലൈ ഓഫീസറുടേതുള്‍പ്പെടെയുള്ള ആറ് വ്യാജസീലുകളുമായി കഴിഞ്ഞ ഫെബ്രുവരി പന്ത്രണ്ടിന് റഷീദിനെ താമരശ്ശേരി പോലീസ് അറസ്റ്റ് ചെയ്തിരുന്നു. വ്യാജ സീലുകള്‍ ഉപയോഗിച്ച് സര്‍ട്ടിഫിക്കറ്റുകള്‍ നിര്‍മിച്ച് നല്‍കുന്നതായും റേഷന്‍ കാര്‍ഡില്‍ വ്യാജ ബി പി എല്‍ സീല്‍ പതിക്കുന്നതായുമുള്ള വിവരത്തെ തുടര്‍ന്ന് റഷീദിന്റെ വീട്ടില്‍ പോലീസ് പരിശോധന നടത്തുകയായിരുന്നു. താലൂക്ക് സപ്ലൈ ഓഫീസര്‍, വില്ലേജ് ഓഫീസര്‍, പുതുപ്പാടി ഗ്രാമപഞ്ചായത്ത് സെക്രട്ടറി എന്നിവരുടേതുള്‍പ്പെടെയുള്ള ആറ് സീലുകളാണ് അന്ന് പിടിച്ചെടുത്തത്. ഒരു വര്‍ഷത്തിലേറെയായി റേഷന്‍ കാര്‍ഡ് ആവശ്യമുള്ളവര്‍ക്ക് വ്യാജ ഓണര്‍ഷിപ്പ് സര്‍ട്ടിഫിക്കറ്റ് നിര്‍മിച്ചു നല്‍കാറുണ്ടെന്ന് റഷീദ് പോലീസില്‍ മൊഴി നല്‍കിയിരുന്നു. നിരവധി എ പി എല്‍ റേഷന്‍ കാര്‍ഡുകളില്‍ ഇയാള്‍ വ്യാജ ബി പി എല്‍ സീലും പതിച്ച് നല്‍കിയിരുന്നു. റിമാണ്ടിലായ റഷീദ് പിന്നീട് ജാമ്യത്തില്‍ ഇറങ്ങി. ഇതിനിടെ കേസില്‍നിന്നും ഒഴിവാക്കാനായി റഷീദ് മരിച്ചതായി കാണിച്ച് ഭാര്യ ജമീല താമരശ്ശേരി കോടതിയില്‍ സത്യവാങ്ങ്മൂലം സമര്‍പ്പിക്കുകയായിരുന്നു. ഇതിന്നായി താമരശ്ശേരി ഗ്രാമപഞ്ചായത്തില്‍ നിന്നുള്ള മരണ സര്‍ട്ടിഫിക്കറ്റും ഹാജറാക്കി.
 
അവിഹിത ബന്ധം എതിര്‍ത്തയാള്‍ ഭാര്യയുടെ കാമുകന്റെ ചവിട്ടേറ്റു മരിച്ചു
പുതുപ്പാടി: അവിഹിത ബന്ധം എതിര്‍ത്തയാള്‍ ഭാര്യയുടെ കാമുകന്റെ ചവിട്ടേറ്റു മരിച്ചു. പുതുപ്പാടി മൈലള്ളാംപാറ ആയത്ത്പാടത്ത് ജോയി മാനുവല്‍ (52) ആണ് മരിച്ചത്. അയല്‍വാസിയായ കല്ലംപ്ലാക്കില്‍ മൈക്കിളാണ് ജോയിയെ അക്രമിച്ചത്. തന്റെ ഭാര്യയുമായി മൈക്കിളിനുള്ള അവിഹിത ബന്ധം ജോയി എതിര്‍ത്തിരുന്നു. ചൊവ്വാഴ്ച രാവിലെ ഒമ്പതരയോടെ മൈക്കിളിന്റെ വീട്ടിനു സമീപത്തുവെച്ച് ഇതുസംബന്ധിച്ച് വാക്കേറ്റമുണ്ടാവുകയും ജോയിയെ അക്രമിക്കുകയുമായിരുന്നു. അടിവയറ്റിനു ചവിട്ടേറ്റ ജോയി ചികിത്സ തേടാതെ അവശനിലയില്‍ വീട്ടിലെത്തി. വയറുവീര്‍ക്കുകയും ശ്വാസ തടസ്സം നേരിടുകയും ചെയ്തതിനെ തുടര്‍ന്ന് നാട്ടുകാര്‍ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിക്കുകയായിരുന്നു. ചവിട്ടേറ്റ് കുടലുകള്‍ ചുറ്റിപ്പോവുകയും ആന്തരീകാവയവങ്ങള്‍ക്ക് മുറിവേല്‍ക്കുകയും ചെയ്തതായി പരിശോധനയില്‍ കണ്ടെത്തിയതിനെതുടര്‍ന്ന് അടിയന്തിര ശസ്ത്രക്രിയ നടത്തിയെങ്കിലും വ്യാഴാഴ്ച വൈകീട്ട് മരിച്ചു. താമരശ്ശേരി പോലീസ് ഇന്ക്വസ്റ്റ് നടത്തിയ മൃതദേഹം പോസ്റ്റുമോര്‍ട്ടത്തിന് ശേഷം വെള്ളിയാഴ്ച വൈകിട്ട് മൈലള്ളാംപാറ സെന്റ് ജോസഫ് പള്ളി സെമിത്തേരിയില്‍ സംസ്‌കരിച്ചു. ഭാര്യ: ഡെയ്‌സി. മക്കള്‍: ജിന്‍ജിറ്റ്(കുവൈത്ത്), ജിതിന്‍. ആന്തരിക അവയവങ്ങള്‍ക്കുള്ള മുറിവാണ് മരണകാരണമെന്ന ഡോക്ടര്‍മാരുടെ മൊഴിയെ തുടര്‍ന്ന് പോലീസ് കൊലക്കുറ്റത്തിന് കേസെടുത്തു. പ്രതി ഒളിവിലാണെന്ന് പോലീസ് പറഞ്ഞു
 
കുന്നിടിക്കലിനും വയല്‍ നികത്തലിനുമെതിരെ നടപടി 6 ടിപ്പറും 3 ജെ സി ബി യും പിടികൂടി
താമരശ്ശേരി: അനധികൃത കുന്നിടിക്കലിനും വയല്‍ നികത്തലിനുമെതിരെ റവന്യൂ വകുപ്പ് നടപടി ആരംഭിച്ചു. കൃസ്മസ് അവധി മുതലെടുത്ത് കുന്നിടിക്കാനും വയല്‍ നികത്താനും രംഗത്തിറങ്ങിയവരാണ് റവന്യൂ ഉദ്യോഗസ്ഥരുടെ വലയിലായത്. താമരശ്ശേരി, പുതുപ്പാടി ഭാഗങ്ങളില്‍നിന്നായി ആറ് ടിപ്പറും മൂന്ന് ജെ സി ബി യും പിടിച്ചെടുത്ത് ആര്‍ ഡി ഒ ക്ക് റിപ്പോര്‍ട്ട് നല്‍കി. കുന്നിടിച്ചുള്ള വയല്‍ നികത്തലിനെതിരെ പരാതി വ്യാപകമായതോടെയാണ് താമരശ്ശേരി തഹസില്‍ദാര്‍ കെ സുബ്രഹ്മണ്യന്റെ നിര്‍ദ്ധേശപ്രകാം നേതൃത്വത്തില്‍ ഡെപ്യൂട്ടി തഹസില്‍ദാര്‍മാരുടെ നേതൃത്വത്തില്‍ റവന്യൂ ഉദ്യോഗസ്ഥര്‍ പരിശോധനക്കിറങ്ങിയത്. പുതുപ്പാടി വില്ലേജ് ഓഫീസിന് സമീപത്തെ വയല്‍ നികത്തുന്നതിനിടെയാണ് രണ്ട് ടിപ്പര്‍ലോറികള്‍ പിടികൂടിയത്. ഈ ഭാഗത്ത് മാസങ്ങളായി വയലുകള്‍ മണ്ണിട്ട് നികത്തുന്നുണ്ടെങ്കിലും വില്ലേജ് അധികൃതര്‍ മൗനം പാലിക്കുകയായിരുന്നു. പുതുപ്പാടി എലിക്കാട്ടുനിന്ന് ഒരു ടിപ്പര്‍ലോറിയും കൂടത്തായി അയ്യപ്പക്ഷേത്രത്തിന് സമീപത്തുനിന്നും കുന്നിടിക്കുന്നതിനിടെ ഒരു ജെ സി ബി യും രണ്ട് ടിപ്പര്‍ ലോറികളും റവന്യൂ ഉദ്യോഗസ്ഥര്‍ പിടിച്ചെടുത്തു. താമരശ്ശേരി കാരാടി ഭാഗത്ത് മണ്ണിടിക്കുന്നതിനിടെ ഒരു മണ്ണുമാന്തിയും ചുങ്കം ബൈപ്പാസ് റോഡിന് സമീപം മണ്ണിടിക്കുകന്നതിനിടെ ഒരു മണ്ണുമാന്തിയും ഒരു ടിപ്പറും പിടികൂടി. വാഹനങ്ങള്‍ താലൂക്കോഫീസ് പരിസരത്ത് സൂക്ഷിച്ചിരിക്കുകയാണ്‌
 
കാരന്തൂര്‍ മര്‍കസിന്റെ വാര്‍ഷിക സമ്മേളനത്തിന് പ്രൗഢോജ്ജ്വല തുടക്കം
കാരന്തൂര്‍: മര്‍കസുസ്സഖാഫത്തിസ്സുന്നിയ്യ 37-ാം വാര്‍ഷിക സമ്മേളനത്തിന് പ്രൗഢോജ്ജ്വല തുടക്കം. ആഗോള സമൂഹത്തിന്റെ പരിഛേദമായി 30 രാഷ്ട്രങ്ങളില്‍ നിന്നുള്ള പ്രതിനിധികള്‍ പങ്കെടുക്കുന്ന സമ്മേളനം സഊദി രാജകുടുംബത്തിന്റെ പ്രത്യേക ഉപദേഷ്ടാവ് ഡോ. ഫൈസ് അല്‍ ആബിദീന്‍ ഉദ്ഘാടനം ചെയ്തു. പാക്കിസ്ഥാനില്‍ തീവ്രവാദ അക്രമണത്തില്‍ മരിച്ചവര്‍ക്ക് ആദരാഞ്ജലികള്‍ അര്‍പ്പിച്ചാണ് നാലു ദിവസത്തെ സമ്മേത്തിന് തുടക്കം കുറിച്ചത്. മാനവരാശിക്കു നേരെ യുദ്ധം നടത്തുന്ന എല്ലാവിധ ഭീകരവിധ്വംസക ശക്തികള്‍ക്കെതിരെയും നിലകൊള്ളുമെന്ന പ്രതിജ്ഞ കാന്തപുരം എ പി അബൂബക്കര്‍ മുസ്ലിയാര്‍ ചൊല്ലിക്കൊടുത്തു. തീവ്രവാദ ഭീകരവാദ പ്രവണതകളെ പരോക്ഷമായോ പ്രത്യക്ഷമായോ സഹായിക്കുന്ന യോതൊരു നീക്കങ്ങളിലും ഭാഗവാക്കാകില്ലെന്നും അത്തരം പ്രവണതകളെ ശക്തമായി തള്ളിപ്പറയുന്നു എന്നും ആയിരക്കണക്കിനാളുകള്‍ ഏറ്റുചൊല്ലി. സമസ്ത കേരള ജംഇയ്യത്തുല്‍ ഉലമ ട്രഷറര്‍ ചിത്താരി കെ.പി.ഹംസ മുസ്‌ലിയാര്‍ അധ്യക്ഷത വഹിച്ചു. മര്‍കസ് പ്രസിഡന്റ് സയ്യിദ് അലി ബാഫഖി തങ്ങള്‍ പ്രാര്‍ത്ഥന നടത്തി.
 
കക്കാടംപൊയിലില്‍ കര്‍ഷകനെ കുത്തികൊന്നു
കക്കാടംപൊയില്‍: കൃഷിയിടത്തില്‍ യുവാവ് കുത്തേറ്റുമരിച്ചു. വാളംതോട് കാഞ്ഞിരത്താംകുഴി സുരേഷ്(47)ആണ് കുത്തേറ്റു മരിച്ചത്. നിലമ്പൂര്‍ വനാതിര്‍ത്തിയോട് ചേര്‍ന്ന കോഴിപ്പാറ വെള്ളച്ചാട്ടത്തിനരികെയുള്ള കൃഷിയിടത്തില്‍ ഞായറാഴ്ച രാവിലെയാണ് സംഭവം. കൂടെയുണ്ടായിരുന്ന പാലക്കാട് സ്വദേശഷി കണ്ണനാണ് കുത്തിയതെന്നാണ് സൂചന. ഇരുവരും ചേര്‍ന്ന് ഇവിടെ വാഴകൃഷി നടത്തി വരികയായിരുന്നു. കൃഷിയിടത്തില്‍വെച്ചുണ്ടായ തര്‍ക്കമാണ് അക്രമത്തില്‍ കലാശിച്ചത്. നിലവമ്പൂര്‍ പോലീസ് സ്ഥലത്തെത്തിയിട്ടുണ്ട്‌
 
നിര്‍ധന കുടുംബങ്ങള്‍ക്കുള്ള വഴി അയല്‍ വാസി കെട്ടിയടച്ച സംഭവത്തില്‍ ചൈല്‍ഡ് പ്രൊട്ടക്ഷന്‍ ഓഫീസര്‍ തെളിവെടുത്തു.
താമരശ്ശേരി: നിര്‍ധന കുടുംബങ്ങള്‍ക്കുള്ള വഴി അയല്‍ വാസി കെട്ടിയടച്ച സംഭവത്തില്‍ ചൈല്‍ഡ് പ്രൊട്ടക്ഷന്‍ ഓഫീസര്‍ തെളിവെടുത്തു. തച്ചംപൊയില്‍ ചാലക്കര പള്ളിപ്പുറം വെളുപ്പാന്‍ചാലില്‍ എ കെ അഷ്‌റഫ്, കെ ഷരീഫ, നസീമ, സലീന, ഷബീബ എന്നിവര്‍ക്ക് സാധുസേവാ സംഘം നല്‍കിയ സ്ഥലത്തേക്കുള്ള വഴിയാണ് അയല്‍വാസികളായ ഇരട്ടകുളങ്ങര നാസര്‍, സഹോദരന്‍ അബ്ദുല്‍ ഖാദര്‍ എന്നിവര്‍ചേര്‍ന്ന് തടസ്സപ്പെടുത്തിയത്. ഇവിടെ താമസിക്കുന്ന മൂന്നു കുടുംബത്തിലെ വിദ്യാര്‍ത്ഥികളുടെ പഠനം വഴിമുട്ടിയതായ വാര്‍ത്തയെ തുടര്‍ന്ന് ചൈല്‍ഡ് പ്രൊട്ടക്ഷന്‍ പ്രൊബേഷന്‍ ഓഫീസര്‍ ഷീല മുംതാസിന്റെ നിര്‍ദ്ധേശപ്രകാരമാണ് യൂണിറ്റ് ഓഫീസര്‍ നുസൈബയുടെ നേതൃത്വത്തില്‍ സ്‌കൂളിലും വീട്ടിലുമെത്തി തെളിവെടുപ്പ് നടത്തിയത്. എട്ടുദിവസത്തോളമായി ക്ലാസിലെത്താത്ത കുട്ടികളുടെ നാല് ദിവസത്തെ ഹാജര്‍ രേഖപ്പെടുത്തിയതായി പരിശോധനയില്‍ കണ്ടെത്തി. വിദ്യാര്‍ത്ഥികള്‍ക്ക് പഠനത്തിനുള്ള സൗകര്യമൊരുക്കണമെന്നാവശ്യപ്പെട്ട് ഡി ഡി ഇ ക്കും വഴി തടസ്സപ്പെടുത്തിയവര്‍ക്കും നോട്ടീസ് നല്‍കുമെന്ന് പ്രൊബേഷന്‍ ഓഫീസര്‍ ഷീല മുംതാസ് പറഞ്ഞു. സംഭവം സംബന്ധിച്ച് ഒരാഴ്ചക്കകം റിപ്പോര്‍ട്ട് നല്‍കാന്‍ റൂറല്‍ എസ് പി യോടും ആര്‍ ഡി ഒ യോടും ബാലാവകാശ കമ്മീഷന്‍ ആവശ്യപ്പെട്ടിട്ടുണ്ട്.
 
 
 
 

All rights reserved | Website developed and maintained by Zyonz Technologies