18-Feb-2020 (Tue)
 
 
 
താമരശ്ശേരിയില്‍ ഞാറ്റുവേല ചന്ത ആരംഭിച്ചു
താമരശ്ശേരി: കര്‍ഷകര്‍ക്ക് ആവശ്യമായ ഉല്‍പാദനോപാധികള്‍ ലഭ്യമാക്കുന്നതിന് കൃഷിഭവന്റെ നേതൃത്വത്തില്‍ താമരശ്ശേരി ഗ്രാമപഞ്ചായത്തിന്റെ ഞാറ്റുവേല ചന്ത ആരംഭിച്ചു. വിവിധയിനം പച്ചക്കറി-ഫല വൃക്ഷതൈകള്‍, പച്ചക്കറി വിത്തുകള്‍, കുറ്റികുരുമുളക്, വെര്‍മ്മി കമ്പോസ്റ്റ്, മൈകോറൈസ ഫംഗസ് തുടങ്ങിയവ ചന്തയില്‍ ലഭ്യമാണ്. ഞാറ്റുവേല ചന്തയും അതിനോടനുബന്ധിച്ച് നടത്തപ്പെട്ട കര്‍ഷക സഭയും മണ്ണ് പരിശോധനാ ക്യാമ്പും, ഗ്രാമപഞ്ചായത്ത് പ്രസിഡന്റ് ഹാജറ കൊല്ലരുകണ്ടി ഉദ്ഘാടനം ചെയ്തു. ഗ്രാമപഞ്ചായത്ത് വൈസ് പ്രസിഡന്റ് നവാസ് ഈര്‍പ്പോണ അധ്യക്ഷത വഹിച്ചു. കൃഷി ഓഫീസര്‍ ഷിജോ കെ എ, മെമ്പര്‍മാരായ ഗഫൂര്‍, മുഹമ്മദലി, രത്‌നവല്ലി, ബിന്ദു ആനന്ദ്, സി സദാനന്തന്‍, സി ഡി എസ് ചെയര്‍പേഴ്‌സണ്‍ സഫിയ കാരാട്ട് എന്നിവര്‍ സംസാരിച്ചു. തിക്കോടി മണ്ണ് പരിശോധനാ കേന്ദ്രം അസിസ്റ്റന്റ് ഡയറക്ടര്‍ പി അനിത മണ്ണ് പരിശോധനയെക്കുറിച്ചും വളപ്രയോഗത്തെകുറിച്ചും വിശദമായ പരിശീലനം നല്‍കി. ജാരിസ്, കെ കുഞ്ഞിരാമന്‍, രാജേന്ദ്രന്‍, ലളിത, ഗോപി നായര്‍, ഹസീന എന്നിവര്‍ നേതൃത്വം നല്‍കി.
 
താമരശ്ശേരി ഗവണ്മെന്റ് ഹയര്‍ സെക്കന്ററിയില്‍ നിയമ ബോധവല്‍കരണ ക്ലാസ് സംഘടിപ്പിച്ചു
താമരശ്ശേരി: താമരശ്ശേരി ഗവണ്മെന്റ് ഹയര്‍ സെക്കന്ററി സ്‌കൂളില്‍ നിയമ ബോധവല്‍കരണ ക്ലാസ് സംഘടിപ്പിച്ചു. കോഴിക്കോട് ജില്ലാ സബ് ജഡ്ജ് എ വി ഉണ്ണികൃഷ്ണന്‍ ഉദ്ഘാടനം ചെയ്തു. ഒരു വ്യക്തിക്ക് മറ്റൊരു വ്യക്തിയുടെ മൂക്കിന്‍ തുമ്പ് വരെയേ സ്വാതന്ത്ര്യം ഉള്ളു എന്ന് അദ്ദേഹം പറഞ്ഞു. റാഗിംഗ്, വിദ്യാര്‍ത്ഥി അവകാശങ്ങള്‍, നിയമങ്ങള്‍ എന്നിവയെകുറിച്ച് കുട്ടികള്‍ക്ക് ബോധവത്കരണം നടത്തി ചൈല്‍ഡ്‌ലൈന്‍ ജില്ലാ കൗണ്‍സിലര്‍ കുഞ്ഞോതി മുഖ്യ പ്രഭാഷണം നടത്തി. പി ടി എ പ്രസിഡന്റ് എം സുല്‍ഫീക്കര്‍ അധ്യക്ഷത വഹിച്ചു. ഹെഡ് മിസ്ട്രസ് ഉഷ, അഡ്വ. അബ്ദുല്‍ മജീദ്, സ്റ്റാഫ് സെക്രട്ടറി അബ്ദുല്‍ അസീസ്, എന്‍ എസ് എസ് പ്രോഗ്രാം ഓഫീസര്‍ മധുസൂദനന്‍, ബിന്ദു വി ജോര്‍ജ്, പി സി അബ്ദുല്‍ ഗഫൂര്‍, നിസാര്‍, അബ്ദുല്‍ അസീസ് എന്നിവര്‍ സംസാരിച്ചു. ഹയര്‍ സെക്കണ്ടറി പ്രിന്‍സിപ്പല്‍ പ്രീത കെ സ്വാഗതവും പ്രോഗ്രാം കോര്‍ഡിനേറ്റര്‍ ആര്‍ കെ ഷാഫി നന്ദിയും പറഞ്ഞു.
 
ലിറ്റററി ഫോറം ഉദ്ഘാടനവും റാഗിങ്ങിനെതിരെ കാര്‍ട്ടൂണ്‍ പ്രദര്‍ശനവും
പുതുപ്പാടി: പുതുപ്പാടി ഗവ. ഹയര്‍സെക്കന്ററി സ്‌കൂള്‍ ലിറ്റററി ഫോറം യുവ കവിയും സാഹിത്യ ഗവേഷകനുമായ എം ജീവേഷ് ഉദ്ഘാടനം ചെയ്തു. റാഗിങ്ങിനെതിരായ ബോധവത്കരണത്തിന്റെ ഭാഗമായി നടത്തിയ സചിത്രന്‍ പേരാമ്പ്രയുടെ കാര്‍ട്ടൂണ്‍ പ്രദര്‍ശനം പി ടി എ പ്രസിഡന്റ് ശിഹാബ് അടിവാരം ഉദ്ഘാടനം ചെയ്തു. പ്രിന്‍സിപ്പല്‍ ടി കെ ഗോപി അധ്യക്ഷത വഹിച്ചു. എ യു ജഫ്ഷിന ഗിരീഷ്‌കര്‍ണാട് അനുസ്മരണ പ്രഭാഷണം നടത്തി. മഴക്കാല രോഗങ്ങളെക്കുറിച്ചുള്ള പോസ്റ്റര്‍ പ്രദര്‍ശനം,സാഹിത്യ ക്വിസ് മത്സരം, പുസ്തക പ്രദര്‍ശനം എന്നിവയും നടന്നു. കെ ജെ മനോജ്, പി ശ്രീജ, സലീം അല്‍ത്താഫ്, സജി ജോണ്‍, ജോബി ജോസ്, രൂപേഷ് വര്‍മ, അഞ്ജലി, വി പി ഷഹബാസ് എന്നിവര്‍ സംസാരിച്ചു. ദിനേഷ് പൂനൂര്‍ സ്വാഗതവും ജോര്‍ജ്ജ് വര്‍ഗീസ് നന്ദിയും പറഞ്ഞു.
 
ഊര്‍ജ്ജ സംരക്ഷണ രംഗത്തേക്ക് സ്‌കൗട്ട്സ് ആന്റ് ഗൈഡ്സ്
താമരശ്ശേരി: കുട്ടികളില്‍ ഊര്‍ജ്ജ സംരക്ഷണ അവബോധം വളര്‍ത്തുക എന്ന ലക്ഷ്യത്തോടുകൂടി ഭാരത് സ്‌കൗട്ട്സ് ആന്റ് ഗൈഡ്സ് ഊര്‍ജ്ജ സംരക്ഷണ രംഗത്തേക്ക്. വിദ്യാലയങ്ങളിലും വീടുകളിലും വെള്ളം, ഭക്ഷണ പദാര്‍ത്ഥങ്ങള്‍, ഇലക്ട്രിക് ഉപകരണങ്ങളുടെ ഉപയോഗം എന്നിവയില്‍കൂടി ഊര്‍ജ്ജം സേവ് ചെയ്യാന്‍ കുട്ടികളെ പ്രാപ്തരാക്കുകയാണ് ലക്ഷ്യം. ഇതിന് മുന്നൊരുക്കം എന്ന നിലയില്‍ സ്‌കൗട്ട്സ് ഗൈഡ്സ് അധ്യാപകര്‍ക്ക് എനര്‍ജി മാനേജ്മെന്റ് സെന്റര്‍ ജില്ലാ കോഡിനേറ്റര്‍ ഡോ. സിജേഷ് മാര്‍ഗ്ഗ നിര്‍ദ്ദേശ ക്ലാസ് നയിച്ചു. യോഗം അസിസ്റ്റന്റ് സ്റ്റേറ്റ് ഓര്‍ഗ്ഗനൈസിംഗ് കമ്മീഷണര്‍ പ്രശാന്ത് ഉദ്ഘാടനം ചെയ്തു. ജില്ലാ കമ്മീഷണര്‍ വി ഡി സേവ്യര്‍ അധ്യക്ഷത വഹിച്ചു. ജില്ലാ സെക്രട്ടറി വി ടി ഫിലിപ്പ്, എം ഇ ഉണ്ണികൃഷ്ണന്‍, ഷംസുദ്ദീന്‍, ത്രേസ്യാമ്മ തോമസ് എന്നിവര്‍ പ്രസംഗിച്ചു.
 
ജില്ലാ വനിതാ ടഗ് ഓഫ് വാര്‍ ചാമ്പ്യന്‍ഷിപ്പ് ആരംഭിച്ചു
എളേറ്റില്‍: കോഴിക്കോട് ജില്ലാ വനിതാ വിഭാഗം ടഗ് ഓഫ് വാര്‍ ചാമ്പ്യന്‍ഷിപ്പ് എളേറ്റില്‍ എം ജെ ഹയര്‍ സെക്കന്ററി സ്‌കൂള്‍ ഗ്രൗണ്ടില്‍ സംസ്ഥാന സ്‌പോര്‍ട്‌സ് കൗണ്‍സില്‍ മെമ്പര്‍ ടി എം അബ്ദു റഹിമാന്‍ ഉല്‍ഘാടനം ചെയ്തു. ജില്ലാ സ്‌പോര്‍ട്‌സ് കൗണ്‍സില്‍ സ്റ്റാന്റിഗ് കമ്മിറ്റി മെമ്പര്‍ കെ എം ജോസഫ് അധ്യക്ഷത വഹിച്ചു. ഹെഡ്മിസ്ട്രസ് പി എം ബുഷ്‌റ, ഒ പി അബ്ദുറഹിമാന്‍, എബി മോന്‍മാത്യു, ടി കെ സുരേഷ്, കെ അബ്ദുല്‍ മുജീബ് എന്നിവര്‍ സംസാരിച്ചു. ജില്ലാ അസോസിയേഷന്‍ സെക്രട്ടറി എം പി മുഹമ്മദ് ഇസ്ഹാഖ് സ്വാഗതവും പി ഷഫീഖ് നന്ദിയും പറഞ്ഞു.
 
പള്ളിപ്പുറം ജി എം യു പി സ്‌കൂളില്‍ പോള്‍ട്രി ക്ലബ്ബ് ഉദ്ഘാടനവും മുട്ടകോഴികുഞ്ഞ് വിതരണവും
പള്ളിപ്പുറം: താമരശ്ശേരി ഗ്രാമപഞ്ചായത്തിന്റെയും കേരള മൃഗസംരക്ഷണ വകുപ്പിന്റെയും ആഭിമുഖ്യത്തില്‍ പള്ളിപ്പുറം ജി എം യു പി സ്‌കൂളില്‍ ആരംഭിച്ച പോള്‍ട്രി ക്ലബ്ബിന്റെ ഉദ്ഘാടനവും മുട്ടകോഴികുഞ്ഞ് വിതരണവും ഗ്രാമ പഞ്ചായത്ത് വൈസ് പ്രസിഡണ്ട് നവാസ് ഈര്‍പ്പോണ നിര്‍വ്വഹിച്ചു. വാര്‍ഡ് മെമ്പര്‍ എന്‍ പി മുഹമ്മദലി മാസ്റ്റര്‍ അധ്യക്ഷത വഹിച്ചു. വെറ്റിനറി ഡോക്റ്റര്‍ ജയശ്രീ, സ്‌കൂള്‍ ഹെഡ്മാസ്റ്റര്‍ അബ്രഹാം വര്‍ഗ്ഗീസ്, പി ടി എ പ്രസിഡണ്ട് ഇസ്ഹാഖ് ചാലക്കര, ജയപ്രകാശ് എന്നിവര്‍ സംസാരിച്ചു. ആദ്യഘട്ടത്തില്‍ 50 കുട്ടികള്‍ക്ക് അഞ്ച് വീതം മുട്ടക്കോഴികളെയും, മരുന്നും, തീറ്റയും നല്‍കി.
 
സ്‌കൗട്ടേഴ്‌സ് ഗൈഡേഴ്‌സ് കോണ്‍ഫറന്‍സ്
താമരശ്ശേരി: താമരശ്ശേരി വിദ്യാഭ്യാസ ജില്ലയിലെ സ്‌കൗട്ടേഴ്‌സ് ഗൈഡേഴ്‌സ് കോണ്‍ഫറന്‍സും സെമിനാറും സംഘടിപ്പിച്ചു. താമരശ്ശേരി ജി വി എച്ച് എസ് എസ് ഓഡിറ്റോറിയത്തില്‍വെച്ച് നടന്ന പരിപാടി കേരള സ്‌റ്റേറ്റ് ഭാരത് സ്‌കൗട്ട് ആന്റ് ഗൈഡ്‌സ് സംസ്ഥാന സെക്രട്ടറി പ്രദീപ്കുമാര്‍ ഉദ്ഘാടനം ചെയ്തു. സെമിനാറില്‍ പി പ്രശാന്ത് അസിസ്റ്റന്റ് സ്‌റ്റേറ്റ് ഓര്‍ഗനൈസിംഗ് കമ്മീഷണര്‍ വിഷയാവതരണം നടത്തി. അസി. സ്‌റ്റേറ്റ് കമ്മീഷണര്‍ എം രാമചന്ദ്രന്‍ അധ്യക്ഷത വഹിച്ചു. കോഴിക്കോട് വിദ്യാഭ്യാസ ഓഫീസര്‍ എന്‍ മുരളി, ജില്ലാ സെക്രട്ടറി വി ടി ഫിലിപ്പ്, ഡോ. സിജേഷ്, ജില്ലാ കമ്മീഷണര്‍ വി ഡി സേവ്യര്‍, കെ രമ, ഹെഡ്മിസ്ട്രസ് ഉഷ, ഷംസുദ്ദീന്‍, രാജന്‍ വി, ജ്യോതി ലക്ഷ്മി, എം ഇ ഉണ്ണികൃഷ്ണന്‍, ത്രേസ്യാമ്മ തോമസ്, കൃഷ്ണദാസ് കെ പി, നികേഷ്‌കുമാര്‍, അബ്ദുല്‍ റസാഖ്, വിനോദിനി എന്നിവര്‍ പ്രസംഗിച്ചു. താമരശ്ശേരി വിദ്യാഭ്യാസ ജില്ലയിലെ എല്ലാ വിദ്യാലയങ്ങളിലും സ്‌കൗട്ട് ആന്റ് ഗൈഡ്‌സ് യൂണിറ്റുകള്‍ ആരംഭിക്കുവാന്‍ തീരുമാനിച്ചു.
 
കൊടുവള്ളി ബ്ലോക്ക് പഞ്ചായത്ത് പ്രസിഡണ്ടിന് സ്വീകരണം നല്‍കി
താമരശ്ശേരി: കൊടുവള്ളി ബ്ലോക്ക് പഞ്ചായത്ത് പ്രസിഡന്റായി തെരഞ്ഞെടുത്ത മൈമൂന ഹംസക്ക് ആലിമുക്ക്- താഴതലത്ത് പ്രദേശവാസികള്‍ പൗര സ്വീകരണം നല്‍കി. സംഘാടക സമിതി ചെയര്‍മാന്‍ എം കരീം ഹാജി അധ്യക്ഷത വഹിച്ചു. മുന്‍ എം എല്‍ എ. വി എം ഉമ്മര്‍ ഉദ്ഘാടനം ചെയ്തു. എ അരവിന്ദന്‍ പൗരാവലിക്ക് വേണ്ടി ഉപഹാരം സമര്‍പ്പിച്ചു. ഗ്രാമ പഞ്ചായത്ത് പ്രസിഡന്റ് ഹാജറ കൊല്ലരുകണ്ടി, എം എ ഗഫൂര്‍, വസന്ത ചന്ദ്രന്‍, അഡ്വ. ഒ കെ അഞ്ചു, കെ എം അഷ്റഫ്, ടി കെ ബൈജു, ഹാഫിസ് റഹ്മാന്‍, വല്‍സന്‍ മേടോത്ത്, ഇ കെ ബാലകൃഷ്ണന്‍, അഷ്റഫ് കോരങ്ങാട്, ടി ഹുസൈന്‍ കുട്ടി, ഉസ്മാന്‍, കെ പി വേലായുധന്‍ എന്നിവര്‍ സംസാരിച്ചു.
 
തെച്ച്യാട് അല്‍ ഇര്‍ഷാദ് വുമണ്‍സ് കോളേജില്‍ ലഹരി വിരുദ്ധ ദിനം ആചരിച്ചു
ഓമശ്ശേരി: തെച്ച്യാട് അല്‍ ഇര്‍ഷാദ് ആര്‍ട്‌സ് ആന്റ് സയന്‍സ് വുമണ്‍സ് കോളേജില്‍ ലഹരി വിരുദ്ധ ദിനാചരണം പ്രിന്‍സിപാള്‍ സെലീന വി ഉദ്ഘാടനം ചെയ്തു. ജോര്‍ജ് സി ടി മുഖ്യ പ്രഭാഷണം നടത്തി. സൈക്കോളജി വിഭാഗത്തിന്റെ നേതൃത്വത്തില്‍ ഫ്‌ലാഷ് മോബ്, തെരുവ് നാടകം, ലഹരി വിരുദ്ധ ബോധവല്‍ക്കരണ ക്ലാസ് എന്നിവ നടത്തി. ഫാത്തിമ ഹിബ, മുഹസീന വി, ഹസീന സി കെ എന്നിവര്‍ നേതൃത്വം നല്‍കി.
 
ലോക ലഹരി വിരുദ്ധ ദിനം ആചരിച്ചു
മടവൂര്‍: ലഹരിക്കെതിരെ പോരാടാന്‍ യുവ തലമുറയേയും സ്‌കൂള്‍ വിദ്യാര്‍ത്ഥികളെയും സജ്ജമാക്കുക എന്ന ലക്ഷ്യത്തോടെ മടവൂര്‍ എ യു പി സ്‌കൂള്‍ ലഹരി വിരുദ്ധ ദിനം ആചരിച്ചു .രഹരി വിരുദ്ധ പ്രതിജ്ഞ, ചിത്രപ്രദര്‍ശനം, ബോധവല്‍കരണ ക്ലാസ് എന്നിവ നടന്നു. സ്റ്റാഫ് സെക്രട്ടറി രാജേഷ് മാസ്റ്ററുടെ അധ്യക്ഷതയില്‍ സ്‌കൂള്‍ ഹെഡ്മാസ്റ്റര്‍ എം അബ്ദുല്‍ അസീസ് മാസ്റ്റര്‍ ഉദ്ഘാടനം ചെയതു. എ പി വിജയകുമാര്‍, എം മുഹമ്മദലി, കെ ടി ശമീര്‍, എം കെ നൗഷാദ് എന്നിവര്‍ സംസാരിച്ചു. സയിദ രാംപൊയില്‍ സ്വാഗതവും കെ ഹുസൈന്‍ കുട്ടി നന്ദിയും പറഞ്ഞു.
 
 
 
 

All rights reserved | Website developed and maintained by Zyonz Technologies