15-Sep-2019 (Sun)
 
 
 
കാവിലുമ്മാരം മാട്ടുമൂല റോഡ് ഉദ്ഘാടനം ചെയ്തു
കിഴക്കോത്ത്: കിഴക്കോത്ത് ഗ്രാമ പഞ്ചായത്തിലെ പന്ത്രണ്ടാം വാര്‍ഡില്‍ പെട്ട കാവിലുമ്മാരം മാട്ടുമൂല റോഡ് ടാറിങ് പ്രവൃത്തി പൂര്‍ത്തീകരിച്ചതിന്റെ ഉദ്ഘാടനം കാരാട്ട് റസാഖ് എംഎല്‍എ നിര്‍വഹിച്ചു. കിഴക്കോത്ത് ഗ്രാമപഞ്ചായത്ത് വികസനകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ വി എം മനോജ് അധ്യക്ഷത വഹിച്ചു. എം കോയ ഹാജി, പി പി മൂസ, കെ കെ അലി മാസ്റ്റര്‍,സലീം കളരിക്കല്‍, മേപ്പയില്‍ ശരീഫ്, പി ടി റഷീദ്, മൂസ സാലി എന്നിവര്‍ സംസാരിച്ചു. പി അഹമ്മദ് നന്ദിയും സൈനുദ്ദീന്‍ മേപ്പയില്‍ നന്ദിയും പറഞ്ഞു.
 
നരിക്കുനി ഗവ.ഹൈസ്‌കൂളില്‍ സ്റ്റുഡന്റ് പോലീസ് കാഡറ്റ് പദ്ധതിക്ക് തുടങ്ങം
നരിക്കുനി: നരിക്കുനി ഗവ. ഹൈസ്‌കൂളിലെ സ്റ്റുഡന്റ് പോലീസ് കാഡറ്റ് പദ്ധതി കാരാട്ട് റസാഖ് എം എല്‍ എ ഉദ്ഘാടനം ചെയ്തു. ചടങ്ങില്‍ വിദ്യാലയ വൈദ്യുതികരണ പദ്ധതി സമര്‍പ്പണം ജില്ല പഞ്ചായത്ത് അംഗം വി ഷക്കീല നിര്‍വ്വഹിച്ചു. ഗ്രാമപഞ്ചായത്ത് വൈസ് പ്രസിഡന്റ് വി അബ്ദുല്‍ ജബ്ബാര്‍ അധ്യക്ഷത വഹിച്ചു. എ എസ് ഐ. സി അബ്ദുല്‍ ഗഫൂര്‍ എസ് പി സി പദ്ധതി വിശദീകരണം നടത്തി. ഗ്രാമപഞ്ചായത്ത് അംഗങ്ങളായ ഐ ആമിന, വേണുഗോപാല്‍, മറിയ കുട്ടി, എസ് ഐ ജോയി, ആര്‍ ടി ഒ. കെ ജി ഗോപകുമാര്‍, പി ടി എ വൈസ് പ്രസിഡന്റ് പി കെ മനോജ് കുമാര്‍, പ്രധാനാധ്യാപകന്‍ പി ടി അബ്ബാസലി, ബാലഗോപാലന്‍, മിനി, എ കെ മുഹമ്മദ് അഷ്റഫ്, എ കെ ഷിജി, എ കെ ഷാഹിദ എന്നിവര്‍ സംസാരിച്ചു. പി ടി എ പ്രസിഡന്റ് പി അബ്ദുല്‍ ബഷീര്‍ സ്വാഗതവും സി പി ഒ. വി സി അബ്ദുല്‍ഖാദര്‍ നന്ദിയും പറഞ്ഞു.
 
ജനാധിപത്യം മനുഷ്യന്റെ അന്തസ്സിനും നീതി ഉറപ്പാക്കാനുള്ളത്: എം എന്‍ കാരശ്ശേരി
താമരശ്ശേരി: ജനാധിപത്യമെന്നത് മനുഷ്യന്റെ അന്തസ്സിനും നീതി ഉറപ്പാക്കാനുള്ളതാണെന്ന് എഴുത്തുകാരനും പ്രഭാഷകനുമായ ഡോ. എം എന്‍ കാരശ്ശേരി പറഞ്ഞു. പൂനൂര്‍ അല സാഹിത്യവേദി സംഘടിപ്പിച്ച അക്ഷരോത്സവം പരിപാടിയില്‍ ജനാധിപത്യത്തിന്റെ ഉള്‍സാരം എന്ന വിഷയത്തില്‍ പ്രഭാഷണം നടത്തുകയായിരുന്നു അദ്ദേഹം. ജനാധിപത്യം സഞ്ചരിക്കുന്നത് യുക്തിക്കും ശാസ്ത്രത്തിനും നിരക്കുന്ന രീതിയിലാണ്. ഇതിന്റെ ഉള്‍സാരം തുല്യതയാണ്. വിവിധ മതങ്ങളില്‍ നിലനിന്ന അനാചാരങ്ങള്‍ക്കും അനീതികള്‍ക്കുമെതിരെ അത് പ്രതിരോധം തീര്‍ത്തിട്ടുണ്ട്. ജനാധിപത്യത്തില്‍ ഒന്നിനെയും ജന്‍മംകൊണ്ട് അംഗീകരിക്കുകയോ നിരാകരിക്കുകയോ ചെയ്യുന്നില്ലെന്നും കര്‍മ്മവും കഴിവുമാണ് മാനദണ്ഡമെന്നും അദ്ദേഹം കൂട്ടിച്ചേര്‍ത്തു. സമാപന ദിവസം രാവിലെ നടന്ന വര്‍ത്തമാന നേര്‍കാഴ്ചകള്‍ സമൂഹ ചിത്രരചനയില്‍ എ ആര്‍ കാന്തപുരം, കിഷോര്‍ ബുദ്ധ, രാജന്‍ ചെമ്പ്ര, ആലാപ് കലാവിദ്യാലയത്തിലെ വിദ്യാര്‍ത്ഥികള്‍ തുടങ്ങിയവര്‍ പങ്കെടുത്തു. പാട്ടും പറച്ചിലും എന്ന വിഷയത്തില്‍ ഡോ. മെഹ്റൂഫ് രാജ് സംസാരിച്ചു. തുടര്‍ന്ന് സരോജിനി താമരശ്ശേരിയുടെ നേതൃത്വത്തില്‍ ആദിവാസി നൃത്തവും ഹനീഫ രാജഗിരി മാജിക് ഷോയും ട്രിപ്പിള്‍ ഫൈവ് ബാന്റ് ഫ്യൂഷന്‍ സംഗീതവും അവതരിപ്പിച്ചു. ഷാനവാസ് പൂനൂര്‍ സ്വാഗതവും വി കെ ജാബിര്‍ നന്ദിയും പറഞ്ഞു.
 
പൂനൂര്‍ ഹൈസ്‌കൂളില്‍ സ്റ്റുഡന്റ് പോലീസ് കാഡറ്റ് ഉദ്ഘാടനം ചെയ്തു
പൂനൂര്‍: പൂനൂര്‍ ഗവ. ഹയര്‍ സെക്കന്ററി സ്‌കൂളില്‍ സംസ്ഥാന സര്‍ക്കാര്‍ അനുവദിച്ച സ്റ്റുഡന്റ് പോലീസ് കാഡറ്റ് യൂണിറ്റ് (എസ് പി സി) ഉദ്ഘാടനം ബാലുശ്ശേരി എം എല്‍ എ പുരുഷന്‍ കടലുണ്ടി നിര്‍വഹിച്ചു. ജില്ലാ പഞ്ചായത്ത് അംഗം വി ഷക്കീല ടീച്ചര്‍ അദ്ധ്യക്ഷത വഹിച്ചു. എസ് പി സി ഓഫീസ് ഉണ്ണികുളം ഗ്രാമ പഞ്ചായത്ത് പ്രസിഡന്റ് ഇ ടി ബിനോയ് ഉദ്ഘാടനം ചെയ്തു. താമരശ്ശേരി സെക്ഷന്‍ ഫോറസ്റ്റ് ഓഫീസര്‍ പ്രഭേന്ദ്രനാഥ്, നന്മണ്ട ആര്‍ ടി ഒ. കെ ജി ഗോപകുമാര്‍, എസ് പി സി ജില്ലാ നോഡല്‍ ഓഫീസര്‍ സി ഗഫൂര്‍, എന്‍ അജിത്കുമാര്‍, എ പി രാഘവന്‍, റെന്നി ജോര്‍ജ്ജ്, പി രാമചന്ദ്രന്‍, എം മുഹമ്മദ് അഷ്‌റഫ്, പി ജെ മേരി ഹെലന്‍ എന്നിവര്‍ സംസാരിച്ചു. പ്രധാനാധ്യാപിക ഡെയ്‌സി സിറിയക് സ്വാഗതവും സ്‌കൂള്‍ സി പി ഒ. എം എസ് ഉന്‍മേഷ് നന്ദിയും പറഞ്ഞു.
 
ഈര്‍പ്പോണ അംഗന്‍വാടി നവീകരണം ഉല്‍ഘാടനം ചെയ്തു
താമരശ്ശേരി: ഈര്‍പ്പോണ അംഗന്‍വാടി നവീകരണ ഉല്‍ഘാടനം ഗ്രാമ പഞ്ചായത്ത് വൈസ് പ്രസിഡണ്ട് നവാസ് ഈര്‍പ്പോണ നിര്‍വ്വഹിച്ചു. വികസന സമിതി കണ്‍വീനര്‍ പി കെ അഹമ്മദ് കുട്ടി മാസ്റ്റര്‍ അധ്യക്ഷത വഹിച്ചു. മുനീര്‍ വി കെ, ഷബീര്‍, കെ നജ്മുദ്ദീന്‍, ജൈസല്‍ ടി പി, ആമിന, ഭവാനി കെ ടി എന്നിവര്‍ സംസാരിച്ചു.
 
പഠനവൈകല്യനിര്‍ണ്ണയ ക്യാമ്പ് നടത്തി
നരിക്കുനി: വിവരങ്ങള്‍ സ്വീകരിക്കാനും സംസ്‌കരിക്കാനും ശരീരത്തിന്റെ വിവിധ ഭാഗങ്ങളിലേക്ക് അയയ്ക്കാനുമുള്ള തലച്ചോറിന്റെ ശേഷിയെ ബാധിക്കുന്ന ഒരു നാഡീസംബന്ധമായ അവസ്ഥയായ പഠനവൈകല്യം നേരത്തെ കണ്ടെത്തി ആവശ്യമായ പരിശീലനവും ചികിത്സയും നല്‍കുന്നതിന്റെ ഭാഗമായി മടവൂരില്‍ പഠനവൈകല്യ നിര്‍ണ്ണയ ക്യാമ്പ് നടത്തി. കേരള സര്‍ക്കാറിന്റെ ഹോമിയോ ഡിപ്പാര്‍ട്ട്‌മെന്റ് സദ്ഗമയ പ്രോജക്ടിന്റെ ഭാഗമായി ഭിന്നശേഷിക്കരുടെയും രക്ഷിതാക്കളുടെയും സംഘടനയായ സൊസൈറ്റീസ് ഫോര്‍ റിഹാബിലിറ്റേഷന്‍ ഓഫ് ദി ഡിഫ്രണ്ട്‌ലി ഏബിള്‍ഡ് (എസ് ആര്‍ ഡി എ) എന്ന സൊസൈറ്റിയുമായി സഹകരിച്ചാണ് കൊടുവള്ളി ഉപജില്ലയിലെ എല്‍ പി, യു പി സ്‌കൂളുകളില്‍ പഠിക്കുന്ന പഠന വൈകല്യമുള്ള കുട്ടികളെ കണ്ടെത്താനുള്ള സ്‌ക്രീനിംഗ് മടവൂര്‍ എ യു പി സ്‌കൂളില്‍ വെച്ച് നടത്തിയത്. സ്‌ക്രീനിംഗ് ക്യാമ്പ് മടവൂര്‍ ഗ്രാമപഞ്ചായത്ത് പ്രസിഡണ്ട് പങ്കജാക്ഷന്‍ പി വി ഉദ്ഘാടനം ചെയ്തു. സദ്ഗമയ പദ്ധതി ജില്ലാ കണ്‍വീനര്‍ ഡോ. ദീപ രവിവര്‍മ്മ അധ്യക്ഷത വഹിച്ചു. മടവൂര്‍ എ യു പി സ്‌കൂള്‍ ഹെഡ്മാസ്റ്റര്‍ അസീസ് മാസ്റ്റര്‍, കാരപ്പറമ്പ് ഹോമിയോ മെഡിക്കല്‍ ഓഫീസര്‍ ഡോ. ഷംഷീര്‍, ചെരാത് സാംസ്‌കാരിക വേദി പ്രസിഡണ്ട് ഷഫീഖ് ആരാമ്പ്രം എന്നിവര്‍ പ്രസംഗിച്ചു. എസ് ആര്‍ ഡി എ ചെയര്‍മാന്‍ ഷാഹുല്‍ മടവൂര്‍ സ്വാഗതവും നൊച്ചാട് ഹോമിയോ മെഡിക്കല്‍ ഓഫീസര്‍ ഡോ. ബബിനേഷ് നന്ദിയും പറഞ്ഞു.
 
പ്രേക്ഷകരുടെ മനം കവര്‍ന്ന് കുടുംബശ്രീയുടെ കലാപരിപാടികള്‍
കോഴിക്കോട്: പ്രേക്ഷകരുടെ മനം കവര്‍ന്ന് കുടുംബശ്രീയുടെ കലാപരിപാടികള്‍. സംസ്ഥാന സര്‍ക്കാറിന്റെ ആയിരം ദിനാഘോഷങ്ങളുടെ ഭാഗമായി ബീച്ചില്‍ നടക്കുന്ന കലാസന്ധ്യയിലാണ് ജില്ലയിലെ വിവിധ കുടുംബശ്രീ സി ഡി എസുകളുടെ നേതൃത്വത്തില്‍ കലാപരിപാടികള്‍ അവതരിപ്പിച്ചത്. അതിര്‍ത്തികളില്‍ ജീവത്യാഗം ചെയ്ത സഹോദരങ്ങള്‍ക്ക് ആദരാഞ്ജലികള്‍ അര്‍പ്പിച്ച് ആരംഭിച്ച കലാപരിപാടിയില്‍ കുരുവട്ടൂര്‍ സി ഡി എസ് അവതരിപ്പിച്ച ശിങ്കാരിമേളമാണ് ആദ്യം അരങ്ങിലെത്തിയത്.
 
അഗ്നിശമനരക്ഷാ സേന അപകടങ്ങളെ നേരിടുന്നതെങ്ങനെ; നേരിട്ടുകാണാം
കോഴിക്കോട്: അഗ്‌നിശമനരക്ഷാ സേനയുടെ ജീവന്‍രക്ഷാ ഉപകരണങ്ങള്‍, ആപത് ഘട്ടങ്ങളില്‍ ഉപയോഗിക്കുന്ന ഉപകരണങ്ങള്‍, പ്രളയദുരന്തത്തിലെ രക്ഷാപ്രവര്‍ത്തനങ്ങളുടെ ചിത്രങ്ങള്‍, വാര്‍ത്തകള്‍ എന്നിവയെല്ലാം നേരിട്ട് കാണാന്‍ കോഴിക്കോട് ബീച്ചില്‍ നടക്കുന്ന എക്സിബിഷന്‍ സ്റ്റാളില്‍ എത്തിയാല്‍ മതി. സര്‍ക്കാരിന്റെ ആയിരം ദിനാഘോഷത്തോടനുബന്ധിച്ച് നടക്കുന്ന മേളയില്‍ മൂന്ന് സ്റ്റാളുകളിലായാണ് അഗ്നിശമനരക്ഷാ സേന പ്രദര്‍ശനം ഒരുക്കിയിട്ടുള്ളത്. സ്‌കൂബാ സ്യൂട്ട്, കെമിക്കല്‍ സ്യൂട്ട്, ഫയര്‍മാന്‍ സ്യൂട്ട് എന്നീ മാതൃകകളും പവര്‍ അസന്റര്‍, കോണ്‍ക്രീറ്റ് സോറിവോള്‍വിംഗ് ഹെഡ്, സ്റ്റീല്‍ ഷട്ടര്‍, ഫിയോഴ്സ്, ലൈഫ് ഡിറ്റക്റ്റര്‍, ഓസിലേറ്റിംഗ് മോണിറ്റര്‍, ഡ്രൈ കെമിക്കല്‍ പൗഡര്‍, കാര്‍ബണ്‍ഡൈ ഓക്സൈഡ് എന്നീ ഉപകരണണങ്ങളും കാണാനും അടുത്തറിയാനും സ്റ്റാളില്‍ എത്തുന്നവര്‍ക്ക് സാധിക്കും. 24 തരത്തിലുള്ള കയര്‍ കെട്ടുകളും തകര്‍ന്നുവീഴുന്ന കെട്ടിടങ്ങള്‍ക്കിടയില്‍ നിന്നും ആളുകളെ രക്ഷപ്പെടുത്താനുള്ള ഉപകരണങ്ങളും സ്റ്റാളില്‍ പ്രദര്‍ശിപ്പിച്ചിട്ടുണ്ട്. ഉയരങ്ങളില്‍ ആളുകള്‍ കുടുങ്ങിയാല്‍ തിരിച്ചിറക്കാനും ആഴങ്ങളില്‍ അകപ്പെട്ടാല്‍ രക്ഷപ്പെടുത്താനും ഉപയോഗിക്കുന്ന കയറുകളാണ് വിവിധ രൂപത്തില്‍ കെട്ടി പ്രദര്‍ശിപ്പിച്ചിരിക്കുന്നത്. ഗ്യാസ് സിലിണ്ടര്‍ ചോര്‍ന്നാല്‍ സ്വീകരിക്കേണ്ട നടപടികളും തീ പടര്‍ന്നാല്‍ അണക്കേണ്ട വിധവും ഫയര്‍ ഫോഴ്സ് ഉദ്യോഗസ്ഥര്‍ നേരിട്ട് പരിചയപ്പെടുത്തി തരും. പൊള്ളല്‍ ഏറ്റാല്‍ എന്തെല്ലാം ചെയ്യണമെന്നും എന്തെല്ലാം ചെയ്യാന്‍ പാടില്ല എന്നുമുള്ള കൃത്യമായ വിവരണം രേഖപ്പെടുത്തിയിട്ടുണ്ട്. വാഹനാപകടങ്ങളും മറ്റും നടക്കുന്ന ഇടങ്ങളില്‍ ഉപയോഗിക്കുന്ന ഫ്ളഡ് ലൈറ്റും ഇവിടെ പ്രദര്‍ശിപ്പിച്ചിട്ടുണ്ട്. മേള കാണാന്‍ എത്തുന്നവര്‍ക്ക് അറിവും ചിന്തയും പകരുന്നതാണ് അഗ്‌നിശമനരക്ഷാ സേനയുടെ സ്റ്റാള്‍.
 
ഗരീമ 2019 മെഡിക്കല്‍ ക്യാമ്പും ആരോഗ്യ ബോധവല്‍ക്കരണ പ്രദര്‍ശനവും സംഘടിപ്പിച്ചു
നടുവട്ടം: കോഴിക്കോട് കോര്‍പ്പറേഷന്‍ ജനകീയാസൂത്രണ പദ്ധതിയുടെ കീഴില്‍ മെഡിക്കല്‍ കോളേജ് ആശുപത്രിയും ഗവ. നഴ്‌സിംഗ് കോളേജും സംയുക്തമായി നടുവട്ടം ജിനരാജ് എ എല്‍ പി സ്‌കൂളില്‍ അതിഥി തൊഴിലാളികള്‍ക്കായുള്ള ഗരീമ 2019 മെഡിക്കല്‍ ക്യാമ്പും ആരോഗ്യ ബോധവല്‍ക്കരണ പ്രദര്‍ശനവും സംഘടിപ്പിച്ചു. ആരോഗ്യ സ്റ്റാന്റിംഗ് കമ്മറ്റി ചെയര്‍മാന്‍ കെ വി ബാബുരാജ് ഉദ്ഘാടനം ചെയ്തു. വാര്‍ഡ് കൌണ്‍സിലര്‍ പി പി ബീരാന്‍ കോയ അദ്ധ്യക്ഷത വഹിച്ചു. വാര്‍ഡ് കൌണ്‍സിലര്‍ പ്രകാശന്‍ പേരോത്ത്, ഗവ. നഴ്‌സിംഗ് കോളേജ് പ്രിന്‍സിപ്പല്‍ പ്രൊഫ. പൊന്നമ്മ കെ എം എന്നിവര്‍ പ്രസംഗിച്ചു. ഹെല്‍ത്ത് ഓഫീസര്‍ ഡോ. ആര്‍ എസ് ഗോപകുമാര്‍ സ്വാഗതവും സ്റ്റുഡന്റ് കണ്‍വീനര്‍ രമ്യ കൃഷ്ണന്‍ നന്ദിയും പറഞ്ഞു. ജനറല്‍ മെഡിസിന്‍ വിഭാഗം, കമ്യുണിറ്റി മെഡിസിന്‍ വിഭാഗം, നേത്രരോഗ വിഭാഗം, ദന്തരോഗ വിഭാഗം, ജീവിതശൈലീ രോഗ നിര്‍ണ്ണയം, രക്തഗ്രൂപ്പ് നിര്‍ണ്ണയം, മലേറിയ സ്‌ക്രീനിംഗ്, എച്ച് ഐ വി സ്‌ക്രീനിംഗ്, ലാബ് പരിശോധന, സൗജന്യ മരുന്നുവിതരണം, ആരോഗ്യ ബോധവത്കരണ വിദ്യാഭ്യാസം, എന്നിവ നടത്തി. കോഴിക്കോട് മെഡിക്കല്‍ കോളേജ് നേത്രരോഗ വിഭാഗം, കമ്യുണിറ്റി മെഡിസിന്‍ വിഭാഗം, ജില്ലാ ടി ബി സെന്റര്‍, സംസ്ഥാന എയ്ഡ്‌സ് കണ്‍ട്രോള്‍ സൊസൈറ്റി, നാഷണല്‍ ഹെല്‍ത്ത് മിഷന്‍, ഒയിസ്‌ക മൈഗ്രന്റ് സുരക്ഷാ പ്രൊജക്റ്റ്, സോഷ്യല്‍ റിലീജിയസ് സെന്റര്‍, എന്നിവയുടെ സഹകരണത്തോടെയാണ് മെഡിക്കല്‍ ക്യാമ്പ് സംഘടിപ്പിച്ചത്.
 
ടാലന്റ് ലാബ്: കേക്ക് നിര്‍മ്മാണത്ത പരിശീലനം സംഘടിപ്പിച്ചു
പൂനൂര്‍: പൂനൂര്‍ ഗവ. ഹയര്‍ സെക്കന്ററി സ്‌കൂൡ ടാലന്റ് ലാബ് പ്രവര്‍ത്തനത്തിന്റെ ഭാഗമായി വിദ്യാര്‍ഥികള്‍ക്ക് കേക്ക് നിര്‍മ്മാണത്തില്‍ പരിശീലനം നല്‍കി. പന്ത്രണ്ടോളം വൈവിധ്യമാര്‍ന്ന കേക്കുകളാണ് പരിശീലനത്തിന്റെ ഭാഗമായി തയ്യാറാക്കിയത്. പ്രധാനാധ്യാപിക ഡെയ്‌സി സിറിയക് പരിപാടി ഉദ്ഘാടനം ചെയ്തു. പി ടി എ പ്രസിഡന്റ് എന്‍ അജിത് കുമാര്‍ അദ്ധ്യക്ഷത വഹിച്ചു. പേരാമ്പ്ര കേന്ദ്രീകരിച്ച് പ്രവര്‍ത്തിക്കുന്ന ടീം ഡെലിഷ്യസിലെ ഷിത, വിഷ്ണു എന്നിവരാണ് പരിശീലകര്‍. പ്രിന്‍സിപാള്‍ റെന്നി ജോര്‍ജ്ജ്, എം പി ടി എ പ്രസിഡന്റ് ഹസീന, വി എച്ച് അബ്ദുല്‍ സലാം, ടി പി അഭിരാം, ആയിഷ സിയ എന്നിവര്‍ ആശംസകള്‍ പ്രസംഗിച്ചു. സിറാജുദ്ദീന്‍ പന്നിക്കോട്ടൂര്‍ സ്വാഗതവും സ്‌നേഹ എസ് കുമാര്‍ നന്ദിയും പറഞ്ഞു.
 
 
 
 

All rights reserved | Website developed and maintained by Zyonz Technologies