18-Oct-2018 (Thu)
വ്യാഴാഴ്ച സംസ്ഥാനത്ത് ഹര്‍ത്താല്‍; ബി ജെ പി പിന്തുണ പോലീസിനെ വെട്ടിച്ച് കടന്ന പീഡന കേസ് പ്രതി അറസ്റ്റില്‍; മാതാപിതാക്കള്‍ ഉള്‍പ്പെടെ അഞ്ചുപേര്‍ റിമാണ്ടില്‍ അനര്‍ഹരായ കാര്‍ഡുടമകള്‍ പൊതുവിഭാഗത്തിലേക്ക് മാറ്റണം ബാലാവകാശ സംരക്ഷണ സമിതികളുടെ ശാക്തീകരണത്തിന് ശില്‍പ്പശാല നടത്തും പോലീസിനെ വെട്ടിച്ച് കടന്ന പീഡന കേസ് പ്രതിയെ കണ്ടെത്താനായില്ല പ്രളയക്കെടുതി: വ്യവസായ വാണിജ്യ സ്ഥാപനങ്ങളുടെ നഷ്ടകണക്കെടുക്കുന്നു റഫാല്‍ കരാര്‍ അഴിമതി; സംയുക്ത പാര്‍ലമെന്റ് കമ്മറ്റി അന്വേഷണം അവശ്യപ്പെട്ട് യൂത്ത് കോണ്‍ഗ്രസ് പോസ്റ്റ് ഓഫീസ് പിക്കറ്റിംഗ് നടത്തി അഞ്ച് ലിറ്റര്‍ ചാരായവുമായി കോടഞ്ചേരി സ്വദേശി പിടിയില്‍ പുതുപ്പാടി ഗ്രാമപഞ്ചായത്ത് ഓഫീസിലേക്ക് എല്‍ ഡി എഫ് മാര്‍ച്ച്
 
 
 
 
അടിവാരം: ടൂറിസ്റ്റ് ബസ്സ് ബൈക്കിലിടിച്ച് യുവാവ് മരിച്ചു. അടിവാരം തേക്കിലോട് മുഹമ്മദിന്റെ മകന്‍ സുബൈര്‍ (34) ആണ് മരിച്ചത്. വ്യാഴാഴ്ച രാത്രി എട്ടരയോടെ ദേശീയയില്‍ പാത 26-ാം മൈലില്‍ പുതുപ്പാടി ടെലഫോണ്‍ എക്‌സ്‌ചേഞ്ചിന് സമീപത്തായിരുന്നു അപകടം. ഈങ്ങാപ്പുഴയില്‍ ചായക്കട നടത്തുന്ന പിതാവിനു അസുഖമായതിനാല്‍ കടയിലെത്തിയ സുബൈര്‍ കട അടച്ചു വീട്ടിലേക്ക് പോവുമ്പോഴായിരുന്നു അപകടം. കോഴിക്കോട് ഭാഗത്തേക്ക് പോവുകയായിരുന്ന ടൂറിസ്റ്റ് ബസ്സ് ബൈക്കിലിടിക്കുകയായിരുന്നു. ബസ്സിനടിയില്‍പെട്ട സുബൈറിനെ നാട്ടുകാര്‍ ഉടന്‍ കോഴിക്കോട് മെഡിക്കല്‍ കോളേജാശുപത്രിയില്‍ എത്തിച്ചെങ്കിലും മരിച്ചിരുന്നു. സഹോദരിയുടെ മകളുടെ വിവാഹത്തിനായി കഴിഞ്ഞ മാസം കുവൈറ്റില്‍ നിന്നും വന്ന സുബൈര്‍ ഈ ആഴ്ച തിരിച്ചുപോവാനിരിക്കെയാണ് അപകടം. ഭാര്യ:റാബിയ. മാതാവ്: ഫാത്തിമക്കുട്ടി. മക്കള്‍: മുഹമ്മദ്, ജുമാന ഫാത്തിമ( എട്ടുമാസം) സഹോദരങ്ങള്‍: അസീസ്, നിസാര്‍, അസ്മാബി.
 
അബ്ദുല്‍ കരീമിം കൊല്ലപ്പെട്ട കേസില്‍ ഭാര്യയും അറസ്റ്റില്‍
താമരശ്ശേരി: പ്രവാസി വ്യവസായി താമരശ്ശേരി എരഞ്ഞോണ അബ്ദുല്‍ കരീമിം കൊല്ലപ്പെട്ട കേസില്‍ ഭാര്യയും അറസ്റ്റില്‍. അബ്ദുല്‍ കരീമിന്റെ ഭാര്യ ഭാര്യ വെളിമണ്ണ പൊയില്‍ മൈമൂന(42)യെയെ വ്യാഴാഴ്ച വൈകിട്ടാണ് കോരങ്ങാട്ടെ വീട്ടിലെത്തിയ അന്വേഷണ സംഘം അറസ്റ്റ് ചെയ്തത്. കഴിഞ്ഞ സെപ്റ്റംബര്‍ 28 ന് രാത്രിയായിരുന്നു അബ്ദുല്‍ കരീമിനെ മക്കളായ മിദ്‌ലാജ് (24) ഫിര്‍ദൗസ് (21) എന്നിവര്‍ ചേര്‍ന്ന് കൊലപ്പെടുത്തിയത്. ഇവരും മൃതദേഹം ഉപേക്ഷിക്കാന്‍ സഹായിച്ച മൈമൂനയുടെ സഹോദരിയുടെ മകന്‍ കരുവന്‍പൊയില്‍ സ്വദേശി മുഹമ്മദ് ഫായിസും റിമാണ്ടിലാണ്.
 
ഭര്‍തൃമതിയെ പിന്തുടര്‍ന്ന് കയറിപിടിക്കാന്‍ ശ്രമിച്ച യുവാവ് പോലീസ് സ്‌റ്റേഷനില്‍ അക്രമം നടത്തി.
താമരശ്ശേരി: ഭര്‍തൃമതിയെ പിന്തുടര്‍ന്ന് കയറിപിടിക്കാന്‍ ശ്രമിച്ചതിന് പിടിയിലായ യുവാവ് പോലീസ് സ്‌റ്റേഷനില്‍ അക്രമം നടത്തി. ടൗണിലെ ഫഌറ്റില്‍ താമസിക്കുന്ന ഭര്‍തൃമതിയെ പിന്തുടര്‍ന്ന് വീട്ടില്‍ അതിക്രമിച്ച് കടന്ന് കൈക്ക് പിടിച്ച ഓമശ്ശേരി മുടൂര്‍ മേപ്പള്ളി പുറായില്‍ ഷൈജു (25) വാണ് പോലീസ് സ്‌റ്റേഷനിലും പരാക്രമം നടത്തിയത്. പാറാവ് ഡ്യൂട്ടിയിലുണ്ടായിരുന്ന വനിതാ പോലീസ് ഉദ്യോഗസ്ഥ ഷക്കീലക്ക് മര്‍ദ്ധനമേറ്റു. ഇവര്‍ താമരശ്ശേരി താലൂക്കാശുപത്രിയില്‍ ചിക്തസ തേടി. വനിതാ ഹെല്‍പ്പ് ഡെസ്‌കിന്റെ വാതില്‍ അടിച്ച് തകര്‍ത്തു. വീട്ടില്‍നിന്നും താമരശ്ശേരി ടൗണിലേക്കിറങ്ങിയ ഭര്‍തൃമതിയെ പിന്തുടര്‍ന്നാണ് ഷൈജു ഇവരുടെ ഫഌറ്റിലെത്തിയത്. യുവതി അകത്തുകടന്ന് വാതിലടച്ചെങ്കിലും ഷൈജു പിന്‍മാറിയില്ല. തുടര്‍ന്ന് പോലീസ് എത്തി കസ്റ്റഡിയിലെടുക്കുകയായിരുന്നു. സ്ത്രീ പീഡനത്തിനും പൊതുമുതല്‍ നശിപ്പിച്ചതിനും പോലീസിനെ അക്രമിച്ചതിനും പ്രതിക്കെതിരേ കേസെടുത്തു. പ്രതിയുടെ മൊബൈലില്‍നിന്നും നിരവധി സ്ത്രീകളുടെ ഫോണ്‍നമ്പര്‍ പോലീസ് കണ്ടെത്തിയിട്ടുണ്ട്.
 
കട്ടിപ്പാറ കൊളമല വനപ്രദേശത്ത് ഉരുള്‍പൊട്ടല്‍; ഒരുവീട് പൂര്‍ണമായും രണ്ട് വീടുകള്‍ ഭാഗികമായും തകര്‍ന്നു
കട്ടിപ്പാറ: കൊളമല വനപ്രദേശത്ത് ഉരുള്‍പൊട്ടല്‍. ഞായറാഴ്ച പുലര്‍ച്ചെ രണ്ടരയോടെയായിരുന്നു ദുരന്തം. വന്‍ ശബ്ദത്തോടെ ചമല്‍ വട്ടപ്പൊയില്‍ ഭാഗത്തേക്ക് കൂറ്റന്‍ പാറക്കല്ലുകള്‍ ഒഴുകിയെത്തി. ഒരുവീട് പൂര്‍ണമായും രണ്ട് വീടുകള്‍ ഭാഗികമായും തകര്‍ന്നു. ഉരുള്‍പൊട്ടല്‍ സാധ്യത നിലനില്‍ക്കുന്നതിനാല്‍ ഏഴ് കുടുംബങ്ങളെ സുരക്ഷിത സ്ഥാനങ്ങളിലേക്ക് മാറ്റി പാര്‍പ്പിച്ചു. രണ്ട് കൂറ്റന്‍ പാറക്കല്ലുകള്‍അര കിലോമീറ്ററോളം താഴേക്ക് ഒഴുകിയെത്തി. ഒരു കല്ല് വട്ടപ്പൊയില്‍ ഭവാനിയുടെ വീടിന് മുകളില്‍ പതിച്ചതിനാല്‍ വീട് പൂര്‍ണമായും തകര്‍ന്നു.
 
മക്കള്‍ കൊന്നുതള്ളിയ പ്രവാസി വ്യവസായി അബ്ദുല്‍ കരീമിന്റെ ജഡാവശിഷ്ടങ്ങള്‍ പോസ്റ്റ്‌മോര്‍ട്ടം നടത്തി
താമരശ്ശേരി: മക്കള്‍ കൊന്നുതള്ളിയ പ്രവാസി വ്യവസായി എരഞ്ഞോണ അബ്ദുല്‍ കരീമിന്റെ ജഡാവശിഷ്ടങ്ങള്‍ കോഴിക്കോട് മെഡിക്കല്‍ കോളേജില്‍ പോസ്റ്റ്‌മോര്‍ട്ടം നടത്തി. കര്‍ണാടകയിലെ ഗുണ്ടില്‍പേട്ടക്കടുത്ത നെഞ്ചങ്കോട് കനാലില്‍ നിന്നും ലഭിച്ച അസ്ഥികൂടങ്ങളാണ് വ്യാഴാഴ്ച പോസ്റ്റ്‌മോര്‍ട്ടം നടത്തിയത്. പ്രായം, ഉയരം, കാലപ്പഴക്കം എന്നിവ പരിഗണിക്കുമ്പോള്‍ ഇത് കൊല്ലപ്പെട്ട അബ്ദുല്‍ കരീമിന്റെതാണെന്നാണ് വ്യക്തമാവുന്നത്. മൃതദേഹം തള്ളിയതായി മക്കള്‍ മൊഴി നല്‍കിയ ഭാഗത്തുനിന്നും 67 കിലോമീറ്റര്‍ അകലെ ചാമരാജ് ജില്ലയിലെ മസിനപുരം പാലത്തിന് താഴെനിന്നാണ് അസ്ഥികൂടം കണ്ടെത്തിയത്. കഴുത്ത് മുതല്‍ കാല്‍മുട്ട് വരെയുള്ള അസ്ഥികൂടം പ്ലാസ്റ്റിക് കയറാല്‍ ചുറ്റപ്പെട്ട നിലയിലായിരുന്നു. പോസ്റ്റ് മോര്‍ട്ടത്തിന് ശേഷം അസ്ഥികൂടം മോര്‍ച്ചറിയില്‍ സൂക്ഷിച്ചിരിക്കുകയാണ്. ഡി എന്‍ എ ടെസ്റ്റ് നടത്തി വ്യക്തത വരുത്തിയശേഷം ബന്ധുക്കള്‍ക്ക് വിട്ടുകൊടുക്കും. കഴിഞ്ഞ 13 ന് വൈകിട്ട് നെഞ്ചങ്കോടെത്തിയ അറുപതോളം വരുന്ന സംഘം ശനിയാഴ്ച മുതല്‍ വിവിധ സംഘങ്ങളായി കനാലില്‍ തിരച്ചില്‍ നടത്തുകയായിരുന്നു. പിതാവിനെ കൊലപ്പെടുത്തിയ മക്കളായ മിദ്‌ലാജ് (24), ഫിര്‍ദൗസ് (21) എന്നിവരുടെ സാന്നിധ്യത്തിലായിരുന്നു തിരച്ചില്‍. കഴിഞ്ഞ സെപ്റ്റംബര്‍ 28 ന് അബ്ദുല്‍ കരീമിനെ ക്ലോറോഫോം മണപ്പിച്ച് ബോധം കെടുത്തിയ ശേഷം ശ്വാസംമുട്ടിച്ച് കൊലപ്പെടുത്തുകയായിരുന്നുവെന്ന് ഇവര്‍ ക്രൈംബ്രാഞിന് മൊഴി നല്‍കിയിരുന്നു. മൃതദേഹം ബ്ലാങ്കറ്റില്‍ പൊതിഞ്ഞ് പിതാവിന്റെ സ്‌കോര്‍പിയോ കാറിന്റെ ഡിക്കിലിട്ട് കൊയിലാണ്ടി കണയങ്കോട് പുഴയില്‍ തള്ളാന്‍ ശ്രമിച്ചെങ്കിലും വിജയിച്ചില്ല. ഇതിന്ന് സഹായിച്ച അബ്ദുല്‍ കരീമിന്റെ ഭാര്യ മൈമൂനയുടെ സഹോദരി പുത്രന്‍ കൊടുവള്ളി കരുവന്‍പൊയില്‍ സ്വദേശി ഫായിസിനെയും ക്രൈംബ്രാഞ്ച് അറസ്റ്റ് ചെയ്തിരുന്നു. ക്രൈംബ്രാഞ്ചിന്റെ കസ്റ്റഡിയിലുള്ള മിദ്‌ലാജിനെയും ഫിറോസിനെയും താമരശ്ശേരി കോടതിയില്‍ ഹാജറാക്കി ഈമാസം 24 വരെ വീണ്ടും കസ്റ്റഡിയില്‍ വാങ്ങി. ഫായിസിനെയും കസ്റ്റഡിയില്‍ വാങ്ങും. അബ്ദുല്‍ കരീമിന്റെ സിം കാര്‍ഡും മൊബൈല്‍ ഫോണും കണ്ടെത്താനായി പ്രതികളെയുമായി വീണ്ടും കര്‍ണാടകയിലേക്ക പോവുമെന്ന് അന്വേഷണത്തിന് നേതൃത്വം നല്‍കുന്ന ക്രൈംബ്രാഞ്ച് സി ഐ സതീഷന്‍ പറഞ്ഞു.
 
ഡി വൈ എഫ് ഐ യുടെ പ്രതിഷേധം അക്രമാസക്തമായി; പോലീസുകാര്‍ക്കും വിദ്യാര്‍ത്ഥികള്‍ക്കും പരുക്ക്
നരിക്കുനി: ചോദ്യപ്പേപ്പര്‍ ചോര്‍ന്ന സംഭവത്തില്‍ പ്രതിഷേധിച്ച് ഡി വൈ എഫ് ഐ നരിക്കുനി ബൈത്തുല്‍ ഇസ്സ കോളേജിലേക്ക് നടത്തിയ മാര്‍ച്ചിന് ശേഷം കോളേജിന് നേരെ അക്രമം. കല്ലേറില്‍ നാല് കോളേജ് വിദ്യാര്‍ഥികള്‍ക്കും രണ്ടുപോലീസുകാര്‍ക്കും പരിക്കേറ്റു. കോളേജിന്റെ ഓഫീസിലും പ്രിന്‍സിപ്പലിന്റെ മുറിയിലും ക്ലാസ്മുറികളിലും കയറി ഡി വൈ എഫ് ഐ പ്രവര്‍ത്തകര്‍ ഭീകരാന്തരീക്ഷം സൃഷ്ടിച്ചു. സമീപത്തെ വാടക വീടിനു നേരേയും കല്ലേറുണ്ടായി.
 
മക്കള്‍ കൊലപ്പെടുത്തിയ പിതാവിന്റെ മൃതദേഹത്തിനായി തിരച്ചില്‍ തുടരുന്നു
ഗുണ്ടില്‍പേട്ട: സ്വത്ത് കൈക്കലാക്കാനായി രണ്ടു മക്കള്‍ ചേര്‍ന്ന് കൊലപ്പെടുത്തിയ പ്രവാസി വ്യവസായി എരഞ്ഞോണ അബ്ദുല്‍ കരീമിന്റെ മൃതദേഹത്തിനായുള്ള തിരച്ചില്‍ തുടരുന്നു. കര്‍ണാടകയിലെ ഗുണ്ടില്‍പേട്ടക്കടുത്ത നെഞ്ചങ്കോട് കനാലിലാണ് മൃതദേഹത്തിനായി തിരച്ചില്‍ നടത്തുന്നത്. അബ്ദുല്‍ കരീമിന്റെ മക്കളായ മിദ്‌ലാജ് (24), ഫിര്‍ദൗസ് (21) എന്നിവര്‍ കേസന്വേഷിക്കുന്ന ക്രൈംബ്രാഞ്ചിന്റെ കസ്റ്റഡിയിലാണ്. പിതാവിനെ ക്ലോറോഫോം മണപ്പിച്ച് കൊലപ്പെടുത്തിയ ശേഷം നെഞ്ചന്‍ങ്കോട് കനാലില്‍ തള്ളിയെന്നാണ് ഇവര്‍ ക്രൈംബ്രാഞ്ചിന് മൊഴി നല്‍കിയത്. മുങ്ങല്‍ വിദഗ്ദരും നാട്ടുകാരും പോലീസും ഉള്‍പ്പെടെയുള്ള അറുപതളം വരുന്ന സംഘം രണ്ടുദിവസം കനാലിന്റെ 25 കിലോമീറ്ററോളം തിരച്ചില്‍ നടത്തി. വിവിധ സംഘങ്ങളായി നടത്തിയ തിരച്ചിലില്‍ ബ്ലാങ്കറ്റിന്റെയും കയറിന്റെയും ഭാഗങ്ങളും ഒരു തലയോട്ടിയും ലഭിച്ചെങ്കിലും ഇത് അബ്ദുല്‍ കരീമിന്റെ മൃതദേഹവുമായി ബന്ധമുളളതല്ലെന്നാണ് സംശയം. അബ്ദുല്‍ കരീമിനെ ക്ലോറോഫോം മണപ്പിച്ച് ബോധരഹിതനാക്കിയ ശേഷം ശ്വാസം മുട്ടിച്ച് കൊലപ്പെടുത്തിയ മക്കളായ മിദ്‌ലാജ്, ഫിര്‍ദൗസ് എന്നിവരെയുമായാണ് കേസന്വേഷിക്കുന്ന ക്രൈംബ്രാഞ്ച് സംഘം തിരച്ചില്‍ നടത്തുന്നത്. കഴിഞ്ഞ സെപ്റ്റംബര്‍ 28 ന് രാത്രി എട്ടുമണിയോടെയാണ് കോരങ്ങാട്ടെ വീട്ടില്‍വെച്ച് അബ്ദുല്‍ കരീം കൊല്ലപ്പെട്ടത്. 29 ന് രാവിലെ അബ്ദുല്‍ കരീം വസ്ത്രങ്ങളുമായി വീട്ടില്‍നിന്നും പുറത്തേക്കുപോയെന്നാണ് ഭാര്യ പിന്നീട് പോലീസില്‍ മൊഴി നല്‍കിയിരുന്നത്. ആദ്യം കേസന്വേഷിച്ച ലോക്കല്‍ പോലീസിന്റെ വീഴ്ചയാണ് കേസന്വേഷണം ക്രൈംബ്രാഞ്ചിലെത്തിച്ചത്. പ്രതികള്‍ പിടിക്കപ്പെടാന്‍ വൈകിയത് മൃതദേഹം കണ്ടെത്തുന്നതിനും തടസ്സമായി. കൊയിലാണ്ടിവരെ മൃതദേഹവുമായി പോയ കരീറ്റിപറമ്പ് സ്വദേശിയും അബ്ദുല്‍കരീമിന്റെ ഭാര്യാ സഹോദരിയുടെ മകനുമായ ഫായിസിനെ ക്രൈംബ്രാഞ്ച് നേരത്തെ അറസ്റ്റ് ചെയ്തിരുന്നു. റിമാണ്ടില്‍ കഴിയുന്ന ഫായിസ് താമരശ്ശേരിയില്‍ തിരിച്ചെത്തിയശേഷം പിന്തിരിഞ്ഞെങ്കില്‍ കൂടുതല്‍പേര്‍ ഇവര്‍ക്കൊപ്പമുണ്ടായിരിക്കാമെന്നാണ് നാട്ടുകാര്‍ സംശയിക്കുന്നത്. പിതാവിനെ കൊലപ്പെടുത്തിയശേഷം ദൃശ്യം എന്ന സിനിമ മൂന്നുതവണ കണ്ടതായി മൂത്തമകന്‍ മിദ്‌ലാജ് മൊഴി നല്‍കിയിരുന്നു. മൃതദേഹം കണ്ടെത്താതിരുന്നാല്‍ പ്രതികള്‍ക്ക് രക്ഷപ്പെടാമെന്ന ആശയമാണ് ഈ സിനിമയിലുള്ളത്. ഇതുപ്രകാരം മൃതദേഹം കണ്ടെത്താതിരിക്കാനാണ് പ്രതികളുടെ ശ്രമമെന്നും സംശയമുണ്ട്.
 
സുഹൃത്തുക്കള്‍ക്കൊപ്പം പുഴയിലെത്തിയ യുവാവ് കയത്തില്‍ മുങ്ങി മരിച്ചു
പുല്ലാഞ്ഞിമേട്: സുഹൃത്തുക്കള്‍ക്കൊപ്പം പുഴയിലെത്തിയ യുവാവ് കയത്തില്‍ മുങ്ങി മരിച്ചു. പുല്ലാഞ്ഞിമേട് പുല്ലോറകുന്നുമ്മല്‍ ബാലകൃഷ്ണന്റെ മകന്‍ ജിത്തു (23) ആണ് മരിച്ചത്. ഞായറാഴ്ച ഉച്ചക്ക് പന്ത്രണ്ടരയോടെ ഇരുതുള്ളി പുഴയില്‍ പുല്ലാഞ്ഞിമേട് വണ്ടിക്കടവ് വട്ടക്കുണ്ടില്‍ ഭാഗത്തായിരുന്നു അപകടം. നാല് സുഹൃത്തുക്കള്‍ക്കൊപ്പം പുഴയിലെത്തിയ ജിത്തു കാല്‍ വഴുതി കയത്തില്‍ അകപ്പെടുകയായിരുന്നു. ഏറെ ആഴമുള്ളതിനാല്‍ കൂടെയുണ്ടായിരുന്നവര്‍ രക്ഷിക്കാന്‍ നടത്തിയ ശ്രമം വിഫലമാവുകയായിരുന്നു. ഓടിയെത്തിയ നാട്ടുകാര്‍ കരക്കെത്തിച്ച് താമരശ്ശേരി താലൂക്കാശുപത്രിയില്‍ എത്തിച്ചെങ്കിലും മരിച്ചിരുന്നു. കോഴിക്കോട് മെഡിക്കല്‍ കോളേജ് മോര്‍ച്ചറിയിലേക്ക് മാറ്റിയ മൃതദേഹം പോസ്റ്റ്‌മോര്‍ട്ടത്തിന് ശേഷം സംസ്‌കരിച്ച്ു
 
എഗ് പപ്‌സിനൊപ്പം വേവിച്ച വണ്ട് സൗജന്യം.
താമരശ്ശേരി: എഗ് പപ്‌സിനൊപ്പം വേവിച്ച വണ്ട് സൗജന്യം. കോഴിക്കോട് നിന്നും ബാംഗ്ലൂരിലേക്കുപോവുകയായിരുന്ന സംഘത്തിനാണ് താമരശ്ശേരിയില്‍നിന്നും പപ്‌സിനുള്ളില്‍ വണ്ടിനെ കിട്ടിയത്. താമരശ്ശേരി കെ എസ് ആര്‍ ടി സി ഗാരേജിന് എതിര്‍വശത്തുള്ള കെ ആര്‍ ബാക്കറിയില്‍നിന്നും ഇവര്‍ അഞ്ച് പപ്‌സ് വാങ്ങിയിരുന്നു. കാറിലിരുന്ന് പപ്‌സ് കഴിക്കുന്നതിനിടെയാണ് ഒന്നില്‍ വണ്ടിനെ കണ്ടെത്തിയത്. അപ്പോഴേക്കും മൂന്നുപേര്‍ പപ്‌സ് കഴിച്ചിരുന്നു.
 
കോരങ്ങാട് ഗവണ്‍മെന്റ് എല്‍ പി സ്‌കൂളില്‍ വിദ്യാര്‍ത്ഥികള്‍ അപകടാവസ്ഥയിലുള്ള കെട്ടിടത്തില്‍.
താമരശ്ശേരി: കോരങ്ങാട് ഗവണ്‍മെന്റ് എല്‍ പി സ്‌കൂളില്‍ വിദ്യാര്‍ത്ഥികള്‍ പഠിക്കുന്നത് അപകടാവസ്ഥയിലുള്ള കെട്ടിടത്തില്‍. സ്‌കൂള്‍ തുറക്കുംമുമ്പെ നാലു ലക്ഷത്തോളം മുടക്കി അറ്റകുറ്റ പണിനടത്തിയ അഞ്ച് ക്ലാസ് മുറികളുള്ള കെട്ടിടമാണ് നിലം പൊത്താറായിരിക്കുന്നത്. എസ് എസ് എ യുടെ 3.88 ലക്ഷം ഉപയോഗിച്ചാണ് മെയ് അവസാനം അറ്റകുറ്റപണി നടത്തിയത്. ഓടിട്ട മേല്‍ക്കൂര ചിതലരിച്ച് നശിച്ചതിനാല്‍ മാറ്റി സ്ഥാപിക്കാനായിരുന്നു പദ്ധതി. മേല്‍ക്കൂരയുടെ ഉയരം വര്‍ധിപ്പിച്ച് നെറ്റ് സ്ഥാപിക്കാനും എസ്റ്റിമേറ്റ് തയ്യാറാക്കിയിരുന്നു. എന്നാല്‍ മേല്‍ക്കൂര പൊളിച്ചു നീക്കി പഴയ മരങ്ങള്‍തന്നെ ഉപയോഗിച്ച് നേല്‍ക്കൂര പണിയുകയായിരുന്നു. പേരിന് മാത്രമുള്ള പ്രവൃത്തികള്‍ നടത്തി പണം കൈക്കലാക്കുകയായിരുന്നുവെന്ന് നാട്ടുകാര്‍ ആരോപിച്ചു.
 
 
 
 

All rights reserved | Website developed and maintained by Zyonz Technologies