18-Oct-2018 (Thu)
വ്യാഴാഴ്ച സംസ്ഥാനത്ത് ഹര്‍ത്താല്‍; ബി ജെ പി പിന്തുണ പോലീസിനെ വെട്ടിച്ച് കടന്ന പീഡന കേസ് പ്രതി അറസ്റ്റില്‍; മാതാപിതാക്കള്‍ ഉള്‍പ്പെടെ അഞ്ചുപേര്‍ റിമാണ്ടില്‍ അനര്‍ഹരായ കാര്‍ഡുടമകള്‍ പൊതുവിഭാഗത്തിലേക്ക് മാറ്റണം ബാലാവകാശ സംരക്ഷണ സമിതികളുടെ ശാക്തീകരണത്തിന് ശില്‍പ്പശാല നടത്തും പോലീസിനെ വെട്ടിച്ച് കടന്ന പീഡന കേസ് പ്രതിയെ കണ്ടെത്താനായില്ല പ്രളയക്കെടുതി: വ്യവസായ വാണിജ്യ സ്ഥാപനങ്ങളുടെ നഷ്ടകണക്കെടുക്കുന്നു റഫാല്‍ കരാര്‍ അഴിമതി; സംയുക്ത പാര്‍ലമെന്റ് കമ്മറ്റി അന്വേഷണം അവശ്യപ്പെട്ട് യൂത്ത് കോണ്‍ഗ്രസ് പോസ്റ്റ് ഓഫീസ് പിക്കറ്റിംഗ് നടത്തി അഞ്ച് ലിറ്റര്‍ ചാരായവുമായി കോടഞ്ചേരി സ്വദേശി പിടിയില്‍ പുതുപ്പാടി ഗ്രാമപഞ്ചായത്ത് ഓഫീസിലേക്ക് എല്‍ ഡി എഫ് മാര്‍ച്ച്
 
 
 
 
ഷാഡോ പോലീസ് നടത്തിയ രഹസ്യ നീക്കത്തിലൂടെ വീണ്ടും ലൈസന്‍സില്ലാത്ത തോക്ക് പിടികൂടി
താമരശ്ശേരി: റൂറല്‍ എസ് പി. പി എ ച് അഷ്‌റഫിന് ലഭിച്ച രഹസ്യ വിവരത്തെ തുടര്‍ന്ന് ഷാഡോ പോലീസ് നടത്തിയ രഹസ്യ നീക്കത്തിലൂടെ വീണ്ടും ലൈസന്‍സില്ലാത്ത തോക്ക് പിടികൂടി. കട്ടിപ്പാറ പൂവന്‍മലയില്‍നിന്നാണ് താമരശ്ശേരി എസ് ഐ. എന്‍ രാജേഷിന്റെ നേതൃത്വത്തില്‍ എസ് പി യുടെ ഷാഡോ പോലീസ് ലൈസന്‍സില്ലാത്ത നാടന്‍തോക്ക് കണ്ടെത്തിയത്. പൂവന്‍മല സുരേഷ് (47)നെ പോലീസ് അറസ്റ്റ് ചെയ്തു. റബര്‍ തോട്ടത്തില്‍ ഒളിപ്പിച്ചുവെച്ച ഒറ്റകുഴല്‍ നാടന്‍ തോക്കും മൂന്ന് തിരകളും പിടിച്ചെടുത്തു. വന്യമൃഗ വേടക്കാണ് തോക്ക് ഉപയോഗിക്കുന്നതെന്നാണ് സംശയം. പ്രതിയെ ഇന്ന് താമരശ്ശേരി കോടതിയില്‍ ഹാജറാക്കും. ഷാഡോ പോലീസിന്റെ അന്വേഷണത്തില്‍ കട്ടിപ്പാറ ഭാഗത്തുനിന്നും ഒരു നാടന്‍ തോക്കും ഒരു റിവോള്‍വറും അടുത്തിടെ കണ്ടെത്തിയിരുന്നു. ഇതുമായി ബന്ധപ്പെട്ട് രണ്ട് പേരെ അറസ്റ്റ് ചെയ്യുകയും ചെയ്തിരുന്നു. കട്ടിപ്പാറ ചമല്‍ അരീക്കരകണ്ടി ഹരിദാസനെ മെയ് 15 നാണ് നാടന്‍ തോക്കും തിരകളുമായി അറസ്റ്റ് ചെയ്തത്. ഈ മാസം ഏഴിനാണ് കോളിക്കല്‍ കുറുങ്ങോട്ടുപൊയില്‍ അബ്ദുന്നാസര്‍ ലൈസന്‍സില്ലാത്ത റിവോള്‍വറുമായി പിടിലായത്. ആനക്കാംപൊയില്‍ മുത്തപ്പന്‍പുഴ പൂമരത്തിന്‍കൊല്ലി ജോസിനെ മൂന്ന് നാടന്‍ തോക്കുകളും 13 കിലോ വെടിയുണ്ട, 350 ഗ്രാം വെടിമരുന്ന് എന്നിവയുമായി കഴിഞ്ഞമാസം 25 ന് താമരശ്ശേരി സി ഐ അറസ്റ്റ് ചെയ്തിരുന്നു. മലയോര മേഖലയില്‍ നിയമം ലംഘിച്ചുള്ള തോക്ക് ഉപയോഗം പതിവാണെന്ന വിവരത്തെതുടര്‍ന്ന് പോലീസ് അന്വേഷണം വ്യാപിപ്പിച്ചിട്ടുണ്ട്.
 
പ്രവാസി വ്യവസായിയെ സ്വത്ത് തട്ടിയെടുക്കാനായി മക്കള്‍ കൊന്നുതള്ളി
താമരശ്ശേരി: അടിവാരം സ്വദേശിയായ പ്രവാസി വ്യവസായിയെ സ്വത്ത് തട്ടിയെടുക്കാനായി മക്കള്‍ കൊന്നുതള്ളിയതായി തെളിഞ്ഞു. സംഭവത്തില്‍ അബ്ദുല്‍ കരീമിന്റെ മക്കളായ മിദ്‌ലാജ്(23), ഫിര്‍ദൗസ് (20), ഭാര്യാ സഹോദരിയുടെ മകന്‍ ഫായിസ് എന്നിവരെ ക്രൈംബ്രാഞ്ച് അറസ്റ്റ് ചെയ്തു. കുവൈത്തിലെ വ്യവസാസിയായിരുന്ന എരഞ്ഞോണ അബ്ദുല്‍ കരീമിനെ(48) 2013 സെപ്റ്റംബര്‍ 29 മുതലാണ് കാണാതായത്. താമരശ്ശേരി കോരങ്ങാട്ടെ വീട്ടില്‍നിന്നും പുറത്തേക്കു പോയപിതാവിനെ പിന്നീട് കാണാനില്ലെന്നും കാണിച്ച് മിദ്‌ലാജാണ് താമരശ്ശേരി പോലീസില്‍ പരാതി നല്‍കിയത്. അബ്ദുല്‍ കരീമിന്റെ താമരശ്ശേരി പോലീസില്‍ പരാതി നല്‍കുകയായിരുന്നു. അബ്ദുല്‍ കരീമിന്റെ സഹോദരങ്ങളുടെ നിര്‍ബന്ധത്തെ തുടര്‍ന്നായിരുന്നു പരാതി. ലോക്കല്‍ പോലീസിന്റെ അന്വേഷണം എങ്ങുമെത്താതിരുന്നതിനെ തുടര്‍ന്നാണ് അന്വേഷണം ക്രൈംബ്രാഞ്ചിനെ ഏല്‍പ്പിച്ചത്. വിദേശത്തായിരുന്ന മിദ്‌ലാജിന്റെ നാട്ടിലെത്തിച്ച് ചോദ്യം ചെയ്തതില്‍നിന്നാണ് കൊലപാതകം തെളിഞ്ഞത്. വീട്ടിനകത്തുവെച്ച് ക്ലോറോഫോം മണപ്പിച്ച് കൊലപ്പെടുത്തിയതായി പ്രതികള്‍ ക്രൈംബ്രാഞ്ചിന് മൊഴി നല്‍കി. മൃതദേഹം ബ്ലാങ്കറ്റില്‍പൊതിഞ്ഞ് മൈസൂരിലെ തടാക്തതില്‍ തള്ളിയതായാണ് സൂചന. സംഭവത്തില്‍ കൂടുതല്‍ പേര്‍ ഉള്‍പ്പെട്ടതായും സൂചനയുണ്ട്.
 
അമിത ലോഡ്; സ്‌കൂള്‍ ബസ്സ് കയറ്റത്തില്‍നിന്നും പിന്നോട്ട് നീങ്ങി തെങ്ങിലിടിച്ചു, കരാറെടുത്തത് പോലീസുകാരന്‍.
കോടഞ്ചേരി: വിദ്യാര്‍ത്ഥികളെ കുത്തിനിറച്ച് വരികയായിരുന്ന സ്‌കൂള്‍ ബസ്സ് കയറ്റത്തില്‍നിന്നും പിന്നോട്ട് നീങ്ങി തെങ്ങിലിടിച്ച് നിന്നു. കോടഞ്ചേരി കണ്ണോത്ത് സെന്റ് ആന്റണീസ് സ് സ്‌കൂളിന്റെ ബസ്സാണ് അപകടത്തില്‍ പെട്ടത്. കപ്പുറത്തെ വലിയ കയറ്റത്തില്‍ തിങ്കളാഴ്ച രാവിലെ ഒമ്പതരയോടെയായരുന്നു അപകടം. നൂറാംതോട് പാലക്കല്‍ ഭാഗത്തുനിന്നും വിദ്യാര്‍ത്ഥികളെയുമായി വരികയായിരുന്ന ബസ്സ് കയറ്റം കയറാതെ നിന്നുപോവുകയായിരുന്നു. പിന്നോട്ടെടുക്കുന്നതിനിടെ നിയന്ത്രം വിട്ട ബസ്സ് റോഡരികിലെ തെങ്ങിലിടിച്ച് നിന്നതിനാല്‍ വന്‍ ദുരന്തം ഒഴിവായി. നിസ്സാര പരുക്കേറ്റ മൂന്ന് വിദ്യാര്‍ത്ഥികളെ കൈതപ്പൊയിലിലെ സ്വകാര്യ ആശുപത്രിയിലും പാലക്കല്‍ പള്ളിയാലി റാഷിദയെ താമരശ്ശേരി താലൂക്കാശുപത്രിയിലും പ്രവേശിപ്പിച്ചു. മതിലിനോട് ചേര്‍ന്ന് നിന്ന ബസ്സില്‍നിന്നും ഓടിക്കൂടിയ നാട്ടുകാരും രക്ഷിതാക്കളും ചേര്‍ന്നാണ് വിദ്യാര്‍ത്ഥികളെ പുറത്തെത്തിച്ചത്. ചെറിയ ബസ്സില്‍ നൂറോളം പേരാണ് ബസ്സിലുണ്ടായിരുന്നതെന്ന് നാട്ടുകാര്‍ പറഞ്ഞു.
 
ലൈസന്‍സില്ലാത്ത തോക്കുമായി കട്ടിപ്പാറ സ്വദേശി പോലീസിന്റെ പിടിയിലായി.
കട്ടിപ്പാറ: ലൈസന്‍സില്ലാത്ത തോക്കുമായി കട്ടിപ്പാറ സ്വദേശി പോലീസിന്റെ പിടിയിലായി. കട്ടിപ്പാറ ചമല്‍ അരീക്കരകണ്ടി ഹരിദാസനെ (56)യാണ് താമരശ്ശേരി എസ് ഐ. എന്‍ രാജേഷ് കുമാറും സംഘവും അറസ്റ്റ് ചെയ്തത്. റൂറല്‍ എസ് പി. പി എച് അശ്‌റഫിന് ലഭിച്ച രഹസ്യ വിവരത്തെതുടര്‍ന്ന് താമരശ്ശേരി എസ് ഐ. എന്‍ രാജേഷ് കുമാര്‍, എസ് പി യുടെ സ്‌പെഷ്യല്‍ സ്‌ക്വാഡ് അംഗങ്ങളായ ഗിരീഷ്, സുബീഷ്, ജിത്തു, ശംഷു, വിജേഷ്, അശ്‌റഫ് എന്നിവരടങ്ങിയ സംഘമാണ് തോക്കുമായി ഹരിദാസനെ അറസ്റ്റ് ചെയ്തത്. ഒറ്റകുഴല്‍ തോക്ക് ബാലുശ്ശേരി സ്വദേശിക്ക് കൈമാറാന്‍ ശ്രമിക്കുന്നതിനിടെയാണ് പോലീസിന്റെ പിടിയിലായത്. 27000 രൂപക്ക് കച്ചവടം ഉറപ്പിക്കുകയും അഡ്വാന്‍സ് കൈപറ്റുകയും ചെയ്തിരുന്നതായി പോലീസ് പറഞ്ഞു. ഹരിദാസന്റെ കൃഷിയിടത്തിലുള്ള വീട്ടില്‍ മാസങ്ങളായി ഒളിപ്പിച്ചുവെച്ച തോക്ക് വന്യജീവി വേട്ടക്കായി ഉപയോഗിക്കാറുണ്ടെന്ന് പ്രതി പോലീസില്‍ മൊഴി നല്‍കി. ഇന്നലെ രാവിലെ ഇയാളുടെ വീട്ടില്‍ പോലീസ് നടത്തിയ പരിശോധനയില്‍ നാല് തിരകളും കണ്ടെടുത്തു. ആംഡ് ആക്ട് പ്രകാരമാണ് താമരശ്ശേരി പോലീസ് കേസെടുത്തത്. പ്രതിയെ താമരശ്ശേരി ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് കോടതി 14 ദിവസത്തേക്ക് റിമാണ്ട് ചെയ്തു.
 
എം കെ രാഘവന്‍നും എം ഐ ഷാനവാസും സീറ്റ് നിലനിര്‍ത്തി
കോഴിക്കോട്: എം കെ രാഘവന്‍നും എം ഐ ഷാനവാസും സീറ്റ് നിലനിര്‍ത്തി. യു ഡി എഫ് നേതൃത്വത്തിന്റെ കണക്കുകൂട്ടലുകള്‍പോലും തെറ്റിച്ച് 16883 വോട്ടിന്റെ ഭൂരിപക്ഷത്തിലാണ് എം കെ രാഘവന്‍ കോഴിക്കോട്‌നിന്ന് വീണ്ടും തിരഞ്ഞെടുക്കപ്പെട്ടത്. കോഴിക്കോട് പാര്‍ലമെന്റ് മണ്ഡലത്തിലെ മൂന്ന് അസംബ്ലി മണ്ഡലങ്ങളിളൊഴികെ നിയമസഭാ തിരഞ്ഞെടുപ്പില്‍ യു ഡി എഫിന് വിജയിക്കാന്‍ കഴിഞ്ഞിരുന്നില്ല. ഈ കണക്കുകള്‍വെച്ച് എം കെ രാഘവന്‍ വിജയിച്ചാല്‍പോലും നേരിയ ഭൂരിപക്ഷമായിരിക്കുമെന്നാണ് യു ഡി എഫ് നേതാക്കള്‍പോലും കണക്കുകൂട്ടിയിരുന്നത്. എല്ലാ കണക്കുകളും തെറ്റിച്ചാണ് എം കെ രാഘവന്‍ കരുത്ത് തെളിയിച്ചത്. എം ഐ ഷാനവാസിന് കഴിഞ്ഞ തിരഞ്ഞെടുപ്പില്‍ ഒരുലക്ഷത്തില്‍പരം വോട്ടിന്റെ ഭൂരിപക്ഷം ഉണ്ടായിരുന്നെങ്കിലും ഇത്തവണ 21308 വോട്ടിന്റെ ഭൂരിപക്ഷമാണ് ലഭിച്ചത്.
 
ആദിവാസി യുവതിയെ കെട്ടിയിട്ട് ക്രൂരമായി പീഡിപ്പിച്ച് വഴിയില്‍ ഉപേക്ഷിച്ചു
താമരശ്ശേരി: ആദിവാസി യുവതിയെ കെട്ടിയിട്ട് ക്രൂരമായി പീഡിപ്പിച്ച് വഴിയില്‍ ഉപേക്ഷിച്ചു. മുക്കം സ്വദേശിനിയായ 42 കാരിയെയാണ് അടിവാരത്തെത്തിച്ച് ക്രൂരമായ പീഡിപ്പിച്ചത്. തിങ്കളാഴ്ച രാവിലെ എട്ടുമണിയോടെ നാട്ടുകാരാണ് യുവതിയെ അവശനിലയില്‍ കണ്ടെത്തിയത്. അടിവാരം നൂറാംതോട് റോഡില്‍ പോത്തുണ്ടി പാലത്തിന് സമീപം കണ്ടെത്തിയ യുവതിയെ അടിവാരം പോലീസ് ഔട് പോസ്റ്റിലെത്തിക്കുകയായിരുന്നു. ചുണ്ടിലും മുഖത്തും മാരകമായ മുറിവേറ്റ നിലയില്‍ രക്തം വാര്‍ന്ന് തളര്‍ന്ന യുവതി മദ്യലഹരിയിലായിരുന്നു. നാട്ടുകാരുടെ സഹായത്തോടെ താമരശ്ശേരി താലൂക്കാശുപത്രിയിലെത്തിച്ച് പ്രാധമിക ചികിത്സ നല്‍കി. താമരശ്ശേരി ഡി വൈ എസ് പി ജെയസണ്‍ കെ അബ്രഹാം ആശുപത്രിയിലെത്തി യുവതിയുടെ മൊഴിയെടുത്തു. നാലുപേര്‍ ചേര്‍ന്ന് കൈകാലുകള്‍ ബന്ധിച്ച് ക്രൂരമായി പീഡിപ്പിച്ചുവെന്നാണ് യുവതി പോലീസിന് മൊഴി നല്‍കിയത്. കെട്ടിയിട്ട ശേഷം മദ്യം കുടിപ്പിച്ചുവെന്നും പുലര്‍ച്ചയോടെ റോഡരികില്‍ ഉപേക്ഷിച്ചുവെന്നുമാണ് യുവതി പറയുന്നത്. യുവതിയെ അടിവാരത്തെത്തിച്ച മുക്കം സ്വദേശിക്ക് പരുക്കേറ്റതായും സൂചനയുണ്ട്. രഹസ്യ ഭാഗത്ത് മുറിവേറ്റ ഇയാളെകുറിച്ച് പോലീസ് അന്വേഷിക്കുന്നുണ്ട്.
 
ഉമ്മന്‍ചാണ്ടി താമരശ്ശേരി ബിഷപ്പ് ഹൗസിലെത്തി കൂടികാഴ്ച നടത്തി.
താമരശ്ശേരി: മുഖ്യമന്ത്രി ഉമ്മന്‍ചാണ്ടി താമരശ്ശേരി ബിഷപ്പ് ഹൗസിലെത്തി ബിഷപ്പ് മാര്‍ റെമിജിയോസ് ഇഞ്ചനാനിയിലുമായി കൂടികാഴ്ച നടത്തി. കൂടികാഴ്ച നടത്തി. ശനിയാഴ്ച വൈകിട്ട് ആറുമണിയോടെയാണ് മുഖ്യമന്ത്രി താമരശ്ശേരി ബിഷപ്പ് ഹൗസിലെത്തിയത്. രൂപതാ ചാന്‍സലര്‍ ഫാ, അബ്രഹാം കാവില്‍പുരയിടത്തില്‍ മുഖ്യമന്ത്രിയെ സ്വീകരിച്ചു. പത്തുമിനിറ്റോളം നീണ്ട കൂടികാഴ്ചയില്‍ സി മോയിന്‍കുട്ടി എം എല്‍ എ, ഡി സി സി പ്രസിഡന്റ് കെ സി അബു തുടങ്ങിയവരും സംബന്ധിച്ചു. കസ്തൂരി രംഗന്‍ റിപ്പോര്‍ട്ടുമായി ബന്ധപ്പെട്ട ആശങ്കകള്‍ പരിഹരിക്കപ്പെട്ടോ എന്ന മാധ്യമപ്രവര്‍ത്തകരുടെ ചോദ്യത്തിന് യാതൊരു ആശങ്കക്കും അടിസ്ഥാനമില്ലെന്നും എല്ലാം പരിഹരിക്കപ്പെട്ടുവെന്നും മുഖ്യമന്ത്രി പ്രതികരിച്ചു. സ്വകാര്യവ്യക്തികളുടെ ഒരിഞ്ച് ഭൂമിയും നിയമത്തിന്റെ പരിധിയില്‍ വരില്ലെന്നും മുഖ്യമന്ത്രി പറഞ്ഞു. പരിസ്ഥിത ലോല മേഖലകളുടെ ഭൂപടത്തില്‍ അപാകതകളുണ്ടെന്ന് കര്‍ഷക പ്രതിനിദികള്‍ ചൂണ്ടികാണിച്ചപ്പോള്‍ ചില അപാകതകള്‍ ശ്രദ്ധയില്‍ പെട്ടിട്ടുണ്ടെന്നും അവ പരിഹരിക്കുന്നതിന് നടപടി സ്വീകരിക്കുമെന്നും മുഖ്യമന്ത്രി ഉമ്മന്‍ചാണ്ടി മറുപടി പറഞ്ഞു. അന്തിമ വിജ്ഞാപനം വൈകുന്നതില്‍ മലയോര ജനതക്കുള്ള ആശങ്ക മുഖ്യമന്ത്രിയെ അറിയിച്ചതായി രൂപതാ ചാന്‍സലര്‍ ഫാ. അബ്രഹാം കാവില്‍ പുരയിടത്തില്‍ പറഞ്ഞു.
 
കസ്തരൂരംഗന്‍ വിഷയത്തിലും ഇ എഫ് ഐ വിഷയത്തിലും സര്‍ക്കാര്‍ ജനപക്ഷത്തുനിന്നു; മുഖ്യമന്ത്രി
താമരശ്ശേരി: കസ്തരൂരംഗന്‍ വിഷയത്തിലും ഇ എഫ് ഐ വിഷയത്തിലും സര്‍ക്കാര്‍ ജനപക്ഷത്തുനിന്നുകൊണ്ടാണ് പ്രവര്‍ത്തിച്ചതെന്ന് മുഖ്യമന്ത്രി ഉമ്മന്‍ചാണ്ടി. തിരഞ്ഞെടപ്പ് പ്രചാരണാര്‍ത്ഥം താമരശ്ശേരിയില്‍ നടന്ന പൊതുയോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ധേഹം. ആദ്യമായി സര്‍ക്കാര്‍ സര്‍വകക്ഷിയോഗം വിളിച്ചപ്പോള്‍ സി പി എം ഉള്‍പ്പെടെയുള്ള ഇടതുപക്ഷ കക്ഷികള്‍ ബഹിഷ്‌കരിച്ചു. പങ്കെടുത്ത ബി ജെ പി ആവശ്യപ്പെട്ടത് കൂടുതല്‍ ജനദ്രോഹ നടപടികളുള്ള ഗാഡ്ഗില്‍ റിപ്പോര്‍ട്ട് നടപ്പാക്കണമെന്നായിരുന്നു.
 
കരിപ്പൂര്‍ സ്വര്‍ണക്കടത്തുമായി ബന്ധപ്പെട്ട് കൊടുവള്ളി ഗ്രമാപഞ്ചായത്ത് അംഗം അറസ്റ്റില്‍.
കൊടുവള്ളി: കരിപ്പൂര്‍ സ്വര്‍ണക്കടത്തുമായി ബന്ധപ്പെട്ട് കൊടുവള്ളി ഗ്രമാപഞ്ചായത്ത് അംഗം അറസ്റ്റില്‍. കൊടുവള്ളി ടൗണ്‍ വാര്‍ഡ് മെമ്പറും നാഷണല്‍ സെക്കുലര്‍ കോണ്‍ഫറന്‍സ് (എന്‍ എസ് സി) പ്രതിനിധിയുമായ കാരാട്ട് ഫൈസലിനെയാണ് ഡയറക്ടറേറ്റ് ഓഫ് റവന്യൂ ഇന്റലിജന്‍സ് സൂപ്രണ്ട് വി എസ് സെയ്ത് മുഹമ്മദിന്റെ നേതൃത്വത്തിലുള്ള സംഘം അറസ്റ്റ് ചെയ്തത്. കരിപ്പൂര്‍ സ്വര്‍ണക്കടത്ത് കേസിലെ ഒന്നാം പ്രതി ഷഹബാസിന്റെ 60 ലക്ഷം രൂപ വിലവരുന്ന ആഢംബര കാറായ ഓഡി ഫൈസലിന്റെ വീട്ടില്‍ നിന്നും കസ്റ്റഡിയിലെടുത്തു.വ്യാഴാഴ്ച രാവിലെ ഫൈസലിനെ കൊടുവള്ളിയിലെ വീട്ടിലെത്തി കസ്റ്റഡിയിലെടുത്ത് കോഴിക്കോട് യൂണിറ്റിലെത്തിച്ച് ചോദ്യം ചെയ്തശേഷം വൈകിട്ട് അഞ്ചുമണിയോടെ അറസ്റ്റ് രേഖപ്പെടുത്തുകയായിരുന്നു. ഷഹബാസിന്റെ ബിസിനസ് പങ്കാളിയാണ് ഫൈസലെന്ന് ഡി ആര്‍ ഐക്ക് വിവരം ലഭിച്ചിരുന്നു. ഫൈസലിനെതിരെ കേസിലെ പ്രതികളായ ഷഹബാസ്, നബീര്‍, അബ്ദുല്‍ ലായിസ്, ഹിറോമോസ വി സെബാസ്റ്റിയന്‍, റാഹില ചീറായി എന്നിവര്‍ മൊഴി നല്‍കിയിരുന്നവെങ്കിലും തെളിവുകള്‍ ലഭിക്കാത്തതിനാല്‍ അറസ്റ്റ് നീളുകയായിരുന്നു. കരിപ്പൂര്‍ സ്വര്‍ണക്കടത്ത് കേസില്‍ നേരത്തെ പിടികൂടിയ പ്രതികള്‍ ഒളിവിലാണെന്ന് കാണിച്ച് ഡി ആര്‍ ഐ ഹൈകോടതിയില്‍ റിപ്പോര്‍ട്ട് നല്‍കിയിരുന്നു. ജാമ്യത്തിലിറങ്ങിയ പ്രതികള്‍ കോടതി നിര്‍ദേശിച്ച പ്രകാരം ഡി ആര്‍ ഐ മുമ്പാകെ ഹാജരായിരുന്നില്ല. നിരവധി തവണ വീട്ടുകാരെ അറിയിച്ചെങ്കിലും ഫലമുണ്ടാവാത്തതിനെ തുടര്‍ന്നാണ് ജാമ്യത്തിലിറങ്ങിയ പ്രതികള്‍ മുങ്ങിയതായി ഡി ആര്‍ ഐ കോടതിയെ അറിയിച്ചത്.
 
മദ്രസാ അധ്യാപകന്‍ ഓട്ടോ ഇടിച്ച് മരിച്ചു
അടിവാരം: കാല്‍നട യാത്രക്കാരനായ മദ്രസാ അധ്യാപകന്‍ ഓട്ടോ ഇടിച്ച് മരിച്ചു. കൊടുവള്ളി ഒതയോത്ത് ആലപുറായില്‍ അബ്ദുറഹിമാന്‍ മുസ്ലിയാര്‍ (50) ആണ് മരിച്ചത്. ശനിയാഴ്ച രാത്രി എട്ടരയോടെ ദേശീയപാതയില്‍ അടിവാരം അങ്ങാടിക്ക് സമീപത്തായിരുന്നു അപകടം. അടിവാരം കമ്പിവേലുമ്മല്‍ സുന്നി മസ്ജിദിലെ മുഅദ്ധിനും നുസ്രതുല്‍ ഇസ്ലാം മദ്രസ അധ്യാപകനുമാണ്. അങ്ങാടിയിലേക്ക് ഇറങ്ങി റോഡരികിലൂടെ ബസ്റ്റാന്റ് ഭാഗത്തേക്ക് നടന്നുപോവുന്നതിനിടെ താമരശ്ശേരി ഭാഗത്തേക്കു പോവുകയായിരുന്ന ഓട്ടോറിക്ഷ ഇടിച്ച് തെറിപ്പിക്കുകയായിരുന്നു. ഉടന്‍തന്നെ നാട്ടുകാര്‍ കോഴിക്കോട് മെഡിക്കല്‍ കോളേജാശുപത്രിയില്‍ എത്തിച്ചെങ്കിലും അല്‍പ സമയത്തിനകം മരിച്ചു. പോസ്റ്റ് മോര്‍ട്ടത്തിന് ശേഷം ഞായറാഴ്ച ഉച്ചയോടെ വീട്ടിലെത്തിച്ച മൃതദേഹം കൊടുവള്ളി കാട്ടില്‍പള്ളി ഖബര്‍സ്ഥാനില്‍ മറവ് ചെയ്തു. പരേതനായ ചെറിയമുഹമ്മദിന്റെയും ഉമ്മാച്ചയുടെയും മകനാണ്. ഭാര്യ: സുഹറ. മക്കള്‍: ഉമ്മു ഹബീബ, നസീബ നസ്‌റിന്‍. മരുമകന്‍ : ഇഖ്ബാല്‍ ആരാമ്പ്രം. സഹോദരങ്ങള്‍: മുഹമ്മദ്, റസാഖ്, അബൂബക്കര്‍, ആയിശ, സുബൈദ.
 
 
 
 

All rights reserved | Website developed and maintained by Zyonz Technologies