18-Oct-2018 (Thu)
വ്യാഴാഴ്ച സംസ്ഥാനത്ത് ഹര്‍ത്താല്‍; ബി ജെ പി പിന്തുണ പോലീസിനെ വെട്ടിച്ച് കടന്ന പീഡന കേസ് പ്രതി അറസ്റ്റില്‍; മാതാപിതാക്കള്‍ ഉള്‍പ്പെടെ അഞ്ചുപേര്‍ റിമാണ്ടില്‍ അനര്‍ഹരായ കാര്‍ഡുടമകള്‍ പൊതുവിഭാഗത്തിലേക്ക് മാറ്റണം ബാലാവകാശ സംരക്ഷണ സമിതികളുടെ ശാക്തീകരണത്തിന് ശില്‍പ്പശാല നടത്തും പോലീസിനെ വെട്ടിച്ച് കടന്ന പീഡന കേസ് പ്രതിയെ കണ്ടെത്താനായില്ല പ്രളയക്കെടുതി: വ്യവസായ വാണിജ്യ സ്ഥാപനങ്ങളുടെ നഷ്ടകണക്കെടുക്കുന്നു റഫാല്‍ കരാര്‍ അഴിമതി; സംയുക്ത പാര്‍ലമെന്റ് കമ്മറ്റി അന്വേഷണം അവശ്യപ്പെട്ട് യൂത്ത് കോണ്‍ഗ്രസ് പോസ്റ്റ് ഓഫീസ് പിക്കറ്റിംഗ് നടത്തി അഞ്ച് ലിറ്റര്‍ ചാരായവുമായി കോടഞ്ചേരി സ്വദേശി പിടിയില്‍ പുതുപ്പാടി ഗ്രാമപഞ്ചായത്ത് ഓഫീസിലേക്ക് എല്‍ ഡി എഫ് മാര്‍ച്ച്
 
 
 
 
പുതുപ്പാടിയില്‍ ബൈക്കപകടത്തില്‍ 2 പ്ലസ് വണ്‍ വിദ്യാര്‍ത്ഥികള്‍ മരിച്ചു.
പുതുപ്പാടി: പരീക്ഷ കഴിഞ്ഞിറങ്ങിയ രണ്ട് വിദ്യാര്‍ത്ഥികള്‍ ബൈക്ക് അപകടത്തില്‍ മരിച്ചു. സ്‌കൂട്ടര്‍ യാത്രക്കാരായ രണ്ടുപേര്‍ക്ക് പരുക്കേറ്റു. പുതുപ്പാടി ഗവ. ഹയര്‍സെക്കന്ററി സ്‌കൂളിലെ പ്ലസ് വണ്‍ വിദ്യാര്‍ത്ഥികളായ കൈതപ്പൊയില്‍ വേഞ്ചേരി ആനോറമ്മല്‍ മുഹമ്മദലിയുടെ മകന്‍ നിയാസ് (17), ഇബ്രാഹീം മുസ്ലിയാരുടെ മകന്‍ എം ഐ മുഹമ്മദ് റമീസ് (17) എന്നിവരാണ് മരിച്ചത്. സ്‌കൂട്ടറില്‍ യാത്രക്കാരായ പുതുപ്പാടി കണ്ണപ്പന്‍കുണ്ട് ചെറുപ്ലാട് ജോണ്‍ (48), മകന്‍ ജോബിന്‍ (23) എന്നിവരെ പരുക്കുകളോടെ കോഴിക്കോട് മെഡിക്കല്‍ കോളേജാശുപത്രിയില്‍ പ്രവേശിപ്പിച്ചു.
 
താമരശ്ശേരി കാരാടി ബാറിനുമുന്നിലെ ഉപരോധ സമരം വഴിത്തിരിവില്‍
താമരശ്ശേരി: കാരാടി ബാറിനുമുന്നിലെ ഉപരോധ സമരം വഴിത്തിരിവില്‍. തിങ്കളാഴ്ച ആരംഭിച്ച ഉപരോധ സമരത്തിന് പിന്തുണയുമായി കൂടുതല്‍ സംഘടനകളും നേതാക്കളും രംഗത്തെത്തി. എല്‍ ഡി എഫ് നേതാവും വയനാട് പാര്‍ലമെന്റ് മണ്ഡലം സ്ഥാനാര്‍ത്ഥിയുമായ സത്യന്‍ മൊകേരിക്കുപിന്നാലെയാണ് യു ഡി എഫ് സ്ഥാനാര്‍ത്ഥിയായ എം ഐ ഷാനവാസും സമരഭൂമിയിലെത്തി. വ്യാഴാഴ്ച രാത്രി എം കെ രാഘവന്‍ സമരപന്തലിലെത്തി രണ്ട് ദിവസത്തിനകം ബാര്‍ അടച്ചുപൂട്ടുമെന്ന് പ്രഖ്യാപിച്ചു.
 
കെ എസ് ഇ ബി ഉദ്യോഗസ്ഥര്‍ സഞ്ചരിച്ച ബൈക്ക് ബസ്സിനടിയില്‍പെട്ട് ഒരാള്‍ മരിച്ചു. ഒരാള്‍ക്ക് പരുക്ക്
നരിക്കുനി: കെ എസ് ഇ ബി ഉദ്യോഗസ്ഥര്‍ സഞ്ചരിച്ച ബൈക്ക് ബസ്സിനടിയില്‍പെട്ട് ഒരാള്‍ മരിച്ചു. ഒരാള്‍ക്ക് പരുക്ക്. മടവൂര്‍ 110 കെ വി സബ്‌സ്റ്റേഷനിലെ ഓവര്‍സിയര്‍ പുന്നശേരി രാമല്ലൂര്‍ പുതിയേടത്ത് താമസിക്കുന്ന ചാത്തമംഗലം സ്വദേശി രാജേന്ദ്രന്‍ (52) ആണ് മരിച്ചത്. സാരമായി പരിക്കേറ്റ സബ് സ്റ്റേഷനിലെ ഓപ്പറേറ്റര്‍ നന്മണ്ട കരിക്കിരിക്കണ്ടി അമ്മദ് കോയയുടെ മകള്‍ ആന്‍സി (25)യെ കോഴിക്കോട് മെഡിക്കല്‍ കോളെജ് ആശുപത്രിയില്‍ പ്രവേശിപ്പിച്ചു.
 
താമരശ്ശേരി കാരാടി പതിനെട്ടാം മൈലില്‍ പ്രവര്‍ത്തിക്കുന്ന ബാര്‍ ഒരാഴ്ചത്തേക്ക് അടച്ചിടാന്‍ ഉത്തരവ്
കോഴിക്കോട്: താമരശ്ശേരി കാരാടി പതിനെട്ടാം മൈലില്‍ പ്രവര്‍ത്തിക്കുന്ന വിവാദ ബാര്‍ ഒരാഴ്ചത്തേക്ക് അടച്ചിടാന്‍ അസി. കലക്ടറുടെ ഉത്തരവ്. സമരക്കാര്‍ നിയമം ലംഘിച്ച് ബാറിലേക്ക് മാര്‍ച്ച് നടത്താനും ബാര്‍ വളഞ്ഞ് പ്രവര്‍ത്തനം സ്തംഭിപ്പിക്കാനുമുള്ള തയ്യാറെടുപ്പിനിടെയാണ് ക്രമസമാധാന പ്രശ്‌നങ്ങള്‍ ഇല്ലാതിരിക്കാന്‍ ബാര്‍ അടച്ചിടാന്‍ നിര്‍ദ്ധേശിച്ചത്. ബാറിനെതിരായ പ്രതിഷേധങ്ങള്‍ നൂറ് മീറ്റര്‍ ദൂരത്തായിരിക്കണമെന്നും ഉത്തരവിലുണ്ട്. അഞ്ചു വര്‍ഷമായി തുടരുന്ന ബാര്‍ വിരുദ്ധ സമരത്തിന്റെ വിജയമാണ് ഇതെന്ന് സമരസമിതി ഭാരവാഹികള്‍ പറഞ്ഞു
 
കഞ്ചാവ് നല്‍കി വിദ്യാര്‍ത്ഥികളെ പ്രകൃതി വിരുദ്ധ പീഡനത്തിനിരയാക്കിയ യുവാവ് റിമാണ്ടില്‍
പുതുപ്പാടി: കഞ്ചാവ് നല്‍കി വിദ്യാര്‍ത്ഥികളെ പ്രകൃതി വിരുദ്ധ പീഡനത്തിനിരയാക്കിയ യുവാവിനെ താമരശ്ശേരി കോടരി റിമാണ്ട് ചെയ്തു. പുതുപ്പാടി പയോണ ചോയിമഠത്തില്‍ മുഹമ്മദ് ബഷീറി(36)നെയാണ് ബുധനാഴ്ച നാട്ടുകാര്‍ പിടികൂടി പോലീസിലേല്‍പിച്ചത്. പുതുപ്പാടി ഗവ. ഹൈസ്‌കൂളിലെ എട്ടാം ക്ലാസ് വിദ്യാര്‍ത്ഥിയുടെ രക്ഷിതാക്കള്‍ നടത്തിയ അന്വേഷണത്തിലാണ് നിരവധി വിദ്യാര്‍ത്ഥികളെ ലഹരിക്കടിമയാക്കിയ ബഷീര്‍ പിടിയിലായത്. മകന്‍ കൃത്യമായി ക്ലാസിലെത്താതിരുന്നതിനെതുടര്‍ന്നാണ് ഇവര്‍ കുട്ടിയെ നിരീക്ഷിക്കാന്‍ തുടങ്ങിയത്. ബുധനാഴ്ച രാവിലെ സ്‌കൂളില്‍നിന്നും ഒരുകിലോമീറ്ററോളം അകലെയുള്ള പുഴയോരത്ത് വിദ്യാര്‍ത്ഥിയുണ്ടെന്നറിഞ്ഞ് ബന്ധുക്കളും നാട്ടുകാരും എത്തിയപ്പോള്‍ ബഷീര്‍ വിദ്യാര്‍ത്ഥിക്ക് കഞ്ചാവ് ബീഡി തയ്യാറാക്കി നല്‍കുകയായിരുന്നു.
 
ഭര്‍തൃമതിയായ യുവതിയെ ഫോണില്‍ വിളിച്ച് ശല്യം ചെയ്തയാളെ പിടികൂടി പോലീസിലേല്‍പിച്ചു
താമരശ്ശേരി: ഭര്‍തൃമതിയായ യുവതിയെ നിരന്തരം ഫോണില്‍ വിളിച്ച് ശല്യം ചെയ്തയാളെ യുവതിയുടെ ബന്ധുക്കള്‍ പിടികൂടി പോലീസിലേല്‍പിച്ചു. കൊയിലാണ്ടി കൊല്ലം സ്വദേശിയായ പ്രഭാകരനെയാണ് തന്ത്രത്തില്‍ പിടികൂടി താമരശ്ശേരി പോലീസില്‍ ഏല്‍പ്പിച്ചത്. 9946 817915 എന്ന നമ്പറില്‍നിന്നും പൂനൂര്‍ സ്വദേശിനിയായ യുവതിയെ ഒന്നരമാസത്തോളമായി ഇയാള്‍ നിരന്തരം വിളിച്ചിരുന്നു. രാത്രി വൈകിയാണ് പ്രധാനമായും ഫോണ്‍വിളി. രാത്രിയില്‍ ഫോണ്‍ നിശ്ശബ്ദമാക്കി വെച്ചാല്‍ എഴുപതോളം മിസ്ഡ് കോളുകളാണ് രാവിലെയാവുമ്പോഴേക്കും ഉണ്ടാവുന്നത്. നേരത്തെ ഇതുസംബന്ധിച്ച് പോലീസില്‍ പരാതി നല്‍കിയിരുന്നു. ശല്യം തുടര്‍ന്നതിനാല്‍ ബന്ധുക്കളുടെ നിര്‍ദ്ധേശപ്രകാരം യുവതി മയത്തില്‍ സംസാരിച്ച് ഇയാളെ താമരശ്ശേരി സ്വകാര്യ ആശുപത്രിക്ക് സമീപം എത്തിച്ച് പിടികൂടുകയായിരുന്നു. പോലീസ് താക്കീത് ചെയ്ത് വിട്ടയച്ചു.
 
കൈക്കൂലി വാങ്ങിയ ചേവായൂര്‍ സബ് രജിസ്ട്രാറെ വിജിലന്‍സ് സംഘം പിടികൂടി
കോഴിക്കോട്: ആധാരം രജിസ്‌ട്രേഷന് കൈക്കൂലി വാങ്ങിയ ചേവായൂര്‍ സബ് രജിസ്ട്രാറെ വിജിലന്‍സ് സംഘം പിടികൂടി. കൊയിലാണ്ടി പൊയില്‍കാവ് സ്വദേശിനിയായ പി കെ ബീനയെയാണ് വിജിലന്‍സ് ഡി വൈ എസ് പി പ്രേംദാസും സംഘവും അറസ്റ്റ് ചെയ്തത്. ആധാരം എഴുത്തുകാരനായ ചേവായൂര്‍ സ്വദേശി ഭാസ്‌കരന്‍ നായര്‍ ഉള്‍പ്പെടെയുള്ള നിരവധിപേര്‍ പരാതിപ്പെട്ടതിനെതുടര്‍ന്നാണ് വിജിലന്ഡസ് വലയൊരുക്കിയത്. ഭൂമി രജിസ്‌ട്രേഷനായി മൂന്ന് തവണ സമീപിച്ചെങ്കിലും വന്‍തുക കൈക്കൂലി ആവശ്യപ്പെട്ടതായി ഭാസ്‌കരന്‍ നായര്‍ വിജിലന്‍സിനെ അറിയിച്ചിരുന്നു ഇതേ തുടര്‍ന്ന് വിജിലന്‍സ് നല്‍കിയ ആയിരം രൂപയുടെ അഞ്ച് നോട്ടുകള്‍ ബസ് രജിസ്ട്രാര്‍ക്ക് കൈമാറുകയും ഉടനെതന്നെ വിജിലന്‍സ് ഓഫീസില്‍ പരിശോധന നടത്തുകയുമായിരുന്നു. രജിസ്‌ട്രേഷന്‍ ലഡ്ജറില്‍ ഒളിപ്പിച്ചുവെച്ച അയ്യായിരം രൂപ ഏറെ നേരത്തെ തെരച്ചിലിനൊടുവിലാണ് കണ്ടെത്തിയത്.
 
ചില്ലറ വില്‍പ്പനക്കാര്‍ക്ക് കഞ്ചാവ് എത്തിച്ചു നല്‍കുന്ന വൃദ്ധനെ എക്‌സൈസ് അറസ്റ്റ് ചെയ്തു.
താമരശ്ശേരി: ചില്ലറ വില്‍പ്പനക്കാര്‍ക്ക് കഞ്ചാവ് എത്തിച്ചു നല്‍കുന്ന വൃദ്ധനെ എക്‌സൈസ് സംഘം അറസ്റ്റ് ചെയ്തു. പാലക്കാട് നീലിക്കോട് സുന്ദരം കോളനിയില്‍ ശിവദാസന്‍ (75) ആണ് താമരശ്ശേരി എക്‌സൈസ് ഇന്‍സ്‌പെക്ടര്‍ എ പി ഷാജഹാന്റെ നേതൃത്വത്തിലുള്ള സംഘത്തിന്റെ പിടിയിലായത്. ഒരു കിലോ നൂറ് ഗ്രാം കഞ്ചാവുമായി ഓമശ്ശേരി ബസ്റ്റാന്റില്‍ വെച്ചാണ് ശിവദാസ് പിടിയിലായത്. താമരശ്ശേരിയി, ഓമശ്ശേരി, അടിവാരം മേഖലയില്‍ വിതരണത്തിനുള്ളതാണ് കഞ്ചാവെന്നാണ് പ്രതി എസ്‌കൈസിന് മൊഴി നല്‍കിയത്. മലയോര മേഖലയില്‍ വിദ്യാര്‍ഥികള്‍ക്കിടയിലും മറ്റും ലഹരി ഉപയോഗം വര്‍ധിച്ചതിനെ തുടര്‍ന്ന് എക്‌സൈസ് എന്‍ഫോഴ്‌മെന്റ് അന്വേഷണം വ്യാപകമാക്കിയിരുന്നു. ഇതേതുടര്‍ന്ന് ലഭിച്ച രഹസ്യ വിവരത്തെതുടര്‍ന്നാണ് മൊത്ത വിതരണക്കാരന്‍ പിടിയലായത്. വര്‍ഷങ്ങളായി ഇയാള്‍ കഞ്ചാവ് വിവിധ പ്രദേശങ്ങളില്‍ വിതരണം നടത്തിവരികയായിരുന്നുവെന്നും ഇതുസംബന്ധിച്ച് അന്വേഷണം വ്യാപകമാക്കുമെന്നും എക്‌സൈസ് ഇന്‍സ്‌പെക്ടര്‍ എ പി ഷാജഹാന്‍ പറഞ്ഞു. പ്രിവന്റീവ് ഓഫീസര്‍മാരായ ജയിംസ് മാത്യു, അഹമ്മദ് റഷീദ്, വികെ അബ്ദുറസ്സാഖ്, സി ഇ ഒ മാരായ ടി കെ സഹദേവന്‍, സി പി ഷാജു, ദീപേഷ്, റഷീദ്, ആര്‍ കെ ഇര്‍ഷാദ്, പ്രഭിത്‌ലാല്‍, കൃഷ്ണന്‍ എന്നിവരും എക്‌സൈസ് സംഘത്തിലുണ്ടായിരുന്നു. ഒന്നരകിലോ കഞ്ചാവുമായി മൈസൂര്‍ സ്വദേശിയെ കഴിഞ്ഞദിവസം പോലീസ് അറസ്റ്റ് ചെയ്തിരുന്നു. റൂറല്‍ എസ് പി യുടെ പ്രത്യേക സ്‌ക്വാഡാണ് പ്രതിയെ വലയിലാക്കിയത്.
 
ജര്‍മന്‍ യുവതി വനത്തില്‍ കിടന്നുറങ്ങി; പാതിരാത്രിയില്‍ പോലീസ് പൊക്കി.
കോടഞ്ചേരി: തുഷാരഗിരി വിനോദസഞ്ചാര കേന്ദ്രത്തിലെ വനപ്രദേശത്ത് കിടന്നുറങ്ങിയ ജര്‍മന്‍ യുവതിയെ പാതിരാത്രിയില്‍ പോലീസും വനപാലകരും നാട്ടുകാരും ചേര്‍ന്ന് പിടികൂടി. ജര്‍മന്‍ സ്വദേശനിയായ ഇനേ ഗോപെല്‍ (18) ആണ് അനധികൃതമായി വനപ്രദേശത്ത് പ്രവിശിച്ചത്. വൈകിട്ട് ഏഴ് മണിയോടെയാണ് ഇന്‍ഗെ വനപ്രദേശത്തേക്കു കടന്നത്. ഏറെ വൈകിയും തിരിച്ചെത്താതിരുന്നതിനെതുടര്‍ന്ന് കോടഞ്ചേരി പോലീസും വനപാലകരും നാട്ടുകാരും ചേര്‍ന്ന് വനത്തില്‍ തെരച്ചില്‍ നടത്തിയത്. ഏറെനേരത്തെ തെരച്ചിലിനൊടുവിലാണ് വെള്ളച്ചാട്ടത്തിന് മുകളില്‍ യുവതി കിടന്നുറങ്ങുന്നതായി കണ്ടെത്തിയത്. തുടര്‍ന്ന് ഇവരെ സ്‌റ്റേഷനിലെത്തിച്ചു. വൈകിട്ട് അടിവാരത്തെത്തി കാല്‍നടയായാണ് തുഷാരഗിരിക്ക് പുറപ്പെട്ടത്. വനപ്രദേശത്തെത്തിയതോടെ ഇരുട്ട് വ്യാപിച്ചതിനാല്‍ പ്രകൃതിയുടെ സൗന്ദര്യം ആസ്വദിച്ച് കിടന്നുറങ്ങുകയായിരുന്നുവെന്ന് ഇന്‍ഗെ പറഞ്ഞു. പോലീസ് എത്തി വിളിച്ചുണര്‍ത്തിയപ്പോഴാണ് വനപ്രദേശത്തെ അപകടങ്ങളെ കുറിച്ച് ചിന്തിച്ചതെന്നും വന്യ ജീവികള്‍ ഇറങ്ങാനുള്ള സാധ്യ അറിയില്ലായിരുന്നുമെന്നുമാണ് ഇന്‍ഗേ പറയുന്നത്. സുരക്ഷിത ഉറക്കിന് അവസരമൊരുക്കിയ പോലീസിനോട് നന്ദിയുണ്ടെന്നും ഇനേ പറഞ്ഞു. വൈകിട്ട് അഞ്ചുമണിക്ക് ശേഷം വനപ്രദേശത്തേക്ക് സഞ്ചാരികള്‍ക്ക് പ്രവേശനമില്ല. എന്നാല്‍ വിദേശ വനിത ഏഴ്മണിക്ക് വനത്തിലേക്ക് പ്രവേശിക്കുന്നത് തടയാന്‍ അധികൃതര്‍ക്ക് കഴിഞ്ഞില്ല. സഞ്ചാരികളെ നിയന്ത്രിക്കുന്നതിന് സംവിധാനമില്ലാത്തതും ആവശ്യത്തിന് ജീവനക്കാരില്ലാത്തതും തുഷാരഗിരിയില്‍ലെത്തുന്നവരുടെ സുരക്ഷ ഉറപ്പാക്കുന്നതിന് തടസ്സമാവുന്നുണ്ട്. സംഭവത്തില്‍ വനം വകുപ്പും പോലീസും കേസെടുക്കാത്തതിനാല്‍ യുവതിയെ കോഴിക്കോട് റെയില്‍വേ സ്‌റ്റേഷനിലെത്തിച്ച് ചെന്നൈക്കയച്ചു.
 
പൊതുജനങ്ങളുടെ ആവശ്യങ്ങള്‍ നിര്‍വഹിക്കുകയാണ് സര്‍ക്കാറിന്റെ ലക്ഷ്യം ഉമ്മന്‍ചാണ്ടി.
എളേറ്റില്‍: സര്‍ക്കാറിന്റെ സാമ്പത്തിക പ്രയാസങ്ങള്‍ പരിഗണിക്കാതെ പൊതുജനങ്ങളുടെ ആവശ്യങ്ങള്‍ നിര്‍വഹിക്കുകയാണ് സര്‍ക്കാറിന്റെ ലക്ഷ്യമെന്ന് മുഖ്യമന്ത്രി ഉമ്മന്‍ചാണ്ടി. കൊടുവള്ളി ഗവ. ആര്‍സ് കോളേജിന്റെ ഉദ്ഘാടനവും കെട്ടിട ശിലാസ്ഥാപനവും എളേറ്റില്‍ വട്ടോളിയില്‍ നിര്‍വഹിച്ച് സംസാരിക്കുകയായിരുന്നു അദ്ധേഹം. ഉന്നത വിദ്യാഭ്യാസത്തിന് പരമാവധി സൗകര്യങ്ങള്‍ വിദ്യാര്‍ത്ഥികള്‍ക്ക് ലഭിക്കണം. രക്ഷിതാക്കള്‍ ആഗ്രഹിക്കുന്ന രീതിയില്‍ അവര്‍ക്ക് പഠിക്കാന്‍ കഴിയണം. സാമ്പത്തിക ബാധ്യത പരിഗണിക്കാതെയാണ് സംസ്ഥാനത്ത് പുതിയ കോളേജുകളും താലൂക്കുകളും ആരംഭിച്ചതെന്നും ജനങ്ങള്‍ ആഗ്രഹിക്കുന്ന സേവനങ്ങള്‍ അവര്‍ക്ക് ലഭിക്കണമെന്നും മുഖ്യമന്ത്രി പറഞ്ഞു.
 
 
 
 

All rights reserved | Website developed and maintained by Zyonz Technologies