12-Nov-2019 (Tue)
 
 
 
പന്നൂര്‍ വെസ്റ്റ് എ എം എല്‍ പി സ്‌കൂള്‍ വാര്‍ഷികാഘോഷം ഉത്സവമാക്കി നാട്ടുകാര്‍
പന്നൂര്‍: പന്നൂരിന്റെ വിജ്ഞാന വിളക്കായ പന്നൂര്‍ വെസ്റ്റ് എ എം എല്‍ പി സ്‌കൂളിന്റെ വാര്‍ഷികം പൂര്‍വ വിദ്യാര്‍ത്ഥികളുടെയും നാട്ടുകാരുടെയും സാന്നിധ്യം കൊണ്ട് ആഘോഷമായി. വാര്‍ഷികാഘോഷ പരിപാടികള്‍ വാര്‍ഡ് മെമ്പര്‍ കെ കെ ജാഫര്‍ അഷ്‌റഫ് ഉദ്ഘാടനം ചെയ്തു. പി ടി എ പ്രസിഡന്റ് പി കെ അബ്ദുസ്സലാം അധ്യക്ഷത വഹിച്ചു. ആള്‍ ഇന്ത്യാ ഇന്‍സ്റ്റിറ്യൂട്ട് ഓഫ് മെഡിക്കല്‍ സയന്‍സില്‍ പ്രവേശനം നേടിയ പൂര്‍വ വിദ്യാര്‍ത്ഥി മുഹമ്മദ് ജദീറിനെ ബി പി ഒ. വി എം മെഹറലി ഉപഹാരം നല്‍കി ആദരിച്ചു. കേരള മാപ്പിള കലാ അക്കാദമി അംഗം പക്കര്‍ പന്നൂര്‍ മുഖ്യ പ്രഭാഷണം നടത്തി. പ്രധാനാധ്യാപിക റുഖിയ, കെ ഹുസ്സൈന്‍ മാസ്റ്റര്‍, ഒ സുലൈമാന്‍, കെ അബ്ദുറഹിമാന്‍ മാസ്റ്റര്‍ തുടങ്ങിയവര്‍ സംസാരിച്ചു. തുടര്‍ന്ന് വിദ്യാര്‍ത്ഥികളുടെ വിവിധ കലാ പരിപാടികളും നടന്നു.
 
കേരള വ്യാപാരി വ്യവസായി സമിതി താമരശ്ശേരി മേഖല സമ്മേളനം നടത്തി
താമരശ്ശേരി: കേരള വ്യാപാരി വ്യവസായി സമിതി താമരശ്ശേരി മേഖല സമ്മേളനം സംസ്ഥാന സമിതി അംഗം വി കെ തുളസിദാസ് ഉദ്ഘടനം ചെയ്തു. ജില്ലാ സെക്രട്ടറി സി കെ വിജയന്‍ മുഖ്യ പ്രഭാഷണം നടത്തി. മേഖല പ്രസിഡന്റ് കെ ടി ഹംസ അധ്യക്ഷത വഹിച്ചു. സമ്മേളനത്തില്‍ മേഖല സെക്രട്ടറി ഒ കെ നാരായണന്‍ പ്രവര്‍ത്തന റിപ്പോര്‍ട്ടും പി ബി ശ്രീഷൈന്‍ വരവ് ചിലവ് കണക്കും അവതരിപ്പിച്ചു. ജില്ല വൈസ് പ്രസിഡന്റ് ടി മരക്കാര്‍, ജില്ല ജോയിന്റ് സെക്രട്ടറി കെ എം റഫീഖ്, ജില്ല കമ്മറ്റി അംഗം ടി എ അശോക്, കെ ടി ബെന്നി എന്നിവര്‍ സംസാരിച്ചു. കെ ടി ഹംസ (മേഖല പ്രസിഡന്റ്), ബി പി ശ്രീഷൈന്‍ (മേഖല സെക്രട്ടറി), ഒ കെ നാരായണന്‍ (മേഖല ട്രെഷറര്‍), ആര്‍ കെ മുഹമ്മദ് (വൈസ് പ്രസിഡന്റ്), വേണു ഗോപാല്‍ (വൈസ് പ്രസിഡന്റ്), വി പി ജിജി ഹരിദാസ് (വൈസ് പ്രസിഡന്റ്), പി വാസു (ജോയിന്റ് സെക്രട്ടറി), പി പി ബാബു (ജോയിന്റ് സെക്രട്ടറി), ബിന്ദു കെ (ജോയിന്റ് സെക്രട്ടറി) എന്നിവരെ പുതിയ ഭാരവാഹികളായി തിരഞ്ഞെടുത്തു.
 
ട്രാഫിക്ക് സിഗ്‌നല്‍ ബോര്‍ഡുകള്‍ വൃത്തിയാക്കി
താമരശേരി: ജെ സി ഐ താമരശേരി ടൗണ്‍ ചാപ്റ്ററിന്റെ നേതൃത്വത്തില്‍ താമരശേരി ടൗണിലെ ട്രാഫിക് ബോര്‍ഡുകള്‍ വൃത്തിയാക്കി. കറപുരണ്ടതും വള്ളികള്‍ കയറി മൂടിയതുമായ ബോര്‍ഡുകളാണ് വൃത്തിയാക്കിയത്. താമരശേരി ട്രാഫിക്ക് എസ് ഐ അബ്ദുള്‍ മജീദ് ശുചീകരണ പ്രവര്‍ത്തി ഉദ്ഘാടനം ചെയ്തു. ജെ സി ഐ പ്രസിഡന്റ് ജോബിന്‍ ജോണ്‍ അധ്യക്ഷത വഹിച്ചു. ജെ സി ഐ സോണ്‍ ഓഫീസര്‍മാരായ മനോജ് ജേക്കബ്, അനീഷ് ജോണ്‍, അബ്ദുള്‍ ജലീല്‍, സൂരജ് ജോണ്‍, കെ ആര്‍ ഗിരീഷ്, ജിബിന്‍ ചാക്കോ, ജോര്‍ജ്ജ് ജോണ്‍, അബ്ദുള്‍ മുനീര്‍ എന്നിവര്‍ ശുചീകരണ പ്രവര്‍ത്തനങ്ങള്‍ക്ക് നേത്യത്വം നല്‍കി.
 
പൂനൂര്‍ ഹജ്ജ് ക്യാമ്പ് ഞായറാഴ്ച
പൂനൂര്‍: ഈ വര്‍ഷം ഹജ്ജ് ഉദ്ദേശിച്ച തീര്ഥാടകര്‍ക്കുള്ള ഹജ്ജ് ക്യാമ്പ് മാര്‍ച്ച് 17 ഞായറാഴ്ച പൂനൂര്‍ ഇശാഅത്തില്‍ നടക്കും. പൂനൂര്‍ സോണ്‍ എസ് വൈ എസ് സംഘടിപ്പിക്കുന്ന ക്യാമ്പ് കേരള ഹജ്ജ് കമ്മിറ്റി ചെയര്‍മാന്‍ സി മുഹമ്മദ് ഫൈസി ഉദ്ഘാടനം ചെയ്യും. രാവിലെ 9:30 മുതല്‍ 4:30 വരെ നീണ്ടുനില്‍ക്കുന്ന പരിപാടിയില്‍ പ്രായോഗിക പരിശീലനത്തിന് പ്രമുഖ പണ്ഡിതന്മാര്‍ നേതൃത്വം നല്‍കും. കൂടുതല്‍ വിവരങ്ങള്‍ക്ക് 7559986840, 9745076840 എന്നീ നമ്പറുകളില്‍ ബന്ധപ്പെടുക.
 
പീപ്പിള്‍സ് ഫൗണ്ടേഷന്‍ നിര്‍ധന കുടുംബത്തിന് വീടൊരുക്കി
താമരശ്ശേരി: തച്ചംപൊയില്‍ പുളിയാറക്കല്‍ നിര്‍ധന കുടുംബത്തിന് വേണ്ടി പീപ്പിള്‍സ് ഫൗണ്ടേഷന്‍ നിര്‍മ്മിച്ച വീടിന്റെ താക്കോല്‍ദാനം വാര്‍ഡ് മെമ്പര്‍ എന്‍ പി മുഹമ്മദലി നിര്‍വഹിച്ചു. ജമാഅത്തെ ഇസ്‌ലാമി താമരശ്ശേരി ഏരിയ പ്രസിഡണ്ട് ആര്‍ കെ അബ്ദുല്‍ മജീദ് അധ്യക്ഷത വഹിച്ചു. എം എ യൂസുഫ് ഹാജി സ്വാഗതം പറഞ്ഞു. സൈനുല്‍ ആബിദീന്‍ തങ്ങള്‍ പ്രാര്‍ത്ഥന നിര്‍വഹിച്ചു.
 
ബാലുശ്ശേരി: ബാലുശ്ശേരി വി ട്രസ്റ്റ് കണ്ണാശുപത്രിയില്‍ മാര്‍ച്ച് 15 മുതല്‍ 31 വരെ സൗജന്യ കാഴ്ച പരിശോധന ക്യാമ്പ് നടത്തുന്നു. ക്യാമ്പില്‍ പങ്കെടുക്കുന്നവര്‍ക്ക് അനുബന്ധ ടെസ്റ്റുകളും സ്‌കാനിങും തിമിര ശാസ്ത്രക്രിയയും സൗജന്യമായിരിക്കും. കണ്ണട ആവശ്യമുള്ളവര്‍ക്ക് 30% വരെ ഡിസ്‌കൗണ്ടില്‍ കണ്ണട നല്‍കുന്നു. പേര് രജിസ്റ്റര്‍ ചെയ്യാന്‍ 04962641030, 9072201050 എന്നീ നമ്പറുകളില്‍ വിളിക്കുക.
 
കൊടുവള്ളി: ഗ്ലോബല്‍ കേരള പ്രവാസി അസോസിയേഷന്‍ കോഴിക്കോട് ജില്ലാ ജനറല്‍ ബോഡി മാര്‍ച്ച് 22 ന് വൈകിട്ട് 3 മണിക്ക് കൊടുവള്ളി സ്വര്‍ണ ഭവന്‍ ഓഡിറ്റോറിയത്തില്‍ വച്ച് നടക്കും. സംസ്ഥാന പ്രസിഡണ്ട് സിദ്ധിക്ക് കൊടുവള്ളി, സംസ്ഥാന ജനറല്‍ സെക്രട്ടറി ഡോ. സോമന്‍ ആലപ്പുഴ, സംസ്ഥാന സെക്രട്ടറി അഡ്വ. നോവല്‍ രാജു, സംസ്ഥാന ട്രഷറര്‍ എം എം അമീന്‍ കൊല്ലം, സംസ്ഥാന മെമ്പര്‍ഷിപ്പ് കോഡിനേറ്റര്‍ ബേബിച്ചന്‍ കോട്ടയം, സംസ്ഥാന വൈസ് പ്രസിഡണ്ട് സാജിത വൈത്തിരി, സംസ്ഥാന സെക്രട്ടറി റോയ് മാത്യു വയനാട് തുടങ്ങി സംസ്ഥാന/ ജില്ല/ താലൂക്ക്/ പഞ്ചായത്ത് തല ഗ്ലോബല്‍ കേരള പ്രവാസി അസോസിയേഷന്‍ മെമ്പര്‍മാരും ഭാരവാഹികളും പങ്കെടുക്കും.
 
കൊടുവളളി: എല്‍ ഡി എഫ് കൊടുവളളി നിയോജക മണ്ഡലം തെരഞ്ഞെടുപ്പ് കണ്‍വന്‍ഷന്‍ വെളളിയാഴ്ച വൈകിട്ട് 5 മണിക്ക് കൊടുവളളി മിനി സ്റ്റേഡിയത്തില്‍ നടക്കും. ഐ എന്‍ എല്‍ സംസ്ഥാന ജനറല്‍ സെക്രട്ടറി കാസിം ഇരിക്കൂര്‍ ഉദ്ഘാടനം ചെയ്യും. കാരാട്ട് സാഖ് എം എല്‍ എ, പി ടി എ റഹീം എം എല്‍ എ, എല്‍ ഡി എഫ് ജില്ലാ കണ്‍വീനര്‍ മുക്കം മുഹമ്മദ്, സി പി എം ജില്ലാ സെക്രട്ടറിയേറ്റ് അംഗം എം മെഹബൂബ്, സി പി ഐ സംസ്ഥാന കൗണ്‍സില്‍ അംഗം ആര്‍ ശശി, എല്‍ ജെ ഡി യുവജന വിഭാഗം അഖിലേന്ത്യാ പ്രസിഡണ്ട് സലിം മടവൂര്‍, ജനതാദള്‍ (എസ്) ജില്ലാ പ്രസിഡണ്ട് കെ ലോഹ്യ, സാലിഹ് കൂടത്തായ് എന്നിവര്‍ പങ്കെടുക്കും.
 
പൂനൂര്‍ ഗവ. യു പി സ്‌കൂളില്‍ മോട്ടിവേഷന്‍ ക്ലാസ്സ് സംഘടിപ്പിച്ചു
പൂനൂര്‍: പൂനൂര്‍ ഗവ. യു പി സ്‌കൂളില്‍ പരീക്ഷയെ എങ്ങനെ അഭിമുഘീകരിക്കാം എന്ന വിഷയത്തില്‍ മോട്ടിവേഷന്‍ ക്ലാസ്സ് സംഘടിപ്പിച്ചു. പ്രമുഖ ട്രൈനര്‍ ജെ സി സി സാദിക്ക് അലി ക്ലാസെടുത്തു. ഹെഡ്മാസ്റ്റര്‍ ബാലന്‍, പി ടി എ പ്രസിഡന്റ് അബ്ദുല്‍ സുക്കൂര്‍, സലാം മാസ്റ്റര്‍, സലാം മലയമ്മ, കലാം എന്നിവര്‍ സംസാരിച്ചു.
 
സ്‌കൂള്‍ വാര്‍ഷികാഘോഷവും യാത്രയയപ്പ് സമ്മേളനവും നടത്തി
പൂനൂര്‍: പൂനൂര്‍ ജി എം യു പി സ്‌കൂളില്‍ തൊണ്ണൂറ്റി നാലാം വാര്‍ഷികാഘോഷവും ഇ ബാലന്‍(ഹെഡ്മാസ്റ്റര്‍), എച്ച് റസിയ, കെ കെ പത്മനാഭന്‍, പി ബാബു രാജന്‍, കെ പി സഹീര്‍( ബി പി ഒ ബാലുശ്ശേരി) എന്നിവര്‍ക്കുള്ള യാത്രയപ്പ് സമ്മേളനവും നടത്തി. പുരുഷന്‍ കടലുണ്ടി എം എല്‍ എ ഉദ്ഘാടനം ചെയ്തു. പി ടി എ പ്രസിഡന്റ് അബ്ദുല്‍ ശുക്കൂര്‍ അധ്യക്ഷത വഹിച്ചു. സീനിയര്‍ അസിസ്റ്റന്റ് എം എസ് സുവര്‍ണ്ണ വാര്‍ഷിക റിപ്പോര്‍ട്ട് അവതരിപ്പിച്ചു. സീറോ വേസ്റ്റ് മാനേജ്‌മെന്റ് പദ്ധതി പ്രകാരം നിര്‍മ്മിച്ച ഇന്‍സ്റ്റലേഷന്‍ വിദ്യാര്‍ത്ഥികള്‍ എം എല്‍ എക്ക് സമര്‍പ്പിച്ചു.
 
 
 
 

All rights reserved | Website developed and maintained by Zyonz Technologies