07-Dec-2019 (Sat)
 
 
 
ചെമ്പ്ര ഗവ. എല്‍ പി സ്‌കൂള്‍ വാര്‍ഷികാഘോഷവും യാത്രയയപ്പും
താമരശ്ശേരി: ചെമ്പ്ര ഗവ. എല്‍ പി സ്‌കൂള്‍ വാര്‍ഷികാഘോഷവും വിരമിക്കുന്ന പ്രധാനാധ്യാപിക മോളി ഫ്രാന്‍സിസിനുള്ള യാത്രയയപ്പ് പരിപാടിയും താമരശ്ശേരി ഗ്രാമ പഞ്ചായത്ത് വൈസ് പ്രസിഡണ്ട് നവാസ് ഈര്‍പ്പോണ ഉല്‍ഘാടനം ചെയ്തു. വാര്‍ഡ് മെമ്പര്‍ അഡ്വ. ഒ കെ അഞ്ജു അധ്യക്ഷത വഹിച്ചു. എസ് എം സി ചെയര്‍മാന്‍ ഉസ്മാന്‍ പി ചെമ്പ്ര, പി കെ മുഹമ്മദ് ഹാജി, ടി കെ അരവിന്ദാക്ഷന്‍, പി നാസര്‍, ടി കെ വിനോദ്, പി സുനില്‍കുമാര്‍, ടി ടി റഷീദ്, യഹ്‌യാ ഖാന്‍, പി കെ ബുഷ്‌റ, പി കെ രാധാകൃഷ്ണന്‍, പി കെ സത്യന്‍, സി കെ ലീല, ഒ പി ഉണ്ണി, കെ പി ഹരിദാസന്‍ എന്നിവര്‍ സംസാരിച്ചു. ഹെഡ്മിസ്ട്രസ്സ് മോളി ഫ്രാന്‍സിസ് മറുപടി പ്രസംഗം നടത്തി. സ്‌കൂളില്‍ നിന്ന് എല്‍ എസ് എസ് സ്‌കോളര്‍ഷിപ്പ് കരസ്ഥമാക്കിയ സന ഫാത്തിമ, സിന്റ രവീന്ദ്രന്‍, ടി കെ ശ്വേത, യു ബി അവന്തിക എന്നിവര്‍ക്ക് കാഷ് അവാര്‍ഡുകള്‍ വിതരണം ചെയ്തു. മെഡിക്കല്‍ എഞ്ചിനീയറിംഗ് മേഖലയില്‍ ഉന്നത പഠനം നേടിയ സ്‌കൂളിലെ പൂര്‍വ്വ വിദ്യാര്‍ഥികളായ ഡോ. അഭിന്‍രാജ്, ഡോ. ടി കെ അഞ്ജലി, ഡോ. ടി ടി നസ്റിന്‍, അഡ്വ. ഒ കെ അഞ്ജു, അസോസിയേറ്റ് പ്രൊഫ. എ ആര്‍ അനുശ്രീ, വി സി ഷിബില, ഒ പി ദീപ്തി, ടി ടി ഷെറിന്‍, പി എസ് ദര്‍ശന, പി ഷല്‍ന എന്നിവരെ അനുമോദിച്ചു. വിദ്യാര്‍ഥികളുടെ വിവിധ കലാ പരിപാടികളും അരങ്ങേറി.
 
ഓള്‍ കേരള ഫോട്ടോഗ്രാഫേഷ്‌സ് അസോസിയേഷന്‍ കോഴിക്കോട് റൂറല്‍ മേഖല ഐഡന്ററ്റി കാര്‍ഡ് വിതരണം ചെയ്തു
കൊടുവള്ളി: ഓള്‍ കേരള ഫോട്ടോഗ്രാഫേഷ്‌സ് അസോസിയേഷന്‍ കോഴിക്കോട് റൂറല്‍ മേഖല ഐഡന്ററ്റി കാര്‍ഡ് വിതരണ പരിപാടി ജില്ലാ പ്രസിഡന്റ് സജീഷ് മണി റൂറല്‍ പ്രസിഡന്റ് ബോബന്‍ സൂര്യയ്ക്ക് നല്‍കി കൊണ്ട് ഉദ്ഘാടനം ചെയ്തു. കൊടുവള്ളി സ്വര്‍ണ്ണ ഭവന്‍ ഓഡിറ്റോറിയത്തില്‍ വെച്ച് നടന്ന പരിപാടിയില്‍ ജില്ലാ സെക്കട്ടറി ചന്ദ്രന്‍ പാറക്കടവ്, മേഖല ഇന്‍ ചാര്‍ജ് ജ്യോതിഷ് കുമാര്‍, സംസ്ഥാന കമ്മറ്റി അംഗം രമേഷ് എന്നിവര്‍ സംസാരിച്ചു. മേഖലാ സെക്കട്ടറി വിനോദ് കോളിക്കല്‍ സ്വാഗതവും മേഖല ട്രഷറര്‍ ശ്യാം കാന്തപുരം നന്ദിയും പറഞ്ഞു.
 
പ്രഥമ ജനറല്‍ബോഡി യോഗവും സര്‍ട്ടിഫിക്കറ്റ് വിതരണവും
താമരശേരി: ജില്ലാ പട്ടികജാതി ലേബര്‍ കോണ്‍ട്രാക്ട് കോ-ഓപ്പറേറ്റീവ് സൊസൈറ്റി പ്രഥമ ജനറല്‍ബോഡി യോഗവും സര്‍ട്ടിഫിക്കറ്റ് വിതരണവും നടത്തി. താമരശേരി ഗവ. യു പി സ്‌കൂളില്‍ നടന്ന യോഗം താമരശേരി യൂണിറ്റ് കോ-ഓപ്പറേറ്റീവ് ഇന്‍സ്പക്ടര്‍ ഷൈമ ഉദ്ഘാടനം ചെയ്തു. എം കെ രാജന്‍ അധ്യക്ഷത വഹിച്ചു. ചീഫ് പ്രമോട്ടര്‍ കെ പി ഹരിദാസന്‍, ഇ പി സജികുമാര്‍, കെ വിലാസിനി, കെ വി ഷീജ സുരേഷ്, പി കെ ലത, ശ്രീബിന്‍, കെ എം രാജന്‍ എന്നിവര്‍ പ്രസംഗിച്ചു.
 
സഹകരണ നാട്ടുചന്ത സൂപ്പര്‍ മാര്‍ക്കറ്റ് ഉദ്ഘാടനം ചെയ്തു
താമരശ്ശേരി: നിത്യോപയോഗ സാധനങ്ങളും നാടന്‍ വിഭവങ്ങളും കര്‍ഷക- സ്ത്രീ കൂട്ടായ്മകളുടെ ഉല്‍പന്നങ്ങളുമായി കട്ടിപ്പാറ സര്‍വ്വീസ് സഹകരണ ബേങ്ക് അമ്പായത്തോട്ടില്‍ സഹകരണ നാട്ടുചന്ത എന്ന പേരില്‍ ആരംഭിച്ച സൂപ്പര്‍ മാര്‍ക്കറ്റ് താമരശ്ശേരി അസിസ്റ്റന്റ് രജിസ്റ്റാര്‍ (ജനറല്‍) ബി സുധ ഉദ്ഘാടനം ചെയ്തു. ബേങ്ക് പ്രസിഡന്റ് കെ ആര്‍ രാജന്‍ അധ്യക്ഷത വഹിച്ചു. സെക്രട്ടറി ഷെറിന്‍ പി ഭാസ്‌കരന്‍ സ്വാഗതവും വൈസ് പ്രസിഡന്റ് സജി എം ജോസഫ് നന്ദിയും പറഞ്ഞു. താമരശ്ശേരി യൂണിറ്റ് ഇന്‍സ്‌പെക്ടര്‍ എം സി ഷൈമ, ജൂനിയര്‍ ഓഡിറ്റര്‍ സരിത മേരി അലക്‌സ്, കട്ടിപ്പാറ കൃഷി ഓഫീസര്‍ കെ കെ മുഹമ്മദ് ഫൈസല്‍, സഹീര്‍ എം, എ ടി ഹാരിസ്, കെ കെ അപ്പുക്കുട്ടി എന്നിവര്‍ സംസാരിച്ചു.
 
മെഗാക്വിസ് ഗ്രാന്റ് ഫിനാലെ വിദ്യാര്‍ത്ഥികള്‍ക്ക് നവ്യാനുഭവമായി
വെളിമണ്ണ: വെളിമണ്ണ ജി എം യു പി സ്‌കൂളിലെ ഒരുവര്‍ഷം നീണ്ടു നിന്ന ക്വിസ് മത്സരങ്ങളുടെ ഗ്രാന്റ് ഫിനാലെ സ്റ്റേജ് ഷോ വിദ്യാര്‍ത്ഥികള്‍ക്ക് നവ്യാനുഭവമായി. അധ്യയന വര്‍ഷാദ്യം മുതല്‍ നടന്നു വരുന്ന പ്രതിവാര ക്ലാസ് തല ക്വിസ് മത്സരത്തിന്റെ സമാപനം കൂടിയായിരുന്നു ഗ്രാന്റ് ഫിനാലെ. ഓരോ ആഴ്ചയും വിജയികള്‍ക്ക് പ്രത്യേക സമ്മാനങ്ങള്‍ നല്‍കിയിരുന്നു. പ്രതിവാര ക്വിസ് മത്സരങ്ങളില്‍ ഓരോ ക്ലാസ്സില്‍ നിന്നും മികച്ച സ്‌കോര്‍ നേടിയ പത്തു പേരെ വീതം തെരഞ്ഞെടുത്ത് അവര്‍ക്ക് വീണ്ടും മത്സരം നടത്തി അതില്‍ ഓരോ ക്ലാസ്സില്‍ നിന്നും ഏറ്റവും കൂടുതല്‍ മാര്‍ക്ക് സ്‌കോര്‍ ചെയ്ത ഇരുപത്തിയഞ്ച് മത്സരാര്‍ത്ഥികളാണ് മൂന്നു വിഭാഗങ്ങളിലായി നടന്ന മെഗാ ക്വിസില്‍ മാറ്റുരച്ചത്. കുട്ടികളോടൊപ്പം രക്ഷിതാക്കളും പങ്കാളികളായി.
 
കാന്തപുരം ജി എല്‍ പി സ്‌കൂള്‍ വാര്‍ഷികാഘോഷം
കാന്തപുരം: കാന്തപുരം ജി എല്‍ പി സ്‌കൂള്‍ വാര്‍ഷികാഘോഷ പരിപാടികള്‍ പുരുഷന്‍ കടലുണ്ടി എം എല്‍ എ ഉദ്ഘാടനം ചെയ്തു. വാര്‍ഡ് മെമ്പര്‍ കെ പി സക്കീന അദ്ധ്യക്ഷത വഹിച്ചു. ഗായകന്‍ ജവാദ് കാന്തപുരം, പി ടി എ പ്രസിഡന്റ് അജിമാസ്റ്റര്‍, പ്രധാനധ്യാപിക മൈമൂനത്ത് ടീച്ചര്‍, എ പി രാഘവന്‍, രാജന്‍മാണിക്കോത്ത്, നവാസ് മേപ്പാട്ട് എന്നിവര്‍ സംസാരിച്ചു. കുട്ടികളുടെ കലാപരിപാടികള്‍ വാര്‍ഷികാഘോഷത്തിന് മാറ്റ് കൂട്ടി.
 
ചിത്ര രചന മത്സരം സംഘടിപ്പിച്ചു
താമരശ്ശേരി: ജെ സി ഐ താമരശേരി ടൗണ്‍ ചാപ്റ്ററിന്റെ ആഭിമുഖ്യത്തില്‍ കുട്ടികള്‍ക്കായി ചിത്രരചനാ മത്സരം സംഘടിപ്പിച്ചു. ജെ സി ഐ പ്രസിഡന്റ് ജോബിന്‍ ജോണ്‍ ഉദ്ഘാടനം ചെയ്തു. ജൂനിയര്‍ ജെ സി ചെയര്‍പേഴ്സണ്‍ ആര്‍ഷ ഗിരീഷ് അധ്യക്ഷത വഹിച്ചു. ഫെഡറല്‍ ബാങ്ക് അസി. മാനേജര്‍ ബിന്നി ബെന്നി സമ്മാനദാനം നിര്‍വ്വഹിച്ചു. ആസിഫ് ചമല്‍, കെ ജെ ബെന്നി, സി വി പൗലോസ്, കെ ആര്‍ ഗിരീഷ് എന്നിവര്‍ പ്രസംഗിച്ചു. ഐശ്വര്യ സന്തോഷ് ഒന്നാം സ്ഥാനം നേടി. മത്സരത്തില്‍ പങ്കെടുത്ത മുഴുവന്‍ കുട്ടികള്‍ക്കും പ്രോത്സാഹന സമ്മാനങ്ങളും നല്‍കി.
 
വാവാട് ക്ഷേത്ര ഉത്സവം: താലപ്പൊലി എഴുന്നള്ളത്ത് ഭക്തിസാന്ദ്രമായി
കൊടുവള്ളി: വാവാട് ഭഗവതി ക്ഷേത്രം തെയ്യത്തിന് കാവ് പ്രതിഷ്ഠാദിനഉത്സവത്തിന്റെ ഭാഗമായി നടന്ന താലപ്പൊലി എഴുന്നള്ളത്ത് ഭക്തിസാന്ദ്രമായി. വൈകിട്ട്നമ്പീശന്‍ പാറയില്‍ നിന്നും ആരംഭിച്ച താലപ്പൊലി എഴുന്നള്ളത്തില്‍ സ്ത്രീകളും കുട്ടികളും ഉള്‍പ്പെടെ നൂറുകണക്കിനാളുകള്‍ പങ്കെടുത്തു. താലപ്പൊലിക്ക് ഇരുമോത്ത് മസ്ജിദിനു മുന്നില്‍ മുസ്ലീം സഹോദരന്മാര്‍ സ്വീകരണം നല്‍കുകയും താലപ്പൊലിയില്‍ പങ്കെടുത്തവര്‍ക്കെല്ലാംമധുര പലഹാരവും ശീതള പാനീയവുംവിതരണം ചെയ്യുകയും ചെയ്തു. രാത്രി നടന്ന ഗുരുതി തര്‍പ്പണത്തോടെ ഉത്സവം സമാപിച്ചു.
 
കലക്ട്രേറ്റിന്റെ അടിസ്ഥാന സൗകര്യ വികസനത്തിന് ലീഡ് ബാങ്കിന്റെ സഹായം
കോഴിക്കോട്: ദിവസേന നൂറുകണക്കിന് ആളുകള്‍ സേവനം തേടിയെത്തുന്ന കലക്ട്രേറ്റില്‍ അടിസ്ഥാന സൗകര്യ വികസനത്തിന് ലീഡ് ബാങ്കിന്റെ സഹായം. മൂന്ന് പേര്‍ക്ക് ഇരിക്കാവുന്ന 15 കസേരകളാണ് ലീഡ് ബാങ്ക് നല്‍കിയത്. ആദ്യ ഗഡുവായി സ്റ്റേറ്റ് ബാങ്ക് ഓഫ് ഇന്ത്യ 60000 രൂപയും പഞ്ചാബ് നാഷണല്‍ ബാങ്ക് 20000 രൂപയും നല്‍കി.
 
കൊടുവള്ളിയുടെ പ്രതിഭകളെ ആദരിച്ച് സ്വനം
കൊടുവള്ളി: നാടിന്റെ യശസുയര്‍ത്തിയ പ്രതിഭകള്‍ക്ക് സാമൂഹ്യ സാംസ്‌കാരിക സംഘടനയായ സ്വനത്തിന്റെ ആദരം. കൊടുവള്ളിയില്‍ ജനിച്ച് രാജ്യത്തിന്റെ അഭിമാന ബഹുമതിയായ പത്മശ്രീ പുരസ്‌കാരം നേടിയ പുരാവസ്തു ഗവേഷകന്‍ കെ കെ മുഹമ്മദ്, അന്താരാഷ്ട്ര ശ്രദ്ധ നേടിയ ചിത്രകാരന്‍ ഷിനോദ് അക്കരപ്പറമ്പില്‍, തെയ്യം കലാകാരന്‍ കെ കെ ഗോപാലന്‍ കുട്ടി എന്നിവരെയാണ് ആദരിച്ചത്. ഒളിംപ്യന്‍ പി ടി ഉഷ ചടങ്ങ് ഉദ്ഘാടനം ചെയ്തു. നാട്ടിലെ വായനാ ശാലയില്‍ നിന്ന് കിട്ടിയ ആദ്യകാല അറിവുകള്‍ പിന്നീട് ഉയരങ്ങളിലെത്താന്‍ സഹായമായെന്ന് കെ കെ മുഹമ്മദ് പറഞ്ഞു. സ്വനം പ്രസിഡണ്ട് ബൈജു കൊടുവള്ളി അധ്യക്ഷത വഹിച്ചു. അന്‍വര്‍ സ്വാഗതവും ആര്‍ സി വിനോദ് നന്ദിയും പറഞ്ഞു. തുടര്‍ന്ന് ഗാനസന്ധ്യയും അരങ്ങേറി.
 
 
 
 

All rights reserved | Website developed and maintained by Zyonz Technologies