02-Jul-2020 (Thu)
'കോവിഡിനോട് പൊരുതി ജയിക്കുന്ന കേരളം' പുസ്തകത്തിന്റെ ജില്ലാതല പ്രകാശനം നടന്നു മുഖ്യ മന്ത്രിയുടെ പ്രാദേശിക റോഡ് പുനരുദ്ധാരണ പദ്ധതിക്ക് തുടക്കമായി താമരശ്ശേരി എ ഇ ഒ ഒഫീസിന് മുന്‍പില്‍ കെ എസ് യു ധര്‍ണ്ണ നടത്തി താമരശ്ശേരി ചമല്‍ കേളന്‍മൂല ഭാഗത്ത് നിന്നും വാഷും ചാരായവും പിടിച്ചെടുത്തു പ്ലാസ്റ്റിക് ടോള്‍ ബൂത്തുകള്‍ സ്ഥാപിച്ചു പുതുപ്പാടിയില്‍ കാട്ടുപന്നികളെ വെടിവെച്ചുകൊല്ലുന്നതിനുള്ള നടപടികള്‍ക്കായി ജാഗ്രതാ സമിതി ചേര്‍ന്നു കര്‍ഷക കൂട്ടായ്മ താമരശ്ശേരി ഫോറസ്റ്റ് റെയ്ഞ്ച് ഓഫീസിലേക്ക് മാര്‍ച്ച് നടത്തി മുഖത്ത് പ്ലാസ്റ്റിക് ഡബ്ബ കുടുങ്ങിയ കുറുക്കനെ രക്ഷപ്പെടുത്തി തൃക്കുറ്റിശ്ശേരി വയല്‍ പീടിക പുതിയപാലം മന്ത്രി ജി സുധാകരന്‍ നാടിന് സമര്‍പ്പിച്ചു സ്മാര്‍ട്ട് ചാലഞ്ചില്‍ റിപ്പയര്‍ ചെയ്ത ഫോണുകള്‍ അദ്ധ്യാപകര്‍ക്കു കൈമാറി പുല്ലാളൂര്‍ പുറായില്‍ ഒലോറക്കുന്ന് റോഡ് മന്ത്രി ഉദ്ഘാടനം ചെയ്തു
 
 
 
1 2 3
 
ഭിന്നശേഷി സൗഹൃദ തെരഞ്ഞെടുപ്പ്: വാഹന ജാഥ ഫ്‌ളാഗ് ഓഫ് ചെയ്തു
കോഴിക്കോട്: ജില്ലാ ഭരണക്കൂടത്തിന്റെ ആഭിമുഖ്യത്തില്‍ ഭിന്നശേഷി സൗഹൃദ തെരഞ്ഞെടുപ്പ് ബോധവത്കരണത്തിന്റെ ഭാഗമായി നടത്തിയ വീഡിയോ ഓഡിയോ പ്രദര്‍ശ വാഹന പ്രചരണ ജാഥ കലക്‌ട്രേറ്റില്‍ ജില്ലാ കലക്ടര്‍ സീറാം സാംമ്പശിവ റാവു ഫ്‌ളാഗ് ഓഫ് ചെയ്തു. ഭിന്നശേഷിക്കാരുടെ സംഘടനകളായ നാഷണല്‍ ട്രസ്റ്റ് എല്‍ എല്‍ സി അംഗമായ ഹുമാനിറ്റി ചാരിറ്റബിള്‍ ട്രസ്റ്റിന്റെയും കോഴിക്കോട് പരിവാറിന്റെയും സഹകരണത്തോടെയാണ് വാഹന പ്രചരണ ജാഥ സംഘടിപ്പിച്ചത്. തെരഞ്ഞെടുപ്പ് ബോധവത്കരണ പരിപാടിയായ സ്‌വീപ്പിന്റെ സംയുക്താഭിമുഖ്യത്തില്‍ നടത്തിയ ജാഥ കുന്ദമംഗലത്ത് നിന്ന് ആരംഭിച്ച് രാമനാട്ടുകര, ബേപ്പൂര്‍, റെയില്‍വെ സ്‌റ്റേഷന്‍ എന്നിവിടങ്ങള്‍ പിന്നിട്ട് കോഴിക്കോട് ബീച്ചില്‍ സമാപിച്ചു. നാഷണല്‍ ചാരിറ്റബിള്‍ ട്രസ്റ്റ് കണ്‍വീനര്‍ സി സിക്കന്ദര്‍, ഹുമാനിറ്റി ചാരിറ്റബിള്‍ ട്രസ്റ്റ് സെക്രട്ടറി പി കെ എം സിറാജ്, ഭിന്നശേഷി കുട്ടികളുടെ രക്ഷിതാക്കളുടെ സംഘടനയായ കോഴിക്കോട് പരിവാര്‍ ജില്ലാ സെക്രട്ടറി തെക്കയില്‍ രാജന്‍, ജില്ലാ ജോയന്റ് സെക്രട്ടറി ഷീന മാവൂര്‍, ജില്ലാ കമ്മിറ്റി മെമ്പര്‍മാരായ സുലൈഖ മുത്താമ്പി, സജീഷ് താമരശ്ശേരി, സുഹറാബി അത്തോളി, ബാബു കോട്ടൂളി, ഭിന്നശേഷിക്കാരായ ബി നഷാദ്, അജേഷ് രാജ്, കെ കെ നിസ്‌വാന്‍, കെ കെ നിഹാല്‍ തുടങ്ങിയവര്‍ ജാഥയില്‍ പങ്കെടുത്തു.
 
അല്‍ഫോന്‍സാ ഇംഗ്ലീഷ് മീഡിയം സ്‌കൂളില്‍ അന്താരാഷ്ട്ര ഓപ്പണ്‍ കരാട്ടെ സെമിനാര്‍ സംഘടിപ്പിച്ചു
താമരശേരി: അല്‍ഫോന്‍സാ ഇംഗ്ലീഷ് മീഡിയം സ്‌കൂളില്‍ ജെ എസ് കെ എ അന്താരാഷട്ര ഓപ്പണ്‍ കരാട്ടെ സെമിനാര്‍ സംഘടിപ്പിച്ചു. സബ് കലക്ടര്‍ വിഘ്‌നേശ്വരി ഉദ്ഘാടനം ചെയ്തു. പ്രിന്‍സിപ്പാള്‍ ഫാ. ജില്‍സണ്‍ ജോസഫ് തയ്യില്‍ അധ്യക്ഷത വഹിച്ചു. ജപ്പാനിലെ ടോക്കിയില്‍ നിന്നെത്തിയ ട്രെയിനര്‍ എയ്ജി മയേദ പരിശീലനത്തിന് നേതൃത്വം നല്‍കി. ജെ എസ് കെ എ പ്രതിനിധി സെന്‍സയ് ജി കെ ഗോപാലകൃഷ്ണന്‍, ജെ എസ് കെ എ കോഡിനേറ്റര്‍ സെന്‍സയ് ബെന്നി സെബാസ്റ്റ്യന്‍ എന്നിവര്‍ പ്രസംഗിച്ചു. കോഴിക്കോട് മലപ്പുറം ജില്ലകളിലെ വിവിധ സ്‌കൂളുകളില്‍ നിന്നെത്തിയ 200 കുട്ടികള്‍ പരിശീലനം നേടി. ഏകദിന പരിശീലനത്തില്‍ പങ്കെടുത്ത വിദ്യാര്‍ത്ഥികള്‍ക്ക് എയ്ജി മയേദ മെമന്റോകള്‍ സമ്മാനിച്ചു.
 
എല്‍ ഡി എഫ് കട്ടിപ്പാറ മേഖലാ റാലിയും പൊതുയോഗവും
കട്ടിപ്പാറ: കോഴിക്കോട് ലോക്‌സഭാ മണ്ഡലം എല്‍ ഡി എഫ് സ്ഥാനാര്‍ത്ഥി എ പ്രദീപ് കുമാറിന്റെ തിരഞ്ഞടുപ്പ് പ്രചരണാര്‍ത്ഥം എല്‍ ഡി എഫ് കട്ടിപ്പാറ മേഖലാ കമ്മിറ്റിയുടെ നേതൃത്വത്തില്‍ കട്ടിപ്പാറയില്‍ റാലിയും പൊതുയോഗവും നടത്തി. ഐ എന്‍ എല്‍ ദേശീയ സെക്രട്ടറി അഹമ്മദ് ദേവര്‍ കോവില്‍ ഉദ്ഘാടനം ചെയ്തു. കരീം പുതുപ്പാടി അധ്യക്ഷത വഹിച്ചു. സി പി നിസാര്‍, ആര്‍ ശശി, എ ലോഹ്യ, എം സുലൈമാന്‍, പി സി തോമസ്, സെബാസ്റ്റ്യന്‍ കണ്ണന്തറ, നിധീഷ് കല്ലുള്ളതോട്, ടി സി വാസു, എ പി മുസ്തഫ എന്നിവര്‍ സംസാരിച്ചു.
 
എന്റെ വോട്ട് എന്റെ അഭിമാനം; തെരഞ്ഞെടുപ്പ് ബോധവത്കരണ പോസ്റ്റര്‍ പതിച്ചു
കോഴിക്കോട്: ജില്ലാ ഭരണകൂടത്തിന്റെ നേതൃത്വത്തില്‍ സ്വീപ്പ് പദ്ധതിയുടെ ഭാഗമായി വാഹനങ്ങളില്‍ തെരഞ്ഞെടുപ്പ് ബോധവത്കരണ പോസ്റ്ററുകള്‍ പതിച്ചു. പാളയം ബസ്റ്റാന്റ്, കെ എസ് ആര്‍ ടി സി ബസ്റ്റാന്റ് എന്നിവിടങ്ങളില്‍ ബസുകളിലും സമീപത്തെ ഓട്ടോകളിലുമാണ് പോസ്റ്റര്‍ പതിപ്പിച്ചത്.
 
ജില്ലാ സ്പോര്‍ട്സ് കൗണ്‍സില്‍ ആട്യാ പാട്യാ സമ്മര്‍ കോച്ചിംഗ് ക്യാമ്പ് ആരംഭിച്ചു
കണ്ണോത്ത്: കോഴിക്കോട് ജില്ലാ സ്പോര്‍ട്സ് കൗണ്‍സിലിന്റെയും ആട്യാ പാട്യാ അസോസിയേഷന്റെയും സംയുക്താഭിമുഖ്യത്തിലുള്ള വേനലവധിക്കാല കോച്ചിങ് ക്യാമ്പ് കണ്ണോത്ത് സെന്റ് ആന്റണീസ് ഹൈസ്‌കൂള്‍ ഗ്രൗണ്ടില്‍ ആരംഭിച്ചു. ക്യാമ്പ് സംസ്ഥാന സ്പോര്‍ട്സ് കൗണ്‍സില്‍ മെമ്പര്‍ ടി എം അബ്ദുറഹിമാന്‍ മാസ്റ്റര്‍ ഉദ്ഘാടനം ചെയ്തു. ജോസ് ജോസഫ്, കെ എം ജോസഫ്, കെ വി വിനോയ്, കരീം പുതുപ്പാടി എന്നിവര്‍ സംസാരിച്ചു. സുഭാഷ് ജോസഫ് സ്വാഗതവും വി സതേഷ് നന്ദിയും പറഞ്ഞു. ഒരു മാസം നീണ്ടു നില്‍ക്കുന്ന ക്യാമ്പില്‍ 16 ദേശീയ വിജയികളും 30 സംസ്ഥാന താരങ്ങളും പങ്കെടുക്കുന്നു. സംസ്ഥാന കോച്ച് ജോസ് ജോസഫും വി പി ശ്രീജിലേഷുമാണ് ക്യാമ്പിന് നേതൃത്വം നല്‍കുന്നത്.
 
ചൈതന്യ റസിഡന്റ്‌സ് അസോസിയേഷന്‍ ഒന്നാം വാര്‍ഷികാഘോഷം
താമരശ്ശേരി: ചൈതന്യ റസിഡന്റ്‌സ് അസോസിയേഷന്‍ ഒന്നാം വാര്‍ഷികാഘോഷം പ്രശസ്ത വോളിബോള്‍ താരവും മുന്‍ ഇന്ത്യന്‍ ക്യാപ്റ്റനുമായ ഇ കെ കിഷോര്‍ കുമാര്‍ ഉദ്ഘാടനം ചെയ്തു. അസോസിയേഷന്‍ തയാറാക്കിയ വെബ്‌സൈറ്റ് ടി ഭാസ്‌ക്കരന്‍ ഐ എ എസ് പരിചയപ്പെടുത്തി. ചൈതന്യ കുടുംബാംഗങ്ങളായ എം ബി ബാലകൃഷ്ണന്റെയും മിനിയുടെയും മകളായ എം ഹര്‍ഷയുടെ ഒസ്യത്ത് എന്ന കവിതാസമാഹാരം ചിറക്കല്‍ വാരിയത്ത് പി വി ദേവരാജന്‍ മാസ്റ്റര്‍ ടി ഭാസ്‌കരന് നല്‍കിക്കൊണ്ട് പ്രകാശനം ചെയ്തു. ചൈതന്യ റസിഡന്‍സ് അസോസിയേഷന്റെ മുന്‍ സെക്രട്ടറി കെ കെ ബിനീഷ് കുമാറിനെ സ്‌നേഹോപകാരം നല്‍കി ആദരിച്ചു.
 
ജില്ലാ സ്പോര്‍ട്സ് കൗണ്‍സില്‍ ത്രോബോള്‍ കോച്ചിംഗ് ക്യാമ്പ് ആരംഭിച്ചു
പുതുപ്പാടി: കോഴിക്കോട് സ്പോര്‍ട്സ് കൗണ്‍സില്‍ ത്രോ ബോള്‍ അസോസിയേഷന്റെ നേതൃത്വത്തില്‍ സംഘടിപ്പിച്ച ജില്ലാ സമ്മര്‍ ത്രോ ബോള്‍ കോച്ചിംഗ് ക്യാമ്പ് പുതുപ്പാടി സ്പോര്‍ട്സ് അക്കാദമി ഗ്രൗണ്ടില്‍ ആരംഭിച്ചു. ക്യാമ്പ് സ്പോര്‍ട്സ് കൗണ്‍സില്‍ സ്റ്റാന്‍ഡിങ് കമ്മിറ്റി അംഗം കെ എം ജോസഫ് ഉദ്ഘാടനം ചെയ്തു. കേരള സ്പോര്‍ട്സ് കൗണ്‍സില്‍ മെമ്പര്‍ ടി എം അബ്ദുറഹിമാന്‍ അധ്യക്ഷത വഹിച്ചു. പുതുപ്പാടി സ്പോര്‍ട്സ് അക്കാദമി സെക്രട്ടറി പി ടി ഷാജി, ജോയി സബാസ്റ്റിന്‍ മാസ്റ്റര്‍, ബിജു വാച്ചാലില്‍, കെ വി മജീദ് എന്നിവര്‍ സംസാരിച്ചു. റതിക് സുന്ദര്‍ സ്വാഗതവും ത്രോ ബോള്‍ അസോസിയേഷന്‍ സെക്രട്ടറി എന്‍ വി സഫാനാസ് നന്ദിയും പറഞ്ഞു.
 
വിദ്യാര്‍ത്ഥികള്‍ക്ക് സമ്മര്‍ ഫുട്‌ബോള്‍ കോച്ചിംഗുമായി ഗാഥ കോളജ്
പൂനൂര്‍: വിദ്യാര്‍ത്ഥികളുടെ കായിക വികസനം ലക്ഷ്യമിട്ട് പൂനൂര്‍ ഗാഥ കോളജ് ട്യൂഷന്‍ വിദ്യാര്‍ത്ഥികള്‍ക്ക് വേണ്ടി സംഘടിപ്പിക്കുന്ന അവധിക്കാല ഫുട്‌ബോള്‍ കോച്ചിംഗ് ക്യാമ്പ് ആരംഭിച്ചു. വിദഗ്ധരായ പരിശീലകരുടെ നേതൃത്വത്തില്‍ നടക്കുന്ന ക്യാമ്പില്‍ അമ്പതോളം വിദ്യാര്‍ത്ഥികള്‍ പങ്കെടുത്ത് വരുന്നു. ഗാഥ പബ്ലിക് സ്‌കൂള്‍ ഗ്രൗണ്ടിലാണ് ക്യാമ്പ് നടക്കുന്നത്. പരിശീലന പരിപാടിയുടെ ഉദ്ഘാടനം പ്രിന്‍സിപ്പല്‍ കെ നിസാര്‍ മാസ്റ്റര്‍ നിര്‍വ്വഹിച്ചു. കോഓഡിനേറ്റര്‍ കെ കെ ആസിഫലി അധ്യക്ഷത വഹിച്ചു.
 
ബി ജെ പി കട്ടിപ്പാറ പഞ്ചായത്ത് തിരഞ്ഞെടുപ്പ് കമ്മറ്റി ഓഫീസ് ഉദ്ഘാടനം ചെയ്തു
താമരശ്ശേരി: ബി ജെ പി കട്ടിപ്പാറ പഞ്ചായത്ത് കമ്മറ്റി തിരഞ്ഞെടുപ്പ് ഓഫീസ് മണ്ഡലം പ്രസിഡണ്ട് ഷാന്‍ കട്ടിപ്പാറ ഉദ്ഘാടനം ചെയ്തു. ഷാന്‍ കരിഞ്ചോല അദ്ധ്യക്ഷത വഹിച്ചു. മഹിളാ മോര്‍ച്ച ജില്ലാ സെക്രട്ടറി മല്ലിക ലോഹിദാഷന്‍, ഒ ബി സി മോര്‍ച്ച മണ്ഡലം പ്രസിഡണ്ട് വത്സന്‍ മേടോത്ത്, വാര്‍ഡ് മെമ്പര്‍ വത്സല കനകദാസ്, വിദ്യാസാഗര്‍, രജീഷ് വേണാടി, സുരേഷ് എന്നിവര്‍ സംസാരിച്ചു.
 
നികുതി പിരിവില്‍ ശ്രദ്ധേയമായ നേട്ടവുമായി ഒളവണ്ണ ഗ്രാമപഞ്ചായത്ത്
ഒളവണ്ണ: നികുതി പിരിവില്‍ ശ്രദ്ധേയമായ നേട്ടം കൈവരിച്ച ഒളവണ്ണ ഗ്രാമപഞ്ചായത്തിനെ പി ടി എ റഹീം എം എല്‍ എ അഭിനന്ദിച്ചു. 2018-19 വര്‍ഷത്തില്‍ 100 ശതമാനം നികുതി പിരിവ് ലക്ഷ്യം കൈവരിച്ച ഒളവണ്ണ ഗ്രാമപഞ്ചായത്തില്‍ 5.47 കോടി രൂപയാണ് കെട്ടിട നികുതിയായി പിരിച്ചെടുത്തത്. സംസ്ഥാനത്തെ ഏറ്റവും കൂടുതല്‍ ജനസംഖ്യയുള്ളതും ഏറ്റവും കൂടുതല്‍ കെട്ടിട നികുതി പിരിക്കാനുള്ളതുമായ പഞ്ചായത്താണ് ഒളവണ്ണ. ഇതര ഗ്രാമപഞ്ചായത്തുകളില്‍ നിലവിലുള്ള സ്റ്റാഫ് പാറ്റേണ്‍ പ്രകാരം മാത്രം ഉദ്യോഗസ്ഥരുള്ള ഈ പഞ്ചായത്ത് സാമ്പത്തിക വര്‍ഷാവസാനത്തില്‍ മെയിന്റനന്‍സ് ഫണ്ട് 100 ശതമാനവും വികസന ഫണ്ട് 96 ശതമാനവും ചെലവഴിച്ചിട്ടുണ്ട്. നേരത്തേ മുഖ്യമന്ത്രിയുടെ പ്രളയ ദുരിതാശ്വാസ നിധിയിലേക്ക് തനത് ഫണ്ടില്‍ നിന്നും 50 ലക്ഷം രൂപ ഒളവണ്ണ ഗ്രാമപഞ്ചായത്ത് സംഭാവനയായി നല്‍കിയിരുന്നു. കുന്ദമംഗലം നിയോജകമണ്ഡലത്തിലെ കുന്ദമംഗലം ഒഴികെയുള്ള മുഴുവന്‍ ഗ്രാമപഞ്ചായത്തുകളും നികുതി പിരിവില്‍ 100 ശതമാനം നേട്ടം കൈവരിച്ചിട്ടുണ്ട്. മണ്ഡലത്തിലെ രണ്ട് ബ്ലോക്ക് പഞ്ചായത്തുകളില്‍ കോഴിക്കോട് ബ്ലോക്ക് പഞ്ചായത്ത് വികസന ഫണ്ട് 100 ശതമാനവും ചെലവഴിച്ച് സംസ്ഥാനത്തുതന്നെ ശ്രദ്ധേയമായ നേട്ടം കൈവരിച്ചിരിക്കുകയാണ്. എന്‍ മനോജ് കുമാര്‍ പ്രസിഡന്റായ കോഴിക്കോട് ബ്ലോക്ക് പഞ്ചായത്തിന്റെ പ്രവര്‍ത്തനങ്ങള്‍ ഇതര ബ്ലോക്ക് പഞ്ചായത്തുകള്‍ മാതൃകയാക്കേണ്ടതാണെന്ന് പി ടി എ റഹീം എം എല്‍ എ പറഞ്ഞു.
 
1 2 3
 
 
 

All rights reserved | Website developed and maintained by Zyonz Technologies