02-Jul-2020 (Thu)
'കോവിഡിനോട് പൊരുതി ജയിക്കുന്ന കേരളം' പുസ്തകത്തിന്റെ ജില്ലാതല പ്രകാശനം നടന്നു മുഖ്യ മന്ത്രിയുടെ പ്രാദേശിക റോഡ് പുനരുദ്ധാരണ പദ്ധതിക്ക് തുടക്കമായി താമരശ്ശേരി എ ഇ ഒ ഒഫീസിന് മുന്‍പില്‍ കെ എസ് യു ധര്‍ണ്ണ നടത്തി താമരശ്ശേരി ചമല്‍ കേളന്‍മൂല ഭാഗത്ത് നിന്നും വാഷും ചാരായവും പിടിച്ചെടുത്തു പ്ലാസ്റ്റിക് ടോള്‍ ബൂത്തുകള്‍ സ്ഥാപിച്ചു പുതുപ്പാടിയില്‍ കാട്ടുപന്നികളെ വെടിവെച്ചുകൊല്ലുന്നതിനുള്ള നടപടികള്‍ക്കായി ജാഗ്രതാ സമിതി ചേര്‍ന്നു കര്‍ഷക കൂട്ടായ്മ താമരശ്ശേരി ഫോറസ്റ്റ് റെയ്ഞ്ച് ഓഫീസിലേക്ക് മാര്‍ച്ച് നടത്തി മുഖത്ത് പ്ലാസ്റ്റിക് ഡബ്ബ കുടുങ്ങിയ കുറുക്കനെ രക്ഷപ്പെടുത്തി തൃക്കുറ്റിശ്ശേരി വയല്‍ പീടിക പുതിയപാലം മന്ത്രി ജി സുധാകരന്‍ നാടിന് സമര്‍പ്പിച്ചു സ്മാര്‍ട്ട് ചാലഞ്ചില്‍ റിപ്പയര്‍ ചെയ്ത ഫോണുകള്‍ അദ്ധ്യാപകര്‍ക്കു കൈമാറി പുല്ലാളൂര്‍ പുറായില്‍ ഒലോറക്കുന്ന് റോഡ് മന്ത്രി ഉദ്ഘാടനം ചെയ്തു
 
 
 
1 2 3
 
മെഗാക്വിസ് ഗ്രാന്റ് ഫിനാലെ വിദ്യാര്‍ത്ഥികള്‍ക്ക് നവ്യാനുഭവമായി
വെളിമണ്ണ: വെളിമണ്ണ ജി എം യു പി സ്‌കൂളിലെ ഒരുവര്‍ഷം നീണ്ടു നിന്ന ക്വിസ് മത്സരങ്ങളുടെ ഗ്രാന്റ് ഫിനാലെ സ്റ്റേജ് ഷോ വിദ്യാര്‍ത്ഥികള്‍ക്ക് നവ്യാനുഭവമായി. അധ്യയന വര്‍ഷാദ്യം മുതല്‍ നടന്നു വരുന്ന പ്രതിവാര ക്ലാസ് തല ക്വിസ് മത്സരത്തിന്റെ സമാപനം കൂടിയായിരുന്നു ഗ്രാന്റ് ഫിനാലെ. ഓരോ ആഴ്ചയും വിജയികള്‍ക്ക് പ്രത്യേക സമ്മാനങ്ങള്‍ നല്‍കിയിരുന്നു. പ്രതിവാര ക്വിസ് മത്സരങ്ങളില്‍ ഓരോ ക്ലാസ്സില്‍ നിന്നും മികച്ച സ്‌കോര്‍ നേടിയ പത്തു പേരെ വീതം തെരഞ്ഞെടുത്ത് അവര്‍ക്ക് വീണ്ടും മത്സരം നടത്തി അതില്‍ ഓരോ ക്ലാസ്സില്‍ നിന്നും ഏറ്റവും കൂടുതല്‍ മാര്‍ക്ക് സ്‌കോര്‍ ചെയ്ത ഇരുപത്തിയഞ്ച് മത്സരാര്‍ത്ഥികളാണ് മൂന്നു വിഭാഗങ്ങളിലായി നടന്ന മെഗാ ക്വിസില്‍ മാറ്റുരച്ചത്. കുട്ടികളോടൊപ്പം രക്ഷിതാക്കളും പങ്കാളികളായി.
 
കാന്തപുരം ജി എല്‍ പി സ്‌കൂള്‍ വാര്‍ഷികാഘോഷം
കാന്തപുരം: കാന്തപുരം ജി എല്‍ പി സ്‌കൂള്‍ വാര്‍ഷികാഘോഷ പരിപാടികള്‍ പുരുഷന്‍ കടലുണ്ടി എം എല്‍ എ ഉദ്ഘാടനം ചെയ്തു. വാര്‍ഡ് മെമ്പര്‍ കെ പി സക്കീന അദ്ധ്യക്ഷത വഹിച്ചു. ഗായകന്‍ ജവാദ് കാന്തപുരം, പി ടി എ പ്രസിഡന്റ് അജിമാസ്റ്റര്‍, പ്രധാനധ്യാപിക മൈമൂനത്ത് ടീച്ചര്‍, എ പി രാഘവന്‍, രാജന്‍മാണിക്കോത്ത്, നവാസ് മേപ്പാട്ട് എന്നിവര്‍ സംസാരിച്ചു. കുട്ടികളുടെ കലാപരിപാടികള്‍ വാര്‍ഷികാഘോഷത്തിന് മാറ്റ് കൂട്ടി.
 
ചിത്ര രചന മത്സരം സംഘടിപ്പിച്ചു
താമരശ്ശേരി: ജെ സി ഐ താമരശേരി ടൗണ്‍ ചാപ്റ്ററിന്റെ ആഭിമുഖ്യത്തില്‍ കുട്ടികള്‍ക്കായി ചിത്രരചനാ മത്സരം സംഘടിപ്പിച്ചു. ജെ സി ഐ പ്രസിഡന്റ് ജോബിന്‍ ജോണ്‍ ഉദ്ഘാടനം ചെയ്തു. ജൂനിയര്‍ ജെ സി ചെയര്‍പേഴ്സണ്‍ ആര്‍ഷ ഗിരീഷ് അധ്യക്ഷത വഹിച്ചു. ഫെഡറല്‍ ബാങ്ക് അസി. മാനേജര്‍ ബിന്നി ബെന്നി സമ്മാനദാനം നിര്‍വ്വഹിച്ചു. ആസിഫ് ചമല്‍, കെ ജെ ബെന്നി, സി വി പൗലോസ്, കെ ആര്‍ ഗിരീഷ് എന്നിവര്‍ പ്രസംഗിച്ചു. ഐശ്വര്യ സന്തോഷ് ഒന്നാം സ്ഥാനം നേടി. മത്സരത്തില്‍ പങ്കെടുത്ത മുഴുവന്‍ കുട്ടികള്‍ക്കും പ്രോത്സാഹന സമ്മാനങ്ങളും നല്‍കി.
 
വാവാട് ക്ഷേത്ര ഉത്സവം: താലപ്പൊലി എഴുന്നള്ളത്ത് ഭക്തിസാന്ദ്രമായി
കൊടുവള്ളി: വാവാട് ഭഗവതി ക്ഷേത്രം തെയ്യത്തിന് കാവ് പ്രതിഷ്ഠാദിനഉത്സവത്തിന്റെ ഭാഗമായി നടന്ന താലപ്പൊലി എഴുന്നള്ളത്ത് ഭക്തിസാന്ദ്രമായി. വൈകിട്ട്നമ്പീശന്‍ പാറയില്‍ നിന്നും ആരംഭിച്ച താലപ്പൊലി എഴുന്നള്ളത്തില്‍ സ്ത്രീകളും കുട്ടികളും ഉള്‍പ്പെടെ നൂറുകണക്കിനാളുകള്‍ പങ്കെടുത്തു. താലപ്പൊലിക്ക് ഇരുമോത്ത് മസ്ജിദിനു മുന്നില്‍ മുസ്ലീം സഹോദരന്മാര്‍ സ്വീകരണം നല്‍കുകയും താലപ്പൊലിയില്‍ പങ്കെടുത്തവര്‍ക്കെല്ലാംമധുര പലഹാരവും ശീതള പാനീയവുംവിതരണം ചെയ്യുകയും ചെയ്തു. രാത്രി നടന്ന ഗുരുതി തര്‍പ്പണത്തോടെ ഉത്സവം സമാപിച്ചു.
 
കലക്ട്രേറ്റിന്റെ അടിസ്ഥാന സൗകര്യ വികസനത്തിന് ലീഡ് ബാങ്കിന്റെ സഹായം
കോഴിക്കോട്: ദിവസേന നൂറുകണക്കിന് ആളുകള്‍ സേവനം തേടിയെത്തുന്ന കലക്ട്രേറ്റില്‍ അടിസ്ഥാന സൗകര്യ വികസനത്തിന് ലീഡ് ബാങ്കിന്റെ സഹായം. മൂന്ന് പേര്‍ക്ക് ഇരിക്കാവുന്ന 15 കസേരകളാണ് ലീഡ് ബാങ്ക് നല്‍കിയത്. ആദ്യ ഗഡുവായി സ്റ്റേറ്റ് ബാങ്ക് ഓഫ് ഇന്ത്യ 60000 രൂപയും പഞ്ചാബ് നാഷണല്‍ ബാങ്ക് 20000 രൂപയും നല്‍കി.
 
കൊടുവള്ളിയുടെ പ്രതിഭകളെ ആദരിച്ച് സ്വനം
കൊടുവള്ളി: നാടിന്റെ യശസുയര്‍ത്തിയ പ്രതിഭകള്‍ക്ക് സാമൂഹ്യ സാംസ്‌കാരിക സംഘടനയായ സ്വനത്തിന്റെ ആദരം. കൊടുവള്ളിയില്‍ ജനിച്ച് രാജ്യത്തിന്റെ അഭിമാന ബഹുമതിയായ പത്മശ്രീ പുരസ്‌കാരം നേടിയ പുരാവസ്തു ഗവേഷകന്‍ കെ കെ മുഹമ്മദ്, അന്താരാഷ്ട്ര ശ്രദ്ധ നേടിയ ചിത്രകാരന്‍ ഷിനോദ് അക്കരപ്പറമ്പില്‍, തെയ്യം കലാകാരന്‍ കെ കെ ഗോപാലന്‍ കുട്ടി എന്നിവരെയാണ് ആദരിച്ചത്. ഒളിംപ്യന്‍ പി ടി ഉഷ ചടങ്ങ് ഉദ്ഘാടനം ചെയ്തു. നാട്ടിലെ വായനാ ശാലയില്‍ നിന്ന് കിട്ടിയ ആദ്യകാല അറിവുകള്‍ പിന്നീട് ഉയരങ്ങളിലെത്താന്‍ സഹായമായെന്ന് കെ കെ മുഹമ്മദ് പറഞ്ഞു. സ്വനം പ്രസിഡണ്ട് ബൈജു കൊടുവള്ളി അധ്യക്ഷത വഹിച്ചു. അന്‍വര്‍ സ്വാഗതവും ആര്‍ സി വിനോദ് നന്ദിയും പറഞ്ഞു. തുടര്‍ന്ന് ഗാനസന്ധ്യയും അരങ്ങേറി.
 
അറിവിന്റെ വിസ്മയ വിരുന്നൊരുക്കി ദാറുല്‍ ഹിദായ മിനി എക്‌സിബിഷന്‍
നരിക്കുനി: കുട്ടമ്പൂര്‍ ദാറുല്‍ ഹിദായ ഇസ്ലാമിക് അക്കാദമി വിദ്യാര്‍ത്ഥികള്‍ ഒരുക്കിയ മിനി എക്‌സിബിഷന്‍ കാണികള്‍ക്ക് നവ്യാനുഭവമായി. പ്രവേശന കവാടത്തില്‍ തന്നെ ഈയിടെ ആള്‍ക്കൂട്ടക്കൊലക്ക് വിധേയരായവരുടെ മഖ്ബറയാണ് ചിത്രീകരിച്ചത്. പണി തീരാത്ത ഒരു കബറിടത്തില്‍ പതിച്ചിരിക്കുന്ന ഫാസിസത്തിന് അടുത്ത ഇര ആര് എന്ന ബോര്‍ഡ് ഇന്നത്തെ സാമൂഹ്യചുറ്റുപാടില്‍ വലിയ സന്ദേശമാണ് സന്ദര്‍ശകര്‍ക്ക് നല്‍കുന്നത്. ഇന്‍ക്യുബേറ്റര്‍ വാക്ക്വംക്ലീനര്‍, ജലദൗര്‍ലഭ്യം നേരിടുന്ന ഇക്കാലത്ത് ഒരു തുള്ളി വെള്ളം പോലും പാഴാക്കാതെ മുഴുവനും ചെടിക്ക് തന്നെ ഉപയോഗിക്കാന്‍ കഴിയുന്ന തിരിനന ജലസേചന സംവിധാനം, ഉരുളക്കിഴങ്ങില്‍ നിന്ന് വൈദ്യുതി തുടങ്ങിയ മോഡലുകള്‍ ഏറെ ആകര്‍ഷണീയമായി. എളേറ്റില്‍ മാളിയേക്കല്‍ മുഹമ്മദ് ഹാജിയുടെ ശേഖരത്തിലെ മഞ്ചല്‍, വിവിധ ഇനം പെട്രോള്‍മാക്‌സ്, വിവിധ കാലങ്ങളിലെ ടെലഫോണ്‍ റിസീവറുകള്‍, ഓട്ടില്‍ നിര്‍മിച്ച വിവിധയിനം ഗൃഹോപകരണങ്ങള്‍ എന്നിവയും സ്റ്റാളില്‍ ഒരുക്കിയിരുന്നു. ഉണ്ണികുളം ഗ്രാമപഞ്ചായത്ത് പ്രസിഡണ്ട് ഉദ്ഘാടനം ചെയ്തു. ടി പി മുഹമ്മദ് മാസ്റ്റര്‍ അധ്യക്ഷത വഹിച്ചു. വേലായുധന്‍നായര്‍, ഫസല്‍ മുഹമ്മദ്, എം ആര്‍ ആലിക്കോയ, പി സി ഹുസൈന്‍ ഹാജി, മുഹമ്മദ് റഷീദ് വി കെ, എ കെ അഹമ്മദ് എന്നിവര്‍ സംസാരിച്ചു.
 
പത്മശ്രീ കെ കെ മുഹമ്മദിനെ ആദരിച്ചു
കൊടുവള്ളി: കൊടുവള്ളി നഗരസഭാ പരിധിയില്‍ പ്രവര്‍ത്തിക്കുന്ന ചങ്ങാതികൂട്ടം സൗഹൃദസദസ്സില്‍ പത്മശ്രീ അവാര്‍ഡ് ജേതാവും പ്രശസ്ത പുരാവസ്തു ഗവേഷകനുമായ കെ കെ മുഹമ്മദിനെ ആദരിച്ചു. കലിക്കറ്റ് ചേംബര്‍ ഓഫ് കൊമേഴ്‌സ് പ്രസിഡന്റ് സുബൈര്‍ കൊളക്കാടന്‍ പരിപാടി ഉദ്ഘാടനം ചെയ്തു. ചെയര്‍മാന്‍ കെ വി അബ്ദുള്‍ മജീദ് ഹാജി അദ്ധ്യക്ഷത വഹിച്ചു.
 
സ്‌കൂള്‍ വാര്‍ഷികവും പാചകപ്പുര സമര്‍പ്പണവും
താമരശ്ശേരി: പള്ളിയോത്ത് പി ടി എം യു പി സ്‌കൂള്‍ നാല്‍പത്തിമൂന്നാം വാര്‍ഷികാഘോഷം പ്രശസ്ത മാപ്പിളപ്പാട്ടു കലാകാരന്‍ ഫൈസല്‍ എളേറ്റില്‍ ഉദ്ഘടനം ചെയ്തു. ഇതോടനുബന്ധിച്ച് പുതുതായി നിര്‍മ്മിച്ച പാചകപ്പുരയുടെ താക്കോല്‍ദാനം മാനേജര്‍ സി കെ ബദറുദ്ധീന്‍ ഹാജി പ്രധാന അദ്ധ്യാപിക ടി റൈഹാനക്ക് നല്‍കി നിര്‍വ്വഹിച്ചു. ജെറീഷ് വി അദ്ധ്യക്ഷത വഹിച്ചു. ടി എം ബഷീര്‍, പി കെ മൂസമാസ്റ്റര്‍, വി അബ്ദുസമദ്, സുബൈര്‍ വൈറ്റ്ലാന്റ്, ടി എം ആരിഫ്, വി പി ഷൗക്കത്ത്, പി കെ അബ്ദുറഹിമാന്‍ കുട്ടി, ഒ പി അബദുല്‍ ഖാദര്‍, ലിനേഷ് വി പി, സ്വപ്ന, വി റുക്സാന, ടി കെ റഫീഖ്, വി ബീന എന്നിവര്‍ പ്രസംഗിച്ചു. വിദ്യാര്‍ത്ഥികളുടെ കലാപരിപാടികളുമുണ്ടായിരുന്നു.
 
ഒരു മിനുട്ട്: ഭിന്നശേഷി സൗഹൃദ തെരഞ്ഞെടുപ്പിനെ ഓര്‍മിപ്പിച്ച് തെരുവുനാടകം
കോഴിക്കോട്: സമൂഹത്തിലെ എല്ലാവര്‍ക്കും പ്രാപ്യമായ തെരഞ്ഞെടുപ്പ് സംവിധാനത്തെ ഓര്‍മ്മപ്പെടുത്തി ഒരു മിനുട്ട് തെരുവ് നാടകം അവതരിപ്പിച്ചു. ഭിന്നശേഷി- ട്രാന്‍സ് ജന്‍ഡര്‍ വിഭാഗത്തില്‍പ്പെട്ടവരുള്‍പ്പെടെയുള്ള വോട്ടര്‍മാര്‍ക്കുള്ള ബോധവത്കരണമാണ് 20 മിനുട്ട് ദൈര്‍ഘ്യമുള്ള നാടകത്തിലൂടെ അവതരിപ്പിച്ചത്. എല്ലാ വിഭാഗത്തില്‍പ്പെട്ടവരെയും പരിഗണിച്ച് സൗഹാര്‍ദപരമായ പോളിങ് ബൂത്തുകളാണ് ഇത്തവണ ഒരുക്കിയത്.
 
1 2 3
 
 
 

All rights reserved | Website developed and maintained by Zyonz Technologies