02-Jul-2020 (Thu)
'കോവിഡിനോട് പൊരുതി ജയിക്കുന്ന കേരളം' പുസ്തകത്തിന്റെ ജില്ലാതല പ്രകാശനം നടന്നു മുഖ്യ മന്ത്രിയുടെ പ്രാദേശിക റോഡ് പുനരുദ്ധാരണ പദ്ധതിക്ക് തുടക്കമായി താമരശ്ശേരി എ ഇ ഒ ഒഫീസിന് മുന്‍പില്‍ കെ എസ് യു ധര്‍ണ്ണ നടത്തി താമരശ്ശേരി ചമല്‍ കേളന്‍മൂല ഭാഗത്ത് നിന്നും വാഷും ചാരായവും പിടിച്ചെടുത്തു പ്ലാസ്റ്റിക് ടോള്‍ ബൂത്തുകള്‍ സ്ഥാപിച്ചു പുതുപ്പാടിയില്‍ കാട്ടുപന്നികളെ വെടിവെച്ചുകൊല്ലുന്നതിനുള്ള നടപടികള്‍ക്കായി ജാഗ്രതാ സമിതി ചേര്‍ന്നു കര്‍ഷക കൂട്ടായ്മ താമരശ്ശേരി ഫോറസ്റ്റ് റെയ്ഞ്ച് ഓഫീസിലേക്ക് മാര്‍ച്ച് നടത്തി മുഖത്ത് പ്ലാസ്റ്റിക് ഡബ്ബ കുടുങ്ങിയ കുറുക്കനെ രക്ഷപ്പെടുത്തി തൃക്കുറ്റിശ്ശേരി വയല്‍ പീടിക പുതിയപാലം മന്ത്രി ജി സുധാകരന്‍ നാടിന് സമര്‍പ്പിച്ചു സ്മാര്‍ട്ട് ചാലഞ്ചില്‍ റിപ്പയര്‍ ചെയ്ത ഫോണുകള്‍ അദ്ധ്യാപകര്‍ക്കു കൈമാറി പുല്ലാളൂര്‍ പുറായില്‍ ഒലോറക്കുന്ന് റോഡ് മന്ത്രി ഉദ്ഘാടനം ചെയ്തു
 
 
 
1 2 3
 
അയ്യപ്പന്‍ വിളക്ക് മഹോത്സവം സംഘടിപ്പിച്ചു
കൊടുവള്ളി: വലിയപറമ്പ അയ്യപ്പ ഭജനമഠത്തിന്റെ ആഭിമുഖ്യത്തില്‍ അയ്യപ്പന്‍ വിളക്ക് മഹോത്സവം സംഘടിപ്പിച്ചു. വാവാട് ഭഗവതി ക്ഷേത്രത്തില്‍ നിന്നും ഗജവീരന്റെ അകമ്പടിയോടെ ആരംഭിച്ച എഴുന്നള്ളത്തില്‍ സ്ത്രീകളും കുട്ടികളും ഉള്‍പ്പെടെ നിരവധി പേര്‍ അണിനിരന്നു. എഴുന്നള്ളത്ത് പരപ്പന്‍പൊയില്‍, വാടിക്കല്‍ വഴി വലിയപറമ്പിലെത്തിയ ശേഷം വിവിധ കലാപരിപാടികളും അരങ്ങേറി. രാവിലെ മുതല്‍ വിവിധ പൂജകളും അന്നദാനവും നടന്നു.
 
നീര്‍ത്തടങ്ങള്‍ ശുദ്ധീകരണത്തിന് താമരശ്ശേരി പഞ്ചായത്തില്‍ തുടക്കമായി
താമരശ്ശേരി: സംസ്ഥാന സര്‍ക്കാറിന്റെ നിര്‍ദ്ദേശ പ്രകാരം നീര്‍ത്തടങ്ങള്‍ ശുദ്ധീകരിക്കുന്നതിനുള്ള പ്രവൃത്തികള്‍ക്ക് താമരശ്ശേരി പഞ്ചായത്തില്‍ തുടക്കമായി. താമരശ്ശേരി ടൗണിനോട് ചേര്‍ന്നുള്ള കയ്യേലിക്കല്‍ തോട് തൊഴിലുറപ്പ് തൊഴിലാളികളുടെ നേതൃത്വത്തില്‍ ശുചീകരിച്ചു. നിരവധി കുടുംബങ്ങള്‍ ആശ്രയിക്കുന്ന കയ്യേലിക്കല്‍ കുടിവെള്ള പദ്ധതിയോട് ചേര്‍ന്നുള്ള കയ്യേലിക്കല്‍ തോട്ടില്‍ മാലിന്യ നിക്ഷേപവും ശുചീകരണവും പതിവാണ്. വര്‍ഷംതോറും തൊഴിലുറപ്പ് തൊഴിലാളികളും നാട്ടുകാരും ചേര്‍ന്ന് ശുചീകരിക്കും.
 
ലീഡര്‍ കെ കരുണാകരന്‍ അനുസ്മരണവും പുഷ്പാര്‍ച്ചനയും നടത്തി
കിഴക്കോത്ത്: കിഴക്കോത്ത് മണ്ഡലം ലീഡര്‍ സ്മൃദി വേദിയുടെ ആഭിമുഖ്യത്തില്‍ ലീഡര്‍ കെ കരുണാകരന്‍ അനുസ്മരണവും പുഷ്പാര്‍ച്ചനയും നടത്തി. മതേതര കാഴ്ചപ്പാടോടെ ഭാരതത്തിന്റെ കെട്ടുറപ്പിന് വേണ്ടി പ്രവര്‍ത്തിച്ച നേതാവായിരുന്നു ലീഡറെന്ന് അനുസ്മരണം ഉദ്ഘാടനം ചെയ്ത ഡി സി സി മെമ്പര്‍ കെ കെ ആലി മാസ്റ്റര്‍ പറഞ്ഞു. മൂസക്കുട്ടി പന്നൂര്‍ അധ്യക്ഷത വഹിച്ചു. അഷ്‌റഫ് മാസ്റ്റര്‍പന്നൂര്‍, ബാബു പത്രാത്ത്, ഷമീര്‍ പരപ്പാറ, ബാലകൃഷ്ണന്‍, അളക സാരംഗി തുടങ്ങിയവര്‍ സംസാരിച്ചു.
 
സഹകാര്‍ ഭാരതി അക്ഷയശ്രീ മിഷന്‍ താമരശ്ശേരി താലൂക്ക് സമ്മേളനം സംഘടിപ്പിച്ചു
താമരശ്ശേരി: സഹകാര്‍ ഭാരതി അക്ഷയ ശ്രീ മിഷന്‍ താമരശ്ശേരി താലൂക്ക് സമ്മേളനം പഴശ്ശി രാജ വിദ്യാമന്ദിരത്തില്‍ വെച്ച് നടന്നു. സഹകാര്‍ ഭാരതി സംസ്ഥാന വൈസ് പ്രസിഡണ്ട് എന്‍ സദാനന്ദന്‍ ഉദ്ഘാടനം ചെയ്തു. സഹകരണ സ്ഥാപനങ്ങള്‍ക്ക് അനുവദിച്ചിരുന്ന ആദായ നികുതി ഇളവ് പുന:സ്ഥാപിക്കുകയും സഹകരണ സംഘങ്ങളുടെ പ്രവര്‍ത്തനം വിവിധ രംഗങ്ങളില്‍ ഇന്ന് പൊതുജനങ്ങള്‍ക്ക് ഏറ്റവും സഹായകരമാവുന്നതിന് കേന്ദ്ര സംസ്ഥാന സര്‍ക്കാറുകള്‍ വേണ്ട നടപടി സ്വീകരിക്കണമെന്നും അദ്ദേഹം പറഞ്ഞു. അക്ഷയ ശ്രീ മിഷന്‍ സംസ്ഥാന സെക്രട്ടറി പി രമേഷ് ബാബു മുഖ്യ പ്രഭാഷണം നടത്തി. കെ സി രാമചന്ദ്രന്‍ അധ്യക്ഷത വഹിച്ചു. വി നന്ദകുമാര്‍, അക്ഷയ ശ്രീ മിഷന്‍ ജില്ലാ സമിതി അംഗം വത്സന്‍ മേടോത്ത്, പി എം രാജന്‍, പ്രജേഷ് മടവൂര്‍, പി ഹരിദാസന്‍ എന്നിവര്‍ സംസാരിച്ചു. അക്ഷയശ്രീ മിഷന്‍ താലൂക്ക് ഭാരവാഹികളായി ശശീന്ദ്രന്‍ ഓമശ്ശേരി (പ്രസിഡണ്ട്), പി ഹരിദാസന്‍ (സെക്രട്ടറി), അംബു ലാജ് കാക്കവയല്‍ (ട്രഷറര്‍) എന്നിവരെ തിരഞ്ഞെടുത്തു.
 
പൗരത്വ ബില്ലിനെതിരെ കരുവന്‍പൊയില്‍ സംയുക്ത സമിതി റാലി സംഘടിപ്പിച്ചു
കരുവന്‍പൊയില്‍: കരുവന്‍പൊയില്‍ സംയുക്ത സമിതിയുടെ ആഭിമുഖ്യത്തില്‍ കേന്ദ്ര സര്‍ക്കാരിന്റെ പൗരത്വ ബില്ലിനെതിരെ സംയുക്ത റാലി സംഘടിപ്പിച്ചു. കരുവന്‍പൊയില്‍ അങ്ങാടിയില്‍ നിന്നും ആരംഭിച്ച റാലി ചുള്ളിയാട് മുക്ക് പുല്‍പറമ്പ് മുക്ക് തുടങ്ങിയ സ്ഥലങ്ങളിലൂടെ കരുവന്‍ പൊയില്‍ അങ്ങാടിയില്‍ സമാപിച്ചു. ടി പി ഹുസൈന്‍ ഹാജി, പി അബ്ദുല്‍ ഖാദര്‍ മാസ്റ്റര്‍, എ കെ സി മുഹമ്മദ് ഫൈസി, രാമന്‍കുട്ടി, രവീന്ദ്രന്‍, റസാഖ് മാസ്റ്റര്‍ തുടങ്ങിയവര്‍ നേതൃത്വം നല്‍കി. തുടര്‍ന്ന് നടന്ന പ്രതിഷേധ യോഗത്തില്‍ പി അബ്ദുല്‍ ഖാദര്‍ മാസ്റ്റര്‍, ടി പി മജീദ് മാസ്റ്റര്‍, രാമന്‍കുട്ടി എന്നിവര്‍ പ്രസംഗിച്ചു. എ കെ അബ്ദുല്ല സഖാഫി സ്വാഗതവും രവീന്ദ്രന്‍ നന്ദിയും പറഞ്ഞു.
 
പൗരത്വ ഭേദഗതി നിയമം: പൂനൂരില്‍ ഭരണഘടന സംരക്ഷണ സമിതി റാലി സംഘടിപ്പിച്ചു
പൂനൂര്‍: പൗരത്വ ഭേദഗതി ബില്ലിനെതിരെ ഉണ്ണികുളം പൗരാവലിയുടെ ആഭിമുഖ്യത്തില്‍ ഭരണഘടന സംരക്ഷണ സമിതി റാലി സംഘടിപ്പിച്ചു. എകരൂല്‍ ടൗണില്‍ നിന്ന് ആരംഭിച്ച് പൂനൂരില്‍ സമാപിച്ച റാലിയില്‍ ആയിരങ്ങള്‍ അണിനിരന്നു. പൗരത്വ ഭേദഗതി നിയമവും ദേശീയ പൗരത്വ രജിസ്റ്ററും പിന്‍വലിക്കുന്നത് വരെ സമരം തുടരുമെന്ന്! നേതാക്കള്‍ പറഞ്ഞു. നീതിക്കായി എല്ലാ വിഭാഗം ജനങ്ങളും രംഗത്തിറങ്ങണമെന്ന് റാലിയില്‍ ആവശ്യമുയര്‍ന്നു.ചെയര്‍മാന്‍ അബ്ദുല്ലത്തീഫ് അഹ്ദല്‍ അവേലം, കണ്‍വീനര്‍ സി പി ബഷീര്‍ എസ്‌റ്റേറ്റ്മുക്ക്, ഇ ടി ബിനോയ്, സി ബീരാന്‍കുട്ടി മുസ്ല്യാര്‍, സി പി കരീം, ഉസ്മാന്‍ കണ്ട്യോത്ത്, നാസര്‍ എസ്‌റ്റേറ്റ്മുക്ക്, സി കെ ബദറുദ്ദീന്‍ ഹാജി എന്നിവര്‍ നേതൃത്വം നല്‍കി.
 
ഇനി ഞാന്‍ ഒഴുകട്ടെ: കാരംതോട് ശുചീകരിച്ചു
ചേമഞ്ചേരി: നീര്‍ച്ചാലുകള്‍ വീണ്ടെടുക്കാനായി ഹരിതകേരള മിഷന്റെ ഇനി ഞാന്‍ ഒഴുകട്ടെ പദ്ധതിയുടെ ഭാഗമായി ചേമഞ്ചേരി ഗ്രാമപഞ്ചായത്തിലെ കാരാംതോട് ശുചീകരിച്ചു. കെ ദാസന്‍ എം എല്‍ എ പുനരുജ്ജീവന പ്രവൃത്തി ഉദ്ഘാടനം ചെയ്തു. ചേമഞ്ചേരി ഗ്രാമപഞ്ചായത്തിലെ 3, 5, 6 വാര്‍ഡുകളിലുടെയാണ് രണ്ട് കിലോമീറ്റര്‍ നീളത്തില്‍ കാരാംതോട് കടന്നു പോകുന്നത്. ഗ്രാമ പഞ്ചായത്ത് പ്രസിഡന്റ് അശോകന്‍ കോട്ട് അധ്യക്ഷത വഹിച്ചു. വാര്‍ഡിലെ തൊഴിലുറപ്പു തൊഴിലാളികള്‍, സന്നദ്ധ പ്രവര്‍ത്തകര്‍ തുടങ്ങിയവര്‍ ചേര്‍ന്നാണ് ശുചീകരണം നടത്തിയത്. വികസന കാര്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ ഇ അനില്‍കുമാര്‍, ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ ഉണ്ണി തിയ്യക്കണ്ടി, അസി. സെക്രട്ടറി ഇ ഗിരീഷ്, സംഘാടക സമിതി ചെയര്‍മാന്‍ വി വേണുഗോപാല്‍, അസി. എക്‌സിക്യൂട്ടീവ് എഞ്ചിനീയര്‍ ഇറിഗേഷന്‍ മുഹമ്മദ് റഷീദ്, അസി. സെക്രട്ടറി എം ഗിരീഷ്, ഹെല്‍ത്ത് ഇന്‍സ്‌പെക്ടര്‍ രാമചന്ദ്രന്‍, എക്‌സിക്യൂട്ടീവ് എഞ്ചിനീയര്‍ (മഹാത്മാ ഗാന്ധി തൊഴിലുറപ്പ് പദ്ധതി) ആദര്‍ശ്, ഹരിത കേരളം റിസോഴ്‌സ് പേഴ്‌സണ്‍ താര എം എം എന്നിവര്‍ സംസാരിച്ചു.
 
എന്‍ എസ് എസ് വിദ്യാര്‍ത്ഥികള്‍ക്ക് സപ്തദിന സഹവാസ ക്യാമ്പ്
താമരശ്ശേരി: കൂമ്പാറ ഫാത്തിമാബി മെമ്മോറിയല്‍ ഹയര്‍ സെക്കണ്ടറി സ്‌കൂളിലെ എന്‍ എസ് എസ് വിദ്യാര്‍ത്ഥികളുടെ സപ്തദിന സഹവാസ ക്യാമ്പ് താമരശ്ശേരി ചാലക്കര പള്ളിപ്പുറം ജി എം യു പി സ്‌കൂളില്‍ ആരംഭിച്ചു. മഹാത്മാഗാന്ധിയുടെ 150-ാം ജന്മദിനാഘോഷത്തോടനുബന്ധിച്ച് ഗാന്ധി സ്മൃതി അറ്റ് 150 എന്ന പേരിലുള്ള ക്യാമ്പില്‍ 50 വിദ്യാര്‍ത്ഥികളാണ് പങ്കെടുക്കുന്നത്. ഗാന്ധി സമൃതി സദസ്സ്, സുഭിക്ഷം, അക്ഷരദീപം, സമദര്‍ശന്‍, പ്രഥമ ശുശ്രൂഷ, പഠന ക്ലാസുകള്‍, ജൈവകൃഷി, വിവിധ നവീകരണ പ്രവൃത്തികള്‍ തുടങ്ങിയവ ക്യാമ്പില്‍ നടക്കും. വാര്‍ഡ് അംഗം എന്‍ പി മുഹമ്മദലി മാസ്റ്റര്‍ ഉദ്ഘാടനം ചെയ്തു. കൂമ്പാറ ഫാത്തിമബി എച്ച് എസ് എസ് പ്രിന്‍സിപ്പാള്‍ അബ്ദുല്‍ നാസിര്‍ കെ അധ്യക്ഷത വഹിച്ചു. എന്‍ എസ് എസ് പ്രോഗ്രാം ഓഫീസര്‍ അബ്ദുല്‍ ലത്തീഫ് യു എം ക്യാമ്പ് പ്രവര്‍ത്തനങ്ങള്‍ വിശദീകരിച്ചു. എം കെ അബ്ദുല്‍ റഷീദ്, ഇസ്ഹാഖ് ചാലക്കര, ഗിരീഷ് തേവള്ളി, ഒ പി ഗഫൂര്‍, സി എം ബഷീര്‍ ചാലക്കര, ബിന്ദു കുമാരി, മുബീന ഉമ്മര്‍ എന്നിവര്‍ സംസാരിച്ചു. പള്ളിപ്പുറം ജി എം യു പി സ്‌കൂള്‍ ഹെഡ് മാസ്റ്റര്‍ അബ്രഹാം വര്‍ഗീസ് സ്വാഗതവും റാനിയ തസ്നി നന്ദിയും പറഞ്ഞു.
 
സ്നേഹ ഭവനത്തിന് തറക്കല്ലിട്ടു
താമരശേരി: കൂടത്തായി സെന്റ് മേരീസ് ഹയര്‍ സെക്കണ്ടറി സ്‌കൂള്‍ എസ് പി സി യൂണിറ്റും ജീവന്‍ സമൃദ്ധി എറണാകുളവും ചേര്‍ന്ന് നിര്‍മ്മിച്ചു നല്‍കുന്ന സ്നേഹ ഭവനത്തിന് തറക്കല്ലിട്ടു. കഴിഞ്ഞ പ്രളയത്തില്‍ വീട് നഷ്ടപ്പെട്ട മാനന്തവാടി പയ്യംപള്ളി സെന്റ് കാതറിന്‍ ഹൈസ്‌കൂളിലെ എസ് പി സി കമാന്‍ഡറായിരുന്ന സൂര്യ പ്രിയയ്ക്കാണ് വീട് നിര്‍മ്മിച്ചു നല്‍കുന്നത്. വയനാട് എ എസ് പി ഡോ. വൈഭവ് സക്സേന തറക്കല്ലിടല്‍ കര്‍മ്മം നിര്‍വ്വഹിച്ചു. ഫാ. ബിബിന്‍ ജോസ്, കെ പി സദാശിവന്‍, എ കെ കരീം, പി എ ജോസ്, റെജി ജെ കരോട്ട്, സന്തോഷ്, ഗഫൂര്‍ എന്നിവര്‍ സംബന്ധിച്ചു.
 
പൗരത്വ ബില്ലിനെതിരെ താമരശ്ശേരി മേഖലയില്‍ വ്യാപക പ്രതിഷേധം
താമരശ്ശേരി: പൗരത്വ ബില്ലിനെതിരെ താമരശ്ശേരി മേഖലയില്‍ വ്യാപക പ്രതിഷേധം. ഡല്‍ഹി ജാമിഅ മില്ലിയ്യ യൂണിവേഴ്‌സിറ്റിയിലെ പോലീസ് നടപടിയില്‍ പ്രതിഷേധിച്ച് എസ് എഫ് ഐ, ഡി വൈ എഫ് ഐ പ്രവര്‍ത്തകര്‍ അര്‍ധ രാത്രിയില്‍ താമരശ്ശേരിയില്‍ പന്തംകൊളുത്തി പ്രകടനവും ഹൈവെ ഉപരോധവും നടത്തി. മര്‍ക്കസ് ലോകോളേജിലെയും യൂനാനി മെഡിക്കല്‍ കോളേജിലെയും വിദ്യാര്‍ത്ഥികള്‍ സംയുക്തമായി പ്രതിഷേധ മനുഷ്യ ഇന്ത്യ നിര്‍മിച്ചു. തുടര്‍ന്ന് ദേശീയപാതയിലേക്ക് മാര്‍ച്ച് നടത്തിയ വിദ്യാര്‍ത്ഥികള്‍ കൈതപ്പൊയിലില്‍ റോഡ് ഉപരോധിച്ചു. കട്ടിപ്പാറ, ചെമ്പ്രകുണ്ട, അമരാട് മഹല്ല് കമ്മറ്റികള്‍ സംയുക്തമായി ജനകീയ പ്രതിഷേധറാലി സംഘടിപ്പിച്ചു. മൂന്ന് മഹല്ല് ജമാഅത്തിലെയും അംഗങ്ങളും പൊതുജനങ്ങളും ഉള്‍പ്പെടെ ആയിരത്തോളം ആളുകളാണ് റാലിയില്‍ അണിനിരന്നത്. ഉവൈസ് സഖാഫി മുഖ്യ പ്രഭാഷണം നടത്തി. കെ കെ അഹമ്മദ് കുട്ടി മുസ്ലിയാര്‍ കട്ടിപ്പാറ, എ കെ കട്ടിപ്പാറ, കെ കെ മുഹമ്മദ് ഹാജി, ഒ കെ ഇമ്പിച്ചി മൊയ്തീന്‍ ഹാജി, മന്‍സൂര്‍ സഖാഫി ജീലാനി, താര അബ്ദുറഹിമാന്‍ ഹാജി, സി പി അബ്ദുള്ള തുടങ്ങിയവര്‍ റാലിക്ക് നേതൃത്വം നല്‍കി.
 
1 2 3
 
 
 

All rights reserved | Website developed and maintained by Zyonz Technologies