02-Jul-2020 (Thu)
'കോവിഡിനോട് പൊരുതി ജയിക്കുന്ന കേരളം' പുസ്തകത്തിന്റെ ജില്ലാതല പ്രകാശനം നടന്നു മുഖ്യ മന്ത്രിയുടെ പ്രാദേശിക റോഡ് പുനരുദ്ധാരണ പദ്ധതിക്ക് തുടക്കമായി താമരശ്ശേരി എ ഇ ഒ ഒഫീസിന് മുന്‍പില്‍ കെ എസ് യു ധര്‍ണ്ണ നടത്തി താമരശ്ശേരി ചമല്‍ കേളന്‍മൂല ഭാഗത്ത് നിന്നും വാഷും ചാരായവും പിടിച്ചെടുത്തു പ്ലാസ്റ്റിക് ടോള്‍ ബൂത്തുകള്‍ സ്ഥാപിച്ചു പുതുപ്പാടിയില്‍ കാട്ടുപന്നികളെ വെടിവെച്ചുകൊല്ലുന്നതിനുള്ള നടപടികള്‍ക്കായി ജാഗ്രതാ സമിതി ചേര്‍ന്നു കര്‍ഷക കൂട്ടായ്മ താമരശ്ശേരി ഫോറസ്റ്റ് റെയ്ഞ്ച് ഓഫീസിലേക്ക് മാര്‍ച്ച് നടത്തി മുഖത്ത് പ്ലാസ്റ്റിക് ഡബ്ബ കുടുങ്ങിയ കുറുക്കനെ രക്ഷപ്പെടുത്തി തൃക്കുറ്റിശ്ശേരി വയല്‍ പീടിക പുതിയപാലം മന്ത്രി ജി സുധാകരന്‍ നാടിന് സമര്‍പ്പിച്ചു സ്മാര്‍ട്ട് ചാലഞ്ചില്‍ റിപ്പയര്‍ ചെയ്ത ഫോണുകള്‍ അദ്ധ്യാപകര്‍ക്കു കൈമാറി പുല്ലാളൂര്‍ പുറായില്‍ ഒലോറക്കുന്ന് റോഡ് മന്ത്രി ഉദ്ഘാടനം ചെയ്തു
 
 
 
1 2 3
 
വൃക്ഷതൈ നട്ടുപിടിപ്പിച്ച് ലോക വനദിനം ആഘോഷിച്ചു
താമരശ്ശേരി: ജെ സി ഐ താമരശ്ശേരിയും കേരള പോലീസ് താമരശ്ശേരി സ്റ്റേഷനും സംയുക്തമായി താമരശ്ശേരി പോലീസ് സ്റ്റേഷന്‍ പരിസരത്ത് മരങ്ങള്‍ നട്ടുപിടിപ്പിച്ച് ലോകവനദിനം ആഘോഷിച്ചു. പ്ലാന്റ്സ് അവര്‍ പാഷന്‍ പ്രോഗ്രാം കോര്‍ഡിനേറ്റര്‍മാരായ റഷീദ്, നൂറ സൈനബ എന്നിവരാണ് മരങ്ങള്‍ നല്‍കിയത്. താമരശ്ശേരി സബ് ഇന്‍സ്പെക്ടര്‍ മുരളീധരന്‍, മുന്‍ പഞ്ചായത്ത് പ്രസിഡന്റും ടൗണ്‍ വാര്‍ഡ് മെമ്പറും ജെ സി ഐ അംഗവുമായ സരസ്വതി, പോലീസ് ഉദ്യോഗസ്ഥന്‍ സുജാദ്, ജെ സി ഐ താമരശ്ശേരി പ്രസിഡന്റ് ആന്റണി ജോയ്, സെക്രട്ടറി ജയ്‌സന്‍ മാത്യു, ആംഗങ്ങളായ സദക്ക, ആല്‍വിന്‍ എന്നിവര്‍ നേതൃത്വം നല്‍കി.
 
എല്‍ ഡി എഫ് പരപ്പന്‍പൊയില്‍ മേഖല തെരഞ്ഞെടുപ്പ് കമ്മിറ്റി രൂപീകരിച്ചു
താമരശ്ശേരി: കോഴിക്കോട് പാര്‍ലമെന്റ് മണ്ഡലം എല്‍ ഡി എഫ് സ്ഥാനാര്‍ത്ഥി എ പ്രദീപ് കുമാര്‍ എം എല്‍ എയുടെ വിജയത്തിനായി എല്‍ ഡി എഫ് പരപ്പന്‍പൊയില്‍ മേഖല തെരഞ്ഞെടുപ്പ് കമ്മിറ്റി രൂപീകരിച്ചു. കണ്‍വന്‍ഷന്‍ എല്‍ ഡി എഫ് ജില്ലാ കണ്‍വീനര്‍ മുക്കം മുഹമ്മദ് ഉദ്ഘാടനം ചെയ്തു. സി മൊയ്തീന്‍ കുട്ടി ഹാജി അധ്യക്ഷത വഹിച്ചു. പി കോരപ്പന്‍, സോമന്‍ പിലാത്തോട്ടം, പി സി അബ്ദുള്‍ അസീസ്, സി എം ബഷീര്‍, ടി കെ ബൈജു, പി വിനയകുമാര്‍, വി കുഞ്ഞിരാമന്‍ എന്നിവര്‍ സംസാരിച്ചു. കണ്ടിയില്‍ മുഹമദ് (ചെയര്‍മാന്‍), പി സി അബ്ദുള്‍ അസീസ് (ജനറല്‍ കണ്‍വീനര്‍), ടി കെ ബൈജു (ട്രഷറര്‍) എന്നിവരെ ഭാരവാഹികളായി തെരഞ്ഞെടുത്തു.
 
താമരശ്ശേരി: പത്തുവയസ്സുകാരിയോട് ലൈംഗിക അതിക്രമം കാണിച്ചയാളെ താമരശ്ശേരി പോലീസ് അറസ്റ്റ് ചെയ്തു. താമരശ്ശേരി ചാലുമ്പാട്ടില്‍ മൊയ്തീന്‍ കോയ(48) ആണ് അറസ്റ്റിലായത്. കോരങ്ങാട്ടെ ഫ്ളാറ്റില്‍ ജോലിക്കെത്തിയ ഇയാള്‍ അടുത്ത ഫ്ളാറ്റില്‍ താമസിക്കുന്ന പത്തുവയസ്സുകാരിയെ ജനാലവഴി കൈകടത്തി കടന്നുപിടിച്ചെന്നാണ് പരാതി. വീട്ടുകാര്‍ വീട് പൂട്ടി പുറത്തുപോയപ്പോള്‍ ആയിരുന്നു സംഭവം. പെണ്‍കുട്ടി വീട്ടുകാരോട് വിവരം പറഞ്ഞതിന്റെ അടിസ്ഥാനത്തില്‍ പോലീസില്‍ പരാതി നല്‍കുകയായിരുന്നു. കോഴിക്കോട് പോക്സോ കോടതിയില്‍ ഹാജറാക്കിയ പ്രതിയെ 14 ദിവസത്തേക്ക് റിമാന്‍ഡ് ചെയ്തു.
 
കൊടുവള്ളി ഗോള്‍ഡ് ആന്റ് സില്‍വര്‍ മര്‍ച്ചന്റ്‌സ് അസോസിയേഷന്‍ എ കെ ജി എസ് എം എ ഭാരവാഹികള്‍ക്ക് സ്വീകരണം നല്‍കി
കൊടുവള്ളി: കേരള മിനിമം വേജസ് അഡൈ്വസറി ബോര്‍ഡ് അംഗമായി നിയമിതനായ എ കെ ജി എസ് എം എ സംസ്ഥാന ജനറല്‍ സെക്രട്ടറി കെ. സുരേന്ദ്രനും എ കെ ജി എസ് എം എ സംസ്ഥാന ഭാരവാഹികള്‍ക്കും കൊടുവള്ളി ഗോള്‍ഡ് ആന്റ് സില്‍വര്‍ മര്‍ച്ചന്റ്‌സ് അസോസിയേഷന്റെ ആഭിമുഖ്യത്തില്‍ സ്വീകരണം നല്‍കി. ശ്രീ കാരാട്ട് റസാഖ് എം എല്‍ എ പരിപാടി ഉദ്ഘാടനം ചെയ്തു. കെ ജി എസ് എം എ പ്രസിഡന്റ് എം പി സി നാസര്‍ അധ്യക്ഷത വഹിച്ചു. സംസ്ഥാന ജനറല്‍ സെക്രട്ടറി കെ സുരേന്ദ്രന്‍, സംസ്ഥാന വൈസ് പ്രസിഡന്റ് അര്‍ജുന്‍ ഗെയ്ക്വാദ്, സംസ്ഥാന സെക്രട്ടറി എന്‍ പി ഭൂപേഷ്, സംസ്ഥാന സെക്രട്ടറി അരുണ്‍ രാംദാസ് നായ്ക്ക് എന്നിവര്‍ക്ക് പി ടി എ റഹീം എം എല്‍ എ ഉപഹാരം നല്‍കി ആദരിച്ചു. സക്കീര്‍ ഹുസ്സൈന്‍, അബ്ദുള്‍ ഷുക്കൂര്‍, അബ്ദുറഹിമാന്‍, ചന്ദ്രന്‍ എന്നിവര്‍ സംസാരിച്ചു. സി പി അബ്ദുള്‍ മജീദ് സ്വാഗതവും പി അബ്ദുള്‍ റസാഖ് നന്ദിയും പറഞ്ഞു.
 
കരിഞ്ചോലയില്‍ മര്‍കസിന്റെ ആദ്യ ഭവനം പൂര്‍ത്തിയായി
കട്ടിപ്പാറ: ഉരുള്‍പൊട്ടല്‍ നാശം വിതച്ച കട്ടിപ്പാറ കരിഞ്ചോലയില്‍ വീട് നഷ്ടമായ കുടുംബങ്ങള്‍ക്ക് മര്‍കസ് നിര്‍മ്മിക്കുന്ന 3 വീടുകളില്‍ ആദ്യത്തെത് സമര്‍പ്പണത്തിനൊരുങ്ങുന്നു. കരിഞ്ചോല ദുരന്തത്തില്‍ വീട് നഷ്ടപ്പെട്ട. പി ടി ഷഫീഖും കുടുംബവും ആദ്യ വീട്ടില്‍ താമസമാരംഭിച്ചു. അടുത്ത മാസം കരിഞ്ചോലയില്‍ നടക്കുന്ന ചടങ്ങില്‍ മര്‍കസും മുസ്ലിം ജമാഅത്തും സംയുക്തമായി നിര്‍മ്മിച്ച എട്ട് വീടുകളുടെ താക്കോല്‍ ദാനവും നടക്കും. ഏഴ് ലക്ഷം രൂപ ചിലവില്‍ രണ്ടു മുറികളും, അടുക്കള, വരാന്ത, കുളിമുറി, ഹാള്‍ തുടങ്ങിയ സൗകര്യങ്ങളോടെ നിര്‍മ്മിക്കുന്ന വീടുകള്‍ക്ക് ആവശ്യമായ സ്ഥലവും സംഘടന വഴി കണ്ടെത്തുകയായിരുന്നു. ദുരന്തത്തില്‍ വീട് നഷ്ടപ്പെട്ട കുടുംബങ്ങള്‍ക്കാണ് മര്‍കസും മുസ്ലിം ജമാഅത്തും ചേര്‍ന്ന് പുനരധിവാസ പദ്ധതി നടപ്പാക്കുന്നത്. മറ്റ് വീടുകളുടെ നിര്‍മ്മാണ പ്രവര്‍ത്തനങ്ങള്‍ അവസാന ഘട്ടത്തിലാണ്. സംസ്ഥാനത്തിന്റെ വിവിധ ഭാഘങ്ങളിലായി പ്രകൃതി ദുരന്തങ്ങള്‍ക്കിരയായവരില്‍ നിന്ന് തെരഞ്ഞെടുത്ത മറ്റ് 26 കുടുംബങ്ങള്‍ക്കുള്ള വീടുകളുടെ നിര്‍മ്മാണവും ഇതൊടൊപ്പം പുരോഗമിച്ചുകൊണ്ടിരിക്കുന്നു എന്ന് മര്‍കസ് ഡയറക്ടര്‍ ഡോ. അബ്ദുല്‍ ഹകീം അസ്ഹരി അറിയച്ചു.
 
സ്‌കൂള്‍ വാര്‍ഷികം ആഘോഷിച്ചു
കൂടത്തായി: കൂടത്തായി പുറായില്‍ തട്ടാഞ്ചേരി ഹോളി മുഹമ്മദ് സ്മാരക ഇംഗ്ലീഷ് മീഡിയം നഴ്‌സറി സ്‌കൂള്‍ ആന്‍ഡ് പാരഡൈസ് പ്രീ സ്‌കൂള്‍ വാര്‍ഷികം കെ വി വി ഇ എസ് മണ്ഡലം വൈസ് പ്രസിഡന്റ് എ കെ കാതിരി ഹാജി ഉദ്ഘാടനം ചെയ്തു. അല്‍ മുന്‍ ഫരിദ് ട്രസ്റ്റ് ചെയര്‍മാന്‍ ടി ഇബ്രാഹിം അധ്യക്ഷത വഹിച്ചു. സി പി ഉണ്ണിമോയി, സാലി കൂടത്തായി, സത്താര്‍ ടി സി, ഫൈസല്‍ ടി, റഹ്മാന്‍ വി, ഇഖ്ബാല്‍ സി ടി എന്നിവര്‍ പ്രസംഗിച്ചു. പി ടി എ പ്രസിഡണ്ട് അസീസ് പി കെ സ്വാഗതവും സ്‌കൂള്‍ പ്രിന്‍സിപ്പാള്‍ ഷാഹിന റഹ്മത്ത് നന്ദിയും പറഞ്ഞു.
 
ഭിന്നശേഷി അസോസിയേഷന്‍ ജില്ലാ കമ്മിറ്റി ഓഫീസ് ഉദ്ഘാടനം ചെയ്തു
കൊടുവള്ളി: കേരള ഭിന്നശേഷി അസോസിയേഷന്റെ പുതിയ ജില്ലാ കമ്മിറ്റി ഓഫീസ് മടവൂര്‍ പറമ്പത്ത് പുറായില്‍ കാരാട്ട് റസാക്ക് എം എല്‍ എ ഉദ്ഘാടനം ചെയ്തു. എല്ലാ സര്‍ക്കാര്‍, അര്‍ദ്ധ സര്‍ക്കാര്‍ ഓഫീസുകളും ഭിന്നശേഷി സൗഹൃദ ഓഫീസുകളാക്കി മാറ്റണമെന്ന് അദ്ദേഹം പറഞ്ഞു. സംസ്ഥാന സിക്രട്ടറി മടവൂര്‍ സൈനുദ്ദീന്‍ അധ്യക്ഷത വഹിച്ചു. സാമൂഹ്യ സുരക്ഷാ മിഷന്‍ ഓഫിസര്‍ ഫൈസല്‍ ഭിന്നശേഷിക്കാരുടെ അവകാശങ്ങളെ സംബന്ധിച്ച് ക്ലാസെടുത്തു.
 
എസ് വൈ എസ് താമരശ്ശേരി സോണ്‍ റിവൈവല്‍ ക്യാമ്പ് സംഘടിപ്പിച്ചു
താമരശ്ശേരി: എസ് വൈ എസ് താമരശ്ശേരി സോണ്‍ ആത്മായനവും റിവൈവല്‍ ക്യാമ്പും കൈതപ്പൊയില്‍ മര്‍കസ് നോളജ് സിറ്റിയില്‍ നടന്നു. സംസ്ഥാന ഉപാധ്യക്ഷന്‍ സയ്യിദ് മുഹമ്മദ് തുറാബ് തങ്ങള്‍ സഖാഫി ഉദ്ഘാടനം ചെയ്തു. സോണ്‍ പ്രസിഡണ്ട് സാബിത് അബ്ദുല്ല സഖാഫി അദ്ധ്യക്ഷത വഹിച്ചു. സംസ്ഥാന സെക്രട്ടറി ഡോ. എ പി അബ്ദുല്‍ ഹകീം അസ്ഹരി മുഖ്യാഥിതിയായിരുന്നു. റിവൈവല്‍ ക്യാമ്പിന് ജില്ലാ സെക്രട്ടറി കബീര്‍ മാസ്റ്റര്‍ എളേറ്റില്‍ നേതൃത്വം നല്‍കി.
 
കൈതപ്പൊയില്‍ ജി എം യു പി സ്‌കൂളില്‍ ഏകദിന പഠനക്യാമ്പ് നടത്തി
കൈതപ്പൊയില്‍: കൈതപ്പൊയില്‍ ജി എം യു പി സ്‌കൂളില്‍ ഏകദിന പഠനക്യാമ്പ് നടത്തി. വ്യക്തിത്വ വികസന ക്ലാസ് സിജി ട്രെയിനര്‍ ജംഷീര്‍ തിരൂര്‍ നയിച്ചു. ഈസി ഇംഗ്ലീഷ് പഠനക്ലാസിന് പുതുപ്പാടി ഹൈസ്‌കൂള്‍ ഇംഗ്ലീഷ് അദ്ധ്യാപിക ജ്യോതി നാരായണന്‍ നേതൃത്വം നല്‍കി. വിവര സാങ്കേതിക വിദ്യഭ്യാസം എന്ന വിശയത്തില്‍ ബി ആര്‍ സി ട്രെയിനര്‍ അബൂബക്കര്‍ കുണ്ടായി മാസ്റ്റര്‍ ക്ലാസെടുത്തു. തുടര്‍ന്ന് വിഖ്‌നേശ്വരന്‍ മാസ്റ്ററുടെ നേതൃത്വത്തില്‍ വാന നിരീക്ഷണവും പഠനക്ലാസും നടത്തി. വിശാഖന്‍ മാസ്റ്റര്‍ ഗണിതം മധുരം എന്ന വിശയത്തില്‍ ക്ലാസെടുത്തു. വൈകുന്നേരത്തെ നൊസ്റ്റാള്‍ജിക് ഗെയിംസ് കുട്ടികള്‍ക്ക് ആവേശമേകി. രാവിലെ 9 മണിക്ക് തുടങ്ങിയ ക്യാമ്പ് രാത്രി 9 മണിയോടെയാണ് അവസാനിച്ചത്. ഹെഡ്മാസ്റ്റര്‍ എം പി അബ്ദുറഹിമാന്‍, കെ ടി ബെന്നി, ഇ ക രാമചന്ദ്രന്‍, ഫിലോമിന ജോസഫ്, കെ വി പരീത്, ജുനേഷ് എ സി, സുല്‍ഫീക്കര്‍ ഇബ്രാഹിം എന്നിവര്‍ നേതൃത്വം നല്‍കി. സ്‌കൂളിലെ അദ്ധ്യാപകരും രക്ഷിതാക്കളും ക്യാമ്പ് അംഗങ്ങള്‍ക്ക് പിന്തുണയുമായെത്തി.
 
അമ്പായത്തോട് മേഖലാ എല്‍ ഡി എഫ് കണ്‍വന്‍ഷന്‍ സംഘടിപ്പിച്ചു
താമരശ്ശേരി: അമ്പായത്തോട് മേഖലാ എല്‍ ഡി എഫ് കണ്‍വന്‍ഷന്‍ കോഴിക്കോട് പാര്‍ലമെന്റ് എല്‍ ഡി എഫ് ചെയര്‍മാന്‍ കെ ജി പങ്കജാക്ഷന്‍ ഉദ്ഘാടനം ചെയ്തു. കെ സി ബേബി അധ്യക്ഷത വഹിച്ചു. പി സി തോമസ്, കരീം പുതുപ്പാടി, ഗ്രാമ പഞ്ചായത്ത് പ്രസിഡണ്ട് ബേബി രവീന്ദ്രന്‍, കെ വി സെബാസ്റ്റ്യന്‍, ടി സി വാസു, കെ ആര്‍ രാജന്‍, എ പി അപ്പുക്കുട്ടി എന്നിവര്‍ സംസാരിച്ചു. കെ സി ബേബി (ചെയര്‍മാന്‍), എ പി അപ്പുക്കുട്ടി (ജനറല്‍ കണ്‍വീനര്‍), കെ ആര്‍ രാജന്‍ (ട്രഷറര്‍) എന്നിവരെ കമ്മിറ്റി ഭാരാവാഹികളായി തിരഞ്ഞടുത്തു.
 
1 2 3
 
 
 

All rights reserved | Website developed and maintained by Zyonz Technologies