02-Jul-2020 (Thu)
'കോവിഡിനോട് പൊരുതി ജയിക്കുന്ന കേരളം' പുസ്തകത്തിന്റെ ജില്ലാതല പ്രകാശനം നടന്നു മുഖ്യ മന്ത്രിയുടെ പ്രാദേശിക റോഡ് പുനരുദ്ധാരണ പദ്ധതിക്ക് തുടക്കമായി താമരശ്ശേരി എ ഇ ഒ ഒഫീസിന് മുന്‍പില്‍ കെ എസ് യു ധര്‍ണ്ണ നടത്തി താമരശ്ശേരി ചമല്‍ കേളന്‍മൂല ഭാഗത്ത് നിന്നും വാഷും ചാരായവും പിടിച്ചെടുത്തു പ്ലാസ്റ്റിക് ടോള്‍ ബൂത്തുകള്‍ സ്ഥാപിച്ചു പുതുപ്പാടിയില്‍ കാട്ടുപന്നികളെ വെടിവെച്ചുകൊല്ലുന്നതിനുള്ള നടപടികള്‍ക്കായി ജാഗ്രതാ സമിതി ചേര്‍ന്നു കര്‍ഷക കൂട്ടായ്മ താമരശ്ശേരി ഫോറസ്റ്റ് റെയ്ഞ്ച് ഓഫീസിലേക്ക് മാര്‍ച്ച് നടത്തി മുഖത്ത് പ്ലാസ്റ്റിക് ഡബ്ബ കുടുങ്ങിയ കുറുക്കനെ രക്ഷപ്പെടുത്തി തൃക്കുറ്റിശ്ശേരി വയല്‍ പീടിക പുതിയപാലം മന്ത്രി ജി സുധാകരന്‍ നാടിന് സമര്‍പ്പിച്ചു സ്മാര്‍ട്ട് ചാലഞ്ചില്‍ റിപ്പയര്‍ ചെയ്ത ഫോണുകള്‍ അദ്ധ്യാപകര്‍ക്കു കൈമാറി പുല്ലാളൂര്‍ പുറായില്‍ ഒലോറക്കുന്ന് റോഡ് മന്ത്രി ഉദ്ഘാടനം ചെയ്തു
 
 
 
1 2 3
 
കെ എസ് ഇ ബി സെമിനാര്‍ പ്രസന്റേഷന്‍ സംഘടിപ്പിച്ചു
കളന്‍തോട്: കെ എസ് ഇബി എഞ്ചിനീയേര്‍സ് അസോസിയേഷനും കെ എം സി ടി കോളേജ് ഓഫ് എഞ്ചിനീയറിംഗ് എന്‍ എസ് എസ്, ഐ ഇ ഇ ഇ യൂണിറ്റും സംയുക്തമായി സെമിനാര്‍ പ്രസന്റേഷന്‍ സംഘടിപ്പിച്ചു. മത്സരത്തില്‍ രണ്ട് സെമിനാറുകള്‍ ജില്ലാതല മത്സരത്തിന് യോഗ്യത നേടി. പരിപാടിയുടെ ഉദ്ഘടനം ഇലക്ട്രോണിക്‌സ് വിഭാഗം തലവന്‍ ഡോ. സാബിഖ് പി വി നിര്‍വഹിച്ചു. കെ എസ് ഇ ബി എഞ്ചിനിയര്‍മാരായ സി കെ ജയകുമാര്‍, വി എസ് വിവേക്, രാജേഷ് കൃഷ് ണ,പ്രോഗ്രാം ഓഫീസര്‍ പി സി ഷമീം, ബ്രാഞ്ച് കൗണ്‍സിലര്‍ അരുണ്‍ലാല്‍ സി കെ, ജിഷ്ണു, ഹിഷാം തുടങ്ങിയവര്‍ സംസാരിച്ചു.
 
കിഴുപറമ്പ് ഗവ. ഹയര്‍ സെക്കണ്ടറി സ്‌കൂളില്‍ പൂര്‍വ്വാധ്യാപക സംഗമം സംഘടിപ്പിച്ചു
കിഴുപറമ്പ്: കിഴുപറമ്പ് ഗവ. വൊക്കേഷണല്‍ ഹയര്‍ സെക്കണ്ടറി സ്‌കൂളില്‍ പൂര്‍വ്വാധ്യാപക സംഗമം സംഘടിപ്പിച്ചു. കിഴുപറമ്പ് ഗവ. ഹൈസ്‌കൂളില്‍ അധ്യാപകനായി 32 വര്‍ഷത്തെ സേവനത്തിനു ശേഷം വിരമിക്കുന്ന പി കെ ഷംസുദ്ദീന്‍ മാസ്റ്ററുടെ യാത്രയയപ്പ് പരിപാടിയുടെ ഭാഗമായാണ് ഒത്തുചേരല്‍ സ്‌നേഹാര്‍ദ്രം സംഘടിപ്പിച്ചത്. ജനപ്രതിനിധികള്‍, പൂര്‍വ്വാധ്യാപകര്‍, ഓഫീസ് ജീവനക്കാര്‍, പി ടി എ ഭാരവാഹികള്‍, പൂര്‍വ്വ വിദ്യാര്‍ത്ഥികള്‍, കുടുംബാംഗങ്ങള്‍ എന്നിവരാണ് സംഗമത്തിന് എത്തിയത്. പ്രധാനാധ്യാപകന്‍ കെ മുഹമ്മദ് ബഷീര്‍, സ്റ്റാഫ് സെക്രട്ടറി ടി കെ അന്‍വര്‍ സാദത്ത് എന്നിവര്‍ നേതൃത്വം നല്‍കി. സംഗമത്തില്‍ പി കെ ഷംസുദ്ദീന്‍ മാസ്റ്റര്‍ക്കും ഓഫീസ് സ്റ്റാഫ് സബീജ സ്രാമ്പ്യനും ഊഷ്മളമായ യാത്രയപ്പ് നല്‍കി. ഡെറാഡൂണില്‍ നടന്ന ദേശീയ മാസ്‌റ്റേഴ്‌സ് മീറ്റില്‍ സ്വര്‍ണം നേടിയ പൂര്‍വ്വാധ്യാപകന്‍ കെ സി അബ്ദു മാസ്റ്റര്‍ക്ക് സ്വീകരണം നല്‍കി. സ്‌കൂള്‍ ശാസ്ത്ര വിഭാഗം കിഴുപറമ്പ് പഞ്ചായത്തിലെ എല്‍ പി, യു പി, ഹൈസ്‌കൂള്‍ വിഭാഗങ്ങളിലെ ശാസ്ത്ര പ്രതിഭകള്‍ക്ക് നല്‍കി വരുന്ന ഐന്‍സ്റ്റീന്‍ എന്‍ഡോവ്‌മെന്റ് വിതരണം, ഡിജിറ്റല്‍ സപ്ലിമെന്റ് സാദരം ലോഞ്ചിങ്, ആര്‍ടിസ്റ്റ് സി കെ രാമചന്ദ്രന്‍ മാസ്റ്റര്‍ക്ക് ആദരം, ഉപഹാര സമര്‍പ്പണം, കലാപരിപാടികള്‍ എന്നിവയും നടന്നു.
 
അതിജീവനം: പ്രളയാനന്തര ദുരിതാശ്വാസ പ്രവര്‍ത്തനങ്ങള്‍ക്ക് തുടക്കം
താമരശേരി: താമരശേരി രൂപതയില്‍ പ്രളയാനന്തര ദുരിതാശ്വാസ പ്രവര്‍ത്തനങ്ങള്‍ക്കായി അതിജീവനം പദ്ധതി ആരംഭിച്ചു. കാരിത്താസ് ഇന്ത്യയും താമരശേരി രൂപതയുടെ സാമൂഹ്യ സേവനവിഭാഗമായ സി ഒഡി യും ചേര്‍ന്നാണ് പദ്ധതി നടപ്പാക്കുന്നത്. പ്രളയത്തിലും പ്രകൃതി ദുന്തങ്ങളിലുമായി വീടുകള്‍ തകര്‍ന്നവര്‍ക്കും കൃഷി ഭൂമിയും കൃഷിയും നശിച്ചവര്‍ക്കും ആശ്വാസമാകുന്നതാണ് പദ്ധതി. ഉരുള്‍പൊട്ടലുകളില്‍ ഭാഗികമായി തകര്‍ന്ന വീടുകളുടെ അറ്റകുറ്റപ്പണി, ശൗചാലയ നിര്‍മ്മാണം, കിണര്‍ ശുചീകരണം, ക്ലോറിനേഷന്‍, ജല ഗുണമേന്മ പരിശോധന തുടങ്ങിയവക്ക് സഹായം നല്‍കും. വാഴ, പക്കറി, ഇഞ്ചി, മഞ്ഞള്‍ തുടങ്ങിയവ കൃഷി ചെയ്യുന്നതിനാവശ്യമായ വിത്തുകളും വളവും നല്‍കുന്നതോടൊപ്പം കൃഷിയിറക്കാനാവശ്യമായ സാമ്പത്തിക സഹായവും നല്‍കും. ആടുകള്‍, കോഴിക്കുഞ്ഞുങ്ങള്‍ എന്നിവയെയും അതിജീവനം പദ്ധതിയില്‍ വിതരണം ചെയ്യുന്നുണ്ട്. 40 ലക്ഷം രൂപയടെ പദ്ധതിയാണ് ഇവിടെ നപ്പാക്കുന്നത്. മൈലെള്ളാംപാറയില്‍ നടന്ന രൂപതാ തല ഉദ്ഘാടനം താമരശേരി രൂപതാ ബിഷപ്പ് മാര്‍ റെമീജിയോസ് ഇഞ്ചനാനിയില്‍ നിര്‍വ്വഹിച്ചു. സി ഒ ഡി ഡയറക്ടര്‍ ഫാ. ജോസഫ് മുകളേപറമ്പില്‍ അധ്യക്ഷത വഹിച്ചു. കാരിത്താസ് ഇന്ത്യ കോഡിനേറ്റര്‍ അബീഷ് ആന്റണി പദ്ധതി വിശദീകരിച്ചു. സി ഒ ഡി അസി. ഡയറക്ടര്‍ ഫാ. ജോര്‍ജ്ജ് ചെമ്പരത്തി, സി ഒ ഡി കോഡിനേറ്റര്‍മാരായ സിസ്റ്റര്‍ റോസ് മൈക്കിള്‍, ജോയി കാലായില്‍, ത്രേസ്യാമ്മ തോമസ് എന്നിവര്‍ പ്രസംഗിച്ചു.
 
പ്രളയത്തില്‍ തകര്‍ന്ന പാലത്തിന്റെ പുനര്‍ നിര്‍മാണം എസ് വൈ എസ് ഏറ്റെടുത്തു
താമരശ്ശേരി: പ്രളയത്തില്‍ തകര്‍ന്ന തൂക്കുപാലത്തിന്റെ പുനര്‍ നിര്‍മാണം എസ് വൈ എസ് ഏറ്റെടുത്തു. താമരശ്ശേരി-ഓമശ്ശേരി പഞ്ചായത്തുകളെ ബന്ധിപ്പിച്ച് അണ്ടോണ വെള്ളച്ചാല്‍ തെക്കെ തൊടുകയില്‍ ഉണ്ടായിരുന്ന പാലമാണ് എസ് വൈ എസ് സാന്ത്വനം പ്രളയ ദുരിതാശ്വാസത്തിന്റെ ഭാഗമായി പുനര്‍ നിര്‍മിക്കുന്നത്. നിരവധി കുടുംബങ്ങള്‍ താമസിക്കുന്ന വെള്ളച്ചാല്‍, തെക്കെ തൊടുക ഭാഗങ്ങളില്‍ നിന്നും വിവിധ ആവശ്യങ്ങള്‍ക്കായി താമരശ്ശേരിയില്‍ എത്തേണ്ടവര്‍ പാലം തകര്‍ന്നതിനാല്‍ പ്രയാസത്തിലായിരുന്നു. വിദ്യാര്‍ത്ഥികളും പ്രായമായവരുമാണ് ഏറെ ദുരിതം അനുഭവിക്കുന്നത്. ഇവരുടെ പ്രയാസം മനസ്സിലാക്കിയാണ് തൂക്കുപാലം നിര്‍മിച്ചു നല്‍കാന്‍ എസ് വൈ എസ് തീരുമാനിച്ചത്. പ്രവൃത്തി ഉദ്ഘാടനം എസ് വൈ എസ് ജില്ലാ സെക്രട്ടറി മുനീര്‍ സഅദി പൂലോട് നിര്‍വഹിച്ചു. അണ്ടോണ മഹല്ല് പ്രസിഡന്റ് ടി ടി മമ്മുണ്ണി മാസ്റ്റര്‍ അധ്യക്ഷത വഹിച്ചു. എസ് വൈ എസ് ജില്ലാ സെക്രട്ടറി പി വി അഹമ്മദ് കബീര്‍, സോണ്‍ ജനറല്‍ സെക്രട്ടറി നാസര്‍ മാസ്റ്റര്‍ പൂക്കോട്, സാബിത് അബ്ദുള്ള സഖാഫി, ജഅഫര്‍ സഖാഫി അണ്ടോണ, എന്‍ വി ലത്തീഫ് സഖാഫി, നിസാര്‍ ലത്തീഫി തുടങ്ങിയവര്‍ സംബന്ധിച്ചു. അബ്ദുറഹിമാന്‍ അണ്ടോണ സ്വാഗതം പറഞ്ഞു.
 
പഞ്ചായത്ത് കിണര്‍ ശുചീകരിച്ചു
താമരശ്ശേരി: ജെ സി ഐ താമരശ്ശേരി ടൗണ്‍ ചാപ്റ്ററിന്റെ നേതൃത്വത്തില്‍ താമരശ്ശേരി ഗ്രാമപഞ്ചായത്തിന്റെ കിണര്‍ ശുചീകരിച്ചു. കോവിലകം റോഡിനു സമിപമുള്ള വര്‍ഷങ്ങളായി ഉപയോഗ്യശൂന്യമായി കിടന്ന കിണറാണ് ശുചീകരിച്ചത്. വേനലായതോടെ കുടുവെള്ളക്ഷാമം നേരിട്ട പ്രദേശത്ത് നാട്ടുകാരുടെ അഭ്യത്ഥന മാനിച്ചാണ് ശുചീകരണം നടത്തിയത്. കിണറിലെ വെള്ളം വറ്റിച്ച് ചെളിയും ചപ്പുചവറുകളും നീക്കിയാണ് ഉപയോഗ യോഗ്യമാക്കിയത്. ഗ്രാമപഞ്ചായത്ത് മെമ്പര്‍ കെ സരസ്വതി ഉദ്ഘടനം ചെയ്തു. ജെ സി ഐ പ്രസിഡന്റ് ജോബിന്‍ ജേണ്‍ അധ്യക്ഷത വഹിച്ചു. ജെ സി ഐ സോണ്‍ ഓഫീസര്‍മാരായ അനീഷ് ജോണ്‍, മനോജ് ജേക്കബ്, സെക്രട്ടറി അബ്ദുള്‍ ജലീല്‍ എന്നിവര്‍ പ്രസംഗിച്ചു. സൂരജ് ജോണ്‍, കെ ആര്‍ ഗിരീഷ്, ജോര്‍ജ്ജ് ജോണ്‍, ജിബിന്‍ ചാക്കോ, അബ്ദുള്‍ മുനീര്‍ എന്നിവര്‍ നേതൃത്വം നല്‍കി.
 
സഹപാഠിക്കൊരു വീട്: നിര്‍നാണത്തിന്റെ ആദ്യഘട്ടമായി പഴയവീട് പൊളിച്ചു മാറ്റി
കൊട്ടാരക്കോത്ത്: സഹപാഠിക്കൊരു വീട് എന്ന ചിന്തയില്‍ പള്ളിപ്പുറം എ എല്‍ പി സ്‌കൂളിലെ 1988ലെ ഒന്നാം ക്ലാസ് ബാച്ച് തങ്ങളുടെ സഹപാഠിക്ക് കൊട്ടാരക്കോത്ത് നിര്‍മ്മിക്കുന്ന വീടിന്റെ പണിയുടെ ആദ്യഘട്ടമായ പഴയവീട് പൊളിച്ചു മാറ്റുന്ന ശ്രമദാനം ദൗത്യം തച്ചംപൊയില്‍ വിവ ആട്‌സ് & സ്‌പോട്‌സ് ക്ലബ്ബ് അംഗങ്ങള്‍ ഏറ്റെടുത്തു നടത്തി. ഫുട്‌ബോള്‍ ടൂര്‍ണമെന്റുകളില്‍ ശ്രദ്ധേയമായ വിവ സ്‌പോട്‌സ് ജീവകാരുണ്യ പൊതു സേവന രംഗത്തും സജീവ സാനിധ്യമാണ്.
 
കാവിലുമ്മാരം വേറോല്‍ അമ്പലം റോഡ് പ്രവൃത്തി ഉദ്ഘാടനം ചെയ്തു
കിഴക്കോത്ത്: കാവിലുമ്മാരം വേറോല്‍ അമ്പലം റോഡ് കോണ്‍ക്രീറ്റ് പ്രവൃത്തി പഞ്ചായത്ത് വികസന കാര്യ സ്റ്റാന്റിംഗ് കമ്മിറ്റി ചെയര്‍മാന്‍ വി എം മനോജ് ഉദ്ഘാടനം ചെയ്തു. ഒരു ലക്ഷം രൂപയാണ് മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി പ്രകാരം അനുവദിച്ചത്. അപ്പുക്കുട്ടി, ഗോപാലന്‍, ശ്രീധരന്‍ ചന്ദ്രന്‍, രാജന്‍ പ്രകാശന്‍, സത്യഭാമ ഗീത, സുനിത, റിയാസ് തുടങ്ങിയവര്‍ സംസാരിച്ചു
 
പൂര്‍വ്വ വിദ്യാര്‍ത്ഥി സംഗമവും സ്‌കൂള്‍ വാര്‍ഷികവും സംഘടിപ്പിച്ചു
കിഴക്കോത്ത്: പന്നൂര്‍ ഈസ്റ്റ് എ എം എല്‍ പി സ്‌കൂള്‍ കുറുന്താറ്റില്‍ പൂര്‍വ്വ വിദ്യാര്‍ത്ഥി സംഗമവും തൊണ്ണൂറ്റി മൂന്നാം വാര്‍ഷികവും ആഘോഷിച്ചു. പൂര്‍വ്വ വിദ്യാര്‍ത്ഥി സംഗമം കിഴക്കോത്ത് പഞ്ചായത്ത് വൈസ് പ്രസിഡണ്ട് യു പി നഫീസ ഉദ്ഘാടനം ചെയ്തു. വാര്‍ഷിക പരിപാടി കൊടുവള്ളി എം എല്‍ എ കാരാട്ട് റസാഖ് ഉദ്ഘാടനം ചെയ്തു. പി ടി എ പ്രസിഡണ്ട് അസ്സയിന്‍ പറക്കുന്ന് അദ്ധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡണ്ട് എം എം രാധാമണി, കിഴക്കോത്ത് പഞ്ചായത്ത് വിദ്യാഭ്യാസ സ്റ്റാന്റിംഗ് കമ്മറ്റി ചെയര്‍മാന്‍ കെ കെ ജമ്പാര്‍ മാസ്റ്റര്‍, എ ഇ ഒ. മുരളി കൃഷ്ണന്‍, കെ കെ ആലി മാസ്റ്റര്‍, മാനേജര്‍ എം പി ഷംസുദ്ദീന്‍, കെ ഒ മജീദ്, ഖയ്യൂം മാസ്റ്റര്‍, രാജലക്ഷമണന്‍, അഷ്‌റഫ് കൊടുവള്ളി, ഷാജി പന്നൂര്‍, ശിവരാജന്‍, തസ്ലീന, ജസ്‌ന എന്നിവര്‍ സംസാരിച്ചു.
 
താനിക്കല്‍-അവേലം റോഡ് ഉദ്ഘാടനം ചെയ്തു
കാന്തപുരം: ടാറിംഗ് പൂര്‍ത്തിയാക്കിയ താനിക്കല്‍-അവേലം റോഡ് വാര്‍ഡ് മെമ്പര്‍ കെ പി സക്കീന ഉദ്ഘാടനം ചെയ്തു. ചേപ്പാല ചോയിമഠം റോഡിനെയും പാടത്തുംകുഴി-ആനപ്പാറ റോഡിനെയും ബന്ധിപ്പിക്കുന്ന റോഡ് നാലു ഘട്ടമായാണ് പണി പൂര്‍ത്തിയാക്കിയത്. ടി ഉണ്ണിമോയിന്‍ മാസ്റ്റര്‍, സലാം മാസ്റ്റര്‍, ഫസല്‍ വാരിസ്, അലവി താനിക്കല്‍, മൂസ മൗലവി, മുഹമ്മദ് സാലിഹ്, ഹസ്സന്‍ മാസ്റ്റര്‍, നാസര്‍ താനിക്കല്‍, അജ്‌നാസ്, സുല്‍ഫീക്കര്‍ ഇബ്രാഹിം എന്നിവര്‍ പങ്കെടുത്തു.
 
പുതിയമ്പ്ര മല റോഡ് ഉദ്ഘടനം ചെയ്തു
പൂനൂര്‍: മഹാത്മാ ഗാന്ധി ദേശീയ തൊഴിലുറപ്പ് പദ്ധതിയില്‍ അഞ്ചു ലക്ഷം ഉള്‍പ്പെടുത്തി ഗതാഗത യോഗ്യമാക്കിയ മടത്തുംപൊയില്‍ പുതിയമ്പ്ര മല റോഡ് പഞ്ചായത്ത് പ്രസിഡന്റ് ഇ ടി ബിനോയ് ഉദ്ഘടനം ചെയ്തു. വാര്‍ഡ് മെമ്പര്‍ നഫീസ പുതിയമ്പ്ര, വാര്‍ഡ് വികസന സമിതി കണ്‍വീനര്‍ പി എച്ച് സിറാജ്, സി പി കരീം മാസ്റ്റര്‍, യു കെ അബ്ദു റഹിമാന്‍, എ പി മജീദ് എന്നിവര്‍ സംസാരിച്ചു.
 
1 2 3
 
 
 

All rights reserved | Website developed and maintained by Zyonz Technologies