20-Mar-2019 (Wed)
 
 
 
കോഴിക്കോട്: അന്‍ത് വര്‍ഷം മുന്‍പ് മഹാരാഷ്ട്രയില്‍ നിന്നും കോഴിക്കോട്ടെത്തി സ്ഥിരതാമസമാക്കിയ ഒരു കൂട്ടം ആളുകളുണ്ട്. മഹാരാഷ്ട്ര ഗോള്‍ഡ് ആന്റ് റിഫൈനറി അസ്സോസിയഷനിലെ അംഗങ്ങളായവര്‍. ഇവര്‍ പ്രളയദുരിത ബാധിതര്‍ക്കായി നല്‍കുന്നത് രണ്ടര ലക്ഷം രൂപയാണ്. അസോസിയേഷന്‍ പ്രസിഡന്റ് വസന്ത് പാട്ടീല്‍, സെക്രട്ടറി ശാന്താറാം പവാര്‍ അംഗങ്ങളായ കിരണ്‍ സുര്‍വേ, വിദ്യാധരന്‍ മോഹ്തി, സമ്പാജി ഷിന്‍ഡേ സുര്‍ജിത് നിഗം സുബാഷ് യാദവ് എന്നിവര്‍ ചേര്‍ന്ന് കലക്ടര്‍ യു വി ജോസിന് കലക്ടറുടെ ചേംബറിലെത്തി ചെക്ക് കൈമാറി.
 
കേന്ദ്രത്തിലും സംസ്ഥാനത്തിലും കോണ്‍ഗ്രസ്സ് അനുകൂല സഹചര്യം; എം കെ രാഘവന്‍ എം പി
താമരശ്ശേരി: കേന്ദ്രത്തിലും സംസ്ഥാനത്തിലും കോണ്‍ഗ്രസ്സ് അനുകൂല സഹചര്യമാണ് നിലവിലുള്ളതെന്നും അടുത്ത പാര്‍ലമെന്റ് തെരഞ്ഞെടുപ്പില്‍ കോണ്‍ഗ്രസ്സ് അധികാരത്തിലെത്തുമെന്നും എം കെ രാഘവന്‍ എം പി. താമരശ്ശേരി മണ്ഡലം കോണ്‍ഗ്രസ്സ് കമ്മിറ്റി സംഘടിപ്പിച്ച കര്‍മ്മപഥം പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മണ്ഡലം കോണ്‍ഗ്രസ്സ് പ്രസിഡണ്ട് നവാസ് ഈര്‍പ്പോണ അധ്യക്ഷത വഹിച്ചു. അഡ്വ. പി എം നിയാസ് മുഖ്യ പ്രഭാഷണം നടത്തി. പി സി ഹബീബ് തമ്പി, എ പി ഹുസ്സൈന്‍, ടി ആര്‍ ഓമനകുട്ടന്‍, കെ കെ എം ഹനീഫ, അഡ്വ. ജോസഫ് മാത്യു, കെ സരസ്വതി, സുമാരാ ജേഷ്, സി മുഹ്‌സിന്‍, വി കെ എ കബീര്‍, വി പി ഹംജാദ് എന്നിവര്‍ പ്രസംഗിച്ചു. ചടങ്ങില്‍ പുതിയ മണ്ഡലം ഭാരവാഹികള്‍ ചുമതലയേറ്റു. യൂത്ത് കോണ്‍ഗ്രസ്സ്, മഹിളാ കോണ്‍ഗ്രസ്സ്, കെ എസ് യു ഭാരവാഹികള്‍ക്ക് ചടങ്ങില്‍ സ്വീകരണം നല്‍കി.
 
മുക്കം പ്രസക്ലബ് സംഘടിപ്പിച്ച വാര്‍ത്ത വായന, രചന മത്സരം ശ്രദ്ധേയമായി
മുക്കം: മുക്കം പ്രസ് ഫോറത്തിന്റെ നേതൃത്വത്തില്‍ ഉപജില്ലയിലെ ഹൈസ്‌കൂള്‍, ഹയര്‍ സെക്കന്ററി വിദ്യാര്‍ത്ഥികള്‍ക്കായി വാര്‍ത്ത വായന, രചന മത്സരം സംഘടിപ്പിച്ചു. മുക്കം ഓര്‍ഫനേജ് ഗേള്‍സ് ഹൈസ്‌കൂളില്‍ നടന്ന മത്സരത്തില്‍ 60 ഓളം വിദ്യാര്‍ത്ഥികള്‍ പങ്കെടുത്തു.ഹയര്‍ സെക്കണ്ടറി വാര്‍ത്ത വായന മത്സരത്തില്‍സെന്റ് ജോസഫ് ഹയര്‍ സെക്കണ്ടറി സ്‌കൂള്‍ പുല്ലൂരമ്പാറയിലെ അലീന സജി ഒന്നാം സ്ഥാനവും മണാശ്ശേരി എം കെ എച്ച് എം എം ഒ സ്‌കൂളിലെ സി പി അംന രണ്ടാം സ്ഥാനവുംചേന്ദമംഗല്ലൂര്‍ ഹയര്‍ സെക്കന്ററിയിലെ യു കെ അമീന പര്‍വീന്‍ മൂന്നാം സ്ഥാനവും കരസ്ഥമാക്കി.
 
സമൂഹത്തിന് എന്നും മാര്‍ഗദര്‍ശിയായിരുന്ന കെ വി മോയിന്‍കുട്ടി ഹാജിക്ക് സ്മാരകം പണിയണം; മന്ത്രി സുനില്‍ കുമാര്‍
കൊടുവള്ളി: സമൂഹത്തിന് എന്നും മാര്‍ഗദര്‍ശിയായിരുന്ന കെ വി മോയിന്‍കുട്ടി ഹാജിക്ക് സ്മാരകം പണിയണമെന്ന് കൃഷി വകുപ്പ് മന്ത്രി വി എസ് സുനില്‍കുമാര്‍ പറഞ്ഞു.പ്രദേശത്തെ വിദ്യാഭ്യാസ സാംസ്‌കാരിക മത സാമൂഹ്യ രംഗത്ത്നിറസാന്നിദ്ധ്യമായിരുന്ന കെ വി മോയില്‍കുട്ടി ഹാജിയുടെ അനുസ്മരണ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കരുവന്‍പൊയില്‍ പൗരാവലിയും കെ വി മോയിന്‍കുട്ടി ഹാജി മെമ്മോറിയല്‍ ട്രസ്റ്റും സംഘടിപ്പിച്ച ചടങ്ങില്‍ കാരാട്ട് റസാഖ് എം എല്‍ എ അധ്യക്ഷത വഹിച്ചു.
 
കൃഷിവിളകള്‍ ഇന്‍ഷൂര്‍ ചെയ്യുന്നത് കര്‍ഷകര്‍ ജീവിതത്തിന്റെ ഭാഗമാക്കണം; മന്ത്രി വി എസ് സുനില്‍കുമാര്‍
കൂടരഞ്ഞി: കൃഷിവിളകള്‍ ഇന്‍ഷൂര്‍ ചെയ്യുന്നത് കര്‍ഷകര്‍ ജീവിതത്തിന്റെ ഭാഗമാക്കണമെന്ന് കൃഷി വികസന വകുപ്പ് മന്ത്രി വി എസ് സുനില്‍കുമാര്‍ പറഞ്ഞു. കൃഷിനാശമുണ്ടായ കൂടരഞ്ഞി പഞ്ചായത്തിലെ പൂവാറംതോട്ടിലെ പ്രദേശങ്ങള്‍ സന്ദര്‍ശിച്ച ശേഷം പൂവാറംതോട് പാരിഷ്ഹാളില്‍ ചേര്‍ന്ന യോഗത്തില്‍ സംസാരിക്കുകയായിരുന്നു അദ്ദേഹം. കൃഷി ഇന്‍ഷൂര്‍ ചെയ്യുന്നതിലൂടെ നഷ്ടത്തിന്റെ തോത് കുറക്കാന്‍ കഴിയും. വന്യമൃഗ ആക്രമണത്തിലുണ്ടാകുന്ന നഷ്ടങ്ങളും ഇന്‍ഷൂറന്‍സ് പരിധിയില്‍ എല്‍ ഡി എഫ് സര്‍ക്കാര്‍ ഉള്‍പ്പെടുത്തിയിട്ടുണ്ട്. കൃഷിനാശമുണ്ടായിട്ട് ഇതുവരെ അപേക്ഷ നല്‍കാന്‍ സാധിക്കാത്തവര്‍ ഇനിയും അപേക്ഷ നല്‍കിയാല്‍ പരിഗണിക്കുമെന്നും മന്ത്രി കൂട്ടിച്ചേര്‍ത്തു. യോഗത്തില്‍ ജോര്‍ജ് എം തോമസ് എംഎല്‍എ അധ്യക്ഷത വഹിച്ചു. പഞ്ചായത്ത് പ്രസിഡന്റ് സോളി ജോസഫ്, വൈസ് പ്രസിഡന്റ് വി എ നസീര്‍, പ്രിന്‍സിപ്പല്‍ കൃഷി ഓഫീസര്‍ പി എന്‍ ജയശ്രീ, ജോണി, ഫാ. സഖറിയാസ് നെടുമല, റോയ് തെക്കേടത്ത്, മോഹനന്‍ മാസ്റ്റര്‍, ജോസ് വെണ്ണായിപ്പള്ളി തുടങ്ങിയവര്‍ സംസാരിച്ചു.
 
പെരുമണ്ണ ഗ്രാമപഞ്ചായത്ത് കേരഗ്രാമം പദ്ധതിക്ക് തുടക്കം
പെരുമണ്ണ: പെരുമണ്ണ ഗ്രാമപഞ്ചായത്ത് കേരഗ്രാമം പദ്ധതി കൃഷി വികസന വകുപ്പ് മന്ത്രി വി എസ് സുനില്‍ കുമാര്‍ ഉദ്ഘാടനം ചെയ്തു. നാളികേര കര്‍ഷകരുടെ സമഗ്ര വികസനവും സാമ്പത്തിക ഭദ്രതയും ഉറപ്പ് വരുത്തുന്നതിന് വേണ്ടി പെരുമണ്ണ ഗ്രാമപഞ്ചായത്ത് 2018-19 പദ്ധതി വര്‍ഷത്തില്‍ കാര്‍ഷിക വികസന, കര്‍ഷക ക്ഷേമ വകുപ്പ് മുഖാന്തരം നടപ്പിലാക്കുന്ന പദ്ധതിയാണ് കേര ഗ്രാമം. 50 ലക്ഷം രൂപ വകയിരുത്തിയിട്ടുള്ള പ്രസ്തുത പദ്ധതി പെരുമണ്ണ ഗ്രാമ പഞ്ചായത്ത് പരിധിയിലെ 250 ഹെക്ടര്‍ സ്ഥലത്തെ 50,000 തെങ്ങുകളിലെ ഉല്‍പ്പാദ വര്‍ദ്ധനവാണ് പദ്ധതിയിലൂടെ ലക്ഷ്യമിടുന്നത്.
 
ഓട്ടോറിക്ഷയില്‍ വിദേശ മദ്യവില്‍പ്പന; യുവാവ് പിടിയില്‍
കൊടുവള്ളി: ഓട്ടോറിക്ഷയില്‍ കറങ്ങി വിദേശ മദ്യവില്‍പ്പന നടത്തുന്നയാളെ കൊടുവള്ളി പോലീസ് അറസ്റ്റ് ചെയ്തു. കൂടത്തായി അമ്പലക്കുന്നുമ്മല്‍ രാജേഷ്(37) നെയാണ് കൊടുവള്ളി ഇന്‍സ്‌പെക്ടര്‍ പി ചന്ദ്രമോഹന്റെ നേതൃത്വത്തിലുള്ള സംഘം അറസ്റ്റ് ചെയ്തത്. ഓമശ്ശേരി, കൂടത്തായി പ്രദേശങ്ങളില്‍ വ്യാപകമായി വിദേശ മദ്യ വില്‍പ്പന നടത്തുന്നുവെന്ന പരാതിയെ തുടര്‍ന്ന് ഓമശ്ശേരിയില്‍ പോലീസ് നടത്തിയ വാഹന പരിശോധനയിലാണ് വിദേശ മദ്യം പിടികൂടിയത്. തിരുവമ്പാടിയിലെ വിദേശ മദ്യശാപ്പില്‍ നിന്നും വാങ്ങിയ മദ്യം വില്‍പ്പനക്കായി എത്തിച്ചപ്പോഴാണ് രാജേഷ് പോലീസിന്റെ പിടിയിലായത്. 12 കുപ്പി വിദേശവദ്യവും മദ്യം കടത്താന്‍ ഉപയോഗിച്ച കെ എല്‍ 57 എച് 3413 നമ്പര്‍ ഓട്ടോറിക്ഷയും പോലീസ് കസ്റ്റഡിയിലെടുത്തു. ഓട്ടോറിക്ഷയില്‍ കറങ്ങി വിദേശമദ്യം ആവശ്യക്കാര്‍ക്ക് എത്തിച്ചു കൊടുക്കുന്ന രാജേഷിനെതിരെ നിരവധി പരാതികള്‍ ലഭിച്ചിരുന്നതായി പോലീസ് പറഞ്ഞു. എ എസ് ഐ ശ്രീകുമാര്‍, സി പി ഒ മാരായ അബ്ദുല്‍ റഹീം, റഫീഖ് എന്നിവരടങ്ങിയ സംഘമാണ് വിദേശ മദ്യം പിടികൂടിയത്. താമരശ്ശേരി കോടതിയില്‍ ഹാജറാക്കിയ പ്രതിയെ 14 ദിവസത്തേക്ക് റിമാണ്ട് ചെയ്തു.
 
അതിഥി തൊഴിലാളി ക്ഷേമത്തിന് പ്രാധാന്യം നല്‍കും; മന്ത്രി ടി പി രാമകൃഷ്ണന്‍
കോഴിക്കോട്: സംസ്ഥാനത്ത് തദ്ദേശീയരായ തൊഴിലാളികള്‍ക്ക് ലഭിക്കുന്ന എല്ലാ അവകാശങ്ങളും അതിഥി തൊഴിലാളികള്‍ക്ക് കൂടി ഉറപ്പാക്കുമെന്ന് തൊഴില്‍ എക്‌സൈസ് വകുപ്പ് മന്ത്രി ടി പി രാമകൃഷ്ണന്‍. സംസ്ഥാന സാക്ഷര മിഷന്‍ അതോറിറ്റിയുടെ ആഭിമുഖ്യത്തില്‍ സിവില്‍ സ്‌റ്റേഷനിലെ ആസൂത്രണ സമിതി കോണ്‍ഫറന്‍സ് ഹാളില്‍ നടന്ന പരിശീലന പരിപാടി ഉദ്ഘാടനം നിര്‍വ്വഹിച്ചു സംസാരിക്കുകയായിരുന്നു അദ്ദേഹം.
 
സമസ്ത വൈസ് പ്രസിഡന്റ് എ കെ അബ്ദുര്‍റഹ്മാന്‍ മുസ്ലിയാര്‍ അന്തരിച്ചു; മയ്യിത്ത് നിസ്‌കാരം ഉച്ചക്ക് 12 മണിക്ക് ഫാറൂഖ് കോളജ് അണ്ടിക്കാടന്‍കുഴി ജുമുഅ മസ്ജിദില്‍
കോഴിക്കോട്: സമസ്ത കേരള ജംഇയ്യത്തുല്‍ ഉലമ വൈസ് പ്രസിഡന്റും കാസര്‍കോട് ജാമിഅ സഅദിയ്യ അറബിയ്യ പ്രിന്‍സിപ്പലുമായ എ കെ അബ്ദുര്‍റഹ്മാന്‍ മുസ്ലിയാര്‍ (77) അന്തരിച്ചു. കോഴിക്കോട് ഫാറൂഖ് കോളജിന് സമീപം അണ്ടിക്കാടന്‍ കുഴിയില്‍ കുടുംബാംഗമാണ്. 1968ല്‍ പട്ടിക്കാട് ജാമിഅയില്‍ നിന്ന് ഫൈസി ബിരുദം നേടിയ അദ്ധേഹം ഗോളശാസ്ത്രമുള്‍പ്പെടെ പല വിഷയങ്ങളിലും അവഗാഹം നേടി ഗ്രന്ഥരചന നടത്തി. കൊണ്ടോട്ടിക്ക് സമീപം ഒളവട്ടൂരിലായിരുന്നു ആദ്യമായി മുദരിസായി ജോലി ചെയ്തത്. പിന്നീട് പുത്തൂപാടം, കടമേരി റഹ്മാനിയ കോളജ്, പേരാമ്പ്ര പന്തരിക്കര, രാമനാട്ടുകര ചമല്‍ മസ്ജിദ്, തിരൂര്‍ നടുവിലങ്ങാടി ദര്‍സുകളില്‍ സേവനം ചെയ്തു. 1986ല്‍ ജാമിഅ സഅദിയ്യയില്‍ മുദര്‍രിസായി ചാര്‍ജെടുത്തു. കാല്‍ നൂറ്റാണ്ടായി സഅദിയ്യ പ്രിന്‍സിപ്പലായി സേവനമനുഷ്ഠിച്ചു വരികയായിരുന്നു. ഭാര്യമാര്‍: ഫാത്വിമ സഹ്റ, പരേതയായ ആയിശക്കുട്ടി. മക്കള്‍: അബ്ദുല്‍ വഹാബ് (അജ്മാന്‍), അബ്ദുല്‍ വാഹിദ് സഅദി (സിറാജുല്‍ ഹുദ), ജാബിര്‍ (ദുബൈ), റബിഅ, റാഫിദ. മരുമക്കള്‍: അബ്ദുല്‍ ഹമീദ് സഅദി (താമരശ്ശേരി), അബ്ദുല്‍ ജലീല്‍ സഖാഫി (പുത്തൂര്‍ പാടം). മയ്യിത്ത് നിസ്‌കാരം ഇന്ന് 12 മണിക്ക് ഫാറൂഖ് കോളജ് അണ്ടിക്കാടന്‍കുഴി ജുമുഅ മസ്ജിദില്‍.
 
സിവില്‍ സര്‍വീസ് ശില്‍പ്പശാല സംഘടിപ്പിച്ചു
പന്നൂര്‍: വിദ്യാര്‍ത്ഥികള്‍ക്ക് സിവില്‍ സര്‍വീസിന്റെ മേഖലകള്‍ പരിചയപ്പെടുത്താനായി പന്നൂര്‍ ഗവണ്‍മെന്റ് ഹയര്‍ സെക്കന്ററി സ്‌കൂളില്‍ സിവില്‍ സര്‍വീസ് ശില്‍പ്പശാല സംഘടിപ്പിച്ചു. പ്രമുഖ സിവില്‍ സര്‍വീസ് പരിശീലകന്‍ ഡോ പി സരിന്‍ ഐ എ എസ് ശില്‍പ്പശാലക്ക് നേതൃത്വം നല്‍കി. പന്നൂര്‍ ഗവണ്‍മെന്റ് ഹയര്‍ സെക്കന്റി സ്‌കൂളിലെയും സമീപത്തെ സ്‌കൂളുകളിലെയും വിദ്യാര്‍ത്ഥികള്‍ ശില്‍പ്പശാലയില്‍ പങ്കെടുത്തു.
 
 
 
 

All rights reserved | Website developed and maintained by Zyonz Technologies