31-May-2020 (Sun)
 
 
 
1 2 3
 
ഭിന്നശേഷി കലോത്സവം: ലോഗോ പ്രകാശനം ചെയ്തു
താമരശ്ശേരി: താമരശ്ശേരി ഗ്രാമ പഞ്ചായത്ത് സംഘടിപ്പിക്കുന്ന ഭിന്നശേഷി വിദ്യാര്‍ത്ഥികളുടെ ഒപ്പം ഒപ്പത്തിനൊപ്പം 2019 കലോത്സവത്തിന്റെ ലോഗോ ഗ്രാമ പഞ്ചായത്ത് പ്രസിഡണ്ട് ഹാജറ കൊല്ലരുകണ്ടി ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ പി എസ് മുഹമ്മദലിക്ക് നല്‍കി പ്രകാശനം ചെയ്തു. വൈസ് പ്രസിഡണ്ട് നവാസ് ഈര്‍പ്പോണ അധ്യക്ഷത വഹിച്ചു. സ്ഥിരം സമിതി അധ്യക്ഷന്‍മാരായ കെ മഞ്ജിത, ജെസ്സി ശ്രീനിവാസന്‍, ഗ്രാമപഞ്ചായത്തംഗങ്ങളായ കെ സരസ്വതി, പി പി ഗഫൂര്‍, കെ കെ ഷൈലജ, രത്‌നവല്ലി, സ്വാഗത സംഘം ഭാരവാഹികളായ കെ എം അഷ്‌റഫ്, ടി ആര്‍ ഓമനക്കുട്ടന്‍, ഹാഫിസ് റഹിമാന്‍, പി ഗിരീഷ് കുമാര്‍, എന്‍ പി റസാഖ്, എം സുല്‍ഫീക്കര്‍, ഉസ്മാന്‍ പി ചെമ്പ്ര, സുബൈര്‍ വെഴുപ്പൂര്‍, വി കെ എ കബീര്‍, ഐ സി ഡി എസ് സൂപ്പര്‍വൈസര്‍ നിഷ, സജിഷ, ആയിശ തുടങ്ങിയവര്‍ സംസാരിച്ചു. ഡിസംബര്‍ 21 ന് താമരശ്ശേരി ഗവ. യു പി സ്‌കൂളില്‍ വെച്ച് നടക്കുന്ന പരിപാടിയില്‍ ഭിന്നശേഷിയുള്ള നൂറില്‍ പരം കുട്ടികള്‍ പങ്കെടുക്കും.
 
ഗ്രീന്‍ പ്ലാനറ്റ് പദ്ധതിയുമായി എളേറ്റില്‍ എം ജെ എച്ച് എസ് എസ്
എളേറ്റില്‍: എളേറ്റില്‍ എം ജെ ഹയര്‍ സെക്കന്ററി സ്‌കൂളിലെ സ്റ്റുഡന്റ് പോലീസ് കേഡറ്റ് യൂണിറ്റ് സംഘടിപ്പിക്കുന്ന ഗ്രീന്‍ പ്ലാനറ്റ് പദ്ധതി കാരാട്ട് റസാഖ് എം എല്‍ എ ഉദഘാടനം ചെയ്തു. കൊടുവള്ളി സ്റ്റേഷന്‍ പരിധിയില്‍ 450 ഫലവൃക്ഷ തൈകള്‍ നട്ടു വളര്‍ത്തുക എന്നതാണ് പദ്ധതികൊണ്ട് ലക്ഷ്യം വെക്കുന്നത്. ആദ്യ ഫലവൃഷം റസാഖ് എം എല്‍ എ യുടെ വീട്ടുവളപ്പില്‍ നട്ടുകൊണ്ട് പരിപാടിക്ക് തുടക്കം കുറിച്ചു. അദ്ധ്യാപകരായ ഷബീര്‍ ചുഴലിക്കര, റാസി മുതുവാട്ടുശേരി, തമീസ് അഹമ്മദ്, നസീബ മുംതാസ്, സഫ്നിയ, സിവില്‍ പോലീസ് ഓഫീസര്‍ അജിത്, എ പി സിദ്ധീഖ്, കേഡറ്റുകളായ കാര്‍ത്തിക് സാരംഗ്, ജിംഷാദ് എന്നിവര്‍ പരിപാടിക്ക് നേതൃത്വം നല്‍കി.
 
ദേശീയ സ്റ്റുഡന്റ്‌സ് ഒളിമ്പികസ് ഫുട്‌ബോള്‍ ജേതാക്കളള്‍ക്ക് സ്വീകരണം നല്‍കി
കൊടുവള്ളി: രാജസ്ഥാനില്‍ നടന്ന ദേശീയ സ്റ്റുഡന്റ്‌സ് ഒളിമ്പികസ് ഫുട്‌ബോളില്‍ ജേതാക്കളായ കേരള ടീമിലെ കൊടുവള്ളി സ്വദേശികളായ എ ടി വിഷ്ണു, പി ഫിനുഫിയാസ്, നിയാസ്, ഷാജഹാന്‍ എന്നിവര്‍വക്ക് പുതുക്കുടി റസിഡന്റ്‌സിന്റെ നേതൃത്വത്തില്‍ സ്വീകരണം നല്‍കി. കൊടുവള്ളി നഗരസഭ ചെയര്‍പേഴ്‌സന്‍ ഷരീഫ കണ്ണാടിപ്പൊയില്‍ ഉദ്ഘാടനം ചെയ്തു.ടീം അംഗങ്ങള്‍ക്കുള്ള ഉപഹാര വിതരണവും ചെയര്‍പേഴ്‌സണ്‍ നിര്‍വഹിച്ചു. ഓള്‍ കേരള ഗോള്‍ഡ് ആന്‍ഡ് സില്‍വര്‍ മര്‍ച്ചന്റ്‌സ് അസോസിയേഷന്‍ സംസ്ഥാന ജനറല്‍ സെക്രട്ടറി കെ സുരേന്ദ്രന്‍ അധ്യക്ഷത വഹിച്ചു. കേരള സ്റ്റുഡന്റ്‌സ് ഒളിമ്പിക്‌സ് ജനറല്‍ സെക്രട്ടറി അഷ്‌റഫ്, നഗരസഭ കൗണ്‍സിലര്‍ കെ ശിവദാസന്‍, കൊടുവള്ളി ഗവ. ഹയര്‍ സെക്കന്ററി സ്‌കൂള്‍ പി ടി എ.പ്രസിഡന്റ് മുഹമ്മദ് കണ്ടുങ്ങര,അന്‍വര്‍ കൊടുവള്ളി,മുഹമ്മദ് കാവുതിയോട്ടില്‍, റസാഖ് പുത്തലത്ത് എന്നിവര്‍ സംസാരിച്ചു.
 
ജില്ലാ സീനിയര്‍ ബേസ്‌ബോള്‍ ചാമ്പ്യന്‍ഷിപ്പ്; വടകര സെന്റ് ആന്റണീസ് ഗേള്‍സ് ഹൈസ്‌കൂള്‍ ജേതാക്കള്‍
താമരശ്ശേരി: കോരങ്ങാട് എച്ച് എസ് എസ് ഗ്രൗണ്ടില്‍ വെച്ച് നടന്ന പതിനാറാമത് പെണ്‍കുട്ടികളുടെ ജില്ലാ സീനിയര്‍ ബേസ്‌ബോള്‍ ചാമ്പ്യന്‍ഷിപ്പില്‍ എളേറ്റില്‍ എം ജെ ഹയര്‍ സെക്കന്ററി സ്‌കൂളിനെ പരാജയപ്പെടുത്തി വടകര സെന്റ് ആന്റണീസ് ഗേള്‍സ് ഹൈസ്‌കൂള്‍ ജേതാക്കളായി. സമാപന ചടങ്ങ് കോരങ്ങാട് ജി എച്ച് എസ് എസ് ഹെഡ്മാസ്റ്റര്‍ വി മനോജ് കുമാര്‍ ഉദ്ഘാടനം ചെയ്തു. ജില്ലാ ബേസ്‌ബോള്‍ അസോസിയേഷന്‍ പ്രസിഡന്റ് കെ എം ജോസഫ് വിജയികള്‍ക്ക് ട്രോഫിയും മെഡലുകളും വിതരണം ചെയ്തു. അനീസ് മടവൂര്‍ അധ്യക്ഷത വഹിച്ചു. കെ അക്ഷയ്, കെ കെ ഷിബിന്‍, വിപുല്‍ വി ഗോപാല്‍, ദിന്‍ഷ കല്ലി, ഫര്‍ഹാന്‍ കാരാട്ട് തുടങ്ങിയവര്‍ സംസാരിച്ചു. കെ അബ്ദുല്‍ മുജീബ് സ്വാഗതവും ബി എസ് സിന്ദാര്‍ത്ഥ് നന്ദിയും പറഞ്ഞു.
 
കൂടത്തായി ആസാദ് മെമ്മോറിയല്‍ എല്‍ പി സ്‌കൂളില്‍ സ്മാര്‍ട്ട് ക്ലാസ് റൂമുകള്‍ ഉദ്ഘാടനം ചെയ്തു
താമരശ്ശേരി: കൂടത്തായി ആസാദ് മെമ്മോറിയല്‍ എല്‍ പി സ്‌കൂളില്‍ സ്മാര്‍ട്ട് ക്ലാസ് റൂമുകളുടെ ഉദ്ഘാടനം കാരാട്ട് റസാഖ് എം എല്‍ എ നിര്‍വ്വഹിച്ചു. ഡോ. കെ പി അബ്ദുല്‍ റഷീദ് അധ്യക്ഷത വഹിച്ചു. കൊടുവള്ളി എ ഇ ഒ. വി മുരളി കൃഷ്ണന്‍, ബി പി ഒ. മെഹറലി, വാര്‍ഡ് മെമ്പര്‍ കെ പി കുഞ്ഞമ്മദ്, മുന്‍ ബ്ലോക്ക്പഞ്ചായത്ത് പ്രസിഡന്റ് പി പി കുഞ്ഞായില്‍ ഹാജി. എം പി ടി എ പ്രസിഡന്റ് പി ഷമീറ, സ്‌കൂള്‍ വികസന സമിതി കണ്‍വീനര്‍ വി കരുണാകരന്‍ മാസ്റ്റര്‍ എന്നിവര്‍ സംസാരിച്ചു. കൊടുവള്ളി ഉപജില്ലയില്‍ നടന്ന വിവിധ മേളകളില്‍ വിജയികളായ ആസാദ് സ്‌കൂള്‍ വിദ്യാര്‍ത്ഥികള്‍ ക്കുള്ള ഉപഹാരം എം എല്‍ എ വിതരണം ചെയ്തു. ഹെഡ് മാസ്റ്റര്‍ കെ പി ഷാജഹാന്‍ സ്വാഗതവും പി ടി എ പ്രസിഡന്റ് അഷ്‌റഫ് കൂടത്തായി നന്ദിയും പറഞ്ഞു.
 
ജനുവരി 8 ന് ദേശീയ പണിമുടക്ക്; കൊടുവളളി മണ്ഡലത്തില്‍ സംഘാടക സമിതി രൂപീകരിച്ചു
താമരശ്ശേരി: കേന്ദ്ര സര്‍ക്കാറിന്റെ തൊഴിലാളി വിരുദ്ധ നയങ്ങള്‍ക്കെതിരെ ജനുവരി 8 ന് നടക്കുന്ന ദേശീയ പൊതുപണിമുടക്ക് വിജയിപ്പിക്കുന്നതിനായി താമരശ്ശേരി കോണ്‍ഗ്രസ് ഭവന്‍ ഓഡിറ്റോറിയത്തില്‍ നടന്ന കൊടുവള്ളി നിയോജക മണ്ഡലം സംയുക്ത ട്രേഡ് യൂണിയന്‍ കണ്‍വെന്‍ഷന്‍ വിവിധ കര്‍മ്മ പരിപാടികള്‍ക്ക് രൂപം നല്‍കി. അഡ്വ. വേളാട്ട് അഹമ്മദ് ചെയര്‍മാനും ടി സി വാസു ജനറല്‍ കണ്‍വീനറും പി ആര്‍ മഹേഷ് മാസ്റ്റര്‍ ട്രഷററുമായി 101 അംഗ സംഘാടക സമിതി രൂപീകരിച്ചു. ഈ മാസം 15നകം പഞ്ചായത്ത് തലങ്ങളില്‍ സംയുക്ത ട്രേഡ് യൂണിയന്‍ കണ്‍വെന്‍ഷനുകള്‍ വിളിച്ചു ചേര്‍ക്കാനും പഞ്ചായത്ത് തലങ്ങളില്‍ കാല്‍നട പ്രചരണ ജാഥ നടത്താനും തീരുമാനിച്ചു. നിയോജക മണ്ഡലം കണ്‍വെന്‍ഷന്‍ സി ഐ ടി യു ജില്ലാ പ്രസിഡണ്ട് മാമ്പറ്റ ശ്രീധരന്‍ ഉദ്ഘാടനം ചെയ്തു. അഷ്‌റഫ് കൂടത്തായി അധ്യക്ഷത വഹിച്ചു. എസ് ടി യു സംസ്ഥാന സെക്രട്ടറി അഡ്വ. വേളാട്ട് അഹമ്മദ് മുഖ്യ പ്രഭാഷണം നടത്തി. കെ ദാമോദരന്‍, ടി സി വാസു, ടി ആര്‍ ഓമനക്കുട്ടന്‍, സെബാസ്റ്റ്യന്‍ കണ്ണന്തറ, കണ്ടിയില്‍ മുഹമ്മദ്, എ കെ അബ്ബാസ്, ജാരിസ് തുടങ്ങിയവര്‍ സംസാരിച്ചു. പി ആര്‍ മഹേഷ് മാസ്റ്റര്‍ സ്വാഗതവും പി സി മുഹമ്മദ് നന്ദിയും പറഞ്ഞു.
 
ജില്ലാ ബേസ്‌ബോള്‍ ചാമ്പ്യന്‍ഷിപ്പ്: എളേറ്റില്‍ എം ജെ എച്ച് എസ് എസും വടകര സെന്റ് ആന്റണീസ് ഗേള്‍സ് എച്ച് എസ് എസും ഫൈനലില്‍
താമരശ്ശേരി: പതിനാറാമത് കോഴിക്കോട് ജില്ലാ സീനിയര്‍ പെണ്‍കുട്ടികളുടെ ബേസ്‌ബോള്‍ ചാമ്പ്യന്‍ഷിപ്പ് കോരങ്ങാട് ഹൈസ്‌കൂള്‍ ഗ്രൗണ്ടില്‍ ആരംഭിച്ചു. മത്സരത്തില്‍ സ്പീഡ് ബോള്‍ അക്കാഡമിയെ 71നു പരാജയപ്പെടുത്തി എം ജെ എച്ച് എസ് എസ് എളേറ്റിലും മടവൂര്‍ സ്‌പോര്‍ട്‌സ് അക്കാദമിയെ 84നു പരാജയപ്പെടുത്തി സെന്റ് ആന്റണീസ് ഗേള്‍സ് എച്ച് എസ് എസ് വടകരയും ഫൈനലില്‍ പ്രവേശിച്ചു. ചാമ്പ്യന്‍ഷിപ്പിന്റെ ഉദ്ഘാടനം കേരള സ്‌പോര്‍ട്‌സ് കൗണ്‍സില്‍ മെമ്പര്‍ ടി എം അബ്ദുറഹ്മാന്‍ നിര്‍വഹിച്ചു. ജില്ലാ ബേസ്‌ബോള്‍ അസോസിയേഷന്‍ പ്രസിഡന്റ് കെ എം ജോസഫ് അധ്യക്ഷത വഹിച്ചു. കെ അബ്ദുല്‍ മുജീബ്, പി ടി ഷുഹൈബ്, വിപില്‍ വി ഗോപാല്‍, ഇര്‍ഷാദ്, കെ അക്ഷയ്, ഫര്‍ഹാന്‍ കാരാട്ട്, ജിന്‍ഷ കല്ലി എന്നിവര്‍ സംസാരിച്ചു. അനീസ് മടവൂര്‍ സ്വാഗതവും കെ കെ ഷിബിന്‍ നന്ദിയും പറഞ്ഞു.
 
എസ് ടി വിഭാഗക്കാര്‍ക്ക് തൊഴില്‍ നൈപുണ്യ പരിശീലനം നല്‍കി ജോലി ഉറപ്പാക്കണം: ജില്ലാ കലക്ടര്‍
കോഴിക്കോട്: ജില്ലയിലെ എസ് ടി വിഭാഗക്കാരായ ഉദ്യോഗാര്‍ത്ഥികള്‍ക്ക് വിദ്യാഭ്യാസ യോഗ്യതക്കനുസരിച്ച് തൊഴില്‍ നൈപുണ്യ പരിശീലനം നല്‍കി ജോലി ഉറപ്പാക്കണമെന്ന് ജില്ലാ കലക്ടര്‍ സീറാം സാംബശിവ റാവു നിര്‍ദേശം നല്‍കി. കലക്ടറുടെ ചേമ്പറില്‍ ചേര്‍ന്ന ട്രൈബല്‍ പ്രമോട്ടേഴ്സിന്റെ യോഗത്തില്‍ സംസാരിക്കുകയായിരുന്നു അദ്ദേഹം. കൂടുതല്‍ ആളുകളെ തൊഴില്‍ പരിശീലനത്തിന് എത്തിക്കണമെന്നും പരിശീലനം ലഭിച്ചവര്‍ക്ക് ജോലി ഉറപ്പാക്കണമെന്നും അദ്ദേഹം പറഞ്ഞു. ഡി ഡി യു ജി കെ വൈ, എപ്ലോയ്മെന്റ്് എന്നിവ വഴി നടപ്പാക്കുന്ന വിവിധ തൊഴില്‍ നൈപുണ്യ പരിശീലന പദ്ധതികളെക്കുറിച്ച് അവബോധം നല്‍കുന്നതിനായാണ് യോഗം സംഘടിപ്പിച്ചത്. കലക്ടറുടെ ചേമ്പറില്‍ ചേര്‍ന്ന യോഗത്തില്‍ ജില്ലയിലെ 37 എസ് ടി പ്രമോര്‍ട്ടര്‍മാര്‍ പങ്കെടുത്തു. അസി കലക്ടര്‍, ജില്ലാ എംപ്ലോയ്മെന്റ് ഓഫീസര്‍, പേരാമ്പ്ര, കോടഞ്ചേരി ട്രൈബല്‍ എക്‌സ്റ്റന്‍ഷന്‍ ഓഫീസര്‍മാര്‍, ഡി ഡി യു ജി കെ വൈ ജില്ലാ കോര്‍ഡിനേറ്റര്‍ എന്നിവര്‍ സംസാരിച്ചു.
 
സംസ്ഥാന കലോത്സവ ജേതാക്കള്‍ക്ക് അനുമോദനങ്ങളുമായി എം ജെ ഹയര്‍ സെക്കന്ററി സ്‌കൂള്‍
എളേറ്റില്‍: കാഞ്ഞങ്ങാട് നടന്ന സംസ്ഥാന സ്‌കൂള്‍ കലോല്‍സവത്തില്‍ മികച്ച പ്രകടനം കാഴ്ച്ച വെച്ച എളേറ്റില്‍ എം ജെ ഹയര്‍ സെക്കന്ററി സ്‌കൂളിലെ കലാപ്രതിഭകള്‍ക്ക് പി ടി എ യുടെ ആഭിമുഖ്യത്തില്‍ സ്വീകരണം നല്‍കി. വട്ടപ്പാട്ട്, അബിക് നാടകം, അറബിക് കഥാരചന, കന്നട പദ്യം ചൊല്ലല്‍ എന്നീ ഇനങ്ങളിലാണ് വിദ്യാര്‍ത്ഥികള്‍ എ ഗ്രേഡ് കരസ്ഥമാക്കിയത്. വട്ടപ്പാട്ട് പരിശീലകന്‍ ബഷീര്‍ പുറക്കാടിനെയും നാടക സംവിധായകന്‍ ഷാജര്‍ താമരശ്ശേരിയേയും ചടങ്ങില്‍ ആദരിച്ചു. ഗ്രാമ പഞ്ചായത്ത് അംഗം റജ്‌ന കുറുക്കാംപൊയില്‍ അധ്യക്ഷത വഹിച്ചു. പി ടി എ പ്രസിഡണ്ട് എം എ ഗഫൂര്‍ ജേതാക്കള്‍ക്ക് ഉപഹാരം സമ്മാനിച്ചു. ഒ പി അബ്ദുറഹിമാന്‍, ഗിരീഷ് വലിയപറമ്പ, സലീം നെച്ചോളി, സജ്‌ന കെ, ഷാനവാസ് പൂനൂര്‍, താജുദ്ധീന്‍ എളേറ്റില്‍, ഇന്‍സാഫ് അബ്ദുല്‍ ഹമീദ്, പി സി അബ്ദുല്‍ ഗഫൂര്‍ എന്നിവര്‍ സംാസാരിച്ചു. ഹെഡ്മിസ്ട്രസ് പി എം ബുഷ്‌റ സ്വാഗതവും യു കെ അബദുല്‍ റഫീഖ് നന്ദിയും പറഞ്ഞു.
 
ജെ സി ഐ താമരശ്ശേരി ഭിന്നശേഷി ദിനം ആചരിച്ചു
താമരശ്ശേരി: ഭിന്നശേഷി ദിനത്തോടനുബന്ധിച്ച് ജെ സി ഐ താമരശ്ശേരി കൂടത്തായി സെന്റ് മേരീസ് ഹയര്‍ സെക്കണ്ടറി സ്‌കൂളില്‍ ഭിന്ന ശേഷി വിദ്യാര്‍ത്ഥികളെ ആദരിക്കുകയും സഹായം നല്‍കുകയും ചെയ്തു. ചടങ്ങില്‍ സ്‌കൂള്‍ പ്രിന്‍സിപ്പല്‍ ഫാ. സിബി പൊന്‍പാറയില്‍ അധ്യക്ഷത വഹിച്ചു. ജെ സി ഐ താമരശ്ശേരി പ്രസിഡണ്ട് ജെ സി ജെയ്സണ്‍ മാത്യു മുഖ്യ പ്രഭാഷണം നടത്തി. മൗനാക്ഷരം സിനിമാ ഡയറക്ടര്‍ ബബീഷ് ബാലിനെ ചടങ്ങില്‍ ആദരിച്ചു. സെക്രട്ടറി ജെ സി അനില ജോണി, ജെ സി ബോജോ തോമസ്, ജെ സി ഷാന്റി തോമസ്, ജെ സി മുഹമ്മദ് ബഷീര്‍ തുടങ്ങിയവര്‍ സംബന്ധിച്ചു.
 
1 2 3
 
 
 

All rights reserved | Website developed and maintained by Zyonz Technologies