19-Mar-2019 (Tue)
 
 
 
 
പഠനവൈകല്യനിര്‍ണ്ണയ ക്യാമ്പ് നടത്തി
നരിക്കുനി: വിവരങ്ങള്‍ സ്വീകരിക്കാനും സംസ്‌കരിക്കാനും ശരീരത്തിന്റെ വിവിധ ഭാഗങ്ങളിലേക്ക് അയയ്ക്കാനുമുള്ള തലച്ചോറിന്റെ ശേഷിയെ ബാധിക്കുന്ന ഒരു നാഡീസംബന്ധമായ അവസ്ഥയായ പഠനവൈകല്യം നേരത്തെ കണ്ടെത്തി ആവശ്യമായ പരിശീലനവും ചികിത്സയും നല്‍കുന്നതിന്റെ ഭാഗമായി മടവൂരില്‍ പഠനവൈകല്യ നിര്‍ണ്ണയ ക്യാമ്പ് നടത്തി. കേരള സര്‍ക്കാറിന്റെ ഹോമിയോ ഡിപ്പാര്‍ട്ട്‌മെന്റ് സദ്ഗമയ പ്രോജക്ടിന്റെ ഭാഗമായി ഭിന്നശേഷിക്കരുടെയും രക്ഷിതാക്കളുടെയും സംഘടനയായ സൊസൈറ്റീസ് ഫോര്‍ റിഹാബിലിറ്റേഷന്‍ ഓഫ് ദി ഡിഫ്രണ്ട്‌ലി ഏബിള്‍ഡ് (എസ് ആര്‍ ഡി എ) എന്ന സൊസൈറ്റിയുമായി സഹകരിച്ചാണ് കൊടുവള്ളി ഉപജില്ലയിലെ എല്‍ പി, യു പി സ്‌കൂളുകളില്‍ പഠിക്കുന്ന പഠന വൈകല്യമുള്ള കുട്ടികളെ കണ്ടെത്താനുള്ള സ്‌ക്രീനിംഗ് മടവൂര്‍ എ യു പി സ്‌കൂളില്‍ വെച്ച് നടത്തിയത്. സ്‌ക്രീനിംഗ് ക്യാമ്പ് മടവൂര്‍ ഗ്രാമപഞ്ചായത്ത് പ്രസിഡണ്ട് പങ്കജാക്ഷന്‍ പി വി ഉദ്ഘാടനം ചെയ്തു. സദ്ഗമയ പദ്ധതി ജില്ലാ കണ്‍വീനര്‍ ഡോ. ദീപ രവിവര്‍മ്മ അധ്യക്ഷത വഹിച്ചു. മടവൂര്‍ എ യു പി സ്‌കൂള്‍ ഹെഡ്മാസ്റ്റര്‍ അസീസ് മാസ്റ്റര്‍, കാരപ്പറമ്പ് ഹോമിയോ മെഡിക്കല്‍ ഓഫീസര്‍ ഡോ. ഷംഷീര്‍, ചെരാത് സാംസ്‌കാരിക വേദി പ്രസിഡണ്ട് ഷഫീഖ് ആരാമ്പ്രം എന്നിവര്‍ പ്രസംഗിച്ചു. എസ് ആര്‍ ഡി എ ചെയര്‍മാന്‍ ഷാഹുല്‍ മടവൂര്‍ സ്വാഗതവും നൊച്ചാട് ഹോമിയോ മെഡിക്കല്‍ ഓഫീസര്‍ ഡോ. ബബിനേഷ് നന്ദിയും പറഞ്ഞു.
 
പ്രേക്ഷകരുടെ മനം കവര്‍ന്ന് കുടുംബശ്രീയുടെ കലാപരിപാടികള്‍
കോഴിക്കോട്: പ്രേക്ഷകരുടെ മനം കവര്‍ന്ന് കുടുംബശ്രീയുടെ കലാപരിപാടികള്‍. സംസ്ഥാന സര്‍ക്കാറിന്റെ ആയിരം ദിനാഘോഷങ്ങളുടെ ഭാഗമായി ബീച്ചില്‍ നടക്കുന്ന കലാസന്ധ്യയിലാണ് ജില്ലയിലെ വിവിധ കുടുംബശ്രീ സി ഡി എസുകളുടെ നേതൃത്വത്തില്‍ കലാപരിപാടികള്‍ അവതരിപ്പിച്ചത്. അതിര്‍ത്തികളില്‍ ജീവത്യാഗം ചെയ്ത സഹോദരങ്ങള്‍ക്ക് ആദരാഞ്ജലികള്‍ അര്‍പ്പിച്ച് ആരംഭിച്ച കലാപരിപാടിയില്‍ കുരുവട്ടൂര്‍ സി ഡി എസ് അവതരിപ്പിച്ച ശിങ്കാരിമേളമാണ് ആദ്യം അരങ്ങിലെത്തിയത്.
 
അഗ്നിശമനരക്ഷാ സേന അപകടങ്ങളെ നേരിടുന്നതെങ്ങനെ; നേരിട്ടുകാണാം
കോഴിക്കോട്: അഗ്‌നിശമനരക്ഷാ സേനയുടെ ജീവന്‍രക്ഷാ ഉപകരണങ്ങള്‍, ആപത് ഘട്ടങ്ങളില്‍ ഉപയോഗിക്കുന്ന ഉപകരണങ്ങള്‍, പ്രളയദുരന്തത്തിലെ രക്ഷാപ്രവര്‍ത്തനങ്ങളുടെ ചിത്രങ്ങള്‍, വാര്‍ത്തകള്‍ എന്നിവയെല്ലാം നേരിട്ട് കാണാന്‍ കോഴിക്കോട് ബീച്ചില്‍ നടക്കുന്ന എക്സിബിഷന്‍ സ്റ്റാളില്‍ എത്തിയാല്‍ മതി. സര്‍ക്കാരിന്റെ ആയിരം ദിനാഘോഷത്തോടനുബന്ധിച്ച് നടക്കുന്ന മേളയില്‍ മൂന്ന് സ്റ്റാളുകളിലായാണ് അഗ്നിശമനരക്ഷാ സേന പ്രദര്‍ശനം ഒരുക്കിയിട്ടുള്ളത്. സ്‌കൂബാ സ്യൂട്ട്, കെമിക്കല്‍ സ്യൂട്ട്, ഫയര്‍മാന്‍ സ്യൂട്ട് എന്നീ മാതൃകകളും പവര്‍ അസന്റര്‍, കോണ്‍ക്രീറ്റ് സോറിവോള്‍വിംഗ് ഹെഡ്, സ്റ്റീല്‍ ഷട്ടര്‍, ഫിയോഴ്സ്, ലൈഫ് ഡിറ്റക്റ്റര്‍, ഓസിലേറ്റിംഗ് മോണിറ്റര്‍, ഡ്രൈ കെമിക്കല്‍ പൗഡര്‍, കാര്‍ബണ്‍ഡൈ ഓക്സൈഡ് എന്നീ ഉപകരണണങ്ങളും കാണാനും അടുത്തറിയാനും സ്റ്റാളില്‍ എത്തുന്നവര്‍ക്ക് സാധിക്കും. 24 തരത്തിലുള്ള കയര്‍ കെട്ടുകളും തകര്‍ന്നുവീഴുന്ന കെട്ടിടങ്ങള്‍ക്കിടയില്‍ നിന്നും ആളുകളെ രക്ഷപ്പെടുത്താനുള്ള ഉപകരണങ്ങളും സ്റ്റാളില്‍ പ്രദര്‍ശിപ്പിച്ചിട്ടുണ്ട്. ഉയരങ്ങളില്‍ ആളുകള്‍ കുടുങ്ങിയാല്‍ തിരിച്ചിറക്കാനും ആഴങ്ങളില്‍ അകപ്പെട്ടാല്‍ രക്ഷപ്പെടുത്താനും ഉപയോഗിക്കുന്ന കയറുകളാണ് വിവിധ രൂപത്തില്‍ കെട്ടി പ്രദര്‍ശിപ്പിച്ചിരിക്കുന്നത്. ഗ്യാസ് സിലിണ്ടര്‍ ചോര്‍ന്നാല്‍ സ്വീകരിക്കേണ്ട നടപടികളും തീ പടര്‍ന്നാല്‍ അണക്കേണ്ട വിധവും ഫയര്‍ ഫോഴ്സ് ഉദ്യോഗസ്ഥര്‍ നേരിട്ട് പരിചയപ്പെടുത്തി തരും. പൊള്ളല്‍ ഏറ്റാല്‍ എന്തെല്ലാം ചെയ്യണമെന്നും എന്തെല്ലാം ചെയ്യാന്‍ പാടില്ല എന്നുമുള്ള കൃത്യമായ വിവരണം രേഖപ്പെടുത്തിയിട്ടുണ്ട്. വാഹനാപകടങ്ങളും മറ്റും നടക്കുന്ന ഇടങ്ങളില്‍ ഉപയോഗിക്കുന്ന ഫ്ളഡ് ലൈറ്റും ഇവിടെ പ്രദര്‍ശിപ്പിച്ചിട്ടുണ്ട്. മേള കാണാന്‍ എത്തുന്നവര്‍ക്ക് അറിവും ചിന്തയും പകരുന്നതാണ് അഗ്‌നിശമനരക്ഷാ സേനയുടെ സ്റ്റാള്‍.
 
ഗരീമ 2019 മെഡിക്കല്‍ ക്യാമ്പും ആരോഗ്യ ബോധവല്‍ക്കരണ പ്രദര്‍ശനവും സംഘടിപ്പിച്ചു
നടുവട്ടം: കോഴിക്കോട് കോര്‍പ്പറേഷന്‍ ജനകീയാസൂത്രണ പദ്ധതിയുടെ കീഴില്‍ മെഡിക്കല്‍ കോളേജ് ആശുപത്രിയും ഗവ. നഴ്‌സിംഗ് കോളേജും സംയുക്തമായി നടുവട്ടം ജിനരാജ് എ എല്‍ പി സ്‌കൂളില്‍ അതിഥി തൊഴിലാളികള്‍ക്കായുള്ള ഗരീമ 2019 മെഡിക്കല്‍ ക്യാമ്പും ആരോഗ്യ ബോധവല്‍ക്കരണ പ്രദര്‍ശനവും സംഘടിപ്പിച്ചു. ആരോഗ്യ സ്റ്റാന്റിംഗ് കമ്മറ്റി ചെയര്‍മാന്‍ കെ വി ബാബുരാജ് ഉദ്ഘാടനം ചെയ്തു. വാര്‍ഡ് കൌണ്‍സിലര്‍ പി പി ബീരാന്‍ കോയ അദ്ധ്യക്ഷത വഹിച്ചു. വാര്‍ഡ് കൌണ്‍സിലര്‍ പ്രകാശന്‍ പേരോത്ത്, ഗവ. നഴ്‌സിംഗ് കോളേജ് പ്രിന്‍സിപ്പല്‍ പ്രൊഫ. പൊന്നമ്മ കെ എം എന്നിവര്‍ പ്രസംഗിച്ചു. ഹെല്‍ത്ത് ഓഫീസര്‍ ഡോ. ആര്‍ എസ് ഗോപകുമാര്‍ സ്വാഗതവും സ്റ്റുഡന്റ് കണ്‍വീനര്‍ രമ്യ കൃഷ്ണന്‍ നന്ദിയും പറഞ്ഞു. ജനറല്‍ മെഡിസിന്‍ വിഭാഗം, കമ്യുണിറ്റി മെഡിസിന്‍ വിഭാഗം, നേത്രരോഗ വിഭാഗം, ദന്തരോഗ വിഭാഗം, ജീവിതശൈലീ രോഗ നിര്‍ണ്ണയം, രക്തഗ്രൂപ്പ് നിര്‍ണ്ണയം, മലേറിയ സ്‌ക്രീനിംഗ്, എച്ച് ഐ വി സ്‌ക്രീനിംഗ്, ലാബ് പരിശോധന, സൗജന്യ മരുന്നുവിതരണം, ആരോഗ്യ ബോധവത്കരണ വിദ്യാഭ്യാസം, എന്നിവ നടത്തി. കോഴിക്കോട് മെഡിക്കല്‍ കോളേജ് നേത്രരോഗ വിഭാഗം, കമ്യുണിറ്റി മെഡിസിന്‍ വിഭാഗം, ജില്ലാ ടി ബി സെന്റര്‍, സംസ്ഥാന എയ്ഡ്‌സ് കണ്‍ട്രോള്‍ സൊസൈറ്റി, നാഷണല്‍ ഹെല്‍ത്ത് മിഷന്‍, ഒയിസ്‌ക മൈഗ്രന്റ് സുരക്ഷാ പ്രൊജക്റ്റ്, സോഷ്യല്‍ റിലീജിയസ് സെന്റര്‍, എന്നിവയുടെ സഹകരണത്തോടെയാണ് മെഡിക്കല്‍ ക്യാമ്പ് സംഘടിപ്പിച്ചത്.
 
ടാലന്റ് ലാബ്: കേക്ക് നിര്‍മ്മാണത്ത പരിശീലനം സംഘടിപ്പിച്ചു
പൂനൂര്‍: പൂനൂര്‍ ഗവ. ഹയര്‍ സെക്കന്ററി സ്‌കൂൡ ടാലന്റ് ലാബ് പ്രവര്‍ത്തനത്തിന്റെ ഭാഗമായി വിദ്യാര്‍ഥികള്‍ക്ക് കേക്ക് നിര്‍മ്മാണത്തില്‍ പരിശീലനം നല്‍കി. പന്ത്രണ്ടോളം വൈവിധ്യമാര്‍ന്ന കേക്കുകളാണ് പരിശീലനത്തിന്റെ ഭാഗമായി തയ്യാറാക്കിയത്. പ്രധാനാധ്യാപിക ഡെയ്‌സി സിറിയക് പരിപാടി ഉദ്ഘാടനം ചെയ്തു. പി ടി എ പ്രസിഡന്റ് എന്‍ അജിത് കുമാര്‍ അദ്ധ്യക്ഷത വഹിച്ചു. പേരാമ്പ്ര കേന്ദ്രീകരിച്ച് പ്രവര്‍ത്തിക്കുന്ന ടീം ഡെലിഷ്യസിലെ ഷിത, വിഷ്ണു എന്നിവരാണ് പരിശീലകര്‍. പ്രിന്‍സിപാള്‍ റെന്നി ജോര്‍ജ്ജ്, എം പി ടി എ പ്രസിഡന്റ് ഹസീന, വി എച്ച് അബ്ദുല്‍ സലാം, ടി പി അഭിരാം, ആയിഷ സിയ എന്നിവര്‍ ആശംസകള്‍ പ്രസംഗിച്ചു. സിറാജുദ്ദീന്‍ പന്നിക്കോട്ടൂര്‍ സ്വാഗതവും സ്‌നേഹ എസ് കുമാര്‍ നന്ദിയും പറഞ്ഞു.
 
താമരശ്ശേരിയെ സ്മാര്‍ട്ടാക്കാന്‍ പ്രത്യേക വെബ്സൈറ്റ് തയ്യാറായി
താമരശ്ശേരി: താമരശ്ശേരി ഗ്രാമപഞ്ചായത്തുമായി ബന്ധപ്പെട്ട ഇ-ഗവേണന്‍സ് സേവനങ്ങള്‍ കൂടുതല്‍ മെച്ചപ്പെടുത്താനായി പ്രത്യേക വെബ്സൈറ്റ് തയ്യാറായി. ഗ്രാമപഞ്ചായത്തിന്റെ ചരിത്രം, ഭൂമിശാസ്ത്രം, പൊതുവിവരങ്ങള്‍, ഭരണ സമിതി അംഗങ്ങള്‍, ജീവനക്കാര്‍, മുന്‍ പ്രസിഡന്റുമാര്‍ തുടങ്ങിയവരെ കുറിച്ചുള്ള വിവരങ്ങള്‍ വെബ്സൈറ്റിലുണ്ട്. thamarassery.lsgkerala.gov.in എന്നാണ് വെബ്സൈറ്റ് അഡ്രസ്സ്. പൊതുജനങ്ങള്‍ക്ക് സേവനം നല്‍കാനായി കേരള സര്‍ക്കാര്‍ രൂപപ്പെടുത്തിയ സാംഖ്യ, സൂചിക പോലുള്ള വിവിധ സോഫ്റ്റ് വെയറുകളെ ഒരുകുടക്കീഴില്‍ ഉള്‍പ്പെടുത്തിയത് വെബ്സൈറ്റിനെ കൂടുതല്‍ ജനകീയമാക്കുകയാണ്. കെട്ടിടനിര്‍മ്മാണ പെര്‍മിറ്റ് അപേക്ഷകളുടെ വിവരങ്ങള്‍, ഡി ആന്റ് ഒ ലൈസന്‍സികളുടെ പട്ടിക, വാര്‍ഷിക പദ്ധതി ഗുണഭോക്താക്കളുടെ വിവരങ്ങള്‍, ഭരണ സമിതിയോഗങ്ങളുടെ മിനിട്സ്, കെട്ടിട നികുതി അടക്കല്‍ തുടങ്ങി നിരവധി കാര്യങ്ങള്‍ക്ക് വെബ്സൈറ്റ് ഉപയോഗപ്പെടുത്താം. രണ്ടാംഘട്ടത്തില്‍ ആളുകള്‍ക്ക് ഗ്രാമപഞ്ചായത്ത് ഓഫീസില്‍ വരാതെതന്നെ സര്‍ട്ടിഫിക്കറ്റുകളും മറ്റും അപേക്ഷിക്കാനും വാങ്ങാനുമായി സ്വതന്ത്ര മൊബൈല്‍ ആപ്ലിക്കേഷനും തയ്യാറാക്കുന്നുണ്ട്.
 
പി സി പാലം എ യു പി സ്‌കൂളില്‍ പൂര്‍വ്വ വിദ്യാര്‍ത്ഥി സംഗമം
നരിക്കുനി: പി സി പാലം എ യു പി സ്‌കൂളിന്റെ എന്‍പതാം വാര്‍ഷികാഘോഷം മഴവില്ല് 2019 ന്റെ ഭാഗമായി പൂര്‍വ്വ വിദ്യാര്‍ത്ഥി സംഗമം (ഒരു വട്ടം കൂടി), ഗുരു വന്ദനം എന്നീ പരിപാടികള്‍ ഫെബ്രുവരി 24 ഞായറാഴ്ച ഉച്ചക്ക് 2 മണിക്ക് സ്‌കൂള്‍ ഓഡിറ്റോറിയത്തില്‍ നടക്കും. ഡോ. ബാലകൃഷ്ണന്‍ (കൗണ്‍സിലിംഗ് സൈക്കോളജിസ്റ്റ് ആന്റ് ട്രെയ്‌നര്‍) ബോധവല്‍കരണ ക്ലാസ്സ് നടത്തും. പൂര്‍വ്വ വിദ്യാര്‍ത്ഥികളുടെ വ്യത്യസ്ത കലാ പരിപാടികള്‍ അരങ്ങേറും.
 
കുപ്പായക്കോട് സെന്റ് ജോസഫ് ദൈവാലയത്തില്‍ തിരുനാളിന് കൊടിയേറി
ഈങ്ങാപ്പുഴ: കുപ്പായക്കോട് സെന്റ് ജോസഫ് ദൈവാലയത്തില്‍ ഇടവക മധ്യസ്ഥനായ വിശുദ്ധ യൗസേപ്പിതാവിന്റെയും പരിശുദ്ധ കന്യാമറിയത്തിന്റെയും വിശുദ്ധ സെബസ്റ്റ്യനോസിന്റെയും തിരുനാളിന് കൊടിയേറി. വെള്ളിയാഴ്ച വൈകുന്നേരം 5 മണിക്ക് ഫാ. സെബാസ്റ്റ്യന്‍ പൂക്കളം കൊടിയേറ്റുകര്‍മ്മം നിര്‍വ്വഹിച്ച് ദിവ്യബലിയ്ക്ക് മുഖ്യകാര്‍മ്മികത്വം വഹിച്ചു. വികാരി ഫാ. മാത്യു പുളിമൂട്ടില്‍ സഹകാര്‍മ്മികത്വം വഹിച്ചു. തുടര്‍ന്ന് സിമിത്തേരി സന്ദര്‍ശനവും ഓപ്പീസും നടത്തി. 23 ന് ശനിയാഴ്ച ഉച്ചകഴിഞ്ഞ് 3.30 ന് തിരുസ്വരൂപ പ്രതിഷ്ഠ. വൈകുന്നേരം 5 മണിക്ക് നടക്കുന്ന ആഘോഷമായ തിരുനാള്‍ കര്‍ബ്ബാനയ്ക്ക് തെയ്യപ്പാറ സെന്റ് തോമസ് പള്ളി വികാരി ഫാ. ജോര്‍ജ്ജ് കുറ്റിക്കാട്ട് കാര്‍മ്മികത്വം വഹിച്ച് വചന സന്ദേശം നല്‍കും. 6.45 ന് തട്ടൂര്‍പറമ്പ് പന്തലിലേക്ക് പ്രദക്ഷിണവും 8 മണിക്ക് വാദ്യമേളങ്ങളും നടക്കും. 24 ഞായര്‍ രാവിലെ 7 മണിക്ക് കുര്‍ബ്ബാന. 10 മണിക്ക് ആഘോഷമായ തിരുനാള്‍ കുര്‍ബ്ബാനയ്ക്ക് ഫാ. കുര്യാക്കോസ് തയ്യില്‍ കാര്‍മ്മികത്വം വഹിച്ച് വചന സന്ദേശം നല്‍കും. ഉച്ചക്ക് 12 മണിക്ക് പ്രദക്ഷിണവും 12.30 ന് സമാപനാശിര്‍വ്വാദവും 1 മണിക്ക് സ്‌നേഹ വിരുന്നും നടക്കും.
 
താമരശ്ശേരി പഞ്ചായത്ത് മുസ്ലിലീഗ് സംഘടിപ്പിച്ച ജന ജാഗ്രതാ ജാഥ സമാപിച്ചു
താമരശ്ശേരി: നരേന്ദ്രമോഡിയെ അധികാരത്തില്‍ നിന്നും താഴെ ഇറക്കല്‍ ഇന്ത്യയിലെ മുസ്ലിംകളുടെ മാത്രം ആവശ്യമല്ലെന്ന് മുസ്ലിംലീഗ് സംസ്ഥാന സെക്രട്ടറി കെ എന്‍ എ കാദര്‍ എം എല്‍ എ. ഇന്ത്യയുടെ വിവിധ സംസ്ഥാനങ്ങളില്‍ സംഘപരിവാറുകള്‍ കൊലപ്പെടുത്തിയതില്‍ എല്ലാ മതക്കാരും ഉള്‍പ്പെടുമെന്നും അദ്ധേഹം പറഞ്ഞു. രാഷ്ട്ര പൈതൃക വീണ്ടെടുപ്പിന്, അഴിമതി മുക്ത നാടിന് എന്ന പ്രമേയത്തില്‍ താമരശ്ശേരി പഞ്ചായത്ത് മുസ്ലിലീഗ് സംഘടിപ്പിച്ച ജന ജാഗ്രതാ ജാഥയുടെ സമാപന സമ്മേളത്തില്‍ സംസാരിക്കുകയായിരുന്നു അദ്ദേഹം. സമാപന സമ്മേളനത്തിന്റെ ഭാഗമായി പരപ്പന്‍പൊയില്‍ നിന്നും താമരശ്ശേരിയിലേക്ക് നടത്തിയ മാര്‍ച്ച് പഴ ബസ്റ്റാന്റ് പരിസരത്ത് സമാപിച്ചു. തുടര്‍ന്ന് നടന്ന പൊതുയോഗം സംസ്ഥാന വൈസ് പ്രസിഡന്റ് സി മോയിന്‍കുട്ടി ഉദ്ഘാടനം ചെയ്തു. ജാഥാക്യാപ്റ്റന്‍ പി എസ് മുഹമ്മദലി, വൈസ് ക്യാപ്റ്റന്‍ ഹാഫിസുറഹ്മാന്‍, ഡയറക്ടര്‍ എന്‍ പി റസ്സാഖ് മാസ്റ്റര്‍, കോര്‍ഡിനേറ്റര്‍ എം സുല്‍ഫീക്കര്‍ എന്നിവരെ ചടങ്ങില്‍ അനുമോദിച്ചു. വി എം ഉമ്മര്‍ മാസ്റ്റര്‍, സൈനുല്‍ ആബിദീന്‍ തങ്ങള്‍, താര അബ്ദുറഹിമാന്‍ ഹാജി, അഷ്‌റഫ് മാസ്റ്റര്‍ തുടങ്ങിയവര്‍ സംസാരിച്ചു.
 
വിവിധ സ്‌കൂളുകള്‍ക്കുള്ള സ്‌പോട്‌സ് കിറ്റ് വിതരണം ഉദ്ഘാടനം ചെയ്തു
താമരശ്ശേരി: താമരശ്ശേരി ഗ്രാമപഞ്ചായത്തിന്റെ 2018-19 വാര്‍ഷിക പദ്ധതിയില്‍ ഉള്‍പ്പെട്ടുത്തിയ വിവിധ സ്‌കൂളുകള്‍ക്കുള്ള സ്‌പോട്‌സ് കിറ്റ്, സൗണ്ട് സിസ്റ്റം എന്നിവയുടെ വിതരണം ഗ്രാമ പഞ്ചായത്ത് വൈസ് പ്രസിഡണ്ട് നവാസ് ഈര്‍പ്പോണ ഉദ്ഘാടനം ചെയ്തു. സ്റ്റാന്റിംഗ് കമ്മിറ്റി ചെയര്‍മാന്‍ പി എസ് മുഹമ്മദലി അധ്യക്ഷത വഹിച്ചു. സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍മാരായ ജസ്സി ശ്രീനിവാസന്‍, മഞ്ചിത കുറ്റിയാക്കില്‍, മെമ്പര്‍മാരായ കെ സരസ്വതി, രത്‌നവല്ലി, നിര്‍വ്വഹണ ഉദ്യോഗസ്ഥന്‍ അബ്രഹാം വര്‍ഗ്ഗീസ്, താമരശ്ശേരി ഗവ. യു പി സ്‌കൂള്‍ ഹെഡ്മിസ്ട്രസ്സ് ഇന്ദിര ടീച്ചര്‍ എന്നിവര്‍ സംസാരിച്ചു.
 
 
 
 

All rights reserved | Website developed and maintained by Zyonz Technologies