02-Jul-2020 (Thu)
'കോവിഡിനോട് പൊരുതി ജയിക്കുന്ന കേരളം' പുസ്തകത്തിന്റെ ജില്ലാതല പ്രകാശനം നടന്നു മുഖ്യ മന്ത്രിയുടെ പ്രാദേശിക റോഡ് പുനരുദ്ധാരണ പദ്ധതിക്ക് തുടക്കമായി താമരശ്ശേരി എ ഇ ഒ ഒഫീസിന് മുന്‍പില്‍ കെ എസ് യു ധര്‍ണ്ണ നടത്തി താമരശ്ശേരി ചമല്‍ കേളന്‍മൂല ഭാഗത്ത് നിന്നും വാഷും ചാരായവും പിടിച്ചെടുത്തു പ്ലാസ്റ്റിക് ടോള്‍ ബൂത്തുകള്‍ സ്ഥാപിച്ചു പുതുപ്പാടിയില്‍ കാട്ടുപന്നികളെ വെടിവെച്ചുകൊല്ലുന്നതിനുള്ള നടപടികള്‍ക്കായി ജാഗ്രതാ സമിതി ചേര്‍ന്നു കര്‍ഷക കൂട്ടായ്മ താമരശ്ശേരി ഫോറസ്റ്റ് റെയ്ഞ്ച് ഓഫീസിലേക്ക് മാര്‍ച്ച് നടത്തി മുഖത്ത് പ്ലാസ്റ്റിക് ഡബ്ബ കുടുങ്ങിയ കുറുക്കനെ രക്ഷപ്പെടുത്തി തൃക്കുറ്റിശ്ശേരി വയല്‍ പീടിക പുതിയപാലം മന്ത്രി ജി സുധാകരന്‍ നാടിന് സമര്‍പ്പിച്ചു സ്മാര്‍ട്ട് ചാലഞ്ചില്‍ റിപ്പയര്‍ ചെയ്ത ഫോണുകള്‍ അദ്ധ്യാപകര്‍ക്കു കൈമാറി പുല്ലാളൂര്‍ പുറായില്‍ ഒലോറക്കുന്ന് റോഡ് മന്ത്രി ഉദ്ഘാടനം ചെയ്തു
 
 
 
1 2 3
 
ജില്ലാ ബേസ്‌ബോള്‍ ചാമ്പ്യന്‍ഷിപ്പ്: എളേറ്റില്‍ എം ജെ എച്ച് എസ് എസും വടകര സെന്റ് ആന്റണീസ് ഗേള്‍സ് എച്ച് എസ് എസും ഫൈനലില്‍
താമരശ്ശേരി: പതിനാറാമത് കോഴിക്കോട് ജില്ലാ സീനിയര്‍ പെണ്‍കുട്ടികളുടെ ബേസ്‌ബോള്‍ ചാമ്പ്യന്‍ഷിപ്പ് കോരങ്ങാട് ഹൈസ്‌കൂള്‍ ഗ്രൗണ്ടില്‍ ആരംഭിച്ചു. മത്സരത്തില്‍ സ്പീഡ് ബോള്‍ അക്കാഡമിയെ 71നു പരാജയപ്പെടുത്തി എം ജെ എച്ച് എസ് എസ് എളേറ്റിലും മടവൂര്‍ സ്‌പോര്‍ട്‌സ് അക്കാദമിയെ 84നു പരാജയപ്പെടുത്തി സെന്റ് ആന്റണീസ് ഗേള്‍സ് എച്ച് എസ് എസ് വടകരയും ഫൈനലില്‍ പ്രവേശിച്ചു. ചാമ്പ്യന്‍ഷിപ്പിന്റെ ഉദ്ഘാടനം കേരള സ്‌പോര്‍ട്‌സ് കൗണ്‍സില്‍ മെമ്പര്‍ ടി എം അബ്ദുറഹ്മാന്‍ നിര്‍വഹിച്ചു. ജില്ലാ ബേസ്‌ബോള്‍ അസോസിയേഷന്‍ പ്രസിഡന്റ് കെ എം ജോസഫ് അധ്യക്ഷത വഹിച്ചു. കെ അബ്ദുല്‍ മുജീബ്, പി ടി ഷുഹൈബ്, വിപില്‍ വി ഗോപാല്‍, ഇര്‍ഷാദ്, കെ അക്ഷയ്, ഫര്‍ഹാന്‍ കാരാട്ട്, ജിന്‍ഷ കല്ലി എന്നിവര്‍ സംസാരിച്ചു. അനീസ് മടവൂര്‍ സ്വാഗതവും കെ കെ ഷിബിന്‍ നന്ദിയും പറഞ്ഞു.
 
എസ് ടി വിഭാഗക്കാര്‍ക്ക് തൊഴില്‍ നൈപുണ്യ പരിശീലനം നല്‍കി ജോലി ഉറപ്പാക്കണം: ജില്ലാ കലക്ടര്‍
കോഴിക്കോട്: ജില്ലയിലെ എസ് ടി വിഭാഗക്കാരായ ഉദ്യോഗാര്‍ത്ഥികള്‍ക്ക് വിദ്യാഭ്യാസ യോഗ്യതക്കനുസരിച്ച് തൊഴില്‍ നൈപുണ്യ പരിശീലനം നല്‍കി ജോലി ഉറപ്പാക്കണമെന്ന് ജില്ലാ കലക്ടര്‍ സീറാം സാംബശിവ റാവു നിര്‍ദേശം നല്‍കി. കലക്ടറുടെ ചേമ്പറില്‍ ചേര്‍ന്ന ട്രൈബല്‍ പ്രമോട്ടേഴ്സിന്റെ യോഗത്തില്‍ സംസാരിക്കുകയായിരുന്നു അദ്ദേഹം. കൂടുതല്‍ ആളുകളെ തൊഴില്‍ പരിശീലനത്തിന് എത്തിക്കണമെന്നും പരിശീലനം ലഭിച്ചവര്‍ക്ക് ജോലി ഉറപ്പാക്കണമെന്നും അദ്ദേഹം പറഞ്ഞു. ഡി ഡി യു ജി കെ വൈ, എപ്ലോയ്മെന്റ്് എന്നിവ വഴി നടപ്പാക്കുന്ന വിവിധ തൊഴില്‍ നൈപുണ്യ പരിശീലന പദ്ധതികളെക്കുറിച്ച് അവബോധം നല്‍കുന്നതിനായാണ് യോഗം സംഘടിപ്പിച്ചത്. കലക്ടറുടെ ചേമ്പറില്‍ ചേര്‍ന്ന യോഗത്തില്‍ ജില്ലയിലെ 37 എസ് ടി പ്രമോര്‍ട്ടര്‍മാര്‍ പങ്കെടുത്തു. അസി കലക്ടര്‍, ജില്ലാ എംപ്ലോയ്മെന്റ് ഓഫീസര്‍, പേരാമ്പ്ര, കോടഞ്ചേരി ട്രൈബല്‍ എക്‌സ്റ്റന്‍ഷന്‍ ഓഫീസര്‍മാര്‍, ഡി ഡി യു ജി കെ വൈ ജില്ലാ കോര്‍ഡിനേറ്റര്‍ എന്നിവര്‍ സംസാരിച്ചു.
 
സംസ്ഥാന കലോത്സവ ജേതാക്കള്‍ക്ക് അനുമോദനങ്ങളുമായി എം ജെ ഹയര്‍ സെക്കന്ററി സ്‌കൂള്‍
എളേറ്റില്‍: കാഞ്ഞങ്ങാട് നടന്ന സംസ്ഥാന സ്‌കൂള്‍ കലോല്‍സവത്തില്‍ മികച്ച പ്രകടനം കാഴ്ച്ച വെച്ച എളേറ്റില്‍ എം ജെ ഹയര്‍ സെക്കന്ററി സ്‌കൂളിലെ കലാപ്രതിഭകള്‍ക്ക് പി ടി എ യുടെ ആഭിമുഖ്യത്തില്‍ സ്വീകരണം നല്‍കി. വട്ടപ്പാട്ട്, അബിക് നാടകം, അറബിക് കഥാരചന, കന്നട പദ്യം ചൊല്ലല്‍ എന്നീ ഇനങ്ങളിലാണ് വിദ്യാര്‍ത്ഥികള്‍ എ ഗ്രേഡ് കരസ്ഥമാക്കിയത്. വട്ടപ്പാട്ട് പരിശീലകന്‍ ബഷീര്‍ പുറക്കാടിനെയും നാടക സംവിധായകന്‍ ഷാജര്‍ താമരശ്ശേരിയേയും ചടങ്ങില്‍ ആദരിച്ചു. ഗ്രാമ പഞ്ചായത്ത് അംഗം റജ്‌ന കുറുക്കാംപൊയില്‍ അധ്യക്ഷത വഹിച്ചു. പി ടി എ പ്രസിഡണ്ട് എം എ ഗഫൂര്‍ ജേതാക്കള്‍ക്ക് ഉപഹാരം സമ്മാനിച്ചു. ഒ പി അബ്ദുറഹിമാന്‍, ഗിരീഷ് വലിയപറമ്പ, സലീം നെച്ചോളി, സജ്‌ന കെ, ഷാനവാസ് പൂനൂര്‍, താജുദ്ധീന്‍ എളേറ്റില്‍, ഇന്‍സാഫ് അബ്ദുല്‍ ഹമീദ്, പി സി അബ്ദുല്‍ ഗഫൂര്‍ എന്നിവര്‍ സംാസാരിച്ചു. ഹെഡ്മിസ്ട്രസ് പി എം ബുഷ്‌റ സ്വാഗതവും യു കെ അബദുല്‍ റഫീഖ് നന്ദിയും പറഞ്ഞു.
 
ജെ സി ഐ താമരശ്ശേരി ഭിന്നശേഷി ദിനം ആചരിച്ചു
താമരശ്ശേരി: ഭിന്നശേഷി ദിനത്തോടനുബന്ധിച്ച് ജെ സി ഐ താമരശ്ശേരി കൂടത്തായി സെന്റ് മേരീസ് ഹയര്‍ സെക്കണ്ടറി സ്‌കൂളില്‍ ഭിന്ന ശേഷി വിദ്യാര്‍ത്ഥികളെ ആദരിക്കുകയും സഹായം നല്‍കുകയും ചെയ്തു. ചടങ്ങില്‍ സ്‌കൂള്‍ പ്രിന്‍സിപ്പല്‍ ഫാ. സിബി പൊന്‍പാറയില്‍ അധ്യക്ഷത വഹിച്ചു. ജെ സി ഐ താമരശ്ശേരി പ്രസിഡണ്ട് ജെ സി ജെയ്സണ്‍ മാത്യു മുഖ്യ പ്രഭാഷണം നടത്തി. മൗനാക്ഷരം സിനിമാ ഡയറക്ടര്‍ ബബീഷ് ബാലിനെ ചടങ്ങില്‍ ആദരിച്ചു. സെക്രട്ടറി ജെ സി അനില ജോണി, ജെ സി ബോജോ തോമസ്, ജെ സി ഷാന്റി തോമസ്, ജെ സി മുഹമ്മദ് ബഷീര്‍ തുടങ്ങിയവര്‍ സംബന്ധിച്ചു.
 
ഭിന്നശേഷി ദിനത്തില്‍ വെട്ടിഒഴിഞ്ഞതോട്ടം യു പി സ്‌കൂളില്‍ ജോണ്‍സനെത്തി
താമരശ്ശേരി: ഭിന്നശേഷി വാരാചരണത്തിന്റെ ഭാഗമായി വെട്ടിഒഴിഞ്ഞതോട്ടം യു പി സ്‌കൂളില്‍ സംഘടിപ്പിച്ച ചടങ്ങില്‍ വൈകല്യത്തെ കൂസാതെ വിദ്യാര്‍ത്ഥികളുമായി സംവദിക്കാന്‍ ജോണ്‍സന്‍ എത്തിയത് ഏറെ കൗതുകമായി. അവയവങ്ങള്‍ക്ക് വൈകല്യം ബാധിച്ചാലും മനസ്സിന് അത് ബാധിച്ചാല്‍ ജീവിതം നഷ്ടമാകുമെന്ന് ഒരു സംരംഭകന്‍ കൂടിയായ ജോണ്‍സന്‍ വിദ്യാര്‍ത്ഥികളോട് പറഞ്ഞു. കുട്ടികള്‍ക്ക് പ്രചോദനം നല്‍കുന്നതായിരുന്നു അദ്ദേഹത്തിന്റെ തുറന്ന സംവാദം. ചടങ്ങില്‍ താമരശ്ശേരി ഉപജില്ല നൂമാറ്റ്സ് പരീക്ഷയില്‍ ജില്ലാതലത്തിലേക്ക് സെലക്ഷന്‍ നേടിയ ഫിദാ ഫാത്തിമക്കുള്ള ഉപഹാരവും ജോണ്‍സണ്‍ നല്‍കി. പി ടി എ പ്രസിഡന്റ് പി പി സലിം, ഹെഡ്മാസ്റ്റര്‍ പി വിജയന്‍, സുബൈര്‍ വൈറ്റ്ലാന്റ്, എം പി ബഷീര്‍, സി പി നസീഫ്, തസ്ലീന, പി രജില, വിസിത, സബിത സി എച്ച്, സുനീറ പി കെ തുടങ്ങിയവര്‍ സംസാരിച്ചു.
 
പുതുപ്പാടിയില്‍ വൃക്ക രോഗികള്‍ക്ക് മെഡിസിന്‍ കിറ്റ് വിതരണം ചെയ്തു
പുതുപ്പാടി: പുതുപ്പാടി ഗ്രാമപഞ്ചായത്ത് 2018-19 വാര്‍ഷിക പദ്ധതിയിലുള്‍പ്പെടുത്തി ഡയാലിസിസ് ചെയ്യുന്ന വൃക്ക രോഗികള്‍ക്കുള്ള മെഡിസിന്‍ കിറ്റ് വിതരണം ചെയ്തു. വിതരണോത്ഘാടനം ഗ്രാമ പഞ്ചായത്ത് പ്രസിഡണ്ട് പി ആര്‍ രാകേഷ് നിര്‍വഹിച്ചു. പഞ്ചായത്തിലെ രജിസ്റ്റര്‍ ചെയ്ത ഡയാലിസിസ് ചെയ്ത മുഴുവന്‍ കിഡ്‌നി രോഗികള്‍ക്കും തുടര്‍ച്ചയായി മെഡിസിന്‍ കിറ്റ് ലഭിക്കും. അതിനാവശ്യമായ ഫണ്ട് വകയിരുത്തും. വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ എം ഇ ജലീല്‍ അദ്ധ്യക്ഷത വഹിച്ചു. വൈസ് പ്രസിഡണ്ട് കുട്ടിയമ്മ മാണി, ബ്ലോക്ക് ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ ഒതയോത്ത് അഷ്‌റഫ്, വികസന കാര്യ സ്റ്റാന്റിംഗ് കമ്മിറ്റി ചെയര്‍മാന്‍ മുജീബ് മാക്കണ്ടി, മെമ്പര്‍ ആര്‍ എം അബ്ദുല്‍ റസാഖ്, മെഡിക്കല്‍ ഓഫീസര്‍ ഡോ. സഫീന, ജെ എച്ച് ഐ. ബിനു കുര്യന്‍, മേരിക്കുട്ടി എന്നിവര്‍ സംസാരിച്ചു.
 
നാളത്തെ കേരളം ലഹരിമുക്ത കേരളം: തീരദേശ സൈക്കിള്‍ യാത്രക്ക് സ്വീകരണം നല്‍കി
കോഴിക്കോട്: നാളത്തെ കേരളം ലഹരിമുക്ത കേരളം എന്ന ലക്ഷ്യത്തിനായി ഗ്രീന്‍ കെയര്‍ മിഷന്‍ ഗ്രാന്‍ഡ് സൈക്കിള്‍ ചലഞ്ചിന്റെ നേതൃത്വത്തില്‍ തിരുവനന്തപുരം മുതല്‍ കാസര്‍ഗോഡ് വരെ നടത്തുന്ന തീരദേശ സൈക്കിള്‍ യാത്രക്ക് കോഴിക്കോട് സിവില്‍ സ്റ്റേഷനില്‍ സ്വീകരണം നല്‍കി. എക്‌സൈസ് വകുപ്പിന്റെ കീഴില്‍ വിമുക്തി മിഷന്റെ നേതൃത്വത്തില്‍ നടപ്പാക്കിവരുന്ന 90 ദിന തീവ്ര ബോധവത്ക്കരണ പരിപാടിയുടെ പ്രചരണാര്‍ത്ഥമാണ് പരിപാടി സംഘടിപ്പിച്ചത്. ഗ്രീന്‍ കെയര്‍ മിഷന്‍ ഗ്രാന്‍ഡ് സൈക്കിള്‍ ചലഞ്ചിന്റെ നേതൃത്വത്തില്‍ നടത്തിയ സ്വീകരണത്തില്‍ ഭാരത് സ്‌കൗട്ട് ആന്റ് ഗൈഡ് കോഴിക്കോട് ജില്ലാ മിഷന്‍ ഒരുക്കിയ മെഗാ റാലിയുടെ സമാപനവും കോഴിക്കോട് സിവില്‍ സ്റ്റേഷന്‍ പരിസരത്ത് നടന്നു. ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ഉദ്ഘാടനം ചെയ്തു. മദ്യത്തിന്റേയും മയക്കുമരുന്നിന്റേയും കൈ പിടിയിലൊതുങ്ങി പോകുന്ന യുവതലമുറയെ രക്ഷിക്കേണ്ടത് നമ്മുടെ കടമയാണ്. ലഹരിക്കെതിരായ ശക്തമായ ക്യാമ്പയിന്‍ നമുക്കാവശ്യമാണ്. വിദ്യാര്‍ഥികള്‍ക്കിടയില്‍ വലിയ തോതില്‍ ലഹരി ഉപയോഗം കടന്നു വരികയാണ്. അത് മറ്റുള്ളവരിലേക്കും പകര്‍ന്നു നല്‍കാനുള്ള പ്രവണതയുണ്ട്. അതിനെതിരെ ശക്തമായ ജാഗ്രത പുലര്‍ത്തേണ്ടതുണ്ടെന്നും ബാബു പറശ്ശേരി പറഞ്ഞു. ലഹരി മുക്ത ജില്ലയായി കോഴിക്കോടിനെ മാറ്റുകയാണ് പ്രധാന ലക്ഷ്യമെന്ന് കലക്ടര്‍ എസ് സാംബശിവറാവു പറഞ്ഞു. ജില്ലയില്‍ പോലീസ്, എക്സൈസ് വകുപ്പുകള്‍ സംയുക്തമായി ക്വിക്ക് റസ്പോണ്‍സ് ടീം ഉണ്ടാക്കും. ഒരു ഹെല്‍പ്പ് ലൈനും സ്‌കൂളുകള്‍ കേന്ദ്രമാക്കി ഒരു നോഡല്‍ ഓഫീസറും ഉണ്ടാകും.
 
പുല്ലുമല-കന്നൂട്ടിപ്പാറ റോഡ് ഉദ്ഘാടനം ചെയ്തു
കട്ടിപ്പാറ: കൊടുവള്ളി ബ്ലോക്ക് പഞ്ചായത്ത് വാര്‍ഷിക പദ്ധതിയില്‍ ഉള്‍പ്പെടുത്തി നവീകരിച്ച കട്ടിപ്പാറ പഞ്ചായത്തിലെ പുല്ലുമല-കന്നൂട്ടിപ്പാറ റോഡിന്റെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് മൈമൂന ഹംസ നിര്‍വഹിച്ചു. അഞ്ച് ലക്ഷം രൂപ ചെലവഴിച്ചാണ് നാലു മീറ്റര്‍ വീതിയില്‍ കോണ്‍ക്രീറ്റ് പാത നിര്‍മ്മിച്ചത്. മെമ്പര്‍ രാജേഷ് ജോസ് മാസ്റ്റര്‍ അധ്യക്ഷത വഹിച്ചു. സ്ഥിരം സമിതി അധ്യക്ഷ ബീന ജോര്‍ജ്ജ്, ബ്ലോക്ക് പഞ്ചായത്ത് മെമ്പര്‍മാരായ റംല ഒ കെ എം കുഞ്ഞി, എ വി ലോഹിതാക്ഷന്‍, മുന്‍ ഗ്രാമപഞ്ചായത്ത് പ്രസിഡണ്ടുമാരായ പ്രേംജി ജയിംസ്, ബിജു കണ്ണന്തറ, വിവിധ കക്ഷി നേതാക്കളായ കെ സി ബഷീര്‍, എ ടി ഹാരിസ്, യു കെ അബിന്‍, മുസ്തഫ അമ്പായത്തോട്, അന്‍ഷാദ് മലയില്‍, എ ടി ദാവൂദ്, ജലീഷ് മലയില്‍, മുകുന്ദന്‍, ജാഫര്‍, ഗഫൂര്‍ നാസര്‍, അഷ്‌കര്‍, മജീദ്, ജയിംസ്, ബഷീര്‍ എന്നിവര്‍ പങ്കെടുത്തു.
 
എസ് വൈ എസ് സംഘ കൃഷി: മങ്ങാട് പൂപ്പൊയില്‍ വയലില്‍ കൃഷിയിറക്കി
പൂനൂര്‍: എസ് വൈ എസ് സംസ്ഥാന തലത്തില്‍ നടപ്പാക്കുന്ന സംഘ കൃഷി പദ്ധതി യുടെ ഭാഗമായി പൂനൂര്‍ സര്‍ക്കിള്‍ കമ്മറ്റിക്ക് കീഴില്‍ മങ്ങാട് പൂപ്പൊയില്‍ വയലില്‍ കൃഷിയിറക്കി. പൂനൂര്‍ സോണ്‍ പ്രസിഡണ്ട് അബ്ദുസ്സലാം ബുസ്താനി ഉദ്ഘാടനം ചെയ്തു. ജഅഫര്‍ സഖാഫി പൂപ്പൊയില്‍ അധ്യക്ഷത വഹിച്ചു. സയ്യിദ് സഹല്‍ മശ്ഹൂര്‍ അവേലം, കെ സി ഹുസൈന്‍ സഖാഫി പന്നൂര്‍, റഫീഖ് സഖാഫി മടത്തുംപൊയില്‍, അഫ്‌സല്‍ അഹ്സനി, അനസ് കാന്തപുരം, ടി പി സുബൈര്‍ എന്നിവര്‍ നേതൃത്വം നല്‍കി.
 
ഹരിത പഞ്ചായത്ത്, സീറോവേസ്റ്റ് പഞ്ചായത്ത് പദ്ധതി പ്രഖ്യാപനം നടത്തി
കോഴിക്കോട്: കോഴിക്കോടിനെ ശുചിത്വ ജില്ലയാക്കി മാറ്റുന്നതിന്റെ ഭാഗമായി നടത്തുന്ന ശുചിത്വ കോണ്‍ഫറന്‍സ് അവലോകന യോഗം ജില്ലാകലക്ടര്‍ സാംബശിവറാവുവിന്റെ അധ്യക്ഷതയില്‍ കലക്ട്രേറ്റ് കോണ്‍ഫറന്‍സ് ഹാളില്‍ ചേര്‍ന്നു. ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ശുചിത്വ പ്രതിജ്ഞ ചൊല്ലിക്കൊടുത്തു. എല്ലാ പഞ്ചായത്തുകളിലും മിനി എം സി എഫ് സ്ഥാപിക്കാന്‍ യോഗത്തില്‍ കലക്ടര്‍ നിര്‍ദ്ദേശം നല്‍കി. ഹരിത പഞ്ചായത്ത്, സീറോവേസ്റ്റ് പഞ്ചായത്ത് പദ്ധതി പ്രഖ്യാപനവും യോഗത്തില്‍ നടന്നു. ഹരിത പൗരന്‍, ഹരിത കുടുംബം, ഹരിത സ്ഥാപനം, ഹരിത പാഠശാല, ഹരിത വാര്‍ഡ്, സീറോ വേസ്റ്റ് പഞ്ചായത്ത്, ഹരിത പഞ്ചായത്ത് എന്നിങ്ങനെയാണ് പദ്ധതി നടപ്പിലാക്കുക. കൃത്യമായ മാലിന്യ പരിപാലനത്തിലൂടെ ഒരു വ്യക്തിക്ക് സ്വയം ഹരിത പൗരനായി പ്രഖ്യാപിക്കാം. മാലിന്യമുക്തമായ വീടുകള്‍ക്ക് വാര്‍ഡ് സാനിറ്റേഷന്‍ കമ്മിറ്റി ഹരിത കുടുംബബാഡ്ജ് നല്‍കും. ഹരിതകേരള മിഷന്റെ മാനദണ്ഡങ്ങള്‍ 70 ശതമാനത്തില്‍ കൂടുതല്‍ പാലിക്കുന്നുണ്ടെങ്കില്‍ സ്ഥാപനങ്ങളെ ഹരിത സ്ഥാപനമായി പ്രഖ്യാപിക്കും. ഇവര്‍ക്ക് ഹരിത സ്ഥാപന ബാഡ്ജ് നല്‍കും. ശാസ്ത്രീയ മാലിന്യ സംസ്‌കരണം, മിനി എം സി എഫ്, പൂന്തോട്ടം, ഔഷധതോട്ടം, പച്ചക്കറി തോട്ടം എന്നിവയുള്ള ഗ്രീന്‍ പ്രോട്ടോകോള്‍ പാലിക്കുന്ന വിദ്യാലയങ്ങളെയാണ് ഹരിത പാഠശാലയായി പ്രഖ്യാപിക്കുക. ഹരിത കര്‍മ്മ സേന, മിനി എം സി എഫ്, വൃത്തിയുള്ള പൊതു ഇടങ്ങള്‍, 60 ശതമാനം വീടുകളിലും ജൈവ മാലിന്യ സംസ്‌കരണ പദ്ധതി, വാര്‍ഡിലെ 60 ശതമാനം അജൈവ മാലിന്യങ്ങള്‍ ഹരിതകര്‍മ്മസേനക്ക് കൈമാറുന്നു എന്നിങ്ങനെയുളള വാര്‍ഡുകളെ ഹരിത വാര്‍ഡായി പ്രഖ്യാപിക്കും. ജില്ലാ ഭരണകൂടമാണ് സീറോ വേസ്റ്റ് പഞ്ചായത്തുകളെ തെരഞ്ഞെടുക്കുക. പൊതുസ്ഥലങ്ങള്‍ വൃത്തിയായി സൂക്ഷിക്കുക, 50 ശതമാനം സര്‍ക്കാര്‍ സ്ഥാപനങ്ങള്‍, സ്വകാര്യ സ്ഥാപനങ്ങള്‍, വീടുകള്‍ എന്നിവയില്‍ ജൈവ മാലിന്യ സംസ്‌കരണ ഉപാധികള്‍, കുറ്റമറ്റ എം സി എഫ് പ്രവര്‍ത്തനം, 60 ശതമാനം വീടുകളിലും ജൈവ മാലിന്യ സംസ്‌കരണ സംവിധാനം, പഞ്ചായത്തുകളിലെ 60 ശതമാനം വീടുകളിലും മുനിസിപ്പാലിറ്റിയില്‍ 70 ശതമാനം വീടുകളിലും അജൈവ മാലിന്യങ്ങള്‍ ഹരിതകര്‍മസേന കൈമാറണം, ശുചിത്വ സാക്ഷരത ഉറപ്പുവരുത്തുക എന്നീ മാനദണ്ഡങ്ങള്‍ പാലിക്കുന്ന പഞ്ചായത്തുകളെ സീറോ വേസ്റ്റ് പഞ്ചായത്തായി പ്രഖ്യാപിക്കും.
 
1 2 3
 
 
 

All rights reserved | Website developed and maintained by Zyonz Technologies