31-May-2020 (Sun)
 
 
 
1 2 3
 
സൗഹൃദങ്ങളുടെ പൊതു ഇടങ്ങള്‍ നിലനിര്‍ത്തുക: വി എം വിനു
താമരശ്ശേരി: വ്യക്തി ബന്ധങ്ങളും സൗഹൃദങ്ങളും സാങ്കേതിക വിദ്യയുടെ നാലതിരുകളില്‍ തളച്ചിടപ്പെടുകയും ആത്മാര്‍ത്ഥമായ സൗഹൃദങ്ങള്‍ക്ക് പകരം മനുഷ്യന്‍ അതാതു മതങ്ങളിലേക്കും ജാതിയിലേക്കും രാഷ്ട്രീയത്തിലേക്കും ചുരുങ്ങുകയും ചെയ്യുന്ന സാഹചര്യത്തില്‍ താമരശ്ശേരി ടൗണ്‍ ചേംബറിനെ പോലുള്ള സൗഹൃദങ്ങളുടെ പൊതു ഇടങ്ങള്‍ നിലനിര്‍ത്തണമെന്ന് പ്രശസ്ത സിനിമാ സംവിധായകന്‍ വി എം വിനു പറഞ്ഞു. താമരശ്ശേരി ടൗണ്‍ ചേംബറിന്റെ കുടുംബ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പി പി ഹാഫിസ് റഹ്മാന്‍ അദ്ധ്യക്ഷത വഹിച്ചു. മൈജി എം ഡി. എ കെ ഷാജി, ജില്ലാ പഞ്ചായത്ത് മെമ്പര്‍ നജീബ് കാന്തപുരം, അഡ്വ. ടി പി എ നസീര്‍ എന്നിവര്‍ സംസാരിച്ചു. യുവ സംരംഭകന്‍ എം പി അഷ്‌റഫിനേയും വയനാട് ജോയിന്റ് ആര്‍ ടി ഒ. സി വി എം ഷരീഫിനേയും താമരശ്ശേരി ടൗണ്‍ ചേംബര്‍ ആദരിച്ചു. എ കെ മുഹമ്മദാലി സ്വാഗതവും ടി കെ ഷരീഫ് നന്ദിയും പറഞ്ഞു.
 
കെ എസ് എഫ് പി എസ് ഒ സംസ്ഥാന സമ്മേളനം: സ്വാഗത സംഘം ഓഫീസ് ഉദ്ഘാടനം ചെയ്തു
കോഴിക്കോട്: ഡിസംബര്‍ 16,17 തിയ്യതികളില്‍ കോഴിക്കോട് ടൗണ്‍ ഹാളില്‍ വെച്ച് നടക്കുന്ന കേരള സ്റ്റേറ്റ് ഫോറസ്റ്റ് പ്രൊട്ടക്ടീവ് സ്റ്റാഫ് ഓര്‍ഗനൈസേഷന്റെ (കെ എസ് എഫ് പി എസ് ഒ) സംസ്ഥാന സമ്മേളനത്തിന്റെ ഭാഗമായി സ്വാഗത സംഘം ഓഫീസ് കെ എസ് എഫ് പി എസ് ഒ സംസ്ഥാന സമ്മേളന ചെയര്‍മാനും സി പി ഐ ജില്ലാ സെക്രട്ടറിയുമായ ടി വി ബാലന്‍ ഉദ്ഘാടനം ചെയ്തു. ടി എം സജീന്ദ്രന്‍ അധ്യക്ഷത വഹിച്ചു. പി വിജയന്‍, കെ ദാമോദരന്‍, സി വി സദാനന്ദന്‍, ശിവന്‍ തറയില്‍, അനില്‍ കുമാര്‍ എ, ബിനോയ് കുമാര്‍ ടി പി, പ്രദീപന്‍, പ്രദീപ് കുമാര്‍, ശ്രീലേഷ് കുമാര്‍ എന്നിവര്‍ സംസാരിച്ചു.
 
കവുങ്ങുള്ളകുന്ന് കോളനി സമഗ്ര വികസന പദ്ധതി ഉദ്ഘാടനം ചെയ്തു
കാവുംപുറം: പുതുപ്പാടി ഗ്രാമ പഞ്ചായത്തിലെ കവുങ്ങുള്ളകുന്ന് കോളനിയില്‍ കൊടുവള്ളി ബ്ലോക്ക് പഞ്ചായത്തിന്റെ വാര്‍ഷിക പദ്ധതിയില്‍ ഉള്‍പ്പെടുത്തി 10 ലക്ഷം രൂപ വകയിരുത്തി പ്രവൃത്തി ചെയ്ത കോളനി സമഗ്ര വികസന പദ്ധതി ബ്ലോക്ക് പഞ്ചായത്ത് പ്രസിഡണ്ട് മൈമൂന ഹംസ ഉദ്ഘാടനം ചെയ്തു. ബ്ലോക്ക് ഡിവിഷന്‍ മെമ്പര്‍ രാജേഷ് ജോസ് അദ്ധ്യക്ഷത വഹിച്ചു. വാര്‍ഡ് മെമ്പര്‍മാരായ ശാഫി വളഞ്ഞപാറ, കെ കെ നന്ദകുമാര്‍, സി ഡി എസ് വൈസ് ചെയര്‍ പേഴ്‌സണ്‍ ഷീബ സജി, കെ ടി ഇബ്രാഹിം, പി കെ സുലൈമാന്‍ മാസ്റ്റര്‍, രാജന്‍, ടി എം അസീസ്, ഷിബു തോമസ്, ശ്രീജ സന്തോഷ്, എന്‍ കെ ശാരദ എന്നിവര്‍ സംബന്ധിച്ചു.
 
ജില്ലാ സ്‌കൂള്‍ കലോത്സവം: വട്ടപ്പാട്ടില്‍ നേട്ടങ്ങളുമായി എളേറ്റില്‍ എം ജെ എച്ച് എസ് എസ്
എളേറ്റില്‍: ജില്ലാ സ്‌കൂള്‍ കലോത്സവത്തില്‍ വട്ടപ്പാട്ടില്‍ ഹൈസ്‌കൂള്‍, ഹയര്‍ സെക്കന്ററി വിഭാഗങ്ങളില്‍ ഒന്നാം സ്ഥാനം നേടി സംസ്ഥാന സ്‌കൂള്‍ കലോത്സവത്തില്‍ മത്സരിക്കാനൊരുങ്ങി എളേറ്റില്‍ എം ജെ ഹയര്‍ സെക്കന്ററി സ്‌കൂള്‍. കൂടാതെ ഫാത്തിമ ജെബിന്‍ അറബിക് കഥാ രചനയില്‍ സംസ്ഥാന തലത്തിലേക്ക് യോഗ്യത നേടി. നിയതി താര (മോണോ ആക്ട്), സിന്‍സി (നാടോടി നൃത്തം), ഹരിലക്ഷ്മി (സംസ്‌കൃതം ഗാനാലാപനം) എന്നീ വിദ്യാര്‍ത്ഥികളും വിദ്യാലയത്തെ പ്രതിനിധീകരിച്ച് എ ഗ്രേഡ് കരസ്ഥമാക്കി.
 
ഇന്ദിരാജിയുടെ ജന്മദിനത്തില്‍ അനുസ്മരണം നടത്തി
കിഴക്കോത്ത്: ഇന്ദിരാജിയുടെ ജന്‍മദിനത്തോടനുബന്ധിച്ച് കിഴക്കോത്ത് കച്ചേരിമുക്കില്‍ പുഷ്പാര്‍ച്ചന നടത്തി. ഡി സി സി മെമ്പര്‍ കെ കെ ആലി മാസ്റ്റര്‍ ഉദ്ഘാടനം ചെയ്തു. ഇന്ദിരാ പ്രിയദര്‍ശിനിയുടെ ഭരണനൈപുണ്യമുള്ള നേതാക്കള്‍ ഇതുവരെ ഇന്ത്യയില്‍ ഉണ്ടായിട്ടില്ലെന്ന് അദ്ദേഹം പറഞ്ഞു. കച്ചേരിമുക്കിലെ മുതിര്‍ന്ന കോണ്‍ഗ്രസ് പ്രവര്‍ത്തകരും കോണ്‍ഗ്രസ് സേവാദള്‍ ജവഹര്‍ ബാലജനവേദി, കര്‍ഷക കോണ്‍ഗ്രസ്, യൂത്ത് കോണ്‍ഗ്രസ് തുടങ്ങിയ കോണ്‍ഗ്രസ് പോഷക സംഘടനകളിലെ നേതാക്കന്‍മാരും പ്രവര്‍ത്തകരും പങ്കെടുത്തു. ടി എം മുഹമ്മദ് അധ്യക്ഷത വഹിച്ചു. എം എം അബൂബക്കര്‍, അസൈന്‍ പറക്കുന്നു, ഷമീര്‍ പരപ്പാറ, അഷ്‌റഫ് മാസ്റ്റര്‍ പന്നൂര്, അബ്ദുറഹ്മാന്‍ മണ്ഡപത്തില്‍, മൂസ പന്നൂര്‍, മൂസക്കുട്ടി, ജൗഹര്‍ ഫസല്‍ തുടങ്ങിയവര്‍ സംസാരിച്ചു.
 
എളേറ്റില്‍ ജി എം യു പി സ്‌കൂളില്‍ റേഡിയോ പ്രക്ഷേപണം ആരംഭിച്ചു
എളേറ്റില്‍: എളേറ്റില്‍ ജി എം യു പി സ്‌കൂള്‍ ഭാഷാ ക്ലബിന്റ ആഭിമുഖ്യത്തില്‍ ജി എം എഫ് എം തരംഗം റേഡിയോ പ്രക്ഷേപണം ആരംഭിച്ചു. പ്രശസ്ത ഗിറ്റാറിസ്റ്റ് സി എം അഹമ്മദ് കിഴിശ്ശേരി ഉദ്ഘാടനം നിര്‍വ്വഹിച്ചു. ആകാശവാണി ആര്‍ട്ടിസ്റ്റ് എ കെ വിജയന്‍ ലളിത സംഗീത പാഠം നടത്തി. തബലിസ്റ്റ് സൂ നീര്‍, ഹെഡ് മാസ്റ്റര്‍ എം അബ്ദുള്‍ ഷുക്കൂര്‍, കോര്‍ഡിനേറ്റര്‍ ധന്യ, ജാസ്മിന്‍, മിനി എന്നിവര്‍ സംബന്ധിച്ചു. എല്ലാ വെള്ളിയാഴ്ചയും ഉച്ചക്ക് അര മണിക്കൂര്‍ റേഡിയോ പ്രക്ഷേപണം നടത്തും.
 
വട്ടിക്കുന്നാം പൊയില്‍- പാലക്കണ്ടി റോഡ് ഉദ്ഘാടനം ചെയ്തു
ഈര്‍പ്പോണ: നവീകരണ പ്രവൃത്തി പൂര്‍ത്തീകരിച്ച വട്ടിക്കുന്നാം പൊയില്‍- പാലക്കണ്ടി റോഡ് ബ്ലോക്ക് പഞ്ചായത്ത് പ്രസിഡണ്ട് മൈമൂന ഉദ്ഘാടനം ചെയ്തു. ഗ്രാമ പഞ്ചായത്ത് വൈസ് പ്രസിഡണ്ട് നവാസ് ഈര്‍പ്പോണ അധ്യക്ഷത വഹിച്ചു. ജില്ലാ പഞ്ചായത്ത് മെമ്പര്‍ എം എ ഗഫൂര്‍ മാസ്റ്റര്‍ മുഖ്യാതിഥിയായിരുന്നു. പി കെ അഹമ്മദ് കുട്ടി മാസ്റ്റര്‍, പി പി പോക്കര്‍ മാസ്റ്റര്‍, വി കെ എ കബീര്‍, അബ്ദുല്‍ മജീദ്, വി കെ ഫസല്‍, എ കെ കാസിം മാസ്റ്റര്‍, ബാലന്‍ വി കെ, ഷാനവാസ് പി കെ, നൗഷാദ് എം കെ, വി കെ മുനീര്‍, വി കെ ഉണ്ണിമോയി, കുഞ്ഞി മുഹമ്മദ്, ലത്തീഫ് കെ ടി, ഷംസീര്‍ വി കെ തുടങ്ങിയവര്‍ സംബന്ധിച്ചു.
 
കോടഞ്ചേരി സെന്റ് ജോസഫ് എല്‍ പി സ്‌കൂളില്‍ വിദ്യാലയം പ്രതിഭകളോടൊപ്പം പദ്ധതിക്ക് തുടക്കമായി
കോടഞ്ചേരി: പൊതു വിദ്യാഭ്യാസവകുപ്പ് രൂപം നല്‍കിയ വിദ്യാലയം പ്രതിഭകളോടൊപ്പം പദ്ധതിയുടെ ഭാഗമായി കോടഞ്ചേരി സെന്റ് ജോസഫ് എല്‍ പി സ്‌കൂള്‍ വിദ്യാര്‍ത്ഥികള്‍ കുന്നത്ത് മത്തായി സാറിനെ അദ്ദേഹത്തിന്റെ ഭവനത്തില്‍ വെച്ച് പൊന്നാട അണിയിക്കുകയും ആഭിമുഖം നടത്തുകയും ചെയ്തു. സെന്റ് ജോസഫ് എല്‍ പി സ്‌കൂളിലെ ആദ്യ ബാച്ചിലെ വിദ്യാര്‍ത്ഥിയും കോടഞ്ചേരിയിലെ ആദ്യ കായിക അദ്ധ്യാപകനായി സേവനം അനുഷ്ടിച്ച വ്യക്തിയുമായിരുന്നു അദ്ദേഹം. കായിക വിദ്യാഭ്യാസത്തിന്റെ ആവശ്യകത, അവ ബുദ്ധിയുടെ വികസനത്തിന് നല്‍കുന്ന പ്രാധാന്യം, ആരോഗ്യമുള്ള വ്യക്തിയായി മാറാന്‍ എന്തൊക്കെ ചെയ്യണം എന്നിങ്ങനെ വിവിധ വിഷയങ്ങളില്‍ കുട്ടികളും മത്തായി സാറും തമ്മില്‍ ചര്‍ച്ച നടത്തി. കഴിവും പരിശ്രമവും മറ്റുള്ളവരുടെ പിന്തുണയും ലഭിക്കുന്നവര്‍ക്ക് പ്രതിഭകള്‍ ആകാമെന്ന് കുട്ടികള്‍ക്ക് മനസ്സിലാക്കാന്‍ കഴിഞ്ഞു. ഹെഡ്മാസ്റ്റര്‍ കെ സി തങ്കച്ചന്‍, അദ്ധ്യാപകരായ ബിനു, എം സെബാസ്റ്റ്യന്‍, പ്രിന്‍സി സെബാസ്റ്റ്യന്‍, ഷിജോ ജോണ്‍ എന്നിവര്‍ പങ്കെടുത്തു.
 
കേരളോത്സവം വോളി: കൊടുവള്ളി ബ്ലോക് തലത്തില്‍ താമരശ്ശേരി പഞ്ചായത്ത് ജേതാക്കള്‍
താമരശ്ശേരി: കോടഞ്ചേരിയില്‍ വെച്ച് നടന്ന കൊടുവള്ളി ബ്ലോക് ലെവല്‍ കേരളോത്സവം വോളിബോള്‍ മത്സരത്തില്‍ താമരശ്ശേരി പഞ്ചായത്ത് ടീം മടവൂരിനെ ഏകപക്ഷീയമായ മൂന്ന് സെറ്റുകള്‍ക്ക് തോല്‍പ്പിച്ചു. താമരശ്ശേരിക്ക് വേണ്ടി ഷനീത്, ഷോബിന്‍, ബില്‍ജിന്‍, അഭിജിത്ത്, ഫായിസ്, അനു ഫിയാസ്, വിഷ്ണു, സഫീര്‍, അശ്വിന്‍, നവീന്‍, ഷമീര്‍ എന്നിവരാണ് കളത്തിലറങ്ങിയത്. ജില്ലാ കേരളോത്സവത്തില്‍ കൊടുവള്ളി ബ്ലോക് പഞ്ചായത്തിനെ ഇനി ഇവര്‍ നയിക്കും.
 
വെളിമണ്ണ ജി എം യു പി സ്‌കൂളില്‍ വിദ്യാലയം പ്രതിഭകളോടൊപ്പം പദ്ധതിക്ക് ഉജ്ജ്വല തുടക്കം
ഓമശ്ശേരി: പൊതുവിദ്യാഭ്യാസ വകുപ്പ് ഈ വര്‍ഷം നടപ്പിലാക്കുന്ന വിദ്യാലയം പ്രതിഭകളോടൊപ്പം പദ്ധതി വെളിമണ്ണ ജി എം യു പി സ്‌കൂളില്‍ കൊടുവള്ളി സബ് ജില്ലാ വിദ്യാഭ്യാസ ഓഫീസര്‍ ശ്രീ മുരളീകൃഷ്ണന്‍ ഉദ്ഘാടനം ചെയ്തു. കേരള സര്‍ക്കാരിന്റെ ഫോക്ക്‌ലോര്‍ അക്കാദമി അവാര്‍ഡ് ജേതാവും പ്രശസ്ത മാപ്പിള കലാകാരനുമായ കൊഴിലാട്ട് സയ്യിദ് കുഞ്ഞു സീതിക്കോയ തങ്ങള്‍ളെ എ ഇ ഒ, ഹെഡ്മാസ്റ്റര്‍, അധ്യാപകര്‍ എന്നിവരോടൊപ്പം തിരഞ്ഞെടുക്കപ്പെട്ട വിദ്യാര്‍ഥികള്‍ എന്നിവര്‍ സന്ദര്‍ശിച്ച് ആദരിച്ചു.
 
1 2 3
 
 
 

All rights reserved | Website developed and maintained by Zyonz Technologies