22-Feb-2018 (Thu)
 
 
 
 
‍പ്രായപൂര്‍ത്തിയാവാത്ത പെണ്‍കുട്ടികളെ പീഡിപ്പിച്ച യുവാവ് അറസ്റ്റില്‍
   
vps
20-Apr-2015
 

താമരശ്ശേരി: അശ്ലീല രംഗങ്ങള്‍ കാണിച്ച് പ്രായപൂര്‍ത്തിയാവാത്ത പെണ്‍കുട്ടികളെ പീഡിപ്പിച്ച യുവാവ് അറസ്റ്റില്‍. അമ്പായത്തോട് മിച്ചഭൂമി കോളനിയിലെ താനിക്കല്‍ സന്തോഷ് കുമാറി(31)നെയാണ് താമരശ്ശേരി സി ഐ. എം ഡി സുനില്‍ അറസ്റ്റ് ചെയ്യത്. എട്ടിനും പത്തിനും ഇടയില്‍ പ്രായമുള്ള നിരവധി പെണ്‍കുട്ടികള്‍ പീഡനത്തിനിരയായതായി അന്വേഷണത്തില്‍ കണ്ടെത്തി. മിച്ചഭൂമിയിലെ ആള്‍താമസമില്ലാത്ത വീട്ടിലെത്തിച്ചാണ് മൊബൈലിലെ അശ്ലീല വീഡിയോകള്‍ പെണ്‍കുട്ടികളെ കാണിക്കുകയും തുടര്‍ന്ന് പീഡനത്തിനിരയാക്കുകയും ചെയ്യുന്നത്. ഒമ്പതുവയസ്സുകാരി അംഗന്‍വാടി ടീച്ചറോട് വിവരം പറയുകയും ചൈല്‍ഡ് ലൈനില്‍ ഇടപെട്ട് താമരശ്ശേരി പോലീസില്‍ പരാതിനല്‍കുകയുമായിരുന്നു. കേസെടുത്ത് അന്വേഷണം നടത്തിയ പോലീസ് സംഘം നിരവധി പെണ്‍കുട്ടികളെ ഇത്തരത്തില്‍ പീഡിപ്പിച്ചതായി കണ്ടെത്തി. കോഴിക്കോട് പ്രിന്‍സിപ്പല്‍ കോടതിയില്‍ ഹാജറാക്കിയ പ്രതിയെ 14 ദിവസത്തേക്ക് റിമാണ്ട് ചെയ്തു. നാല് പെണ്‍കുട്ടികളുടെ മൊഴി പോലീസ് രേഖപ്പെടുത്തി. കൂടുതല്‍ പേര്‍ പീഡനത്തിനിരയായോ എന്നും പോലീസ് പരിശോധിക്കുന്നുണ്ട്.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies