22-Apr-2018 (Sun)
 
 
 
 
‍മാഹി മദ്യവുമായി വലിയപറമ്പ സ്വദേശികള്‍ കൊടുവള്ളി പോലീസിന്റെ പിടിയില്‍
   
vps
26-May-2015
 

എളേറ്റില്‍: മാഹിയില്‍നിന്നും കടത്തിയ 45 കുപ്പി വിദേശമദ്യവുമായി രണ്ടുപേരെ കൊടുവള്ളി പോലീസ് പിടികൂടി. കിഴക്കോത്ത് വലിയപറമ്പ സ്വദേശികളായ കുണ്ടത്തില്‍ ഉബൈദ്(27), പൊന്‍പാറ മലയില്‍ അനീസ്(30) എന്നിവരെയാണ് കൊടുവള്ളി എസ് ഐ. പി ശശിധരന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. എളേറ്റില്‍ ചെറ്റക്കടവ് അങ്ങാടിക്കു സമീപം ഞായറാഴ്ച വൈകിട്ടായിരുന്നു സംഭവം. വാഹന പരിശോധനക്കിടെയാണ് സംഘം പോലീസിന്റെ പിടിയിലാത്. ഇവര്‍ സഞ്ചരിച്ച കെ എല്‍ 57 ജി 7309 നമ്പര്‍ ബൈക്കും പോലീസ് കസ്റ്റഡിയിലെടുത്തു. രണ്ട് ബാഗുകളിലായാണ് മാഹിയില്‍നിന്നും ബൈക്കില്‍ വിദേശമദ്യം എത്തിച്ചത്. ഏളേറ്റില്‍ വട്ടോളി, കത്തറമ്മല്‍, പൂനൂര്‍ പ്രദേശങ്ങളില്‍ വിദേശമദ്യം കരിഞ്ചന്തയില്‍ വില്‍പ്പന നടത്തുന്ന സംഘമാണ് പോലീസിന്റെ പിടിയിലായത്. സീനിയര്‍ സി പി ഒ ശാജി, സി പി ഒ മാരായ അബ്ദുല്‍ റഷീദ്, ബജീഷ് എന്നിവരും പോലീസ് സംഘത്തിലുണ്ടായിരുന്നു. പ്രതികളെയും വിദേശമദ്യവും തിങ്കളാഴ്ച താമരശ്ശേരി കോടതിയില്‍ ഹാജറാക്കും.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies