18-Jun-2018 (Mon)
 
 
 
 
‍താമരശ്ശേരിയില്‍ മാധ്യമ പ്രവര്‍ത്തകരെ അക്രമിച്ച സംഭവത്തില്‍ നാലുപേര്‍ അറസ്റ്റില്‍
   
vps
30-Jul-2015
 

താമരശ്ശേരി: മാധ്യമ പ്രവര്‍ത്തകരെ അക്രമിച്ച സംഭവത്തില്‍ നാലുപേര്‍ അറസ്റ്റില്‍. താമരശ്ശേരി കാരാടി പൊന്‍പാടത്തില്‍ സുനില്‍ കുമാര്‍ (ഉണ്ണി 36), പുതുപ്പാടി കൊട്ടാരക്കോത്ത് മംഗലത്ത് ശിബു കുമാര്‍ (36), പുതുപ്പാടി പെരുമ്പള്ളി കരുവന്‍കാവില്‍ മനോജ്(36) തച്ചംപൊയില്‍ തേറ്റാമ്പുറം തരിപ്പയില്‍ പ്രസുലാല്‍(35) എന്നിവരെയാണ് താമരശ്ശേരി പോലീസ് അറസ്റ്റ് ചെയ്തത്. കേരള പത്രപ്രവര്‍ത്തക അസോസിയേഷന്‍ ജില്ലാ ജോ. സെക്രട്ടറി സിദ്ദീഖ് പന്നൂര്‍, തേജസ് ലേഖകന്‍ പി കെ സി മുഹമ്മദ് എന്നിവരെയാണ് ഒരുസംഘം ആര്‍ എസ് എസ് പ്രവര്‍ത്തകര്‍ അക്രമിച്ചത്. ഞായറാഴ്ച രാത്രി ഏഴ്മണിയോടെ താമരശ്ശേരി പോലീസ് സ്റ്റേഷന് മുന്‍വശത്തായിരുന്നു സംഭവം. താമരശ്ശേരി സി ഐ ക്കെതിരായ മുദ്രാവക്യങ്ങളുമായി നൂറോളം വരുന്ന ആര്‍ എസ് എസ് പ്രവര്‍ത്തകര്‍ നടത്തിയ പ്രകടനത്തിന്റെ ദൃശ്യങ്ങള്‍ പകര്‍ത്തുന്നതിനിടെ മാധ്യമ പ്രവര്‍ത്തകരെ അക്രമിക്കുകയും കാമറകള്‍ നശിപ്പിക്കുകയുമായിരുന്നു. താമരശ്ശേരി ഡി വൈ എസ് പി. ആര്‍ ശ്രീ കുമാറിന്റെ നേതൃത്വത്തിലുള്ള പോലീസ് നിമിശനേരംകൊണ്ട് കുതിച്ചെത്തി അക്രമികളെ വിരട്ടി ഓടിക്കുകയായിരുന്നു. സംഭവത്തില്‍ കണ്ടാലറിയാവുന്ന അന്‍പതോളം പേര്‍ക്കിതെരെ വധശ്രമം ഉള്‍പ്പെടെയുള്ള വകുപ്പുകള്‍ പ്രകാരമാണ് പോലീസ് കേസെടുത്തത്. അറസ്റ്റിലായ നാലുപേരെയും താമരശ്ശേരി കോടതി 14 ദിവസത്തേക്ക് റിമാണ്ട് ചെയ്തു. മറ്റുള്ളവര്‍ക്കായി അന്വേഷണം ഊര്‍ജിതമാക്കിയതായി പോലീസ് പറഞ്ഞു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies