16-Nov-2018 (Fri)
 
 
 
 
‍ദുരിത ബാധിതര്‍ക്ക് 21 സെന്റ് സ്ഥലം നല്‍കി അനില്‍കുമാര്‍
   
vps
28-Aug-2018
 

കോഴിക്കോട്; ഒളവണ്ണ വില്ലേജില്‍ 21 സെന്റ് സ്ഥലം ദുരിത ബാധിതര്‍ക്ക് വീട് നിര്‍മ്മിക്കാന്‍ നല്‍കി മാതൃകയാവുകയാണ് കൊളളത്തറ വഴുക്കടക്കണ്ടി പി അനില്‍കുമാര്‍. കോഴിക്കോടന്‍ കുന്നിലെ തന്റെ സ്ഥലത്തിന്റെ രേഖകള്‍ കോഴിക്കോട് കളക്ടറേറ്റ് കോണ്‍ഫറന്‍സ് ഹാളില്‍ തൊഴില്‍ എക്സൈസ് വകുപ്പ മന്ത്രി ടി പി രാമകൃഷ്ണന് കൈമാറി. എ പ്രദീപ്കുമാര്‍ എം എല്‍ എ, ജില്ലാ കളക്ടര്‍ യു വി ജോസ്, എന്നിവരുടെ സാന്നിധ്യത്തിലാണ് രേഖകള്‍ കൈമാറിയത്. ജില്ലയില്‍ ആദ്യമായാണ് ദുരിതാശ്വാസ നിധിയിലേക്ക് ഭൂമി ലഭിക്കുന്നതെന്നും കൂടുതല്‍ ആളുകള്‍ ഈ മാര്‍ഗ്ഗം പിന്തുടരുമെന്ന് പ്രതീക്ഷിക്കുന്നുവെന്നും മന്ത്രി ടി പി രാമകൃഷ്ണന്‍ പറഞ്ഞു. പ്രളയത്തിന്‍ വീടു നഷ്ടപ്പെട്ടവര്‍ക്ക് ഫ്ളാറ്റ് നിര്‍മ്മിക്കുന്നതിന് ഭൂമി ഉപയോഗിക്കണമെന്നാണ് അഭ്യര്‍ത്ഥിച്ചിട്ടുളളതെന്ന് അനില്‍കുമാര്‍ പറഞ്ഞു. ഇവിടെ നിര്‍മ്മിക്കുന്ന വീട് വില്‍ക്കാന്‍ പാടില്ല. ഭൂരഹിതരും ഭവനരഹിതരുമായ ആളുകളെ സഹായിക്കാനുളള സര്‍ക്കാറിന്റെ അഭ്യര്‍ത്ഥന മാനിച്ചാണ് ഭൂമി കൈമാറുന്നതെന്ന് അനില്‍കുമാര്‍ പറഞ്ഞു. എ.ഡി.എം ടി ജനില്‍കുമാര്‍, തഹസില്‍ദാര്‍ അനിതകുമാരി തുടങ്ങിയവര്‍ പരിപാടിയില്‍ സംബന്ധിച്ചു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies