24-Sep-2018 (Mon)
 
 
 
 
‍കൊടുവള്ളിയില്‍ വീടിന്റെ പ്രവൃത്തിക്കിടെ സ്ലാബ് തകര്‍ന്നു വീണ് ഒരാള്‍ മരിച്ചു
   
vps
31-Aug-2018
 

കൊടുവള്ളി: ചുണ്ടപ്പുറം കിളച്ചാര്‍ വീട്ടില്‍ അബ്ദുല്‍ മജീദിന്റെ വീടിന്റെ പ്രവൃത്തിക്കിടെ സ്ലാബ് തകര്‍ന്നു വീണ് തൊഴിലാളി മരിച്ചു. ബാലുശ്ശേരി കണ്ണാടിപ്പൊയില്‍ കാപ്പിക്കുന്നുമ്മല്‍ സത്യന്‍ (50)ആണ് മരിച്ചത്. സാരമായി പരുക്കേറ്റ കുറുമ്പൊയില്‍ തോരാട് മലയില്‍ രാജന്‍(46), പൊട്ടന്‍കാവില്‍ ബിജു (45) എന്നിവര്‍ കോഴിക്കോട് മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. രാജന്റെ പരുക്ക് ഗുരുതരമാണ്. കണ്ണാടിപ്പൊയില്‍ കൂരിക്കുന്നുമ്മല്‍ ചെക്കന്‍(53) നിസ്സാര പരുക്കുകളോടെ രക്ഷപ്പെട്ടു.ബുധനാഴ്ച ഉച്ചക്ക് പന്ത്രണ്ട് മണിയോടെയായിരുന്നു അപകടം. തേപ്പ് ജോലിക്കിടെ വീടിന്റെ രണ്ടാം നിലയുടെ സണ്‍ഷൈഡ് അടര്‍ന്ന് വീഴുകയായിരുന്നു. സാരമായി പരുക്കേറ്റ മൂന്നുപേരെയും നാട്ടുകാര്‍ കോഴിക്കോട് മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും സത്യന്‍ വൈകിട്ടോടെ മരിച്ചു. മോര്‍ച്ചറിയിലേക്ക് മാറ്റിയ സത്യന്റെ മൃതദേഹം വ്യാഴാഴ്ച ഉച്ചയോടെ വീട്ടിലെത്തിച്ച് സംസ്‌കരിക്കും.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies