24-Sep-2018 (Mon)
 
 
 
 
‍തൊണ്ടവേദനക്കായി ചികിത്സക്കെത്തിയ യുവാവിന് പ്രമേഹത്തിനുള്ള മരുന്ന് നല്‍കിയതായി പരാതി
   
vps
13-Sep-2018
 

താമരശ്ശേരി: പനിയും തൊണ്ടവേദനയുമായി ചികിത്സക്കെത്തിയ യുവാവിന് പ്രമേഹത്തിനുള്ള ഗുളിക നല്‍കിയതായി പരാതി. താമരശ്ശേരി ചുടലമുക്ക് സ്വദേശി അജ്മലിനാണ് താമരശ്ശേരി താലൂക്കാശുപത്രിയില്‍ നിന്നും ശക്തമായ പ്രമേഹ രോഗമുള്ളവര്‍ക്ക് നല്‍കുന്ന മെറ്റ്‌ഫോര്‍മിന്‍ 500 എന്ന ഗുളിക നല്‍കിയത്. കഴിഞ്ഞ ദിവസമാണ് അജ്മല്‍ ചികിത്സ തേടിയത്. ഡോക്ടറുടെ കുറിപ്പില്‍ വേദനക്കുള്ള മെഫ്താല്‍ എന്ന ഗുളികയാണ് എഴുതിയതെന്നും ഫാര്‍മസിയില്‍ നിന്നും കുറിപ്പ് ശരിയായി പരിശോധിക്കാതെ ഗുളിക നല്‍കുകയായിരുന്നുവെന്നും അജ്മല്‍ പറഞ്ഞു. സംശയം തോന്നി മെഡിക്കല്‍ ഷോപ്പില്‍ അന്വേഷിച്ചപ്പോഴാണ് പ്രമേഹത്തിനുള്ള ഗുളികയാണെന്ന് വ്യക്തമായത്. ചെറിയ അക്ഷരത്തില്‍ കുറിപ്പ് എഴുതിയതാണ് മരുന്ന് മാറാന്‍ കാരണമെന്നാണത്രെ ഫാര്‍മസിയില്‍ നിന്നും അറിയിച്ചത്. ഫാര്‍മസിസ്റ്റിന്റെ അശ്രദ്ധയാണ് മരുന്ന് മാറാന്‍ കാരണമെന്ന് ഡോക്ടറും മറുപടി നല്‍കി. മരുന്ന് കഴിച്ചിരുന്നുവെങ്കില്‍ ഗുരുതരമായ ആരോഗ്യ പ്രശ്‌നങ്ങള്‍ സംഭവിക്കുമായിരുന്നുവെന്നും ആശുപത്രി അധികൃതരുടെ അനാസ്ഥക്കെതിരെ ആരോഗ്യ വകുപ്പ് മന്ത്രിക്കും ജില്ലാ മെഡിക്കല്‍ ഓഫീസര്‍ക്കും പരാതി നല്‍കുമെന്നും അജ്മല്‍ പറഞ്ഞു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies