18-Oct-2018 (Thu)
വ്യാഴാഴ്ച സംസ്ഥാനത്ത് ഹര്‍ത്താല്‍; ബി ജെ പി പിന്തുണ പോലീസിനെ വെട്ടിച്ച് കടന്ന പീഡന കേസ് പ്രതി അറസ്റ്റില്‍; മാതാപിതാക്കള്‍ ഉള്‍പ്പെടെ അഞ്ചുപേര്‍ റിമാണ്ടില്‍ അനര്‍ഹരായ കാര്‍ഡുടമകള്‍ പൊതുവിഭാഗത്തിലേക്ക് മാറ്റണം ബാലാവകാശ സംരക്ഷണ സമിതികളുടെ ശാക്തീകരണത്തിന് ശില്‍പ്പശാല നടത്തും പോലീസിനെ വെട്ടിച്ച് കടന്ന പീഡന കേസ് പ്രതിയെ കണ്ടെത്താനായില്ല പ്രളയക്കെടുതി: വ്യവസായ വാണിജ്യ സ്ഥാപനങ്ങളുടെ നഷ്ടകണക്കെടുക്കുന്നു റഫാല്‍ കരാര്‍ അഴിമതി; സംയുക്ത പാര്‍ലമെന്റ് കമ്മറ്റി അന്വേഷണം അവശ്യപ്പെട്ട് യൂത്ത് കോണ്‍ഗ്രസ് പോസ്റ്റ് ഓഫീസ് പിക്കറ്റിംഗ് നടത്തി അഞ്ച് ലിറ്റര്‍ ചാരായവുമായി കോടഞ്ചേരി സ്വദേശി പിടിയില്‍ പുതുപ്പാടി ഗ്രാമപഞ്ചായത്ത് ഓഫീസിലേക്ക് എല്‍ ഡി എഫ് മാര്‍ച്ച്
 
 
 
 
‍താമരശ്ശേരിയില്‍ റോഡ് കഴുകി പ്രതിഷേധം
   
vps
20-Sep-2018
 

താമരശ്ശേരി: താമരശ്ശേരിയില്‍ പൊടി ശല്യത്തിനെതിരെ റോഡ് കഴുകി പ്രതിഷേധം. വ്യാപാരി വ്യവസായി ഏകോപന സമിതി ചുങ്കം യൂണിറ്റ് കമ്മിറ്റിയാണ് ചുങ്കം ജംഗ്ഷനില്‍ റോഡ് കഴുകി പ്രതിഷേധിച്ചത്. കോഴിക്കോട് ബാംഗ്ലൂര്‍ ദേശീയ പാതയും കൊയിലാണ്ടി എടവണ്ണ സംസ്ഥാന പാതയും സംഗമിക്കുന്ന താമരശ്ശേരി ചുങ്കത്തെ ഗതാഗതക്കുരുക്കിനൊപ്പമാണ് പൊടി ശല്യവും വ്യാപാരികളെ ദുരിതത്തിലാക്കുന്നത്. നൂറുകണക്കിന് ടിപ്പറുകള്‍ ഉള്‍പ്പെടെയുള്ള വാഹനങ്ങള്‍ ദിനേനെ കടന്നു പോവുന്ന ഇവിടെ പതിവായി റോഡില്‍ വലിയ കുഴികള്‍ രൂപപ്പെടാറുണ്ട്. ഇത് പരിഹരിക്കാന്‍ ക്വാറി വേസ്റ്റ് ഇറക്കുന്നതാണ് പൊടിശല്യം രൂക്ഷമാവാനുള്ള കാരണം. വാഹനങ്ങള്‍ പോവുമ്പോള്‍ പാറപ്പൊടി ഉള്‍പ്പെടെ വ്യാപാര സ്ഥാപനങ്ങള്‍ക്കുള്ളില്‍ പറന്നെത്തുന്നത് വ്യാപാരികള്‍ക്ക് വലിയ നഷ്ടമാണുണ്ടാക്കുന്നത്. ഓട്ടോ തൊഴിലാളികളും കാല്‍നട യാത്രക്കാരും പൊടി ശല്യം കാരണം പ്രയാസത്തിലാണ്. ട്രാഫിക് ഡ്യൂട്ടിലുണ്ടാവുന്ന പോലീസുകാരും ഹോം ഗാര്‍ഡുകളുമാണ് പൊടിശല്യത്തിന് പ്രധാനമായും ഇരയാവുന്നത്. രണ്ട് മാസത്തോളമായി ഈ ദുരിതം അനുഭവിക്കുന്ന സാഹചര്യത്തിലാണ് അധികാരികളുടെ കണ്ണ് തുറപ്പിക്കാന്‍ റോഡ് കഴുകി പ്രതിഷേധിച്ചതെന്നും തുടര്‍ നടപടി ഉണ്ടായില്ലെങ്കില്‍ സമരമുറ മാറ്റുമെന്നും വ്യാപാരികള്‍ പറയുന്നു. പ്രശ്‌നത്തിന് പരിഹാരം കാണാന്‍ റോഡ് തകര്‍ന്ന ഭാഗത്ത് ടാറിംഗ് നടത്തണമെന്നാണ് നാട്ടുകാരും വ്യാപാരികളും ആവശ്യപ്പെടുന്നത്.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies