13-Dec-2018 (Thu)
 
 
 
 
‍താമരശ്ശേരി മിനി ബൈപ്പാസ് റോഡില്‍ സെപ്റ്റിക് മാലിന്യം ഒഴുക്കി വിട്ടു
   
vps
12-Oct-2018
 

താമരശ്ശേരി: താമരശ്ശേരി ടൗണിനോട് ചേര്‍ന്ന ജനവാസ കേന്ദ്രത്തില്‍ സെപ്റ്റിക് മാലിന്യം ഒഴുക്കി വിട്ടു. മിനി ബൈപ്പാസ് റോഡിലെ ഓവുചാലിലാണ് ഇരുട്ടിന്റെ മറവില്‍ സെപ്റ്റിക് മാലിന്യം ഒഴുക്കി വിട്ടത്. ഇന്നലെ പുലര്‍ച്ചെ പ്രദേശത്തുനിന്നും ദുര്‍ഗന്ധം വമിച്ചതിനെ തുടര്‍ന്ന് നാട്ടുകാര്‍ നടത്തിയ പരിശോധനയിലാണ് മാലിന്യം ഒഴുക്കിവിട്ടതായി കണ്ടെത്തിയത്. ഓവുചാലിലും സമീപത്തെ തോട്ടിലും മാലിന്യം കെട്ടിക്കിടക്കുന്ന അവസ്ഥയാണ്. ആരോഗ്യ വകുപ്പ് അധികൃതര്‍ സ്ഥലത്തെത്തി ബ്ലീച്ചിംഗ് പൗഡര്‍ വിതറിയെങ്കിലും തോട്ടിലേക്ക് ഒഴുകിയതിനാല്‍ പ്രദേശവാസികള്‍ ഭീതിയിലാണ്. ചൊവ്വാഴ്ച പകല്‍ സംശയാസ്പത സാഹചര്യത്തില്‍ ടാങ്കര്‍ ലോറി രണ്ടുതവണ ഇതു വഴി വന്നിരുന്നതായി തൊഴിലുറപ്പ് തൊഴിലാളികള്‍ പറയുന്നു. സീപത്തെ വ്യാപാര സ്ഥാപനങ്ങളിലെ സി സി ടി വി ദൃശ്യങ്ങള്‍ പരിശോധിച്ച് മാലിന്യം തള്ളിയവരെ കണ്ടെത്താനാവുമെന്നാണ് നാട്ടുകാരുടെ പ്രതീക്ഷ. താമരശ്ശേരി വെഴുപ്പൂര്‍ ഭാഗത്ത് പതിവായി സെപ്റ്റിക് ടാങ്ക് മാലിന്യം തള്ളിയതിനെ തുടര്‍ന്ന് ജനകീയ പെട്രോളിംഗ് ശക്തമാക്കിയിരുന്നു. ഇതേ തുടര്‍ന്നാണ് മാലിന്യം ഒഴുക്കാന്‍ ആളൊഴിഞ്ഞ മറ്റു പ്രദേശങ്ങള്‍ കണ്ടെത്തിയത്.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies