18-Nov-2018 (Sun)
 
 
 
 
‍സ്വകാര്യ ആശുപത്രി ഡോക്ടര്‍മാര്‍ക്ക് പരിശീലനം
   
vps
13-Oct-2018
 

കോഴിക്കോട്: ജില്ലയിലെ സ്വകാര്യ ആശുപത്രികളിലെ ഡോക്ടര്‍മാര്‍ക്ക് ആരോഗ്യവകുപ്പ് എച്ച് വണ്‍ എന്‍ വണ്‍ രോഗത്തെ സംബന്ധിച്ച് പരിശീലനം നല്‍കി. ജില്ലാ കലക്ടര്‍ യു വി ജോസ് പരിപാടി ഉദ്ഘാടനം ചെയ്തു. എച്ച് വണ്‍ എന്‍ വണ്‍ ബാധ പടരാതിരിക്കാന്‍ സ്വീകരിക്കേണ്ട മുന്‍കരുതലുകളെക്കുറിച്ചും ചികിത്സാ രീതികളെ കുറിച്ചും എച്ച് വണ്‍ എന്‍ വണ്‍ ജില്ലാ നോഡല്‍ ഓഫീസര്‍ ഡോ. മൈക്കിള്‍ ക്ലാസ് എടുത്തു. അഡി. മെഡിക്കല്‍ ഓഫീസര്‍ ഡോ. ആശാദേവി ,ആരോഗ്യ വകുപ്പ് ഉദ്യോഗസ്ഥര്‍ തുടങ്ങിയവര്‍ പങ്കെടുത്തു. വൈറസ് മൂലമുണ്ടാവുന്ന രോഗമാണ് ഇന്‍ഫ്ലൂവന്‍സ എ. തൊണ്ടവേദന, ജലദോഷം , ചുമ, പനി തുടങ്ങിയവയാണ് പ്രധാനലക്ഷണങ്ങള്‍. തുമ്മുകയും ചുമയ്ക്കുകയും ചെയ്യുമ്പോള്‍ രോഗാണു ഒരാളില്‍ നിന്ന് മറ്റൊരാളിലേയ്ക്ക് വ്യാപിക്കും. ഗര്‍ഭിണികള്‍, കുട്ടികള്‍, പ്രായാധിക്യമുള്ളവര്‍, നിത്യരോഗികള്‍ എന്നിവര്‍ക്ക് രോഗം പിടിപ്പെട്ടാല്‍ സങ്കീര്‍ണ്ണമാകും. തുമ്മുകയും, ചുമയ്ക്കുമ്പോഴും തൂവാല ഉപയോഗിക്കുക, സോപ്പുപയോഗിച്ച് കയ്യും മുഖവും ഇടക്കിടയ്ക്ക് കഴുകുക, രോഗ ലക്ഷണങ്ങള്‍ ഉണ്ടായാല്‍ സ്വയം ചികിത്സയ്ക്ക് വിധേയമാകാതെ ചികിത്സ തേടുക, എന്നിവയാണ് സ്വീകരിക്കേണ്ട മുന്‍കരുതലുകള്‍ . 100 ശതമാനം കുട്ടികള്‍ക്കും രോഗപ്രതിരോധ കുത്തിവെപ്പ് നല്‍കേണ്ടതാണ്. ഇതിന്റെ ഫലമായി വാക്‌സിന്‍ കൊണ്ട് തടയാവുന്ന രോഗങ്ങളെ പ്രതിരോധിക്കാന്‍ കഴിയും. എല്ലാ ആരോഗ്യകേന്ദ്രങ്ങളിലും കുത്തിവെപ്പ് സൗജന്യമാണ്.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies