18-Nov-2018 (Sun)
 
 
 
 
‍എല്ലാ താലൂക്കുകളിലും ജോയിന്റ് ആര്‍ ടി ഒ ഓഫീസുകള്‍ സ്ഥാപിക്കും: മന്ത്രി എ കെ ശശീന്ദ്രന്‍
   
vps
13-Oct-2018
 

കൊയിലാണ്ടി: എല്ലാ താലൂക്കുകളിലും ജോയിന്റ് ആര്‍ ടി ഒ ഓഫീസ് സ്ഥാപിക്കാനുള്ള പ്രവര്‍ത്തനങ്ങള്‍ ത്വരിതഗതിയില്‍ നടന്നു കൊണ്ടിരിക്കുകയാണെന്ന് ഗതാഗത വകുപ്പ് മന്ത്രി എ കെ ശശീന്ദ്രന്‍. കൊയിലാണ്ടി സബ് റീജ്യണല്‍ ട്രാന്‍സ്‌പോര്‍ട്ട് ഓഫീസിനായി അനുവദിച്ച പുതിയ കെട്ടിടം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കൊയിലാണ്ടി ഈസ്റ്റ് റോഡിലെ ഡ്രീം മാളില്‍ രണ്ടാം നിലയിലാണ് പുതിയ ഓഫീസ് സജ്ജമാക്കിയത്. വൃത്തിയും സൗകര്യവുമുള്ള ഓഫീസുകള്‍ ഉണ്ടാവണമെന്നും ഇതിന്റെ ഭാഗമായാണ് പഴയ ഓഫീസുകള്‍ മാറ്റി പുതിയത് സ്ഥാപിക്കുന്നതെന്നും മന്ത്രി അഭിപ്രായപ്പെട്ടു. ചടങ്ങില്‍ കെ ദാസന്‍ എം എല്‍ എ അദ്ധ്യക്ഷത വഹിച്ചു. നഗരസഭ ചെയര്‍മാന്‍ അഡ്വ. കെ സത്യന്‍, മുന്‍ എം എല്‍ എ. പി വിശ്വന്‍ മാസ്റ്റര്‍, കൊയിലാണ്ടി സി ഐ. കെ ഉണ്ണികൃഷ്ണന്‍, വാര്‍ഡ് കൗണ്‍സിലര്‍മാര്‍, വിവിധ രാഷ്ട്രീയ പാര്‍ട്ടി പ്രതിനിധികള്‍, വിവിധ സംഘടന പ്രതിനിധികള്‍ തുടങ്ങിയവര്‍ സംബന്ധിച്ചു. ഉത്തരമേഖല ഡെപ്യൂട്ടി ട്രാന്‍സ്‌പോര്‍ട്ട് കമ്മീഷണര്‍ ഡോ. പി എം മുഹമ്മദ് നജീബ് സ്വാഗതവും വടകര ആര്‍ ടി ഒ. വി വി മധുസൂദനന്‍ നന്ദിയും പറഞ്ഞു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies