18-Nov-2018 (Sun)
 
 
 
 
‍പോലീസിനെ വെട്ടിച്ച് കടന്ന പീഡന കേസ് പ്രതി അറസ്റ്റില്‍; മാതാപിതാക്കള്‍ ഉള്‍പ്പെടെ അഞ്ചുപേര്‍ റിമാണ്ടില്‍
   
vps
19-Oct-2018
 

തൊട്ടില്‍പാലം: പോലീസിനെ വെട്ടിച്ച് കടന്ന പീഡന കേസ് പ്രതി അറസ്റ്റില്‍. തൊട്ടില്‍പാലം മരുതോങ്കല്‍ പയ്യന്റവിടെ താഴെകുനി ശ്രീഷ്(20) ആണ് കണ്ണൂരിലേക്ക് രക്ഷപ്പെടാന്‍ ശ്രമിക്കുന്നതനിടെ കക്കട്ടില്‍ വെച്ച് പോലീസിന്റെ പിടിയിലായത്. പതിനാറുകാരിയെ വീട്ടിലെത്തിച്ച് പീഡിപ്പിച്ചുവെന്ന കേസില്‍ ഒക്ടോബര്‍ 8 ന് അറസ്റ്റിലായ ശ്രീഷിനെ പിറ്റേ ദിവസം കോടതി റിമാണ്ട് ചെയ്തിരുന്നു. തെളിവെടുപ്പിനായി 15 ന് പോലീസ് പ്രതിയെ കസ്റ്റഡിയില്‍ വാങ്ങി എസ് ഐ ബിജുവിന്റെ നേതൃത്വത്തിലുള്ള നാലംഗ പോലീസ് സംഘം മരുതോങ്കരയിലെ ശ്രീഷിന്റെ വീട്ടിലെത്തിച്ച് തെളിവെടുപ്പ് നടത്തുന്നതിനിടെയാണ് പ്രതി രക്ഷപ്പെട്ടത്. പ്രതി വീടിനുള്ളില്‍ കയറിയ ഉടനെ വാതില്‍ അടക്കുകയും പിന്നീട് പോലീസിനെ അക്രമിച്ച് രക്ഷപ്പെടുകയുമായിരുന്നു. ശ്രീഷിനെ രക്ഷപ്പെടാന്‍ സഹായിച്ച അച്ചന്‍ ശ്രീണിവാസന്‍, അമ്മ നിഷിധ, സുഹൃത്തുക്കളായ ചെമ്പനോട കളത്തേരില്‍ അഖില്‍സ സഹോദരന്‍ അമല്‍ ബിജു, പൂഴിത്തോട് കപ്പിലാമൂട്ടില്‍ ജോമറ്റ് എന്നിവരെ തൊട്ടില്‍പാലം പോലീസ് അറസ്റ്റ് ചെയ്തിരുന്നു. ഇവര്‍ റിമാണ്ടിലാണ്. കണ്ണൂരിലേക്ക് രക്ഷപ്പെടാന്‍ ശ്രമിക്കുന്നതിനിടെ വൈകിട്ട് നാലരയോടെ കക്കട്ടില്‍ വെച്ചാണ് പ്രതി പോലീസിന്റെ വലയിലായത്. കോഴിക്കോട് പോക്‌സോ കോടതിയില്‍ ഹാജറാക്കിയ പ്രതിയെ റിമാണ്ട് ചെയ്തു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies