18-Nov-2018 (Sun)
 
 
 
 
‍കട്ടിപ്പാറയിലും കൂടരഞ്ഞിയിലും കാര്‍ഷികാവബോധ പരിപാടികളുമായി ആത്മ
   
vps
25-Oct-2018
 

കട്ടിപ്പാറ: പ്രളയവും മണ്ണിടിച്ചിലും വ്യാപകനാശം വിതച്ച കട്ടിപ്പാറ, കൂടരഞ്ഞി പഞ്ചായത്തുകളെ പുനര്‍ജനി പദ്ധതിയില്‍ ഉള്‍പ്പെടുത്തി ഇവിടങ്ങളില്‍ കാര്‍ഷകസെമിനാറുകളും കാര്‍ഷികവിദഗ്ധരും കര്‍ഷകരും തമ്മിലുള്ള സമ്പര്‍ക്ക പരിപാടികളും സംഘടിപ്പിക്കാന്‍ ആത്മ ഗവേണിങ് ബോര്‍ഡ് യോഗം ചെയര്‍മാന്‍ കലക്ടര്‍ യു വി ജോസ് നിര്‍ദേശം നല്‍കി. കൂടുതല്‍ കര്‍ഷകര്‍ക്കു പ്രയോജനപ്പെടുന്ന രീതിയില്‍ ആത്മയ്ക്കു വേണ്ടത്ര പ്രചാരണം നല്‍കാന്‍ നടപടികള്‍ സ്വീകരിക്കണമെന്ന് അദ്ദേഹം ആവശ്യപ്പെട്ടു. ഉത്പന്നങ്ങള്‍ക്ക് വിപണി കണ്ടെത്താന്‍ പ്രയാസം നേരിടുന്നവര്‍ക്ക് രജിസ്ട്രേഷന്‍ നടത്തി വേങ്ങേരി മാര്‍ക്കറ്റില്‍ തിങ്കള്‍, വ്യാഴം ദിവസങ്ങളില്‍ പരസ്യലേലം വഴി സാധനങ്ങള്‍ വില്‍പ്പന ചെയ്യാവുന്നതാണെന്നും യോഗത്തില്‍ തീരുമാനമെടുത്തു. നൂതനശാസ്ത്രസാങ്കേതിക വിദ്യകളെക്കുറിച്ചുള്ള അറിവുകള്‍ കര്‍ഷകര്‍ക്ക് നല്‍കുന്നതിനായുള്ള കൃഷിവകുപ്പിന്റെ പ്രോഗ്രാമാണ് ആത്മ. വിജ്ഞാനവ്യാപനത്തിനു പുറമെ മണ്ണുപരിശോധനയുടെ അടിസ്ഥാനത്തില്‍ സോയില്‍ ഹെല്‍ത് കാര്‍ഡുകളുടെ വിതരണവും കാര്‍ഷികയന്ത്രവത്ക്കരണവും ആത്മയുടെ പ്രവര്‍ത്തനങ്ങളാണ്. യോഗത്തില്‍ പ്രിന്‍സിപ്പല്‍ കൃഷിഓഫിസര്‍ പി എന്‍ ജയശ്രി, ആത്മ പ്രൊജക്ട് ഡയറക്ടര്‍ ലേഖ കാര്‍തി, കൃഷിവകുപ്പ് ഡപ്യൂട്ടി ഡയറകടര്‍ എസ് ഷീല, ലീഡ് ബാങ്ക് മാനേജര്‍ കെ എം ശിവദാസന്‍, കൃഷിവിജ്ഞാന്‍ കേന്ദ്ര ശാസ്ത്രജ്ഞന്‍ പി രാധാകൃഷ്ണന്‍, ജില്ലാ കര്‍ഷക ഉപദേശക സമിതി അംഗങ്ങള്‍ തുടങ്ങിയവര്‍ പങ്കെടുത്തു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies