18-Nov-2018 (Sun)
 
 
 
 
‍സ്‌കൂട്ടറില്‍ കഞ്ചാവ് കടത്തുന്നതിനിടെ രണ്ടു പേര്‍ പിടിയില്‍
   
vps
31-Oct-2018
 

താമരശ്ശേരി: സ്‌കൂട്ടറില്‍ കഞ്ചാവ് കടത്തുന്നതിനിടെ വടക്കാഞ്ചേരി സ്വദേശികളായ രണ്ടുപേരെ താമരശ്ശേരി പോലീസ് അറസ്റ്റ് ചെയ്തു. വടക്കാഞ്ചേരി കാഞ്ഞിരക്കോട് പാറക്കല്‍ സുജീഷ്(22), കുമരനല്ലൂര്‍ കുന്നത്തുപീടികയില്‍ ഫാരിസ്(27) എന്നിവരാണ് പിടിയിലായത്. ഇവര്‍ സഞ്ചരിച്ച സ്‌കൂട്ടറും പോലീസ് പിടിച്ചെടുത്തു. വയനാട് ഭാഗത്തുനിന്നും വരികയായിരുന്ന ഇവരെ സംശയം തോന്നിയതിനെ തുടര്‍ന്ന് ചുരത്തില്‍ ട്രാഫിക് ഡ്യൂട്ടിയിലുണ്ടായിരുന്ന പോലീസ് തടഞ്ഞ് പരിശോധിക്കുകയായിരുന്നു. കഞ്ചാവ് കണ്ടെത്തിയതിനെ തുടര്‍ന്ന് ഇരുവരെയും താമരശ്ശേരി പോലീസ് സ്റ്റേഷനില്‍ എത്തിച്ച് അറസ്റ്റ് രേഖപ്പെടുത്തുകയായിരുന്നു. പ്രതികളെ താമരശ്ശേരി കോടതിയില്‍ ഹാജരാക്കി.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies