18-Nov-2018 (Sun)
 
 
 
 
‍നവജാത ശിശുവിനെയുമെടുത്ത് കിണറ്റില്‍ ചാടിയ അമ്മ മരിച്ചു
   
vps
31-Oct-2018
 

കൂടരഞ്ഞി: നവജാത ശിശുവിനെയുമെടുത്ത് കിണറ്റില്‍ ചാടിയ അമ്മ മരിച്ചു. കൂടരഞ്ഞി പനക്കച്ചാലിലെ പെണ്ണുട്ടിയുടെ മകളും നിലമ്പൂര്‍ കാരക്കോട് അമ്പാടന്‍ അജേഷിന്റെ ഭാര്യയുമായ അബിന(20) ആണ് മരിച്ചത്. ചൊവ്വാഴ്ചയായിരുന്നു സംഭവം. ഗര്‍ഭാവസ്ഥയില്‍ മാനസികാസ്വാസ്ഥ്യം പ്രകടിപ്പിച്ചിരുന്ന അബിന പ്രസവശേഷം രോഗം മൂര്‍ഛിച്ചതിനെ തുടര്‍ന്ന് ഒന്‍പത് ദിവസം പ്രായമായ കുട്ടിയെയുമെടുത്ത് കിണറ്റില്‍ ചാടുകയായിരുന്നുവെന്ന് പോലീസ് പറഞ്ഞു. മകളെയും പേരക്കുട്ടിയെയും കാണാതായതിനെ തുടര്‍ന്ന് മാതാവ് നടത്തിയ തിരച്ചിലിലാണ് ഇരുവരെയും കിണറ്റില്‍ കണ്ടെത്തിയത്. ഉടന്‍ തന്നെ അയല്‍വാസികള്‍ കിണറ്റില്‍ ഇറങ്ങി ഇരുവരെയും കരക്കെത്തിച്ചെങ്കിലും ആശുപത്രിയിലേക്കുള്ള യാത്രക്കിടെ അബിന മരിച്ചു. കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ച കുഞ്ഞ് അപകട നില തരണം ചെയ്തതായി ആശുപത്രി അധികൃതര്‍ അറിയിച്ചു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies