18-Nov-2018 (Sun)
 
 
 
 
‍വിധവയായ ആദിവാസി യുവതിയെ പീഡിപ്പിച്ച് ഗര്‍ഭിണിയാക്കിയതില്‍ വയനാട് സ്വദേശിക്കെതിരെ കേസ്
   
vps
01-Nov-2018
 

താമരശ്ശേരി: വിധവയായ ആദിവാസി യുവതിയെ പീഡിപ്പിച്ച് ഗര്‍ഭിണിയാക്കിയ വയനാട് സ്വദേശിക്കെതിരെ താമരശ്ശേരി പോലീസ് കേസെടുത്തു. പുല്‍പ്പള്ളി സ്വദേശി കുഞ്ഞുമോനെതിരെയാണ് പോലീസ് കേസ് രജിസ്റ്റര്‍ ചെയ്തത്. രണ്ട് മക്കളുടെ മാതാവായ യുവതി ഭര്‍ത്താവുമായി പിരിഞ്ഞാണ് കഴിയുന്നത്. 9 മാസം ഗര്‍ഭിണിയായ ഇവര്‍ അവശ നിലയില്‍ താമരശ്ശേരി താലൂക്ക് ആശുപത്രിയില്‍ ചികിത്സ തേടുകയായിരുന്നു. തുടര്‍ന്നാണ് പോലീസ് യുവതിയുടെ മൊഴി രേഖപ്പെടുത്തി കേസെടുത്തത്. പുതുപ്പാടി അടിവാരം ഭാഗത്ത് കൈത തോട്ടത്തില്‍ ജോലിക്കെത്തിയിരുന്ന യുവതിയെ ഇതേ തോട്ടത്തിലെ മാനേജറായ കുഞ്ഞുമോന്‍ രണ്ട് വര്‍ഷത്തോളമായി പീഡിപ്പിച്ചിരുന്നുവെന്നാണ് യുവതി മൊഴി നല്‍കിയത്. പ്രതിയെ ഉടന്‍ അറസ്റ്റ് ചെയ്യുമെന്ന് പോലീസ് അറിയിച്ചു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies